CEDE - Center for Education and Development of Environment

09/09/2026

♻️ Lagje pas lagjeje, ndarja e mbeturinave po bëhet pjesë e përditshmërisë në Junik!

Pas Lagjes “Agim Ramadani”, tashmë edhe familjet e Lagjes “7 Shtatori” u pajisën me shporta të verdha 240L për mbeturinat e riciklueshme. Krahas shportave, banorët morën materiale informuese dhe udhëzime praktike për ndarjen e duhur të mbeturinave në shtëpi.

Si CEDE, jemi të lumtur që po mbështesim zbatimin e kësaj nisme, duke kontribuar në informimin dhe përfshirjen e banorëve. Me mbështetjen e Qeverisë Gjermane përmes GIZ dhe në bashkëpunim me Komunën e Junikut, kjo nismë i kthen në veprime konkrete objektivat e Planit të Integruar Ndërkomunal të Menaxhimit të Mbeturinave për Zonën 3, ku bën pjesë edhe Juniku. Njëkohësisht, ajo kontribuon në zbatimin e Strategjisë së Kosovës për Menaxhimin e Integruar të Mbeturinave, duke e nisur ndryshimin nga ndarja e mbeturinave në çdo familje.

Gjatë takimit, Kryetari i Komunës së Junikut, z. Ruzhdi Shehu, theksoi rëndësinë e përfshirjes së çdo qytetari në këtë proces: “Ndarja e mbeturinave është përgjegjësi e të gjithëve! Sa më shumë kujdes të tregojmë në ndarjen dhe menaxhimin e mbeturinave, aq më pranë jemi një Juniku më të pastër dhe më të qëndrueshëm.”

Çdo familje që i bashkohet këtij sistemi kontribuon në më shumë materiale të ndara për riciklim dhe më pak mbeturina në deponi. Hapi i radhës është zgjerimi gradual edhe në lagjet e tjera të Junikut. 🏡♻️

03/09/2026

♻️ Jemi të lumtur që po e mbështesim Komunën e Junikut në zgjerimin e sistemit të ndarjes së mbeturinave në burim, tashmë edhe në Lagjen “7 Shtatori”!

Ky është një tjetër hap i rëndësishëm drejt një Juniku më të pastër dhe më të qëndrueshëm. 🌱

📅 E hënë, 7 shtator 2026
🕠 Ora 17:30
📍 Fusha Sportive, Lagjja “7 Shtatori”

Familjeve të lagjes do t’u shpërndahen pa pagesë shporta të verdha 240L për mbeturinat e riciklueshme, si dhe broshura informuese me udhëzime për përdorimin e tyre.

Pastërtia fillon me ndarjen! ♻️

Komuna Junik GIZ Kosovo

Ndarja e mbeturinave në burim - Lagjja “7 Shtatori”

Komuna e Junikut, me mbështetjen e Qeverisë Gjermane përmes GIZ, po vazhdon me hapa konkretë për përmirësimin e menaxhimit të mbeturinave dhe krijimin e një sistemi më të pastër dhe më të qëndrueshëm për të gjithë qytetarët.

Pas fazës së parë të zbatuar në Lagjen “Agim Ramadani”, sistemi i ndarjes së mbeturinave në burim po zgjerohet tashmë edhe në Lagjen “7 Shtatori”, ku familjet do të pajisen me shporta të verdha 240L për mbeturinat e riciklueshme.
Lagjja “7 Shtatori” është hapi i radhës në këtë proces, ndërsa synimi i Komunës është që sistemi i ndarjes së mbeturinave në burim të zgjerohet gradualisht në të gjithë Komunën e Junikut.

Të hënën, më 7 shtator 2026, nga ora 17:30, te Fusha Sportive në Lagjen “7 Shtatori”, do të organizohet shpërndarja pa pagesë e shportave për familjet e lagjes. Banorët do të pajisen gjithashtu me broshurë informuese dhe do të njoftohen për mënyrën e përdorimit të shportave dhe ndarjes së mbeturinave.
Gjatë ditës së nesërme, familjet e lagjes do të vizitohen derë më derë dhe do të pranojnë edhe ftesën zyrtare për pjesëmarrje në aktivitet.
Bashkëpunimi i qytetarëve është thelbësor për funksionimin e këtij sistemi dhe për një Junik më të pastër dhe më të qëndrueshëm.
Pastërtia fillon me ndarjen!

