Handikos Ferizaj

05/06/2026

Me shumë përkushtim dhe angazhim nga stafi i Handikos Ferizaj, kemi përmbyllur me sukses modulin e parë të trajnimit për shkrimin e projekt propozimeve.

Ky modul shënoi një hap të rëndësishëm në fuqizimin e kapaciteteve profesionale, duke u fokusuar në bazat e hartimit të projekt propozimeve, nga identifikimi i nevojave deri te formulimi i objektivave, aktiviteteve dhe rezultateve të pritshme.

Përmes ushtrimeve praktike dhe punës në grup, stafi pati mundësi të angazhohet drejtpërdrejt në proces, duke forcuar njohuritë dhe aftësitë e tyre në mënyrë praktike dhe bashkëpunuese.

Përmbyllja e këtij moduli përbën një hap të rëndësishëm për Handikos Ferizaj, duke hapur rrugë për trajnime të mëtejshme dhe avancim të mëtejmë në shkrimin e projekteve cilësore.

Një falënderim i veçantë shkon për eksperten e trajnimit znj. Shqiponja Vokshi për profesionalizmin, përkushtimin dhe mbështetjen e ofruar gjatë gjithë procesit. Kontributi i saj ishte thelbësor në krijimin e një mjedisi të frytshëm mësimi dhe në avancimin e njohurive të stafit tonë në fushën e zhvillimit të projekteve.

"Ky aktivitet përkrahet nga programi i Fondacionit Kosovar për Shoqëri Civile (KCSF) ‘EJA Kosovë’, bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia."
KCSF

05/06/2026

Patëm kënaqësinë të mirëpresim në vizitë U.D. Presidenten e Republikës së Kosovës, znj. Albulena Haxhiu, së bashku me kandidatët për deputet, z. Naim Rexhaj, znj. Shqipe Jashari dhe znj. Adelina Grainca.

I falënderojmë për vizitën, interesimin dhe gatishmërinë për të dëgjuar nga afër punën dhe shërbimet që ofrojmë për personat me aftësi të kufizuara.

Gjatë takimit diskutuam për aktivitetet dhe angazhimin tonë të përditshëm, sfidat me të cilat përballemi, si dhe rëndësinë e mbështetjes së vazhdueshme për avancimin e të drejtave, përfshirjes dhe mirëqenies së personave me aftësi të kufizuara.

Vlerësojmë lart këtë vizitë dhe mbështetjen e treguar ndaj misionit dhe punës sonë, si dhe angazhimin për të dëgjuar dhe adresuar nevojat e komunitetit të personave me aftësi të kufizuara.

03/06/2026

1 Qershori – Dita Ndërkombëtare e Fëmijëve

"Çdo fëmijë meriton dashuri, përkrahje, kujdes dhe një buzëqeshje që ndriçon të ardhmen."

Ky aktivitet përkrahet nga programi i Fondacionit Kosovar për Shoqëri Civile (KCSF) ‘EJA Kosovë’,
bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

02/06/2026

Sot, në sheshin “Dëshmorët e Kombit” në Ferizaj, me rastin e 1 Qershorit – Ditës Ndërkombëtare të Fëmijëve, u realizua një aktivitet ndërgjegjësues i mbushur me emocione të bukura, buzëqeshje dhe shumë dashuri ❤️

Sheshi u shndërrua në një vend ku fëmijët ishin zemra dhe gjallëria e çdo momenti — me lojë, gëzim dhe shpresë për një të ardhme më të ndritshme 🌿

Kjo ditë na kujtoi edhe një herë se çdo fëmijë meriton dashuri, kujdes, mbrojtje dhe mundësi të barabarta për të ëndërruar, për të mësuar dhe për t’u rritur i lumtur.

Një falënderim i veçantë dhe plot mirënjohje për shkollat pjesëmarrëse:

• SHFMU ''Astrit Bytyçi''
• SHFMU "Tefik Çanga" - Ferizaj
• SHFMU "Liman Rekaj" Prelez i Muhaxherëve
• SHFMU “Ahmet Hoxha” -Ferizaj

Po ashtu, falënderim i sinqertë për Klubin e motoristëve Kastriotet Ferizaj Chopper, Kosovo Police Ferizaj 🏍️ për mbështetjen dhe energjinë që e bënë këtë ditë edhe më të veçantë.

