Kryqi i Kuq i Kosovës - Dega Drenas

Kryqi i Kuq i Kosovës - Dega Drenas Kryqi i Kuq i Kosovës është Shoqatë Kombëtare e pavarur, humanitare, vullnetare dhe joprofitabi Organizatë joqeveritare (OJQ)

📍 SHFMU “Xhevë Lladrovci” – Gllanasellë Sesionet MISP – Pakoja Minimale e Shërbimeve FillestareKryqi i Kuq i Kosovës – D...
10/06/2026

📍 SHFMU “Xhevë Lladrovci” – Gllanasellë
Sesionet MISP – Pakoja Minimale e Shërbimeve Fillestare
Kryqi i Kuq i Kosovës – Dega në Drenas ka realizuar ciklin e sesioneve MISP, me fokus në edukimin për Shëndetin Riprodhues në situata emergjente, si dhe rëndësinë e zbatimit të Pakos Minimale të Shërbimeve Fillestare (MISP).
Ligjëratat u zhvilluan në mënyrë interaktive, duke nxitur pjesëmarrjen aktive të nxënësve, të cilët ndanë njohuritë dhe përvojat e tyre lidhur me temat e trajtuara.
Falënderojmë drejtorin e SHFMU “Xhevë Lladrovci” në fshatin Gllanasellë, Drejtorinë Komunale të Arsimit në Drenas për mbështetjen dhe bashkëpunimin e vazhdueshëm, si dhe të gjithë nxënësit për angazhimin dhe pjesëmarrjen e tyre aktive.
Së bashku për më shumë njohuri, vetëdijesim dhe shëndet më të mirë për të rinjtë.

Kryqi i Kuq i Kosovës – Dega në Drenas ka ndihmuar një familje në nevojë në fshatin Baicë me pako ushqimore.Kjo ndihmë ë...
09/06/2026

Kryqi i Kuq i Kosovës – Dega në Drenas ka ndihmuar një familje në nevojë në fshatin Baicë me pako ushqimore.
Kjo ndihmë është realizuar falë donacionit të Karabinierëve Italianë në kuadër të KFOR-it.
Shprehim mirënjohjen dhe falënderimet tona për mbështetjen dhe solidaritetin e vazhdueshëm ndaj familjeve në nevojë. Faleminderit për humanizmin dhe përkushtimin!

FAMILJA AKRASHTICA MBETI PA STREHË PAS ZJARRIT NË SHTËPINË E TYRE– THIRRJE PËR NDIHMË! Mbremë është raportuar një rast i...
03/06/2026

FAMILJA AKRASHTICA MBETI PA STREHË PAS ZJARRIT NË SHTËPINË E TYRE– THIRRJE PËR NDIHMË!

Mbremë është raportuar një rast i rëndë humanitar, ku Familja Akrashtica nga fshati Gllobar ka humbur shtëpinë si pasojë e zjarrit. Familja po përballet me një situatë të vështirë dhe ka nevojë urgjente për mbështetje.
Në vendngjarje kanë intervenuar ekipet e Drejtorisë së Shërbimeve Publike dhe Emergjencës, njësitë komunale relevante, ekipi emergjent shëndetësor, Kryqi i Kuq i Kosovës dega Drenas. Falënderojmë të gjitha ekipet për reagimin e shpejtë dhe profesional dhe te koordinuar.
Kryqi i Kuq i Kosovës – dega në Drenas ka siguruar batanije dhe ujë të pijes për familjen në nevojë, ndërsa falënderojmë donatorin Al Trade për mbështetjen e menjëhershme.

THIRRJE PËR DONATORË

U bëjmë thirrje të gjithë donatorëve, bizneseve dhe njerëzve vullnetmirë që të ndihmojnë për renovimin e shtëpisë së Familjes Akrashtica. Çdo kontribut është shumë i rëndësishëm.
Çdo ndihmë sjell shpresë.

Kryqi i Kuq i Kosovës - Dega Drenas në bashkëpunim me Zyrën Qendrore, realizoi shpërndarjen e mish*t të freskët të kurba...
29/05/2026

Kryqi i Kuq i Kosovës - Dega Drenas në bashkëpunim me Zyrën Qendrore, realizoi shpërndarjen e mish*t të freskët të kurbanit për 35 familje në nevojë, ku secila familje përfitoi nga 5 kg mish.
Ky aktivitet humanitar u mundësua falë donacionit nga Gjysmëhëna e Kuqe Turke, me qëllim që të ofrohet mbështetje dhe solidaritet për familjet që kanë më së shumti nevojë.
Falënderojmë Gjysmëhënën e Kuqe Turke për mbështetjen dhe donacionin e dhuruar, si dhe vullnetarët tanë për angazhimin dhe kontributin e tyre në shpërndarjen e mish*t.

