Sh.B “Mariashi”

Sh.B “Mariashi” Shoqata Bjeshkatare “MARIASHI”

Hike & Swim – Liqeni i TropojësTë dashur bjeshkatarë,Me kërkesë të anëtarëve për këtë shteg, ju ftojmë të dielën, më 21....
16/06/2026

Hike & Swim – Liqeni i Tropojës

Të dashur bjeshkatarë,

Me kërkesë të anëtarëve për këtë shteg, ju ftojmë të dielën, më 21.06.2026, në një ecje deri te Liqeni i Tropojës.

Ky destinacion ndodhet në Bjeshkët e Nemuna, në pikën kufitare Kosovë–Shqipëri–Mal i Zi (Trekufiri), duke ofruar një shteg të mrekullueshëm me pamje panoramike 360°, që e bën këtë përvojë vërtet të paharrueshme.

Itinerari

Ecja fillon nga Qafa e Belegut në drejtim të Trekufirit dhe vazhdon deri te Liqeni i Tropojës.

Pajisjet e nevojshme

Të gjithë pjesëmarrësit duhet të jenë të pajisur me:

Veshje të përshtatshme për kushtet verore

Këpucë për hiking

Syze dielli

Krem mbrojtës nga dielli

Ujë të mjaftueshëm

Ushqim për një ditë

Të dhënat e shtegut

Distanca: 15 km

Niveli i vështirësisë: Mesatar

Moti

Parashikohet mot me diell.

Nisja

Prishtinë: Ora 06:30, te Bagolina Traditional

Deçan: Takimi te Qendra Rinore për një ndalesë kafeje dhe përgatitjet e nevojshme

Më pas, me mjete off-road, do të vazhdojmë përmes Grykës së Deçanit drejt Bjeshkës së Belegut, ku fillon ecja.

Rezervimet dhe pagesa

Të gjithë të interesuarit duhet të lajmërohen deri të shtunën.

📞 Informata dhe rezervime: 049 188 888

💶 Pagesa: 15 € (organizimi dhe transporti)

Shënim: Organizatori rezervon të drejtën të ndryshojë planin sipas kushteve dhe rrethanave në terren.

Faleminderit për mirëkuptimin dhe mirëpresim pjesëmarrjen tuaj!

Aktiviteti i fundit ne Majën e Mariash*t 🏔💚
14/06/2026

Aktiviteti i fundit ne Majën e Mariash*t 🏔💚

Ditën e diel, më 14 qershor, kemi nderin dhe kënaqësinë e jashtëzakonshme që në majen e Mariash*t në Deçan, të kemi me v...
08/06/2026

Ditën e diel, më 14 qershor, kemi nderin dhe kënaqësinë e jashtëzakonshme që në majen e Mariash*t në Deçan, të kemi me vete një mysafir special. Së bashku me ne do të jetë Petrit Kllokoqi, i cili sapo ka ngjitur majen më të lartë të botës – Everest!
Për Petritin, ky nuk është thjesht një udhëtim i radhës. Ai po kthehet në shtëpinë e tij, aty ku filloi ecjen, ku lindi ëndrra për Everestin dhe ku mori forcën për të prekur majën e botës. Ejani të ecim krah për krah me një kampion, të dëgjojmë historitë e tij dhe të festojmë këtë sukses historik midis bukurive tona alpine!
📋 Detajet e Shëtitjes:
• 📍 Fillimi i ecjes: Nga stanet e Prilepit
• 📊 Niveli i vështirësisë: Ecje e mesatare (e përshtatshme për shumicën e adhuruesve të natyrës)
• 📐 Gjatësia e shtegut: 5 km në një drejtim / 10 km lart-poshtë
🕒 Nisja dhe Organizimi:
• Nisja: Ora 07:00 nga “Bagolina Traditional”, Prishtinë.
• Grumbullimi: ora 08:30 në Deçan "Qendra Rinore "
• 💰 Pagesa: 15€ për person (përfshin transportin dhe pjesëmarrjen).
• 📞 Rezervimet: Të interesuarit të lajmërohen tek Gashi në +383 49 188 888
🎒 Çfarë duhet të keni me vete:
• Këpucë të përshtatshme për ecje malore (hiking boots).
• Veshje sportive, kapele, syze dielli dhe krem kundër diellit.
• Ushqim për një ditë dhe të paktën 1.5L ujë.
⚠️ VËREJTJE: Gjatë ngjitjes, ju lutemi të respektoni me përpiktëri rregullat dhe instruksionet e guidave për sigurinë e të gjithëve.
Mos e humbni këtë mundësi unike për të përjetuar një të diel plot energji, male dhe frymëzim direkt nga Everesti! Vitet kalojnë, por kujtimet e kësaj dite do të mbesin gjatë. Shihemi të dielën! 🌲✨

