Whistleblow

02/23/2024

MNDAA ရဲ့ ပွဲ တစ်ခုမှာ ဦးရည်မွန်နဲ့ Dr တေဇာဆန်း တို့ နှစ်ဦး ပွဲ တက်တာရယ်

SSPPP/SSA က နုဂျီ ကိုသဝဏ်လွှာ ပထမဆုံးအကြိမ် ပို့တာရယ်

ဒီနှစ်ခုထူးထူးခြားခြားတွေ့ရတော့...ဝမ်းသာသလို စိတ်အားလည်းတက်မိတယ်....
ကောင်းမွန်တဲ့ ပြောင်းလဲမှုတွေ... ထပ်တွေ့ရပါစေ....

08/19/2023

တော်လှန်ရေး ဟာ
မအလ ကိုတော်လှန်နေတာ ပထမအဆင့် ဖြစ်ပြီး

နုဂျီ ရဲ့ CoC အောက်က လူ့ ငထုံ စားဖားတွေကို တော်လှန်ရတာက ဒုတိယအဆင့် ဖြစ်လိမ့်မယ်

Rehabilitation ဆိုတာက ဟိုး တတိယ နေရာတောင် မရှိနိုင်သေး....

သောင်းခြောက်ထောင်သောပြဿနာ တွေ လာလတ္တံ့ပါ

08/19/2023

တော်လှန်ရေးနောက်တဆင့်တက်ဖို့ဆိုရင်
တော်လှန်ရေးမှာ ပါဝင်ကြသူတွေ ဦးဆောင်ကြသူတွေ ပြည်သူတွေအားလုံးဟာ ခုအခြေအနေကနေ ပိုမှန်တဲ့ သိမြင်မှု့ ကျော်မြင်မှု့ သုံးသပ်ထောက်ကူမှု့တွေ လုပ်ကြဖို့ပါပဲ

အရင်က နိုင်ငံရေးဟာ ရှုပ်ထွေးတယ်
မြင်တာကို မြင်တဲ့အတိုင်း အမှန်မယူရဘူးတဲ့
ခုလည်း တော်လှန်ရေဟာ ဒီလိုဖြစ်နေပီ
မြင်တာ ကြားတာကို အမှန်ယူလို့မရတော့ပါဘူး
လိုင်းပေါ်က တော်လှန်ရေးဆယ်လီတွေ ပြောသမျ
နိုင်ငံခြားက ပညာရှင်ဆိုသူတွေ သုံးသပ်သမျ အမှန်ယူမဆုံးဖြတ်ကြဖို့ပါပဲ

တချို့လူတွေက စစ်သာ ကိုယ်တိုင်မတိုက်ဘူးတာ
လိုင်းပေါ်မှာတော့ သူချည်းပွဲခံနေတာ
တကယ်တော့ မြေပြင်က ပြည်သူတွေ အသိဆုံးပါ
တော်လှန်ရေးအမှန်တရားက မြေပြင်မှာသာ ပွင့်လန်းတာမို့
အမှန်တရားကိုမြင်ချင်
အမှန်တရားကို သိချင်
အမှန်တရားကိုခံစားချင်ရင်
အမှန်တရားနဲ့ နီးစပ်ချင်ရင်
မြေပြင်ကိုဆင်းတာမျိုး မြေပြင်ကိုဆက်သွယ်စုံစမ်းတာမျိုး မြေပြင်ကိုထောက်ကူတာမျိုး လုပ်ကြစေချင်တယ်

သူရဲကောင်းမျော်တာမျိုး
တဖက်ပိတ်တာမျိုး တနေ့တနေ့ ဆယ်လီလိုက်လွှင့်တာ
အဟုတ်ထင်နေတာမျိုး အချိန်ကုန်နေရင် ဒီထက်ပိုကြာကုန်ပါလိပ်မယ်

#ရဲဘော်ဝေကြီး(ရေစကြို)

08/14/2023

ဟိုးအစောပိုင်း ကာလကတည်းက
သေးစိ သေးနှုံ့ ပြဿနာလေးတွေ နေရာအနှံ့တွေ့နေကြားနေရလို့

ဒီ Whistleblow. Page ကိုထောင်ခဲ့တာပါ....

ဒီရက်ပိုင်းတော့ ပို ပြီးစိတ်ပူလာမိတာပေါ့

ဗိုလ်နဂါးကိုလည်း အဖက်ဖက်က ပုံဖျက်ဖို့ကြိုးပမ်းလာတယ်
ဗိုလ်နဂါးရဲ့ တပ်ရင်းတွေကို နုဂျီ CoC အောက်ကနေထုတ်ပစ်တယ်...

ဒါတွေက ကောင်းသောလားရာမဟုတ်ပါ...

နုဂျီအောက်က ပကဖ တွေ အသုံးမကျနေတာ နေရာအနှံ့ပါ
နုဂျီ ကို ဘယ်လိုတိုင်ရမှန်းတောင်မသိပဲ ပြီးစလွယ်ပြီးသွားတဲ့အမှုတွေ မှ အများကြီး...

နုဂျီ အနေနဲ့ သူ့အောက်က အောက်ခြေက မတော်မတရား ငပိန်း ငအ တွေကို ဖယ်ရှားသင့်ပြီ

07/22/2023

⦿ ဒေါ်စု ပြန်လွတ်လာခဲ့ရင် ၊

ပါတီကိုတော့ သူ လက်လွှတ်မှာ မဟုတ်ပါ။ ဒေါ်စုအနေနဲ့ NLD နဲ့ NUG ဘယ်သူ့ရွေးမလဲလို့ ပြောရင် ဒေါ်စုအနေနဲ့ NLD ကိုပဲ ရွေးပါလိမ့်မယ်။ ဒေါ်စုအနေနဲ့ သူ မရှိခင်၊ သူ မသိဘဲ ပေါ်လာတဲ့ NUG အပေါ် အလုံးစုံ တာဝန်ခံမှာ မဟုတ်ပါ။ တာဝန်ခံစရာလည်း မလိုပါ။ ဒါပေမယ့် လုံးဝ ငြင်းပယ်တာမျိုးလည်း လုပ်ချင်မှ လုပ်မယ်။ လုပ်ချင်လည်း လုပ်မယ်။ ဒီလုပ်ပုံကို ဘယ်မှာ ဥပမာယူပြီး ကြည့်နိုင်သလဲဆိုတော့ NCGUB ကို ဒေါ်အောင်ဆန်းစုကြည် ဘယ်လို သဘောထားနဲ့ တုံ့ပြန်ခဲ့သလဲဆိုတာနဲ့ ဥပမာယူပြီး စဉ်းစားခန်း ဖွင့်နိုင်တယ်။

