Fshati Shajne

01/08/2026

NJOFTIM

Ju njoftojmë se aksioni për pastrimin e kaptazhëve të ujit në bjeshkë ka përfunduar me sukses.

Falënderojmë të gjithë bashkëvendësit që morën pjesë dhe kontribuan me punën dhe përkushtimin e tyre. Kontributi juaj është shumë i vlefshëm për të siguruar furnizim sa më të mirë me ujë gjatë sezonit veror.

Me respekt
Kryesia e fshatit Shajne.

31/07/2026

FTESË PËR AKSION VULLNETAR

Të nderuar bashkëvendës të Shajnës,

Me rastin e ardhjes së bashkatdhetarëve tanë dhe rritjes së konsumit të ujit gjatë sezonit veror, të shtunën me datën 01.08.2026 do të organizohet një aksion vullnetar për pastrimin e kaptazhëve të ujit në bjeshkë.

Ky aksion ka për qëllim të sigurojë furnizim sa më të rregullt me ujë, në mënyrë që bashkatdhetarët tanë dhe të gjithë banorët e fshatit ta kalojnë verën dhe pushimet në vendlindje pa u përballur me mungesë të ujit.

Të interesuarit luten ta konfirmojnë pjesëmarrjen paraprakisht, tek Kryetari i Fshatit, Bekim Vehapi, sepse ai do organizoj transportin me traktor deri ne bjeshkë. Secili nga ju duhet të marr me vete paisje të nevojshme për këtë aksion.

Nisja nga fshati planifikohet te behet në ora 10:00.

Uji nuk do të ndalet, por mund te turbullohet për kohë të shkurt.

Me respekt
Krysia e fshatit.

19/07/2026

Lavdi dëshmorëve tonë: Fetah Sylejmani dhe Fisnik Ibrahimi!

11/07/2026

Sot, në aksionin për pastrimin e rrugës Shajne-Dragash, u krye një punë e vlefshme falë angazhimit të pjesëmarrësve. Me një pjesëmarrje më të madhe do të kishim mundur ta përfundonim pastrimin e të gjithë segmentit deri në Dragash, por secili dha maksimumin e tij.

Falënderojmë nga zemra të gjithë ata që iu bashkuan aksionit, si dhe ata që kontribuuan me ushqime dhe pije.

11/07/2026

NJOFTIM

Ka filluar aksioni për pastrimin e rrugës Shajnë–Dragash. Kërkojmë mbështetjen e të gjithë bashkëvendësve dhe ju lusim të sillni me vete sa më shumë mjete pune (kosë, trimer dhe pajisje të tjera), në mënyrë që punën ta përfundojmë sa më shpejt dhe sa më mirë.

09/07/2026

NJOFTIM

Njoftohen të gjithë banorët e fshatit Shajne se të shtunën, më 11.07.2026, duke filluar nga ora 10:00, do të organizohet aksioni për pastrimin e rrugës Shajne–Dragash. Gjatë aksionit do të bëhet kositja e barërave anësore, pastrimi i rrugës, si dhe pastrimi e rregullimi i parkut.

Luteni që secili pjesëmarrës të marrë me vete mjetet e nevojshme të punës, si kosë, trimer dhe pajisje të tjera të përshtatshme.

Ju ftojmë të marrim pjesë sa më shumë, në mënyrë që punën ta përfundojmë sa më mirë dhe më shpejt.

Kontributi i secilit është i çmuar për ta mbajtur fshatin tonë të pastër dhe të rregullt.

Ju faleminderit paraprakisht,
Kryesia e fshatit Shajne.

27/06/2026

Falenderim!

Me respekt dhe mirënjohje të veçantë falënderojmë bashkëvendasin tonë z.Fitim Ahmetin, i cili me bujarinë dhe kontributin e mundësoj vendosjen e ulëseve në fshatin tonë.
Ky gjest është një shembull i shkëlqyer i përkushtimit ndaj komunitetit dhe do të mbetet në shërbim të të gjithë banorëve dhe vizitorëve.

Urojmë që veprat e mira si kjo të vazhdojnë dhe të frymëzojnë edhe të tjerët.

Me respekt Kryesia e fshatit.

27/05/2026

Kryesia e Fshatit Shajne ju uron të gjithë banorëve të fshatit tonë Festën e Kurban Bajramit.
Qoftë kjo festë e mbushur me paqe, shëndet, harmoni dhe begati në çdo familje.
Allahu i pranoftë lutjet, kurbanët dhe veprat e mira të secilit prej jush.

Urime Kurban Bajrami!

25/05/2026

Njoftim

Kryesia e fshatit Shajne, përmes Komunës së Dragash*t, i ka bërë kërkesë zyrtare KFOR-it Turk për hapjen dhe shtruarjen me zhavorr të rrugës së bjeshkës, e cila do t’u mundësojë banorëve qasje në burimin e ujit të pijshëm.
Kryetari së bashku me KFOR-in kanë vizituar nga afër lokacionin dhe është premtuar se punimet do të fillojnë sapo të krijohen kushtet për punë, përshkak se bjeshka ka borë ende.

14/05/2026