Faleminderit të gjithëve që ish*t pjesë e kësaj dite të paharrueshme. Çdo buzëqeshje e fëmijëve ishte një kujtesë se investimi më i çmuar që mund të bëjmë është në lumturinë, mirëqenien dhe të ardhmen e tyre. ❤️🌟

Ky aktivitet përkrahet nga programi i Fondacionit Kosovar për Shoqëri Civile (KCSF) ‘EJA Kosovë’,
bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

KCSF
Ju shprehim mirënjohjen tonë të sinqertë për mbështetjen dhe përkushtimin tuaj në realizimin e fotografive, duke na ndihmuar të ruajmë dhe ndajmë momentet më të veçanta të aktivitetit. Bardha Goga Photographer

💙👧👦🌈

02/06/2026

📢 RISHPALLJE – THIRRJE PËR APLIKIM

Handikos Ferizaj ri-shpall thirrje për angazhimin e një Konsulenti për Menaxhimin e Stresit dhe Mirëqenien Psikologjike.

📌 Pozita: Konsulent për Menaxhimin e Stresit dhe Mirëqenien Psikologjike;
📌 Kohëzgjatja e angazhimit: 2 ditë;
📌 Aplikimi: [email protected];
📌 Afati i aplikimit: 12.06.2026, ora 23:59.

Ftohen të gjithë profesionistët e interesuar dhe të kualifikuar të aplikojnë brenda afatit të përcaktuar.

Bashkohu me ne në promovimin e mirëqenies psikologjike dhe fuqizimin e një mjedisi pune të shëndetshëm!

Ky aktivitet përkrahet nga programi i Fondacionit Kosovar për Shoqëri Civile (KCSF) ‘EJA Kosovë’,
bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.
KCSF

26/05/2026

Bashkohuni me ne më 1 Qershor për të festuar Ditën e Fëmijëve, në frymën e përfshirjes, barazisë dhe solidaritetit për të gjithë fëmijët.

📅 Data: 1 Qershor 2026
⏰ Ora: 10:30 – 12:30
📍 Lokacioni: Sheshi i Qytetit të Ferizajt

Gjatë aktivitetit do të sh*ten kartolina, ndërsa të ardhurat do të shkojnë për mbështetjen e shërbimeve sociale.

Ju mirëpresim!

Ky aktivitet përkrahet nga programi i Fondacionit Kosovar për Shoqëri Civile (KCSF) ‘EJA Kosovë’,
bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

KCSF

23/05/2026

Urime matura Lorik! 🎓

Sot është një ditë krenarie, gëzimi dhe emocioni për të gjithë ne. Rrugëtimi yt nuk ka qenë gjithmonë i lehtë, por me vullnetin, durimin dhe forcën që ke treguar, ke arritur një sukses shumë të madh. Ti je dëshmi se me përkushtim, mbështetje dhe besim në vetvete, çdo sfidë mund të tejkalohet.

Në emër të Handikos Ferizaj, jemi jashtëzakonisht krenarë me ty. Ke qenë dhe do të mbetesh frymëzim për shumë të rinj dhe familje.

Faleminderim i sinqertë për stafin dhe nxënësit nga "Shkolla e Mesme Ekonomike "Faik Konica"për mbështetjen, afërsinë dhe dashurinë që i kanë dhënë Lorikut gjatë gjithë këtij rrugëtimi. Përkrahja juaj ka pasur një vlerë të madhe njerëzore dhe emocionale.

Mirënjohje e veçantë për Ajvaz Karaliti — një baba i fortë, i palodhshëm dhe shembull i vërtetë i përkushtimit prindëror. Me shumë dashuri, sakrificë dhe pa u dorëzuar asnjëherë, ai dëshmoi se forca e një prindi mund të bëhet mbështetja më e madhe për suksesin e fëmijës së tij. Shembulli yt është frymëzim për shumë familje.