02/09/2026

🌟 Vullnetarizmi meriton të njihet!

Çmimet e Vullnetarizmit të Vitit 2026 janë hapur për aplikime dhe nominime, për të vlerësuar individë, biznese, përfaqësues/e të diasporës, figura publike dhe vullnetarë/e me kontribut jetësor që kanë sjellë ndryshim pozitiv në komunitet.

Si miq të vullnetarizmit, CEDE i bashkohet TOKA-s në këtë thirrje dhe ju ftojmë të nominoni të tjerët, apo të vetënominoheni për kontributin tuaj në vullnetarizëm.

*Vini re, do të vlerësohet kontributi i dhënë vetëm gjatë periudhës maj 2025 – korrik 2026 (përpos çmimit “Vullnetari/ja me Kontribut Jetësor i/e Vitit”).

📅 Afati i fundit për nominime/vetënominime është 25 tetor 2026.

🔗 Nomino përmes linkut:
https://toka-ks.org/nominimet-per-cmimet-e-vullnetarizmit-te-vitit-2026-jane-te-hapura/

06/08/2026

♻️ Komuna e Junikut po vazhdon zbatimin e sistemit të ndarjes së mbeturinave në burim!

Në kuadër të kësaj iniciative, CEDE, me mbështetjen e Qeverisë Gjermane përmes GIZ, në bashkëpunim me Komunën e Junikut, ka zhvilluar një sërë aktivitetesh informuese dhe ndërgjegjësuese për të mbështetur zbatimin e sistemit të ri të ndarjes së mbeturinave.

Gjatë kësaj periudhe janë organizuar takime me banorët e lagjes “Agim Ramadani”, janë realizuar pyetësorë për të kuptuar nevojat dhe perceptimet e tyre, si dhe janë shpërndarë broshura informuese dhe stikerë për të lehtësuar ndarjen e mbeturinave sipas kategorive. Banorët janë informuar për funksionimin e sistemit të ri me tri shporta, orarin e ri të grumbullimit dhe rëndësinë e ndarjes së mbeturinave në burim për një mjedis më të pastër dhe më të qëndrueshëm.

Takimet u karakterizuan nga diskutime pozitive dhe konstruktive, duke dëshmuar gatishmërinë e të gjitha palëve për të kontribuar në suksesin e kësaj nisme. Kompania e menaxhimit të mbeturinave u zotua për grumbullim të rregullt dhe efikas, ndërsa qytetarët u angazhuan të ndajnë mbeturinat sipas kategorive të përcaktuara.

06/08/2026

💧 Raporti për Replikimin e Sistemit të Grumbullimit të Ujit të Shiut prezanton përvojën e CEDE në projektimin, ndërtimin dhe funksionalizimin e sistemit të grumbullimit të ujit të shiut në SHFMU “Xheladin Gashi – Plaku” në Komoran, Komuna e Drenasit, duke ofruar një model praktik për replikim në shkolla, komuna dhe institucione të tjera publike.

Raporti përmbledh hapat kryesorë të planifikimit dhe zbatimit, specifikimet teknike, aspektet financiare dhe organizative, si dhe mësimet e nxjerra gjatë implementimit. Gjithashtu, ai ofron rekomandime praktike për institucionet që dëshirojnë të zbatojnë sisteme të grumbullimit të ujit të shiut dhe të kontribuojnë në menaxhimin e qëndrueshëm të resurseve ujore dhe adaptimin ndaj ndryshimeve klimatike.

Raportin mund ta lexoni dhe shkarkoni këtu: https://cede-ks.org/blog/raporti-per-replikimin-e-sistemit-te-grumbullimit-te-ujit-te-shiut/

Ky dokument është përgaditur në kuadër të projektit “Shi për qëndrueshmëri – Forcimi i praktikave lokale të përdorimit të ujit” i zbatur nga OJQ CEDE – Qendra për Edukim dhe Zhvillim Mjedisor, mbështetur nga Menaxhimi i Integruar i Resurseve Ujore në Kosovë (IWRM-K), Program i Agjencisë Zvicerane për Zhvillim dhe Bashkëpunim (SDC) dhe i Qeverisë së Kosovës, i zbatuar nga SKAT (Zvicër) në konsorcium me Agjencinë Austriake të Mjedisit (EAA).

