05/10/2026
⛰️ MAJA E KORABIT 2764 m – NJË TJETËR MAJË, NJË TJETËR HISTORI! 🇦🇱
Pas një nate të kaluar më 3 tetor, rrëzë Korabit, në Radomirë, më 4 tetor, në orën 07:00, ANGROS-at nisën ngjitjen drejt Majës së Korabit – 2764 metra mbi nivelin e detit, majës më të lartë në trojet shqiptare.
Një ditë e jashtëzakonshme. ☀️
Mot perfekt për ecje, shteg me disnivel të konsiderueshëm dhe kilometra që kërkonin forcë e qëndrueshmëri. Por ajo që e bëri këtë ngjitje të veçantë nuk ishte vetëm Korabi...
Ishte GRUPI! 🔥
Nga kilometri i parë deri në majë, mbizotëruan pozitiviteti, buzëqeshjet, adrenalina, shpirti i ekipit dhe dashuria për natyrën. Edhe pse shtegu kërkonte shumë, lodhja fizike pothuajse u harrua përballë kënaqësisë së ecjes, shoqërisë dhe emocionit për të arritur majën.
❤️ Faleminderit secilit prej jush!
Faleminderit për energjinë, pozitivitetin, disiplinën dhe gjallërinë që sollët në këtë aventurë. Ju e bëtë Korabin edhe më të bukur!
📸 Tani, lërini fotografitë të tregojnë historinë...
Momentet e kësaj aventure do të publikohen në disa albume, sepse një ditë e tillë meriton të ruhet gjatë. 🏔️
Dhe mbajeni mend këtë:
Pas pushimit veror, i cili ishte pak më i gjatë për ne, ANGROS-i është kthyer me ritëm të plotë! 🔥
Kanioni i Osumit, Gjeravica,Gjoli, Korabi...
Dhe kjo nuk është fundi.
Diçka e madhe po vjen!
Një tjetër majë.
Një tjetër shteg.
Një tjetër sfidë.
Një tjetër histori që do ta shkruajmë së bashku.
🏔️ ANGROS-a, RRINI GATI!
Sepse aventura e radhës mund të jetë pikërisht ajo që nuk e keni pritur... 😉
HAC “ANGROS”
Ecim. Eksplorojmë. Përjetojmë. 🏔️🔥