Kryqi i Kuq i Kosovës organizoi punëtorinë dyditore “Mësimet e Mësuara nga DREF-i 2026”, e cila u mbajt më 21 dhe 22 maj...
23/05/2026

Kryqi i Kuq i Kosovës organizoi punëtorinë dyditore “Mësimet e Mësuara nga DREF-i 2026”, e cila u mbajt më 21 dhe 22 maj 2026.

Punëtoria kishte për qëllim reflektimin mbi operacionin emergjent të përmbytjeve në Kosovë, të zbatuar në kuadër të DREF-it 2026, duke identifikuar arritjet kryesore, sfidat, mësimet e nxjerra dhe rekomandimet për përmirësimin e përgjigjes ndaj fatkeqësive në të ardhmen.

Gjatë dy ditëve të punës, pjesëmarrësit diskutuan për koordinimin, mobilizimin e vullnetarëve, vlerësimin e nevojave në terren, shpërndarjen e ndihmave, komunikimin me komunitetet e prekura dhe forcimin e kapaciteteve të Kryqit të Kuq të Kosovës në menaxhimin e emergjencave.

Punëtoria u zhvillua me mbështetjen dhe fasilitimin e përfaqësuesve të Kryqit të Kuq të Kosovës, Federatës Ndërkombëtare të Shoqatave të Kryqit të Kuq dhe Gjysmëhënës së Kuqe – IFRC, si dhe Komitetit Ndërkombëtar të Kryqit të Kuq – ICRC.

Kryqi i Kuq i Kosovës mbetet i përkushtuar në fuqizimin e kapaciteteve institucionale dhe vullnetare për reagim më efektiv, më të koordinuar dhe më të shpejtë në raste emergjente.

21/05/2026

“Fuqia e Dijes” – një shembull i bukur i përkushtimit për arsimin dhe kulturën e leximit!

Ky projekt u realizua nga nxënësit e Gjimnazit “Gjergj Kastrioti Skënderbeu” nga Drenasi, në kuadër të projektit “Promovimi i Vlerave Humane”, me qëllim përmirësimin e bibliotekës së shkollës dhe krijimin e një ambienti më motivues për lexim dhe mësim.

Përmes angazhimit të nxënësve, mbështetjes së komunitetit dhe donacioneve me libra e materiale, biblioteka u pasurua me tituj të rinj dhe u renovua me murale inspiruese, duke përfituar rreth 750 nxënës dhe 57 mësimdhënës.

Ky projekt dëshmon se dija, kur mbështetet nga vullneti dhe bashkëpunimi, krijon ndryshim të qëndrueshëm.

Të rinjtë në qendër të edukimit dhe ndërgjegjësimit në komunitet!Kryqi i Kuq i Kosovës, në bashkëpunim me Ministrinë e S...
19/05/2026

Të rinjtë në qendër të edukimit dhe ndërgjegjësimit në komunitet!

Kryqi i Kuq i Kosovës, në bashkëpunim me Ministrinë e Shëndetësisë dhe me përkrahjen e UNFPA-së, po realizon trajnimin për trajnerë të rinj në kuadër të projektit MISP 2026.

MISP – Pakoja Minimale Fillestare për Shëndet Seksual dhe Riprodhues në raste të krizave, ka për qëllim forcimin e kapaciteteve për ofrimin e informatave dhe mbështetjes së duhur në situata emergjente dhe kriza.

Në këtë trajnim po marrin pjesë vullnetarë nga shtatë degë të Kryqit të Kuq të Kosovës, ku secila degë ka përzgjedhur nga 4 vullnetarë. Përmes këtij trajnimi, të rinjtë po përgatiten për të mbajtur sesione informuese me bashkëmoshatarët e tyre në komunitete të ndryshme, duke promovuar edukimin dhe vetëdijesimin mbi temat që përfshihen në kuadër të projektit MISP.

Të rinjtë e trajnuar do të angazhohen aktivisht në shpërndarjen e njohurive dhe ngritjen e ndërgjegjësimit në mesin e të rinjve të tjerë, përmes aktiviteteve të organizuara në komunitet.

🌟 “YLLI I ARTË” për Gjimnazin “Gjergj Kastrioti Skënderbeu” – Drenas 🌟Sot në sallën “1 Tetori” në Prishtinë, nën organiz...
15/05/2026