________________________

⦿ ကြိုစဉ်းစားထားရမယ့်ကိစ္စ။။

တကယ်တော့ လက်တို့ချင်တာက၊ ဒေါ်အောင်ဆန်းစုကြည်ကို အထိန်းသိမ်းခံဘဝကနေ လွှတ်ပေးလိုက်ရင် ငါတို့ ဘာလုပ်ကြမလဲ…ဆိုတဲ့ကိစ္စပါ။

⦿ ၁။ သာမန်လူထုကတော့ ရှင်းပါတယ်။ ဒေါ်အောင်ဆန်းစုကြည် လွတ်လာတာကို ဝမ်းသာစွာ ကြိုဆိုနေလိမ့်မယ်။ ဒါ့အပြင် ဒေါ်အောင်ဆန်းစုကြည်အပေါ် ရိုးသားစွာ မျှော်လင့်နေလိမ့်အုံးမယ်။ ဒါပေမယ့် — အဲသည့်သာမန်လူထုထဲက စစ်ကောင်စီရဲ့ ယုတ်မာ ရက်စက်မှုကြောင့်၊ စည်းစိမ်ပျက်သွားတယ်… ဘဝပျက်သွားတယ်… မိသားစု ဆုံးရှုံးသွားတယ်…ဆိုတဲ့ သာမန်လူထုတွေကတော့ …. ယခင်က ဒေါ်အောင်ဆန်းစုကြည်အပေါ် မြင်သလို မြင်နိုင်ချင်မှ မြင်နိုင်တော့မယ်။ ဒါ့အပြင် ဒေါ်အောင်ဆန်းစုကြည်ရဲ့ မူနဲ့ သဘောထားတွေကို သေချာ ဂရုတစိုက် စောင့်ကြည့်မယ့် သဘောရှိတယ်။ ဒါ့အပြင် သူတို့ရဲ့ နစ်နာချက်တွေအတွက် ဒေါ်အောင်ဆန်းစုကြည်ဘက်က ဘယ်လို ကူညီ ကယ်မ ပေးနိုင်မလဲဆိုတာလည်း မျှော်လင့်နိုင်လိမ့်မယ်။

⦿ ၂။ နောက်ထပ် စဉ်းစားစရာက လက်နက်ကိုင်လမ်းစဉ်ကို လိုက်ခဲ့သူ‌တွေ ဖြစ်ပါတယ်။ လက်နက်ကိုင်လမ်းစဉ်ကို လျှောက်လှမ်းဖို့ ဆုံးဖြတ်ခဲ့သူတွေထဲမှာ — ဘာဖြစ်ဖြစ် အဆုံးထိ သွားမယ်၊ လုံးဝ နောက်မဆုတ်ဘူးလို့ ကြွေးကြော်ပြီး မြှုပ်နှံခဲ့သူ‌တွေ ရှိပါတယ်။ ဒါ့အပြင် အခြေအနေက တွန်းပို့လို့ လက်နက်ကိုင်လမ်းစဉ်ကို မဖြစ်မနေ လျှောက်လှမ်းရသူတွေ ရှိပါတယ်။ ဒါ့အပြင် နာကျည်းချက်ကြောင့် ခံစားချက်နဲ့ လက်နက်ကိုင်လမ်းစဉ်ကို လျှောက်ခဲ့သူတွေ ရှိပါတယ်။ တချို့ကလည်း အဖော်ကောင်းလို့ ခဏ လိုက်လာသူတွေ ရှိနိုင်ပါတယ်။ ဘယ်လိုပဲ ဖြစ်ဖြစ် လက်နက်ကိုင်လမ်းစဉ်ကို လက်တွေ့ကျကျ သိမြင်ပြီးတဲ့နောက်၊ ကိုယ့်ရဲ့ အခြေအနေနဲ့ ဖြစ်နိုင်ချေတွေကို လက်တွေ့ သိနားလည်လာတဲ့ တော်လှန်ရေးသမား လူငယ် အမြောက်အမြား ရှိတယ်ဆိုတာကို တွေ့ရပါတယ်။ ဒီလူတွေဟာ ဒေါ်အောင်ဆန်းစုကြည်ရဲ့ အခန်းကဏ္ဍကို ဘယ်လို မျှော်လင့် တွက်ဆထားကြသလဲဆိုတာ စဉ်းစားစရာဖြစ်ပါတယ်။