ShB Mariashi ju fton në udhëtimin 4-ditor në Mount Vesuvius – Napoli, Itali 🇮🇹🌋🌞Napoli është një nga qytetet më të gjall...
30/04/2026

ShB Mariashi ju fton në udhëtimin 4-ditor në Mount Vesuvius – Napoli, Itali 🇮🇹🌋🌞

Napoli është një nga qytetet më të gjalla dhe historike të Italisë, i njohur për kulturën unike, picën autentike napolitane, pamjet mahnitëse dhe madhështinë e Vullkanit Vesuvius. Ky udhëtim është kombinimi perfekt mes aventurës, historisë dhe relaksit buzë detit.

Udhëtimi në Napoli , Mount Vesuvius & Amalfi Coast
🗓 21 Maj – 24 Maj 2026
⏰ 4 DITË

🗺 ITINERARI:

Dita e Parë – E Enjte, 21 Maj
🛫 Fluturimi nga Tirana në orën 11:10 drejt Napolit.
🛬 Mbërritja në Napoli në orën 12:30 dhe transferimi në hotel për akomodim.

Pasdite vizitë në Napoli:

📍Qendra Historike (Spaccanapoli)
Vizitë në Piazza Gesù Nuovo, kishën madhështore dhe San Gregorio Armeno.
🍕 Ndalesë për një “Pizza Portafoglio” ose espresso napolitane.

📍Piazza del Plebiscito
Sheshi më i madh i qytetit me Pallatin Mbretëror dhe kolonadat madhështore.

📍Castel dell’Ovo
Shëtitje buzë detit dhe pamje fantastike të Vezuvit në perëndim.

📍 Darkë Tradicionale
Kohë e lirë për të shijuar picën autentike napolitane.

Dita e Dytë – E Premte, 22 Maj
🌋 Ngjitja në Mount Vesuvius

🍳 08:00 – Mëngjesi në hotel
🚌 09:00 – Nisja drejt Parkut Kombëtar të Vezuvit

🥾 10:00 – Ngjitja drejt kraterit kryesor “Gran Cono”
Ecje rreth 4 km vajtje-ardhje në terren vullkanik unik.

📸 Pamje 360° mbi Gjirin e Napolit dhe mundësi për të parë brenda kraterit.

🥪 12:30 – Piknik në pikë panoramike

📍 15:00 – Ndalesë panoramike në San Giorgio a Cremano

🌆 17:00 – Kthimi në Napoli

🌙 Mbrëmje e lirë për shëtitje në qytet ose darkë sipas dëshirës.

Dita e Tretë – E Shtunë, 23 Maj
🌊 Eksplorimi i Bregdetit të Amalfit

🍳 07:30 – Mëngjesi në hotel
🚌 08:30 – Nisja drejt Amalfit

🏛 Vizitë në Katedralen e Shën Andreas (Duomo)

🍋 Degustim i famshëm i Limoncellos

🏖 Kohë e lirë për plazh dhe eksplorim në:

• Positano – Spiaggia Grande
• Amalfi – Spiaggia di Duoglio
• Maiori – plazh i gjerë me rërë

🛍 Kohë e lirë për shopping, kafe apo relaks buzë detit.

🌙 Takimi në pikën e caktuar dhe kthimi në hotel.

