Khasskhass.com

श्रष्टा तथा पाठकवृन्द
यहि जुलाई ४, २०११ देखि खसखस डट कम पाँचौ वर्षमा प्रवेश गर्दैछ । तपाईहरुको लेख, रचना, विचार, सल्लाह अनि सुझावले यहाँसम्मको यो यात्रा सम्भव भएको हो । अनि प्राप्त सल्लाह र सुझावको आधारमा सिमित साधन र श्रोतलाई मध्यनजर राख्दै अलिकता नयाँ मुहारमा प्रस्तुत गरेका छौँ । तपाईका सल्लाह र सुझावको अपेक्षा भने निरन्तर रहि नै रहनेछ र तिनलाई कार्यान्वयन गर्ने जमर्को जारी नै रहनेछ ।
नयाँ पुरान

ा साहित्यकार तथा कलाकारहरुलाई एकै थलोमा जम्का भेट गराउने उदेश्यले प्रवासबाट सँचालित यो वेब साईट कत्तिको सफल भयो या नेपाली साहित्यमा के कति योगदान दिन सक्यो भन्ने कुराको विषयमा चर्चा चलाउने जिम्मा चाहिँ तपाईहरुकै । वरिष्ठ साहित्यकार तथा कलाकारका अमूल्य तथा अनुभवी विचारहरु पस्केर आगामी पुस्ताकोलागी केहि मार्गदर्शनकोलागी सहयोग पुगोस् भन्ने उदेश्य बोकेको वेब साईट कत्तिको सफल भयो भन्ने कुराको मूल्याँकन गर्ने जिम्मापनि तपाईहरुकै । तर हाम्रो भन्नु के छ भने गर्न सकिने र गर्नुपर्ने अझै थुप्रै छन् । र यसलाई पुरा गर्न हामी विस्तारै विस्तारै लागी परेका छौँ ।
एक व्यक्ति, सिमित साधन, श्रोत र समयको परिवेशमा सँचालित यस वेब साईटले अहिलेसम्म दिँदै आएको साहित्यिक खुराकको बारेमा प्राप्त प्रतिक्रियाहरु हाम्रोलागी हौसला प्रदायक रहेको छ । तर माथि नै भनिए झै गर्नुपर्ने या गर्न सकिने अझ थुप्रै छन् । मात्र साधन, श्रोत, समय र सहयोगको खाँचो छ । त्यस्तै यस वेबसाईटका अक्षम्य गल्तीहरु नभएपनि गल्ति नभएको पक्कै होईन होलान् । तिनलाई सुधार गर्दै लैजानुपनि हाम्रो ध्येयमध्येको एक रहेको छ ।
अन्य नेपाली साहित्यिक पत्रिका या सँस्थासँग हातेमालो गरेर नेपाली साहित्यको उत्थानमा होस्टेमा हैँसे गर्ने उदेश्यले गत वर्षदेखि कुबेतबाट प्रकाशन हुने मासिक पत्रिका 'स्पन्दन'लाई पिडिएफमा खसखस डट कममार्फत सार्वजनिक गर्दै आएका छौँ । यो शुरुवात हो । आगामी दिनहरुमा यसैगरि नेपाली भाषाका अन्य साहित्यिक पत्रिकाहरुलाई यस वेबसाईट मार्फत सार्वजनिक गर्दै जाने जमर्को गर्नेछौँ । यस बारेमा तपाईहरुको सल्लाह, सुझाव र सहयोग पाईने नै छ । यसैगरि समाचार मूलक 'साहित्यिक गतिविधि' तथा साहित्यिक 'सूचना/विज्ञप्ति'पनि आरम्भ गरेका छौँ | यस्ता साहित्य सम्बन्धि सूचना/विज्ञप्ति प्रत्यक्ष रुपले हामीलाई उपलब्ध गराउनु पर्छ | 'मास' इमेलमा आएका सूचनालाई 'मास' नै भन्ने ठानेर उचित ध्यान दिन असमर्थ रहने छ | यसमा तपाईंहरुको सक्रिय अनि उपलव्धि मूलक तथा उत्पादक सहभागिता रहने नै छ भन्ने पूर्ण विश्वास लिएका छौँ |

स्पन्दनका सम्पादक तथा साहित्यकार होमबहादुर क्षेत्रीसँग सम्पर्क गराईदिने व्यक्ति हुनुहुन्छ वरिष्ठ साहित्यकार तथा मदन पुरस्कार पुस्तकालयका अध्यक्ष श्री कमलमणी दिक्षित । हाम्रो एकार्काको विचार एउटै एउटै लागेकोले कमलदाईले चिनाईदिनुभएको हो । यो हाम्रो स्व-सुकर्मको प्रतिफलको रुपमा लिएको छुँ ।
साहित्यलाई पुट दिने उदेश्य हुँदा हुँदैपनि थप रचना राख्ने रहरमा अन्य वेब साईटबाट कपि पेष्ट भने हामी गर्दैनौँ । फेरि एउटै रचना सर्वत्र पठाइएकोलाई पनि हामी टेर्दैनौँ । खसखस डट कमलाईमात्र पठाईएको रचनामात्र प्रकाशित गरिने हुँदा यो साईट छिटो छिटो अद्यावधिक हुन पाएको छैन । आफ्नोपन कायम राख्न हामीले यसो गर्नुपरेको हो । फेरी प्रत्यक्ष राजनैतिक या यससंग सम्बन्धित लेख रचनाहरुलाईपनि हामीले समावेश गर्न उचित ठानेका छैनौं |

अनि अर्को अनुरोध के भने खसखस डट कममा प्रकाशित लेख रचनाहरु तपाईंहरुले प्रकाशन गर्न चाहेमा पूर्व स्वीकृति लिनु भए पत्रकारिताको धर्म निर्वाह हुने थियो | इमेलको आधारमा संसार सानो भइ सकेको छ | सम्पर्क जहाँबाट जहाँ पनि गर्न सकिन्छ | तै पनि यदि त्यो सम्भव नभए 'खसखस डट कम बाट साभार' भन्न नछुटाउने भए गुनासोको कुनै स्थान रहने छैन |
यति हुँदाहुँदै पनि चार वर्षको यात्रा पुरागरि पाँचौ वर्षमा प्रवेश गर्नलागेको यस वेब साईटलाई तपाईहरुको साथ सदा झैँ रहने छ भन्ने विश्वासकासाथ यो भनाई यत्ति नै ।
धन्यवाद !

बासु श्रेष्ठ
www.khasskhass.com
Email: [email protected]