⦿ ၃။ ဒီ/ချုပ် ပါတီဝင်တွေကလည်း တခါတရံ ခက်ခဲသော ရွေးချယ်မှုတွေကို ရွေးချယ်ရလိမ့်မယ်လို့ ပြောနိုင်ပါတယ်။ အကြောင်းကတော့ ဒီ/ချုပ် ပါတီထဲမှာ၊ လက်နက်ကိုင်လမ်းစဉ်ကို ခြေစုံပစ် လျှောက်လှမ်းကြသူတွေ ရှိပါတယ်။ ဒါ့အပြင် တို့ခေါင်းဆောင် မလွတ်မြောက်မချင်း တော်လှန်တိုက်ပွဲဝင်နေရမယ်ဆိုတဲ့လူတွေလည်း ရှိပါတယ်။ တခြားတစ်ဖက်မှာလည်း နိုင်ငံရေးအရ ပါဝင်နေသူတွေ၊ ခပ်လှမ်းလှမ်းကနေ ကူညီထောက်ပံ့နေသူတွေ ရှိပါတယ်။ ဒါ့အပြင် ဘေးထိုင်ပြီး အသာရှောင်နေသူတွေလည်း ရှိပါတယ်။ ဒေါ်အောင်ဆန်းစုကြည်ရဲ့ ဖြစ်တည်မှုဟာ ဒီ/ချုပ်ပါတီဝင်အပေါ် သက်ရောက်မှု ရှိပါတယ်။ ဒီတစ်ခါတော့ အခြေအနေအရ ဖြစ်လာမယ့် ရလဒ်တွေရှိလာနိုင်တယ်။ ယခင် ၂၀၁၀ ရွေးကောက်ပွဲတုန်းကတော့ ဝင်မလား / မဝင်ဘူးလား…ဆိုတဲ့ ကွဲလွဲချက်နဲ့ ဒီ/ချုပ်ရဲ့ ခေါင်းဆောင်ပိုင်း ပဲ့သွားခဲ့ဖူးတယ်။ ဒါကို ကွဲသွားတယ်လို့ မပြောပါ။ ပဲ့သွားတယ်လို့ သုံးနှုန်းပါတယ်။ ဒီတစ်ခါတော့ ခေါင်းဆောင်ပိုင်း အပဲ့ဆိုတာထက် ဒီ/ချုပ်ရဲ့ အောက်ခြေပိုင်း အကွဲက ဖြစ်ကောင်းဖြစ်နိုင်ပါတယ်။ ခွင့်လွှတ်နိုင်တဲ့သူ / နားလည်ပေးတဲ့သူနဲ့ လုံးဝ ခွင့်မလွှတ်နိုင်တဲ့သူတွေ အကြား စည်းခြားသွားတာမျိုးဖြစ်ကောင်းဖြစ်နိုင်ပါတယ်။

ဘာပဲ ပြောပြော … ဒေါ်အောင်ဆန်းစုကြည်ကတော့ ပါတီကို ခြေကုတ်ယူပြီး သူ့ရဲ့ နိုင်ငံရေးအင်အားကို ပြန်လည် သိုမှီးထားနိုင်မယ်လို့ ပြောနိုင်ပါတယ်။ ပါတီကိုတော့ သူ လက်လွှတ်မှာ မဟုတ်ပါ။ ဒေါ်စုအနေနဲ့ NLD နဲ့ NUG ဘယ်သူ့ရွေးမလဲလို့ ပြောရင် ဒေါ်စုအနေနဲ့ NLD ကိုပဲ ရွေးပါလိမ့်မယ်။ ဒေါ်စုအနေနဲ့ သူ မရှိခင်၊ သူ မသိဘဲ ပေါ်လာတဲ့ NUG အပေါ် အလုံးစုံ တာဝန်ခံမှာ မဟုတ်ပါ။ တာဝန်ခံစရာလည်း မလိုပါ။ ဒါပေမယ့် လုံးဝ ငြင်းပယ်တာမျိုးလည်း လုပ်ချင်မှ လုပ်မယ်။ လုပ်ချင်လည်း လုပ်မယ်။ တစ်သားတည်း လက်ခံပစ်လိုက်ဖို့တော့ ခဲယဉ်းလွန်းလိမ့်မယ်။ ဒါဆို NUG အပေါ်မှာ ဒေါ်စုရဲ့ သဘောထားက ဘယ်လိုလဲ။ ဒီလုပ်ပုံကို ဘယ်မှာ ဥပမာယူပြီး ကြည့်နိုင်သလဲဆိုတော့ NCGUB ကို ဒေါ်အောင်ဆန်းစုကြည် ဘယ်လို သဘောထားနဲ့ တုံ့ပြန်ခဲ့သလဲဆိုတာနဲ့ ဥပမာယူပြီး စဉ်းစားခန်း ဖွင့်နိုင်တယ်။

⦿ ၄။ နောက်ထပ် စဉ်းစားနိုင်တာကတော့ NUG ထဲက ဒီ/ချုပ် အဖွဲ့ဝင်တွေအတွက် ဖြစ်ပါတယ်။ ဒါကတော့ ဖြစ်တည်လာတဲ့ အခြေအနေအပေါ် တစ်ဦးချင်း ရွေးချယ်မှုက စကားပြောသွားပါလိမ့်မယ်။ ဒါ့အပြင် ဒေါ်အောင်ဆန်းစုကြည်ရဲ့ NUG အပေါ် ထားတဲ့သဘောထားအမြင်နဲ့လည်း သက်ဆိုင်နေပါလိမ့်မယ်။ ပေါ်ပေါက်လာမယ့် ဒိုင်ယာလော့ခ် အခင်းအကျင်းမှာ — စစ်ကောင်စီဘက်က တည်ဆောက်ထားတဲ့ ဒေါ်စုနဲ့ NUG အကြားက ဆက်ဆံရေးသဘောထားအမြင် နဲ့လည်း သက်ဆိုင်ကောင်း သက်ဆိုင်ပါလိမ့်မယ်။ ဒါတွေဟာ စဉ်းစားရမယ့်ကိစ္စတွေဖြစ်ပါတယ်။ အကယ်၍ ဒေါ်အောင်ဆန်းစု‌ကြည် ပြန်လည် လွတ်မြောက်လာခဲ့ရင် – တိုင်းရင်းသား လက်နက်ကိုင်အင်အားစုတွေနဲ့ ဒေါ်အောင်ဆန်းစုကြည်ဟာ ဘယ်လောက် နိုင်ငံရေးအစေးကပ်ကပ်နဲ့ တံတားထိုးနိုင်မလဲဆိုတာလည်း စဉ်းစားစရာတွေဖြစ်ပါတယ်။ စစ်ကောင်စီ ခေါင်းဆောင်ပိုင်းကတော့ တိုင်းရင်းသားခေါင်းဆောင်တွေနဲ့ ဒေါ်အောင်ဆန်းစုကြည်တို့ မပူးပေါင်းနိုင်အောင် ကန့်ထားနိုင်မယ့် အနေအထားရှိတယ်။ ဒါပေမယ့် ဒေါ်အောင်ဆန်းစုကြည်ကရော တိုင်းရင်းသားလက်နက်ကိုင်အဖွဲ့တွေကို ဘယ်လို သဘောထားရှိခဲ့သလဲ။ ဖြစ်လာမယ့် သဘောထားနဲ့ ယခင်တုန်းက သဘောထားက တူနိုင်အုံးမလား။ အဲသည့်အထဲမှာ မျှခြေကို ကြည့်ပြီး ဇာတ်ကွက်ကို ရွေးချယ် ကပြကြရမှာကတော့ NUG ခေါင်းဆောင်ပိုင်းက ဖြစ်ပါတယ်။ အထူးသဖြင့် NUG ထဲက ဗမာ / မြန်မာ ဒီ/ချုပ် ခေါင်းဆောင်မှုပိုင်းက လူတွေဖြစ်ပါတယ်။