TEKSTI VAZHDON NË KOMENT👇👇

Urime të përzemërta për anëtarin e shoqatës sonë, Petrit Kllokoqi, për arritjen e një tjetër suksesi të jashtëzakonshëm ...
28/04/2026

Urime të përzemërta për anëtarin e shoqatës sonë, Petrit Kllokoqi, për arritjen e një tjetër suksesi të jashtëzakonshëm në alpinizëm! 🏔️

Më 28 prill, në orën 06:45 të mëngjesit, Petriti së bashku me alpinisten e njohur Uta Ibrahimi, arritën me sukses majën Lobuche East (6,119 m), një nga ngjitjet më sfiduese dhe të rëndësishme në kuadër të përgatitjeve për Everestin.

Ekipi, i shoqëruar nga guidat profesioniste Sherpa Dipen Nuppa Bhote, Ang Sonam Bhote dhe Guru Bhote, tregoi forcë, përkushtim dhe profesionalizëm gjatë gjithë ngjitjes, duke arritur majën për vetëm 4 orë e 30 minuta nga High Camp.

Ky sukses është një hap shumë i rëndësishëm në procesin e aklimatizimit dhe përgatitjes së Petritit për sfidën e radhës ngjitjen drejt majës më të lartë të botës, Everestit. 🏔️

I urojmë Petritit shumë suksese, forcë dhe kthim të sigurt në këtë rrugëtim historik. Jemi krenarë me ty!

Të dashur bjeshkatarë,Të dielën me datë 3 Maj 2026 ju ftojmë të bashkoheni në një ecje të paharrueshme në Majën e Tarabo...
28/04/2026

Të dashur bjeshkatarë,
Të dielën me datë 3 Maj 2026 ju ftojmë të bashkoheni në një ecje të paharrueshme në Majën e Tarabosh*t 🌄

Maja e Tarabosh*t ndodhet pranë qytetit të Shkodrës, buzë Liqenit të Shkodrës.
Është një nga pikat më panoramike të zonës, prej nga mund të shihen Shkodra, liqeni dhe vargmalet përreth.
Ecja fillon nga zona e Zogajt/Shirokës, drejt majës së Tarabosh*t .
Kthimi bëhet në të njëjtin shteg. Gjatësia totale e ecjes është rreth 8 km, një aktivitet i bukur dhe relaksues në natyrë! 🥾

Pas përfundimit të ecjes, do të ndalemi në Shkodër për drekë ose kafe, për të shijuar qytetin dhe për t’u çlodhur së bashku ☕🍽️

Nisja do të bëhet nga Parkingu 21-shi - Prishtinë në orën 06:30 🚍
Niveli i vështirësisë: I lehtë deri mesatar, 8km (total)
Pajisjet e nevojshme: Këpucë të përshtatshme për ecje, veshje sportive, kapelë, krem kundër diellit, ushqim dhe 1.5L ujë për një ditë 🌞🥪💧
Dokumente: Letërnjoftim (ID Card) për kalimin e kufirit
Pagesa: 25 euro për transport dhe guidë

Për më shumë informacion dhe regjistrim, na kontaktoni në 📞 +38345771443 ose +38349188888(Inbox ose WhatsApp)
Bashkohuni për një aventurë të mrekullueshme dhe panoramike në zemër të natyrës! 🌿

Natën n’tendë, ditën n’parajsë 🏕️🌊✨Gjipe 💙
27/04/2026

Natën n’tendë, ditën n’parajsë 🏕️🌊✨
Gjipe 💙

Camping në Kanionin e Gjipes 25-26 PrillKëtë vikend me datë 25-26 Prill ju ftojmë për një aventurë të paharrueshme dydit...
20/04/2026

Camping në Kanionin e Gjipes 25-26 Prill

Këtë vikend me datë 25-26 Prill ju ftojmë për një aventurë të paharrueshme dyditore në një nga destinacionet më spektakolare të bregdetit shqiptar – Kanioni i Gjipes. Një eksperiencë që ndërthur detin, aventurën dhe kampingun në natyrë të egër.

