Handikos Gjakovë

01/06/2026

20/05/2026

Sot në ambientet e Handikos Gjakovë u mbajt takimi koordinues me palët e interesit dhe komunitetin, në kuadër të projektit “Përmirësimi i Shërbimeve Sociale për Personat me Aftësi të Kufizuara në Gjakovë”, i financuar nga Ministria e Drejtësisë.
Gjatë takimit u prezantuan aktivitetet dhe shërbimet e realizuara gjatë periudhës Janar – Maj 2026, sfidat me të cilat përballemi si dhe planet për të ardhmen në funksion të përmirësimit të shërbimeve për personat me aftësi të kufizuara.
Takimi shërbeu si një hapësirë e rëndësishme për bashkëpunim, koordinim dhe diskutim të hapur mes institucioneve, organizatave dhe komunitetit, me qëllim forcimin e mbështetjes dhe përfshirjes për personat me aftësi të kufizuara.
Faleminderit të gjithë pjesëmarrësve për kontributin, diskutimet dhe gatishmërinë për bashkëpunim të vazhdueshëm!

14/05/2026

Pavarësisht sfidave dhe vështirësive, dyert e Handikos Gjakovë mbeten gjithmonë të hapura për personat me aftësi të kufizuara. ❤️

Si çdo të enjte, edhe sot qendra jonë u mbush me buzëqeshje, energji pozitive dhe momente argëtimi nga anëtarët tanë të mrekullueshëm. Përmes aktiviteteve të përbashkëta, vazhdojmë të krijojmë një hapësirë ku secili ndihet i pranuar, i vlerësuar dhe pjesë e familjes sonë.

Së bashku ndërtojmë një komunitet më gjithëpërfshirës, me më shumë dashuri, respekt dhe mundësi për të gjithë. 🤝💙

28/04/2026

Sot u zhvillua një sesion i i fokusuar në fuqizimin e shkathtësive të komunikimit me të rinjtë e Handikos Gjakovë.
Përmes bashkëbisedimit, ndarjes së përvojave dhe qasjeve praktike, u theksua rëndësia e një komunikimi të ndjeshëm, gjithëpërfshirës dhe respektues, që i jep zë dhe hapësirë secilit të ri.
Hap pas hapi, po ndërtojmë një shoqëri më të drejtë, më të hapur dhe më mbështetëse për të gjithë.
Ky sesion u realizua në kuadër të projektit ”Përmirësimi i Shërbimeve Sociale për Personat me Aftësi të Kufizuara në Gjakovë”, i financuar nga Ministria e Drejtësisë, implementuar nga Handikos Gjakovë

07/04/2026

Sot patëm kënaqësinë të mirëpresim dr. Shkëlzen Kurtaj nga Instituti Regjional i Shëndetit Publik, i cili mbajti një sesion informues për tuberkulozin me anëtarët e Handikos Gjakovë.

Në një atmosferë bashkëbisedimi dhe ndërgjegjësimi, pjesëmarrësit u informuan mbi rëndësinë e parandalimit, njohjen e hershme të simptomave dhe trajtimin e kësaj sëmundjeje, duke forcuar kështu kujdesin për shëndetin dhe mirëqenien e komunitetit.

Falënderojmë përzemërsisht dr. Shkëlzen Kurtaj për kontributin e tij të vlefshëm, profesionalizmin dhe gatishmërinë për të ndarë njohuritë me komunitetin tonë.

02/04/2026

Në këtë Ditë Ndërkombëtare të Autizmit, “Dyert e Hapura” nuk ishte vetëm një aktivitet – ishte një moment i bukur bashkimi, mirëkuptimi dhe shprese. Prania juaj e ngrohtë, interesimi dhe energjia pozitive që sollët e bënë këtë ditë edhe më kuptimplotë për ne. Ishte kënaqësi e veçantë të ndajmë nga afër punën tonë, përkushtimin dhe historitë që na motivojnë çdo ditë, si dhe të ndërtojmë ura të reja bashkëpunimi me secilin prej jush.

Faleminderit që besoni, që mbështesni dhe që ecni krah nesh drejt një shoqërie më të hapur, më të drejtë dhe më gjithëpërfshirëse për personat me autizëm. Së bashku po krijojmë më shumë se ndërgjegjësim – po krijojmë ndryshim të vërtetë 💙

Një falënderim i veçantë për Drejtorin e Shëndetësisë, z. Lulzim Goqi dhe stafin e tij, zyrtarët e Drejtorisë Komunale të Arsimit, zyrtarët e Sektorit për të Drejta të Njeriut dhe Barazi Gjinore, si dhe zyrtarët nga Zyra Komunale për Komunitete.