⦿ ၅။ ဒေါ်အောင်ဆန်းစုကြည်ရဲ့ သဘောထားနဲ့ အခန်းကဏ္ဍကို တိုင်းရင်းသားလက်နက်ကိုင်ခေါင်းဆောင်ပိုင်းက ဘယ်လို ထင်မြင်သလဲဆိုတာကလည်း ကြိုတင် စဉ်းစားထားသင့်တဲ့ ဖြစ်တန်ချေထဲက တစ်ခု ဖြစ်ပါတယ်။ နွေဦးတော်လှန်ရေးထဲမှာ တိုင်းရင်းသားလက်နက်ကိုင်အဖွဲ့ကြီးတွေရဲ့ တိမ်းညွှတ်မှု အလှည့်အပြောင်းဟာ — အဆုံးအဖြတ်သဘောကို ညွှန်းနိုင်မယ့် အနေအထားမှာ ရှိပါတယ်။ အထူးသဖြင့် နွေဦးတော်လှန်ရေးရဲ့ လက်နက်ကိုင်လမ်းစဉ် ကျရှုံးမှု / မကျရှုံးမှုကို ဆုံးဖြတ်နိုင်မယ့် အဆုံးအဖြတ်ဩဇာမျိုး တိုင်းရင်းသားခေါင်းဆောင်တွေမှာ ရှိပါတယ်။ ဒါ့ကြောင့် တင်ကူးအခြေအနေတွေ ဖန်တီးမထားတဲ့ ဒိုင်ယာလော့ခ်ဟာ — ဖြစ်ချင်တာတွေလည်း ဖြစ်နိုင်သလို၊ မဖြစ်စေချင်တာတွေလည်း ဖြစ်လာပါလိမ့်မယ်။ အားလုံးကတော့ ရောထွေးပြီး ဖြစ်တည်လာမယ့် သဘောရှိပါကြောင်း…. တင်ပြလိုက်ရပါတယ် ခင်ဗျား….။

မင်းသေ့
နေ့လယ် ၂း၀၃
၂၂ ၊ ဇူလိုင်၊ ၂၀၂၃။

07/16/2023

🇹🇼ပြည်သူကို အချဉ်ဟု မထင်လေနှင့်
-----------------------------------------
By လင်းဆက်ငြိမ်းချမ်း on Wednesday,
July 15, 2020 - 01:30

၁၉၉၀ မေလ ၂၇ ရက်တွင် ကျင်းပသော အထွေထွေရွေးကောက်ပွဲတွင် ပြည်သူများ မဲပေးနေစဉ် (MICHAEL ADLER / AFP)

အရင်းမရှိ အဖျားမရှိ ‘‘ဦးအောင်ကြီးကိုသိလား’’ဟု မေးမိတော့ ဗစ်တိုးရီးယားအမှုတွင် ထိုးကျွေးခံရသူ ကိုအောင်ကြီးကိုသာ သိကြောင်း သူတို့ပြန်ပြောကြသည်။

သူတို့ဆိုသည်မှာ အသက် (၂၅)နှစ်ပင် မပြည့်သေးသော ကျွန်တော့်မိတ်ဆွေလေး သုံးဦး။ ရံဖန်ရံခါ ရီဝေရောင်သန်းနေ သော လူလတ်တန်းစားအဆင့် တတ်နိုင်သည့်ဆိုင်တွင် ထိုင်ကာ နိုင်ငံရေးနှင့် ရောက်တတ်ရာရာ များဖြင့် ပြောဆိုဆွေးနွေးအဖွဲ့ကျနေကျ။

ယခုတော့ New Normal စတိုင် ပလတ်စတစ်ခပ်ပါးပါးကာ ထားသောဆိုင်တွင် အကြောင်း အရာတစ်ခုကိုအစပျိုးလိုဇောဖြင့် ကျွန်တော် မေးမိလိုက်ခြင်းဖြစ် သည်။

‘‘ကိုအောင်ကြီးမဟုတ်ဘူး။ ဦးအောင်ကြီး၊ တပ်မတော်ကို စိတ်နဲ့တောင် မပြစ်မှားနဲ့လို့ ပြော ခဲ့တဲ့သူ’’ဟု ထပ်ညွှန်းလိုက်တော့ နိုင်ငံရေးစာအဖတ်များသော မိတ် ဆွေလေးက သိရှိကြောင်း ပြော သည်။ ကျွန်တော်ပြောပြချင်သော အကြောင်းအရာဆီ ရောက်ရန် ကျွန်တော်ဆဝါးမိသလောက် ဦး အောင်ကြီး၏အစကို ပြောပြဖြစ် သည်။