22/07/2026

💧 Nga zbatimi në replikim - grumbullimi i ujit të shiut si një model për menaxhim të qëndrueshëm të resurseve ujore

Sot, Qendra për Edukim dhe Zhvillim Mjedisor (CEDE) organizoi eventin përmbyllës të projektit "Shi për Qëndrueshmëri", duke shënuar përmbylljen e një iniciative që solli në praktikë një model të qëndrueshëm për grumbullimin dhe përdorimin e ujit të shiut në SHFMU "Xheladin Gashi – Plaku" në Komoran.

Gjatë eventit u prezantuan rezultatet e arritura përgjatë zbatimit të projektit, si dhe Dokumenti i Replikimit, një udhëzues praktik i përgatitur nga CEDE, i cili ofron rekomandime teknike, organizative dhe institucionale për komunat, shkollat dhe institucionet publike që synojnë të zbatojnë sisteme për grumbullimin dhe përdorimin e ujit të shiut. Dokumenti synon ta shndërrojë përvojën e fituar në Komoran në një model të zbatueshëm dhe të qëndrueshëm në nivel vendi.

Eventi vijoi me panelin diskutues "Nga sfidat te zgjidhjet: Menaxhimi i resurseve ujore dhe replikimi i modeleve të qëndrueshme në Kosovë", nën moderimin e Fjollë Cakës, planere urbane dhe eksperte e ndryshimeve klimatike. Në panel morën pjesë Afrim Berisha, Kryeshef Ekzekutiv i AMMK-së, Arben Shala, Nënkryetar i Komunës së Drenasit, Afrim Gjeli, Komandant i Njësisë së Zjarrfikësve në Drenas, dhe Avdullah Nishori, ekspert i ujërave, duke diskutuar sfidat aktuale të menaxhimit të resurseve ujore, ndikimin e ndryshimeve klimatike, nevojën për përdorim më racional të ujit dhe rëndësinë e investimeve në zgjidhje të qëndrueshme që mund të aplikohen në nivel lokal dhe kombëtar.

Eventi mblodhi përfaqësues nga Zyra Zvicerane për Bashkëpunim (Swiss Cooperation Office – SCO), institucioneve qendrore dhe lokale, partnerë të projektit, ekspertë të mjedisit dhe organizata të shoqërisë civile.

Projekti "Shi për Qëndrueshmëri" dëshmoi se grumbullimi dhe përdorimi i ujit të shiut nuk është vetëm një zgjidhje teknike, por një investim në qëndrueshmëri, në mbrojtjen e resurseve ujore dhe në ndërtimin e komuniteteve më të përgatitura për t'u përballur me sfidat e ndryshimeve klimatike.

Nga zbatimi në replikim - sepse çdo pikë ka rëndësi. 💧

Ky projekt mbështetet nga Menaxhimi i Integruar i Resurseve Ujore në Kosovë (IWRM-K), Program i Agjencisë Zvicerane për Zhvillim dhe Bashkëpunim (SDC) dhe i Qeverisë së Kosovës, i zbatuar nga SKAT (Zvicër) në konsorcium me Agjencinë Austriake të Mjedisit (EAA).

20/07/2026

OJQ CEDE, në kuadër të projektit “Fuqizimi i të Rinjve në Energjinë e Gjelbër – YEGE”, të zbatuar në partneritet me Caritasin Zviceran (CACH), nënshkroi Marrëveshjen e Bashkëpunimit me Komunën e Obiliqit.

Përmes kësaj marrëveshjeje, shkollat e mesme në Komunën e Obiliqit do të përfshihen në aktivitete që synojnë fuqizimin e të rinjve, krijimin dhe zhvillimin e klubeve të gjelbra, ngritjen e kapaciteteve në fushën e energjisë së gjelbër, mbështetjen e iniciativave mjedisore dhe promovimin e praktikave të qëndrueshme.

Falënderojmë Komunën e Obiliqit për gatishmërinë për bashkëpunim!