🌟 “YLLI I ARTË” për Gjimnazin “Gjergj Kastrioti Skënderbeu” – Drenas 🌟

Sot në sallën “1 Tetori” në Prishtinë, nën organizimin e Kryqit të Kuq të Kosovës, u zhvillua ceremonia e ndarjes së çmimeve të Projektit të Promovimit të Vlerave Humane (PVH) për vitin 2026.
Në këtë ceremoni, çmimi special i PVH-së për vitin 2026 “YLLI I ARTË” iu nda Gjimnazit “Gjergj Kastrioti Skënderbeu”nga Drenasi, si vlerësim për angazhimin, kreativitetin dhe kontributin e jashtëzakonshëm në promovimin e humanizmit dhe solidaritetit.
Ky sukses erdhi falë punës dhe përkushtimit të nxënësve, të cilët gjatë realizimit të projektit treguan shembull të shkëlqyer të bashkëpunimit dhe ndihmës ndaj komunitetit.
Falënderime të veçanta për profesorin Ilir Demaku dhe profesoreshën Ermira Demiqi për udhëheqjen dhe përkushtimin e tyre gjatë gjithë projektit.
Mirënjohje edhe për drejtorin e shkollës z.Naim Doberdolani, Drejtorinë e Arsimit në Komunën e Drenasit, si dhe për donatoret: Al Trade, DPZ Spahia, Aktiv Shpk, Pemishtja Gjelberimi të cilët mbështetën realizimin e këtyre projekteve humanitare.
Ky vlerësim është dëshmi se kur të rinjtë bashkohen për një qëllim të mirë, rezultatet janë gjithmonë frymëzuese. ❤️👏

Me rastin e 8 Majit – Dita Ndërkombëtare e Kryqit të Kuq dhe Gjysmëhënës së Kuqe, në SHFMU “Rasim Kiçina” në Drenas u re...
08/05/2026

Me rastin e 8 Majit – Dita Ndërkombëtare e Kryqit të Kuq dhe Gjysmëhënës së Kuqe, në SHFMU “Rasim Kiçina” në Drenas u realizua një aktivitet humanitar me shumë vlerë dhe domethënie, duke përcjellë mesazhe solidariteti, humanizmi dhe përkujdesjeje për familjet në nevojë.
Me iniciativën dhe angazhimin e mësueseve Lindita Mulaj dhe Nezir Jakupi, nxënësit e klasave III/3 dhe III/1, së bashku me asistenten Fitore Konushevci Tahiraj, u bënë pjesë e një aksioni humanitar ku me shumë dashuri dhe përkushtim përgatitën pako ushqimore dhe gjëra të tjera elementare për familjet që kanë nevojë për mbështetje.
Ky aktivitet u organizua në frymën e vlerave që përfaqëson Kryqi i Kuq – ndihmë, humanizëm, solidaritet dhe kujdes për çdo njeri pa dallim. Nxënësit treguan gatishmëri, empati dhe zemërgjerësi, duke dëshmuar se ndjenja e humanizmit kultivohet që në bankat shkollore.
Së bashku me mësuesit dhe asistenten, nxënësit dolën në terren për shpërndarjen e ndihmave, duke sjellë buzëqeshje dhe mbështetje tek familjet përfituese. Përveç ndihmës materiale, ky aktivitet kishte edhe një rëndësi të veçantë edukative, sepse u mësoi nxënësve rëndësinë e solidaritetit dhe të ndihmës ndaj atyre që kanë më shumë nevojë.
Një falënderim i veçantë shkon për prindërit e nxënësve, të cilët me zemërgjerësi dhe bashkëpunim kontribuan në realizimin e këtij aktiviteti humanitar. Mbështetja juaj ishte shumë e rëndësishme dhe tregoi edhe një herë frymën e unitetit dhe humanizmit në komunitetin tonë shkollor.
Falënderim dhe mirënjohje për të gjithë nxënësit, mësuesit dhe prindërit që u bënë pjesë e kësaj iniciative humane në nder të 8 Majit – Ditës Ndërkombëtare të Kryqit të Kuq dhe Gjysmëhënës Kuqe

🚑 Garat Komunale të Ndihmës së Parë 🚑Sot, më 8 Maj, në Ditën Ndërkombëtare të Kryqit të Kuq, u mbajtën garat komunale të...
08/05/2026

🚑 Garat Komunale të Ndihmës së Parë 🚑

Sot, më 8 Maj, në Ditën Ndërkombëtare të Kryqit të Kuq, u mbajtën garat komunale të Ndihmës së Parë me nxënësit e shkollave të mesme IAAP “Fehmi Lladrovci” dhe Gjimnazit “Gjergj Kastrioti Skënderbeu” në Drenas.
Nxënësit e të dy shkollave treguan përgatitje, profesionalizëm dhe përkushtim të jashtëzakonshëm. Gara ishte shumë e ngushtë dhe konkurruese, ndërsa bazuar në vlerësimin përfundimtar, nxënësit e Gjimnazit “Gjergj Kastrioti Skënderbeu” do të vazhdojnë në garat regjionale.
Falënderojmë të gjitha shkollat pjesëmarrëse, instruktorët e Ndihmës së Parë, si dhe doktoreshën Afrodita Sejda për kontributin dhe mbështetjen e dhënë në realizimin e kësaj gare.
Urime të gjithë pjesëmarrësve dhe suksese në vazhdim! 👏🏻

Address

Drenas
13000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Telephone

+38338584039

Website

Alerts

Be the first to know and let us send you an email when Kryqi i Kuq i Kosovës - Dega Drenas posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Kryqi i Kuq i Kosovës - Dega Drenas:

Shortcuts

Share

Category