ဦးအောင်ကြီး၏ နိုင်ငံရေး အစမှာ သခင်အောင်ကြီး(ပေါင်း တည်)အဖြစ် တို့ဗမာအစည်းအ ရုံးဝင်။ ပြည်သူ့အရေးတော်ပုံပါတီ တည်ထောင်စကတည်းက လည်းပါဝင်သူ။ ပြီးတော့ ဂျပန် ခေတ် ဗိုလ်ချုပ်အောင်ဆန်းရုံးခန်း တွင် ဗိုလ်ချုပ်နှင့်အနီးကပ်။ စစ် ပြီးခေတ် တပ်ကထွက်ပြီးနောက် ဆိုရှယ်လစ်ပါတီတွင် ခေါင်း ဆောင်တစ်ဦး။ ထို့နောက် ပြည် တွင်းစစ်ပြင်းထန်နေသည့် ၁၉၄၉ ခုနှစ်တွင် တပ်ထဲပြန်ဝင်၊ နောက် ပိုင်း ဗိုလ်မှူးချုပ်ရာထူးဖြင့် ဗိုလ် နေဝင်းပြီးလျှင် သူသည် တော်လှန် ရေးကောင်စီနံပါတ်နှစ်။

၁၉၆၃ ခုနှစ်တွင် ဗိုလ်နေ ဝင်းနှင့် သဘောထားကွဲပြီး တပ် ကထွက်။ ၁၉၆၅ ခုနှစ် ဗိုလ်နေ ဝင်း၏ မျက်စောင်းတစ်ချက်တွင် ထောင်ထဲရောက်။ ထောင်ထဲက ပြန်ထွက်ပြီးနောက်တွင်တော့ ဦး အောင်ကြီးဘ၀ လက်ဖက်ရည် ဆိုင်တွေဘာတွေထောင်၊ အောင် ကြီးကိတ်တွေဘာတွေဖြင့် စီးပွား ရေးသမား။ ၁၉၈၈ ခုနှစ်ရောက် တော့ ‘ဦးနေဝင်းထံ အိတ်ဖွင့်ပေး စာ’ဆိုသည့် ‘၄၁ မျက်နှာစာတမ်း’ ဟု နာမည်ကြီးခဲ့သော တိုင်းပြည် ၏ လက်ရှိအခြေအနေကို ပြတ် ပြတ်သားသား ဝေဖန်လိုက်သည့် ဦးအောင်ကြီး၏စာ။

ထို ၄၁ မျက်နှာစာတမ်း သည် တစ်တိုင်းပြည်လုံးအနှံ့ ပျံ့နှံ့ ခဲ့သလို ဗိုလ်နေဝင်းနှင့် မဆလ စနစ်ကို တိုင်းသိပြည်သိ အာခံရဲ သူတစ်ဦးအဖြစ် ဦးအောင်ကြီး၏ နာမည်မှာလည်း တစ်တိုင်းပြည် လုံးအနှံ့ ကျော်ကြားခဲ့သည်။ ထို့ အပြင် ခမ်းနားလွန်းလှသော သမိုင်းဝင် ရှစ်လေးလုံးအရေး တော်ပုံကြီး ဖြစ်ပေါ်လာစေရေးအ တွက် အရေးကြီးသော ထည့်ဝင် အားလည်းဖြစ်သည်။

ထို့နောက် ဦးအောင်ကြီး သည် ပြည်သူတို့ မျှော်လင့်ချက် ကြီးခဲ့သော ခေါင်းဆောင်တစ်ဦး အနေဖြင့် ထောင်ထဲသို့ရောက်။ ၁၉၈၈ ခုနှစ် သြဂုတ်၂၅ ရက်နေ့၊ အင်းစိန်ထောင်ထဲမှ လွတ်လွတ် ချင်းမှာပင် စမ်းချောင်း ပဒုမ္မာ ကွင်းတွင် ဦးအောင်ကြီး တရား ဟောမည်ဆိုတော့ ရန်ကုန်ပြည် သူများစွာ မျှော်လင့်ချက်ကြီးစွာ ဖြင့် ရောက်ရှိ။ ထိုဟောပြောပွဲတွင် ဦးအောင်ကြီးက ‘ခင်ဗျားတို့ တပ် မတော်ကို စိတ်နဲ့တောင်မပြစ်မှား ကြနဲ့’ဟု ဆိုလိုက်တော့ ထိုစကား တစ်ခွန်းက ပြည်သူကိုဆတ်ဆတ် ခါသွားစေခဲ့သည်။

သည်လောက် ပြည်သူ့ရင်၀ တည့်တည့်၊ အဖြူအစိမ်းဝတ် ကျောင်းသားလေးများပင် မချန် ပစ်ခဲ့ခတ်ခဲ့သည်မှာ ဘာမှမကြာ သေးသည့်တိုင် တပ်မတော်ကို စိတ်နဲ့တောင် မပြစ်မှားခိုင်းလေ တော့ ဦးအောင်ကြီးကို ထိုစကား တစ်ခွန်းတည်းဖြင့်ပင် ကိုယ့်လူ မဟုတ်ဟု ပြည်သူတို့ ကောက် ချက်ချခဲ့သည်။

နောက်ပိုင်း ဦးအောင်ကြီး၊ ဒေါ်အောင်ဆန်းစုကြည်နှင့် ဦး တင်ဦးတို့၏ ‘အောင်စုတင်’ ကြေ ညာချက် ထွက်ပေါ်လာပြီးနောက် ယင်း၏အဆက် ၁၉၈၈ ခုနှစ် စက် တင်ဘာတွင် အမျိုးသားဒီမိုကရေ စီအဖွဲ့ချုပ်။ ဦးအောင်ကြီးသည် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ။ ပြည်သူတို့က ဦးအောင် ကြီးအပေါ် ယုံကြည်မှုပျက်ခဲ့ပြီ ဖြစ်သော်လည်း ဒေါ်အောင်ဆန်း စုကြည်၊ ဦးတင်ဦး စသည်ဖြင့် ပြည်သူထောက်ခံသူများနှင့် အ တွဲအဆက်ကလှနေ၍ မဆိုးလှ သည့်အနေအထားမျိုး။