18/06/2026

💧 “Çfarë do të ndodhte nëse një ditë do të na mungonte uji?”

Kjo ishte një nga pyetjet që hapi diskutimin tonë me nxënësit e Shfmu - Halil Bajraktari - Drenas dhe SHFMU "Rexhep Gjeli" Likoshan.

Nga lumenjtë që kalojnë pranë komuniteteve tona, deri te uji që përdorim çdo ditë në shtëpi, biseduam për rëndësinë e ujërave në Kosovë, sfidat me të cilat përballen dhe përgjegjësinë që kemi për t’i mbrojtur.

Sepse çdo pikë ujë e kursyer ka rëndësi, çdo mbeturinë që nuk përfundon në lumë bën dallim dhe çdo person që kupton vlerën e ujit bëhet pjesë e zgjidhjes.

🙏 Falënderojmë nxënësit për pjesëmarrjen aktive, si dhe stafin e shkollave për mikpritjen dhe bashkëpunimin.

Ky projekt mbështetet nga Menaxhimi i Integruar i Resurseve Ujore në Kosovë (IWRM-K), Program i Agjencisë Zvicerane për Zhvillim dhe Bashkëpunim (SDC) dhe i Qeverisë së Kosovës, i zbatuar nga SKAT (Zvicër) në konsorcium me Agjencinë Austriake të Mjedisit (EAA).

17/06/2026

💧 Çdo pikë uji ka rëndësi.

Sot, në Ditën Botërore kundër Shkretirës dhe Thatësirës, rikujtojmë rëndësinë e investimeve në zgjidhje të qëndrueshme që ndihmojnë komunitetet të përshtaten ndaj ndryshimeve klimatike.

Sistemi për grumbullimin e ujit të shiut i realizuar në SHFMU “Xheladin Gashi – Plaku” në Komoran mundëson ruajtjen e deri në 1.28 milionë litra ujë në vit, duke kursyer ujë të pijshëm dhe duke mbështetur ujitjen e rreth 1,300 m² hapësirë të gjelbër përmes sistemit pikë-pikë.

Përveç kësaj, sistemi shërben edhe si burim rezervë uji për ndërhyrje në raste emergjente, duke mbështetur Njësinë e Zjarrfikësve në Drenas.

Në një kohë kur periudhat e thatësirës po bëhen gjithnjë e më të shpeshta, zgjidhje të tilla tregojnë se si menaxhimi i mençur i ujit mund të kontribuojë njëkohësisht në mbrojtjen e mjedisit dhe rritjen e qëndrueshmërisë së komuniteteve ndaj sfidave klimatike.

Ky sistem është mbështetet nga Menaxhimi i Integruar i Resurseve Ujore në Kosovë (IWRM-K), Program i Agjencisë Zvicerane për Zhvillim dhe Bashkëpunim (SDC) dhe i Qeverisë së Kosovës, i zbatuar nga SKAT (Zvicër) në konsorcium me Agjencinë Austriake të Mjedisit (EAA).

See less

12/06/2026

🌍🏆 Bashkohu në Fehmi Lladrovci World Cup Summer Program 2026!

Programi Fehmi Lladrovci World Cup Summer Program 2026 është krijuar për të rinjtë që duan të mësojnë, të garojnë, të bashkëpunojnë dhe të japin kontribut pozitiv në komunitetin e tyre.

Përmes sportit, sfidave kreative, projekteve të shërbimit në komunitet, aktiviteteve ekipore dhe praktikimit të gjuhës angleze, pjesëmarrësit do të zhvillojnë aftësi të lidershipit, vetëbesimit dhe bashkëpunimit, duke fituar përvoja që shkojnë përtej klasës.

📅 15 Qershor – 2 Korrik 2026
📍 Palestra e Shkollës Teknike “Fehmi Lladrovci”

Ftojmë të gjithë nxënësit e interesuar t’i bashkohen kësaj iniciative dhe të bëhen pjesë e një vere plot energji, mësim, miqësi dhe suksese.

Kjo iniciativë organizohet nga vullnetarja e Peace Corps Kosovo, Mary Feldkamp, në bashkëpunim me IAAP "Fehmi Lladrovci" Drenas-zyrtare