Lorik Karaliti, kjo maturë është vetëm fillimi i shumë arritjeve të tjera në jetën tënde. Ec gjithmonë krenar për rrugën që ke kaluar dhe për njeriun që je bërë. E ardhmja të pret me shumë suksese! 🌟

22/05/2026

Mirënjohës për bashkëpunimin dhe përkrahjen e vazhdueshme në rrugëtimin tonë drejt një shoqërie më gjithëpërfshirëse.

Faleminderit KCSF

20/05/2026

📢

𝗥𝗘𝗔𝗚𝗜𝗠

Koalicioni i OJQ-ve për Mbrojtjen e Fëmijëve – KOMF shpreh shqetësimin e thellë lidhur me rastin e raportuar në Komunën e Gjakovës, ku drejtori i një shkolle dyshohet për ngacmim seksual ndaj një fëmije 17-vjeçare.

KOMF i bën thirrje organeve të rendit dhe drejtësisë që të ndërmarrin të gjitha veprimet dhe masat e nevojshme, në përputhje me legjislacionin në fuqi, duke garantuar trajtim me prioritet të rastit, mbështetjen e menjëhershme të fëmijës dhe vendosje të drejtësisë. KOMF kërkon llogaridhënie të plotë dhe transparencë në trajtimin e rastit, në mënyrë që raste të tilla të mos mbeten pa ndëshkim.

KOMF kërkon forcimin e mekanizmave për verifikim të personelit arsimor, përmes vlerësimit të integritetit profesional, respektimit të standardeve etike dhe mekanizmave të mbrojtjes së fëmijëve, me qëllim garantimin e sigurisë dhe mirëqenies së fëmijëve në institucionet arsimore, si dhe zbatimin e trajnimeve të detyrueshme dhe të vazhdueshme për stafin mbi mbrojtjen e fëmijëve dhe parandalimin e abuzimit.

KOMF rithekson nevojën për zbatim të plotë dhe efektiv të Politikës për Mbrojtjen e Fëmijëve në institucione arsimore, me qëllim krijimin e një mjedisi të sigurt, mbrojtës dhe gjithëpërfshirës për çdo fëmijë, duke garantuar gjithashtu mekanizma të sigurt dhe të besueshëm raportimi për fëmijët brenda shkollave.

Njëkohësisht, KOMF u bën thirrje prindërve, profesionistëve dhe gjithë komunitetit që të tregojnë kujdes të shtuar për mbrojtjen e fëmijëve, të raportojnë dhe reagojnë ndaj çdo dyshimi apo veprimi që cenon sigurinë, integritetin dhe mirëqenien e tyre.

KOMF u bën thirrje edhe fëmijëve dhe bashkëmoshatarëve që të raportojnë çdo sjellje, veprim apo situatë që cenon integritetin, dinjitetin dhe sigurinë e tyre.

Rastet e tilla po krijojnë një mjedis të pasigurt dhe jo mbrojtës për fëmijët, duke dëmtuar mirëqenien e tyre fizike, emocionale e psikologjike, duke ulur motivimin për ndjekjen e shkollës dhe duke ndikuar drejtpërdrejt në performancën dhe zhvillimin e tyre arsimor.

20/05/2026

Sot u mbajt takimi i radhës me grupin e prindërve “Zëri Ynë”.

Gjatë takimit u punua dhe u diskutua mbi çështje me rëndësi që lidhen me arsimin, qasjen në shërbime, shëndetësinë dhe përfshirjen sociale të personave me aftësi të kufizuara. Prindërit ndanë përvojat, sfidat dhe rekomandimet e tyre, duke kontribuar në forcimin e bashkëpunimit dhe mbështetjes së ndërsjellë.

Po ashtu, u dakordua që takimet e radhës të fokusohen në takime direkte me institucionet relevante, me qëllim adresimin e nevojave dhe ngritjen e çështjeve që preokupojnë familjet dhe personat me aftësi të kufizuara.

Takimi shërbeu si një hapësirë e rëndësishme për dialog, informim dhe fuqizim të zërit të prindërve në promovimin e të drejtave dhe gjithëpërfshirjes sociale.

Ky aktivitet përkrahet nga programi i Fondacionit Kosovar për Shoqëri Civile (KCSF) ‘EJA Kosovë’,
bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

KCSF