သို့သော် ဥက္ကဋ္ဌဖြစ်ပြီး ဘာမှ မကြာသောအချိန်တွင်ပင် အမျိုး သားဒီမိုကရေစီအဖွဲ့ချုပ်အတွင်း ကွန်မြူနစ်နှင့် ကွန်မြူနစ်လိုလား သူများ ကြီးထွားလာနေသည်ဆို သည့် ဦးအောင်ကြီး၏စွပ်စွဲချက် ကလည်း ကြီးထွားလာခဲ့သည်။ ယင်းစွပ်စွဲချက်အပေါ် မဲရှုံးသူ ပါတီမှနုတ်ထွက်ကြေး ကြိုတင်သဘောတူညီချက်ဖြင့် မဲခွဲသည့်အခါမှာတော့ ဦးအောင်ကြီး ရှုံးနိမ့်။ ၁၉၈၈ ခုနှစ် ဒီဇင်ဘာ ၁၃ ရက်။

ဦးအောင်ကြီးအုပ်စု မရှိ တော့သော အမျိုးသားဒီမိုကရေစီ အဖွဲ့ချုပ်သည် ပြည်သူထောက်ခံ မှု ပိုကြီးလာသည်။ ဦးအောင်ကြီး သည်လည်း ပြည်ထောင်စုအမျိုးသားဒီမိုကရေစီပါတီဟူ၍ တစ် စင်ထောင်။ ၁၉၉၀ ပြည့်နှစ် ရွေး ကောက်ပွဲတွင် ခေါင်းမဖော်ဝံ့ အောင် ရှုံးနိမ့်ကာ နိုင်ငံရေးကန့် လန့်ကာ ချခဲ့ရသည်။

ပြောရလျှင် မြန်မာပြည်သူ များက ဦးအောင်ကြီး၏အတွင်း ရေးကို ဘာဆိုဘာမှ သေချာမသိ သော်လည်း တပ်မတော်ကို စိတ် နဲ့တောင် မပြစ်မှားနဲ့ ဆိုသည့် စကားတစ်ခွန်းတည်းဖြင့် ပြည်သူ့ ဘက်တော်သား မဟုတ်မှန်း ယုံ ကြည်စွာကောက်ချက်ချကာ လုံး၀ မထောက်ခံတော့ခြင်းဖြစ်သည်။

၂၀၁၂ အောက်တိုဘာတွင် ဦးအောင်ကြီး ကွယ်လွန်ခဲ့သည်။ ၁၉၉၀ ပြည့်နှစ်နောက်ပိုင်း နိုင်ငံ ရေးကွယ်ခဲ့ပြီဖြစ်သော ဦးအောင် ကြီးကို စစ်အစိုးရနှောင်းပိုင်းကာ လတွင် လျှပ်တစ်ပြက်ဂျာနယ်နှင့် အင်တာဗျူး၌ ဖျတ်ခနဲတစ်ချက် ပြန်တွေ့ရုံသာ တွေ့ရတော့ သည်။ ထို့အပြင် စစ်အစိုးရလက်ထက် စာပေစိစစ်ရေးမူအရ မည်သည့် သမိုင်းမှန်စာအုပ်မျှမထွက်နိုင်၍ ဦးအောင်ကြီးအကြောင်း လည်း ထပ်မသိရတော့ပေ။

သို့သော် ၂၀၁၆ ခုနှစ် မတ် လရောက်တော့ အမေရိကန်နိုင်ငံ သားခံယူထားသူ ဆရာကြည်ဝင်း စိန် အင်္ဂလိပ်လိုရေးသားထား သောစာအုပ်ကို သူ၏ညီ မာလိန် မှူးတင်ထူးစိန်မြန်မာဘာသာပြန် ထားသည့် ‘ကျွန်တော်နှင့်ဗိုလ်ချုပ် များ’ စာအုပ်ထွက်လာသည်။

ဆရာကြည်ဝင်းစိန်မှာ စစ် ပြီးခေတ် ပညာတော်သင်အဖြစ် တိုကျိုတက္ကသိုလ်မှ ဥပဒေပညာ ဘွဲ့ရ။ ထို့နောက် ဗိုလ်နေဝင်း၏ အတွင်းစည်းတွင် ဥပဒေပညာဖြင့် နေရာတစ်နေရာရရှိကာ ထိုအ ချိန်က ဗိုလ်မှူးချုပ်အောင်ကြီး၏ တပည့်ရင်းချာ။ နှစ်ပေါင်း၂၀ ခန့် ကြာ အာဏာသိမ်းဗိုလ်ချုပ်များ ကြား ကျင်လည်ပြီးနောက် ပြည်ပ သို့အပြီးထွက်ခွာသွားခဲ့သူ။ သူ၏ အမျိုးသမီးမှာ ဂျပန်နိုင်ငံသူဖြစ်သ လို သူ့တိုကျိုတက္ကသိုလ်ကျောင်း နေဖက်များမှာ ဂျပန်အစိုးရအဖွဲ့ ဝင် ထိတ်ထိတ်ကြဲများ။

၁၉၈၈ ခုနှစ် အောက်တိုဘာ လလယ်ခန့်တွင် ၎င်းနေထိုင်ရာ အမေရိကန်ရှိနေအိမ်သို့ သူ၏ ဆရာဖြစ်သူ ဦးအောင်ကြီးက ဖုန်း ဆက်သည်။ ဦးအောင်ကြီးက သူ့နံဘေးတွင် ဗိုလ်မှူးကြီးခင်ညို၊ နဝတအတွင်းရေးမှူး(၂) ဗိုလ်ချုပ်တင်ဦးနှင့် အရှေ့တောင်တိုင်း စစ်ဌာနချုပ် တိုင်းမှူးဗိုလ်ချုပ် ဉာဏ်လင်းတို့ရှိနေပြီး ဦးနေဝင်း ဖုန်းဆက်ခိုင်း၍ ဆက်ကြောင်း ပြောသည်တဲ့။ ဖုန်းဆက်ရခြင်းအ ကြောင်းမှာ ဆရာကြည်ဝင်းစိန်၏ ကျောင်းနေဖက်များသည် ဂျပန် နိုင်ငံရေးထိပ်သီးများမို့ ဖြူကာပြာ ကာဖြစ်နေသော အာဏာသိမ်း စစ်အစိုးရကို ငွေကြေးကူညီပေး ရေးပြောကြားပေးရန်ဟု စာအုပ် နိဒါန်း၌ ဖော်ပြထားသည်။

