01/04/2026
𝐃𝐄𝐊𝐋𝐀𝐑𝐀𝐓𝐄̈ 𝐏𝐄̈𝐑 𝐌𝐄𝐃𝐈𝐀
𝐀𝐕𝐎𝐍𝐄𝐓: 𝐓𝐞̈ 𝐡𝐞𝐭𝐨𝐡𝐞𝐧 𝐮𝐫𝐠𝐣𝐞𝐧𝐭𝐢𝐬𝐡𝐭 𝐩𝐞𝐫𝐬𝐨𝐧𝐚𝐭 𝐩𝐞̈𝐫𝐠𝐣𝐞𝐠𝐣𝐞̈𝐬 𝐩𝐞̈𝐫 𝐝𝐲𝐬𝐡𝐢𝐦𝐞𝐭 𝐩𝐞̈𝐫 𝐦𝐚𝐬𝐡𝐭𝐫𝐢𝐦𝐞 𝐧𝐞̈ 𝐬𝐞𝐤𝐭𝐨𝐫𝐢𝐧 𝐞𝐧𝐞𝐫𝐠𝐣𝐞𝐭𝐢𝐤 𝐝𝐡𝐞 𝐟𝐢𝐧𝐚𝐧𝐜𝐢𝐚𝐫
AVONET është shumë e shqetësuar në lidhje me zhvillimet e fundit që janë ngritur në opinionin publik, në lidhje me dyshimet për mashtrim me njehsorët elektrik nga kompanitë KEDS dhe KESCO. Pas pranimint të disa informacioneve, nga burimet e sakta të informacionit, ne seriozisht dyshojmë se KEDS dhe KESCO duke keqpërdorur autorizimet që u janë dhënë përmes marrëveshjes së distribucionit të energjisë, ku kanë faturuar qytetarët me shuma marramendëse, që arrijnë miliona euro dëme, përmes njësorëve elektrikë përmes mashtrimit që ditëve të fundit është diskutuar shumë në hapësirën publike të Kosovës.
Në bazë të informacioneve që posedojmë, pronarët e lidhur me Çalık Holding, përkatësisht z. Ahmet Çalık dhe z. Özdemir, së bashku me menaxhmentin e KEDS dhe KESCO, dyshohet se kanë paraqitur para institucioneve shtetrore investime fiktive, në kundërshtim me detyrimet kontraktuale të privatizimit të ish-distribucionit të KEK-ut.
Këto veprime nuk mund të kenë ndodhur pa dijeninë dhe mosveprimin e ZRRE, e cila ka kompetencë dhe detyrim eksluziv ligjor të monitoroj tregun e energjisë në Kosovë. Për këtë arsye, ekziston dyshim i arsyeshëm për përfshirje dhe bashkëpërgjegjësi institucionale në këtë skemë të dyshuar mashtrimi. Dyshime serioze rëndojnë gjithashtu edhe mbi institucionet përgjegjëse për kalibrimin dhe kontrollin e saktësisë së orëve elektrike.
Këto dyshime nuk janë thjeshtë spekulime të pa baza. Ato janë të mbështetura nga analiza profesionale dhe fakte konkrete të prezantuara publikisht nga ekspert të ndryshëm dhe ekspertë të tjerë të fushës, të cilët prej kohësh kanë paralajmëruar për këtë fenomen.
Në bazë të informacioneve dhe dyshimeve tona ne konsiderojme se investimet e obliguara nuk janë realizuar qëllimisht nga kompanitë e lartpërmendura, ku përmes skemave fiktive, me qëllim përfitimi financiar në kurriz të qytetarëve dhe bizneseve nuk janë kryer investimet në infrastrukturën energjetike. Pasojat janë të dukshme në zonat urbanet, por me theks të veçantë në zonat rurale, ku infrastruktura e dobët energjetike po sjell dëme të mëdha për qytetarët dhe bizneset duke shkaktuar ndërprerje të shpeshta te energjisë elektrike dhe në disa raste të paparalajmëruara në ndërprerje te energjisë elektrike.
AVONET sipas informacioneve që posedon dyshon se në të njëjtën kohë një mashtrim i ngjashëm nga po këto pronarë ka ndodhur nga një institucion financiar i licencuar nga Banka Qendore e Kosovës, ku për vite me radhë ka dëmtuar klientët përmes një sistemi të sofistikuar financiar. Ku dyshohet se qytetarët janë ngarkuar me disa shuma financiare, të cilat bien ndesh me aktet normative në fuqi të vetë BQK-së, për të cilat dyshojmë se ekzistojnë edhe raporte, për të cilat do parashtrojmë kërkesë për qasje në të njejtat.
Burime nga Banka Qendrore e Kosovës kanë konfirmuar jozyrtarisht se gjatë ushtrimit të kompetencave të tyre, përmes mbikqyrjes, të cilat kanë ardhur nga ankesat e personave të ndryshëm janë evidentuar një mori shkeljesh, që për nga natyra e mashtrimit janë të ngjashme sikurse dyshimet për mashtrim me njesorë të energjisë elektrike.
Në këtë drejtim, kërkojmë nga Prokuroria Speciale e Republikës së Kosovës që të veprojë menjëherë, në përputhje me kompetencat ligjore, për hetimin e plotë, të pavarur dhe pa kompromis të këtyre rasteve.
Njëkohësisht, mendojme se nuk ka pasur transparencë të plotë dhe reagim të menjëhershëm nga Qeveria e Republikës së Kosovës, e cila nuk mund të qëndrojë e heshtur përballë një dëmi kaq të madh publik.
Gjithashtu, kërkojmë nga shtetet e QUINT-it që të shqyrtojnë seriozisht këto dyshime dhe, nëse konfirmohen përmes mekanizmave përkatës, të iniciojnë procedurat për njoftimin e institucioneve relevante në shtetet e tyre, me qëllim vlerësimin e mundësisë për përfshirjen e personave përgjegjës në listat e sanksioneve, në përputhje me legjislacionin dhe standardet ndërkombëtare për luftimin e krimit dhe abuzimit financiar.
