QPDG - Qendra për Promovimin e Drejtave të Grave

10/10/2026

10 TETOR DITA BOTËRORE E SHËNDETIT MENDOR

Shëndeti mendor është pjesë e pandashme e mirëqenies sonë. Ai meriton vëmendje, mirëkuptim dhe kujdes, jo vetëm sot, por çdo ditë.

Pas çdo buzëqeshjeje mund të ketë një shqetësim të pathënë, pas çdo heshtjeje një dhimbje të padukshme dhe pas çdo njeriu një histori që meriton të dëgjohet me ndjeshmëri, pa paragjykim dhe pa gjykim.

Të kujdesemi për shëndetin mendor do të thotë të krijojmë hapësira të sigurta, të dëgjojmë me zemër, të ofrojmë mbështetje dhe t’i kujtojmë njëri-tjetrit se askush nuk duhet të përballet i vetëm me vështirësitë emocionale. Të kërkosh ndihmë nuk është dobësi, por një hap i rëndësishëm drejt kujdesit për veten.

Qendra për Promovimin e Drejtave të Grave (QPDG) rithekson rëndësinë e mbështetjes psikologjike, të solidaritetit dhe të qasjes së barabartë në shërbimet e shëndetit mendor. Çdo njeri meriton të dëgjohet, të kuptohet dhe të trajtohet me dinjitet, pavarësisht përvojave që ka kaluar.

Le të jemi më të vëmendshëm ndaj asaj që nuk shihet, më të ndjeshëm ndaj asaj që nuk thuhet dhe më mbështetës ndaj atyre që kanë nevojë për ne.

Sepse shëndeti mendor ka rëndësi.
Sepse çdo histori meriton mirëkuptim.
Sepse kujdesi mund të bëjë ndryshimin.

07/10/2026

QPDG uron Presidenten e re të Republikës së Kosovës, znj.Justina Shiroka- P**a

Zgjedhja e znj.Justina Shiroka- P**a si presidente përbën një hap të rëndësishëm drejt një shoqërie me të barabartë dhe përfaqësuese me praninë dhe rolin e grave në vendimmarrje.

Në emër të QPDG-së ju falenderojmë për mbështetjen ndaj kauzës sonë dhe ju urojmë shumë suksese dhe mbarësi në detyrën tuaj.

Me respekt dhe mirënjohje,
QPDG

03/10/2026

03/10/2026

Nga data 1 deri më 3 tetor, Qendra për Promovimin e Drejtave të Grave (QPDG) ishte pjesë e konferencës "Gratë, Paqja dhe Siguria" e organizuar nga Fondacioni Jahjaga, një hapësirë e rëndësishme për diskutim, reflektim dhe shkëmbim të përvojave mbi punën dhe kontributin e institucioneve dhe organizatave të shoqërisë civile në mbështetje të grave dhe të drejtave të tyre.

Drejtoresha e QPDG-së, znj.Kadire Tahiraj, ishte pjesë e panelit diskutues me datën 3 Tetor, dhe në panel ndau historikun e organizatës, që nga fillimet e saj, sfidat e hasura ndër vite dhe përvojën e krijuar në punën me gratë dhe të mbijetuarat me shumë emocion dhe ndjeshmëri për të kuptuar aq sa është bërë e është arritur e poashtu aq shumë sa na pret përpara për t'u realizuar që ky mision i nisur me fisnikëri, vullnetarizëm dhe zemër të madhe të jetë i arritur.

Gjatë panelit u diskutua edhe për reparacionin dhe perspektivën e tij, si dhe për rëndësinë e rehabilitimit psikosocial dhe fuqizimit ekonomik të të mbijetuarave. U theksua nevoja që mbështetja ndaj të mbijetuarave të jetë e vazhdueshme dhe gjithëpërfshirëse, duke përfshirë jo vetëm mbështetjen psikosociale, por edhe krijimin e mundësive për pavarësi dhe fuqizim ekonomik

Përmes pjesëmarrjes në këtë konferencë, QPDG ndau përvojën e saj shumëvjeçare, sfidat dhe mësimet e nxjerra nga puna në terren, duke kontribuar në diskutimin mbi nevojat dhe perspektivat e grave dhe të mbijetuarave.

Gjatë konferencës, më 2 dhe 3 tetor, u ekspozuan edhe punimet e realizuara nga gratë anëtare të QPDG-së , duke sjellë në vëmendje krijimtarinë, përkushtimin dhe potencialin e tyre. Ekspozimi i këtyre punimeve ishte një mundësi për të promovuar punën e grave dhe rëndësinë e fuqizimit të tyre përmes aktiviteteve krijuese dhe ekonomike.

QPDG falënderon Fondacionin Jahjaga për organizimin e kësaj konference dhe për hapësirën e krijuar për dialog, shkëmbim përvojash dhe prezantimin e punës së grave, të gjithë panelistët për kontributin e vyer dhe të pranishmit për kohën.

03/10/2026

02/10/2026

Në kuadër të projektit "Parandalimi i dukurive negative në shkolla”, të financuar nga Komuna e Drenasit – Drejtoria për Kulturë, Rini dhe Sport, QPDG, në bashkëpunim me Stacionin Policor në Drenas, zhvilloi një ligjëratë me nxënësit e SHFMU “Rasim Kiçina”.

Gjatë aktivitetit, nxënësit patën mundësinë të bashkëbisedojnë me dy zyrtarët policorë, z.Ramiz Hoxha dhe znjyMakfirete Thaqi, të cilët diskutuan për rëndësinë e parandalimit të dukurive negative, sigurisë dhe përgjegjësisë së të rinjve.

I pranishëm në këtë ligjeratë ishte edhe pedagogu i SHFMU "Rasim Kiçina", z.Salih Mulliqi.

Në kuadër të ligjëratës, edhe psikologia e QPDG-së zhvilloi një pjesë të veçantë me nxënësit, duke trajtuar tema nga perspektiva psikologjike, si menaxhimi i emocioneve, presioni i bashkëmoshatarëve, ndikimi i sjelljeve negative në mirëqenien psikologjike, komunikimi i shëndetshëm dhe mënyrat e kërkimit të ndihmës kur përballen me vështirësi.

Përmes diskutimit të hapur, nxënësit u inkurajuan të flasin për shqetësimet e tyre, të njohin pasojat e sjelljeve të dëmshme dhe të kuptojnë se kërkimi i ndihmës nga prindërit, mësimdhënësit, psikologu apo institucionet përkatëse është një hap i rëndësishëm drejt zgjidhjes së problemeve.

Me fëmijet dhe të rinjët, për një komunitet më të sigurt dhe më të shëndetshëm.

02/10/2026

01/10/2026

💗Tetori Rozë – Muaji i Ndërgjegjësimit për Kancerin e Gjirit

Tetori na kujton rëndësinë e kujdesit për shëndetin, ndërgjegjësimit dhe mbështetjes për çdo grua që përballet me kancerin e gjirit.

Ne besojmë se informimi, kujdesi dhe mbështetja janë hapa të rëndësishëm drejt një shoqërie ku gratë nuk përballen të vetme me sfidat e tyre.

Kontrolli i rregullt, informimi dhe kujdesi për veten mund të bëjnë ndryshimin.

Le ta bëjmë këtë Tetor një muaj solidariteti, ndërgjegjësimi dhe mbështetjeje për të gjitha gratë.

Mos e shty kontrollin. Kujdesu për veten. 🌸