ခုနှစ်များကို တိုက်ဆိုင်စစ် ဆေးလိုက်တော့ အမျိုးသားဒီမို ကရေစီအဖွဲ့ချုပ် တည်ထောင် သည်မှာ ၁၉၈၈ ခုနှစ် စက်တင် ဘာ ၂၇ ရက် ဦးအောင်ကြီးသည် ပါတီဥက္ကဋ္ဌ။ ဦးအောင်ကြီးက ပါတီတွင်း ကွန်မြူနစ်ပြဿနာအ ရေးပေါ် သုံးသပ်ချက်တင်ပြချိန် မှာ ၁၉၈၈ နိုဝင်ဘာ ၂၉ ရက်။ ယင်းကွန်မြူနစ်ပြဿနာကို မဲရှုံး သူနုတ်ထွက်ကြေးမဲခွဲသည့်နေ့မှာ ၁၉၈၈ ခုနှစ် ဒီဇင်ဘာ ၁၃ ရက်။ ဆရာကြည်ဝင်းစိန်ထံ ဦးအောင် ကြီး ဖုန်းဆက်သည့်အချိန်မှာ ၁၉၈၈ အောက်တိုဘာလလယ်။

ဆိုတော့ ဦးအောင်ကြီးသည် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ လုပ်နေဆဲနှင့် အခြားပါတီ ခေါင်းဆောင်များနှင့် ပြဿနာ မတက်သေးသည့်အချိန်တွင် စစ် အစိုးရ အသက်ဆက်နိုင်ရေးအ တွက် ဦးနေဝင်းခိုင်းသည့်အတိုင်း အကူအညီပေးခြင်း ဖြစ်သည်။ ပြောရလျှင် ဦးအောင်ကြီးနှင့် ဦးနေဝင်းကြား အခြားသောဆက်ဆံ ရေးနှင့် အပေးအယူများ ရှိနေနိုင် သေးသည်ဟု ဆက်တွေးချင်စရာ ကောင်းလှသည်။ ထား။

ဦးအောင်ကြီး၏ ထိုသို့သော မီးစတစ်ဖက်၊ ရေမှုတ်တစ်ဖက် ဇာတ်ထုပ်ကို ဦးအောင်ကြီး ကွယ် လွန်ပြီး အတန်ကြာမှ မြန်မာပြည် သူတို့ သိရှိရခြင်းဖြစ်သည်။ သို့ သော် မြန်မာပြည်သူတို့သည် ‘တပ်မတော်ကို စိတ်နဲ့တောင် မပြစ်မှားနဲ့’ဟု ဦးအောင်ကြီးပြော ကြားခဲ့သည့် ၁၉၈၈ ခုနှစ်ကတည်း ကပင် ပြည်သူ့ဘက်တော်သား မဟုတ်ကြောင်း အခိုင်အမာ ယုံ မှတ်ခဲ့ပြီးဖြစ်သည်။

ဆိုလိုတာက ရှင်ကြီးဝမ်း တွင်ရော ရှင်ငယ်ဝမ်းတွင်ပါ ပြဿနာမျိုးစုံ၊ အတွေ့အကြုံမျိုး စုံနှင့် ငရဲမျိုးစုံကို ဖြတ်ကျော်ခဲ့ပြီး သော မြန်မာပြည်သူတို့မှာ ပြော သမျှယုံပြီး လွဲမှားသောဆုံးဖြတ် ချက်များဖြင့် နလပိန်းတုံးများ မဟုတ်ပေ။

စစ်အစိုးရခေတ်တစ် လျှောက်လုံး ဗိုလ်ချုပ်ကြီးငယ် အစုံအလင်တို့က ဘုရားတွေ တည်ပြ၊ လူမျိုးကို ချစ်ပြမှုအား မြန်မာပြည်သူတို့ မျက်လုံးကန်း မတတ်မြင်ခဲ့ရပြီး နားကွဲမတတ် ကြားခဲ့ရသော်လည်း ငါးပြားတစ် စေ့တောင်မယုံကြည်ခဲ့မှုမှာ ပြည် သူသည် အချဉ်မဟုတ်ကြောင်း သက်သေပြချက်ဖြစ်သည်။

ဇွန် ၂၉ ရက်နေ့က ပြည်ခိုင် ဖြိုးပြောခွင့်ရ ဒေါက်တာနန္ဒာလှ မြင့်ပြောခဲ့သလို ဗိုလ်ချုပ်ဓာတ်ပုံ ကြောင့်၊ ဗိုလ်ချုပ်သမီးကို ချစ် သည့်စိတ်ကြောင့် ပြည်သူတစ်ရပ် လုံးနှင့်ချီကာ အလွယ်တကူအ ညာခံလိုက်ရသည့်ဖြစ်စဉ်မျိုး မည် သည့်ခေတ်တွင်မှ မရှိခဲ့ပေ။ ပြည် သူက သူတို့ဘာလုပ်ရမလဲဆို သည်ကို သူတို့ကောင်းကောင်းသိ သည်။ ပြည်သူက ဘယ်သူဘာလဲ ဆိုသည်ကို ချက်ဆိုနားခွက်မီး တောက်ပြီးသားဖြစ်သည်။

ပြည်သူကို ငတုံး၊ ငအဟု ထင်နေသမျှ ပြည်သူနှင့်ဝေးနေဦး မည်သာဖြစ်သည်။ ။

မျှဝေသည်

(ဆောင်းပါးရှင် လင်းဆက်ငြိမ်းချမ်းသည် နိုင်ငံရေးနှင့် မျက် မှောက်ရေးရာ ဆောင်းပါးများ ရေးသားနေသူဖြစ်သည်။)