🕘 Nisja: Ora 08:00 nga Prishtina🚌
🌡️ Moti i parashikuar: 20°C, me diell ☀️
🕓 Kohëzgjatja e eksplorimit: 2-4 orë, me ndalesa për pushim dhe aktivitete

🏕️ KAMPING NË PLAZHIN E GJIPES
Pas mbërritjes dhe një ecjeje të shkurtër drejt plazhit, vendosim kampin në një nga plazhet më të bukura dhe të izoluara në Shqipëri. I rrethuar nga shkëmbinj të lartë dhe natyrë e paprekur, Gjipja ofron një atmosferë magjike.

Do të përjetojmë:
✨ Perëndimin mbi detin Jon
🔥 Zjarr kampi dhe momente relaksi buzë detit
🌌 Qiell të mbushur me yje dhe tingujt e valëve
🎶 Muzikë dhe atmosferë të lirë
🍲 Ushqim të përbashkët dhe shije të mira

🌊 AKTIVITETE & AVENTURË
• Eksplorim i Kanionit të Gjipes
• Stand Up Paddle në ujërat kristal
• Climbing për adhuruesit e aventurës
• Not dhe relaks në plazh

📌 Kampingu do të zhvillohet drejtpërdrejt në plazhin e Gjipes, ndërsa gjatë qëndrimit do të kemi kohë të mjaftueshme për të eksploruar kanionin dhe për të shijuar natyrën përreth.

🎒 Çfarë duhet të merrni me vete:
• Rroba të lehta dhe një set për ndërrim
• Veshje të lehta për mbrëmje
• Ushqim dhe snacks për 2 ditë
• Ujë dhe produkte personale
• Këpucë të rehatshme për ecje
• Energji pozitive dhe dëshirë për aventurë! 🌊🌿

✅ Në çmim përfshihen:
• Transporti me mini bus nga Prishtina
• Tendat
• Sleeping bag (thasë për fjetje)
• Shtrojat për fjetje
• Stand Up Paddle
• Organizimi dhe guida

💶 Çmimi: 50€
📩 Për rezervim dhe informacione shtesë, na kontaktoni në: +38349188888 dhe +38345771443

Të shtunën zbresim në kanion, e të dielën zgjohemi me detin përballë!
Me dashni,
SHB “Mariashi” 🏕️🌊🥾✨

NJOFTIM Me dhimbje të thellë njoftojmë se është ndarë nga jeta Hekuran Hoxha (Kani), anëtar i shoqatës sonë dhe shok i ç...
29/01/2026

NJOFTIM
Me dhimbje të thellë njoftojmë se është ndarë nga jeta Hekuran Hoxha (Kani), anëtar i shoqatës sonë dhe shok i çmuar i maleve.

Hekurani ishte bjeshkatar i përkushtuar, i qetë dhe i qëndrueshëm, një njeri që e donte malin dhe e respektonte atë. Me të kemi ndarë shtigje, ngjitje, lodhje dhe momente gëzimi, duke ndërtuar kujtime që do të mbeten përgjithmonë pjesë e rrugëtimit tonë si shoqatë.

Në bjeshkë, ai dallohej për maturinë, seriozitetin dhe korrektësinë ndaj grupit. Ishte nga ata njerëz që nuk kërkojnë vëmendje, por që prania e tyre e bën ecjen më të sigurt dhe shoqërinë më të fortë.

Largimi i tij lë një boshllëk të madh në radhët e ShB “Mariashi” dhe në çdo shteg ku kemi ecur bashkë. Kujtimi për Hekuran Hoxhën – Kanin, do të mbetet pjesë e historisë dhe shpirtit të shoqatës sonë.

I shprehim ngushëllimet më të sinqerta familjes, miqve dhe të gjithë bashkudhëtarëve të tij.

U prehtë në paqe.
Malet do ta kujtojnë gjithmonë.🕊

Urime Krishtlindjet në emër të SHB Mariash*t!Paqe, dashuri dhe bekime në çdo familje. 🎄✨
24/12/2025

Urime Krishtlindjet në emër të SHB Mariash*t!
Paqe, dashuri dhe bekime në çdo familje. 🎄✨

Address

Deçan
51000

Telephone

+38349377871

Website

Alerts

Be the first to know and let us send you an email when Sh.B “Mariashi” posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Sh.B “Mariashi”:

Shortcuts

Share

Category