Agim Lluka Foundation

15/09/2026

Sot mbushen 4 vjet nga themelimi i Fondacionit "Agim Lluka", një datë që nuk është rastësi, pasi përkon me ditëlindjen e Agim Llukës.
Për këtë rast të veçantë, zgjodhëm Shkollën "Vaso Pashë Shkodrani" në Pejë, shkollën ku vetë Agimi ka qenë nxënës. Realizuam një donacion me libra për nxënësit e kësaj shkolle.
Shkolla kishte përgatitur një fjalim rasti për këtë ditë, dhe ndamë bashkë një moment që bart kuptim të veçantë për familjen tonë.
Fondacioni "Agim Lluka" vazhdon të mbështesë arsimin dhe leximin në shkollat e Kosovës, duke kultivuar trashëgiminë e çmuar që ai na la pas.

15/09/2026

Sot mbushen 5 vjet nga themelimi i Fondacionit "Agim Lluka", një datë që nuk është rastësi, pasi përkon me ditëlindjen e Agim Llukës.
Për këtë rast të veçantë, zgjodhëm Shkollën "Vaso Pashë Shkodrani" në Pejë, shkollën ku vetë Agimi ka qenë nxënës. Realizuam një donacion me libra për nxënësit e kësaj shkolle.
Shkolla kishte përgatitur një fjalim rasti për këtë ditë, dhe ndamë bashkë një moment që bart kuptim të veçantë për familjen tonë.
Fondacioni "Agim Lluka" vazhdon të mbështesë arsimin dhe leximin në shkollat e Kosovës, duke kultivuar trashëgiminë e çmuar që ai na la pas.

29/01/2026

Fondacioni “Agim Lluka” realizoi sot një donacion me 132 libra në Klinikën e Psikiatrisë së Fëmijëve – Shërbimi Logopedik.
Ky donacion synon të ndihmojë fëmijët në zhvillimin e të folurit, komunikimit dhe aftësive gjuhësore, duke krijuar një ambient më mbështetës dhe më të pasur për terapinë logopedike.

Jemi të lumtur që përmes fondacionit tonë mund të kontribuojmë në përmirësimin e shërbimeve për fëmijët që kanë nevojë për kujdes të veçantë.

Falënderojmë stafin e Klinikës së Psikiatrisë së Fëmijeve për bashkëpunimin, veçanërisht logopeden Zyla Musliu. Fondacioni “Agim Lluka” mbetet i përkushtuar në mbështetjen e iniciativave që ndikojnë pozitivisht në mirëqenien dhe të ardhmen e fëmijëve.

16/09/2025

15/09/2025

Sot, me rastin e përvjetorit të tretë të themelimit të Fondacionit AGIM LLUKA, në hapësirat e Bibliotekës “Hivzi Sylejmani” u promovua libri Kosova ime, zemra ime – përmbledhje esesh nga konkursi letrar me motivin e 17 Shkurtit për nxënësit e shkollave tona. Ky projekt është mbështetur nga Fondacioni ynë dhe përbën një dëshmi të vlerës së madhe që bart krijimtaria e brezit të ri.

Kjo ngjarje pasqyron në mënyrë të natyrshme idealin e Agim Llukës, i cili gjatë gjithë jetës së tij u përkushtua për avancimin dhe zhvillimin kulturor të vendit, duke besuar fuqishëm se mbështetja e talentit të ri është një investim i paçmuar për të ardhmen. Ne ishim veçanërisht të lumtur që panë dritën e botimit shkrimet e krijuesve të rinj, të cilët me fjalët dhe ndjenjat e tyre të sinqerta dëshmuan dashurinë për atdheun. Kur krijimet e tyre të lira përkthehen në vepër të shkruar, hapet një dritare e re për kulturën tonë kombëtare.

Fondacioni AGIM LLUKA do të vazhdojë të mbështesë bibliotekën dhe t’u qëndrojë pranë projekteve që nxisin leximin, shkrimin dhe zhvillimin kulturor, duke kultivuar kështu trashëgiminë e çmuar që ai na la pas.