Gjithashtu, falënderojmë Organizatën Concordia dhe shkollat: “Emin Duraku”, “Ali Hasi”, “Zekeria Rexha” dhe “Ukshin Miftari” për pjesëmarrjen dhe mbështetjen e tyre.

25/03/2026

🌟 Ftesë për “Dyert e Hapura” – Dita Ndërkombëtare e Autizmit 🌟

Shoqata Handikos Gjakovë ju fton të bashkoheni me ne më 2 Prill, në kuadër të Ditës Ndërkombëtare të Autizmit, për aktivitetin tonë “Dyert e Hapura”.

📅 Data: 2 Prill
⏰ Ora: 10:30 – 15:00
📍 Vendi: Rr. “Tivari” Gjakovë

Ky aktivitet është një mundësi unike që:

✅ Nxënësit, qytetarët dhe institucionet të njihen më afër me punën dhe shërbimet tona.
✅ Të mësoni për aktivitetet tona dhe për mënyrat si mund të kontribuoni ose të përfshiheni.
✅ Të shihni nga afër si funksionojnë programet dhe projektet tona për mbështetjen e personave me autizëm.

🔹 Për shkak të aranzhimit të kohës, ju lutemi të na njoftoni paraprakisht për kohën kur planifikoni të na vizitoni në e-mail: [email protected]
Bashkohuni me ne për një ditë të mbushur me njohuri, ndërveprim dhe mbështetje për komunitetin e autizmit.

19/03/2026

🌟 Aktivitetet për shënimin e 21 Marsit, Ditës Ndërkombëtare të Personave me Sindromën Down, vazhduan sot në shkollën “Mazllom Kepuska”! 🌟

Nxënësit e Handikos Gjakovë patën mundësinë të bashkëpunojnë dhe të zhvillojnë aktivitete të përbashkëta me nxënësit e kësaj shkolle, duke krijuar momente gëzimi dhe inkluzioni. 💛💙

Një falënderim i madh për drejtoreshën znj. Jeta Mati, arsimtaren znj. Vlora Dushi, stafin e shkollës dhe të gjithë nxënësit për mikpritjen dhe angazhimin e tyre! 🙏

19/03/2026

🌟 Edhe sot po vazhdojnë aktivitetet për shënimin e 21 Marsit, Ditës Ndërkombëtare të Personave me Sindromën Down! 🌟
Sot filluam ditën në shkollën “Dy Dëshmorët” në Sheremet, ku fëmijët e Handikos Gjakovë së bashku me nxënësit e kësaj shkolle realizuan aktivitete të përbashkëta plot gëzim dhe kreativitet. 💛💙
Një falënderim i veçantë për drejtoreshën e shkollës, znj. Teuta Haxhiu, mësuesen znj.Shqipe Haxhiu, dhe gjithë stafin e shkollës, si dhe për nxënësit e saj për mikpritjen e ngrohtë! 🙏

18/03/2026

Sot u realizua me sukses aktiviteti në kuadër të 21 Marsit – Ditës Ndërkombëtare të Personave me Sindromën Down, i organizuar nga Handikos Gjakovë në bashkëpunim me Drejtorinë për Kulturë, Rini dhe Sport, në kuadër të projektit “Zëri i Artit – Zëri i Përfshirjes” financuar nga Ministria e Kulturës, Rinisë dhe Sportit.
Aktiviteti filloi me hapjen e ekspozitës artistike në Galerinë e Arteve, ku u prezantuan punime të veçanta si fotografi, piktura dhe modele 3D të trashëgimisë kulturore, të realizuara nga pjesëmarrësit e talentuar.
Më pas, në Sallën Universale të Pallatit të Kulturës “Asim Vokshi”, u mbajt programi kulturor-artistik, ku publiku pati mundësinë të shijojë një shfaqje teatrale dhe performanca vallëzimi nga grupet e Handikos Gjakovë.
Falënderim i veçantë për Kryesuesin e Kuvendit Komunal, z. Shefqet Shehu dhe Drejtoreshën e DKRS, znj. Adea Roka Pylla, për pjesëmarrjen dhe fjalët e tyre mbështetëse.
Gjithashtu, falënderojmë sinqerisht znj. Altina Kusari, z. Alban Kupa, z. Kushtrim Saraqini dhe z. Labërim Cermjani për kontributin e tyre të çmuar përgjatë realizimit të projektit “Zëri i Artit – Zëri i Përfshirjes”.
Ky aktivitet ishte një dëshmi e fuqishme e talentit, kreativitetit dhe rëndësisë së përfshirjes së personave me aftësi të kufizuara në jetën kulturore dhe shoqërore.
Faleminderit të gjithë pjesëmarrësve, bashkëpunëtorëve dhe të pranishmëve për mbështetjen dhe kontributin në promovimin e barazisë dhe përfshirjes në shoqërinë tonë.