07/15/2023

"၇ ဇူလိုင် အထိမ်းအမှတ်နေ့ ရွာပေါင်းစုံသပိတ်စစ်ကြောင်း ချီတက် ဆန္ဒပြ"
၇.၇.၂၀၂၃

စစ်ကိုင်းတိုင်း ယင်းမာပင် ဆားလင်းကြီး ရွာပေါင်းစုံသပိတ်စစ်ကြောင်းသည် "၇.၇.၆၂ မမေ့ကြနဲ့" စာသားကို ကိုင်စွဲ ချီတက်ခဲ့ကြပြီး ကျောင်းသားလူငယ်များနဲ့ ပြည်သူများက လိုက်ပါဝန်းရံခဲ့ကြကာ ၇ ဇူလိုင်နေ့ အခမ်းအနားကို ကျင်းပပြုလုပ်ခဲ့ကြသည်။

သပိတ်စစ်ကြောင်းတွင် လိုက်ပါလာသူများအား ၇ ဇူလိုင် အထိမ်းအမှတ်နေ့ သိမှတ်ဖွယ်ရာ လက်ကမ်းစာစောင်များ ဝေငှခဲ့ပြီး CDMပညာရေးဝန်ထမ်း ဆရာမဒေါ်နွယ်နွယ်မိုးမှ ၇ ဇူလိုင် အထိမ်းအမှတ်​နေ့ မှတ်သားဖွယ်ရာများကို ပြောကြားခဲ့ပါသည်။

"ဒီနေ့ဟာ ​​ကျောင်းသားတွေများစွာအသက်ပေးခဲ့ရပြီး သမဂ္ဂအဆောက်အဦး ဖြိုချခံခဲ့ရတာ (၆၁)နှစ်ပြည့်တဲ့နေ့ဖြစ်တယ် တော်လှန်ရေးတိုင်း တော်လှန်ရေးတိုင်းမှာ ကျောင်းသားတွေ ရှေ့ဆုံးကနေ အသက်ပေးတော်လှန်ခဲ့ကြတယ် ဒါကြောင့် ကျောင်းသားတွေရဲ့ အခန်းကဏ္ဍကို မေ့ထားလို့မရဘူး"ဟု ဆရာမဒေါ်နွယ်နွယ်မိုး က ပြောကြားခဲ့ပြီး "အလိုမရှိ" သီချင်းကို သံပြိုင်သီဆိုကာ အခမ်းအနားကို ပိတ်သိမ်း၍ လူစုခွဲ့ခဲ့ကြပါသည်။

#အရေးတော်ပုံအောင်ရမည်

#ရွာပေါင်းစုံသပိတ်စစ်ကြောင်း
#ယင်းမာပင် #ဆားလင်းကြီး

07/14/2023

ရေခဲစက်ရုံဝန်ထမ်း၂ ဦးကို စစ်ကောင်စီက ဖမ်းဆီးစဉ် ၁ ဦးအသတ်ခံရကာ ၁ဦးပျောက်ဆုံးနေ

စစ်ကိုင်း၊ ဇူလိုင် ၁၄၊ ၂၀၂၃။

စစ်ကိုင်းမြို့၊ မြကြာနွယ်ရေခဲစက်ရုံက ဝန်ထမ်းအမျိုးသား ၂ ဦးကို ဇူလိုင် ၁၀ ရက်ည ၁၀ နာရီမှာ စစ်ကောင်စီတပ်က ဖမ်းဆီးခဲ့ပြီးနောက် ၁ ဦးမှာအသတ်ခံရကာ နောက် ၁ ဦးမှာ ပျောက်ဆုံးနေတယ်လို့ ဒေသခံတွေဆီက သိရပါတယ်။

အသတ်ခံရသူမှာ ရေခဲစက်ရုံရဲ့ ညစောင့်ဝန်ထမ်း အောင်ခိုင်စိုး ၂၃ နှစ်ဖြစ်ပြီး ဇူလိုင် ၁၄ ရက်ဒီနေ့အထိ သတင်းအစအနမရဘဲ ပျောက်ဆုံးနေသူမှာ ညစောင့်ဝန်ထမ်း ဝေယံ ၂၂ နှစ်ဖြစ်တယ်လို့ ဆိုပါတယ်။

"စကစတွေက စက်ရုံထဲကိုလာဖမ်းတာ။ ဖမ်းတဲ့အချိန်မှာပဲ အောင်ခိုင်စိုးကို ပစ်သတ်လိုက်တာ။ ဘာကြောင့်ဖမ်းဆီးတယ်ဆိုတာတော့ မသိရဘူး" လို့ စစ်ကိုင်းမြို့ခံ အမျိုးသားတဦးက ပြောပါတယ်။

အဲ့ဒီညစောင့်ဝန်ထမ်း ၂ ဦးမှာ ညီအစ်ကိုဝမ်းကွဲတော်စပ်ပြီး ရေခဲစက်ရုံမှာ လုပ်ကိုင်နေတာဟာ ၁ နှစ်ခန့်ရှိပြီဖြစ်တယ်လို့ အထက်ပါအမျိုးသားက ပြောပါတယ်။

ဒါ့အပြင် ၎င်းတို့ ၂ ဦးကို ဖမ်းဆီးသတ်ဖြတ်တဲ့ စစ်ကောင်စီတပ်သားတွေဟာ မြကြာနွယ်ရေခဲ စက်ရုံအနီးမှာရှိတဲ့ တပ်မ ၃၃က စစ်ကောင်စီ တပ်သားတွေဖြစ်ကြပြီး စက်ရုံမှာတပ်ဆင်ထား တဲ့ CCTV ကိုပါ ဖြုတ်ယူသွားခဲ့တယ်လို့ သူက ဆက်ပြောပါတယ်။

ပြီးခဲ့တဲ့ဇွန်လ ၉ ရက်မှာလည်း စစ်ကိုင်းမြို့ပေါ်က ဘုန်းတော်ကြီးကျောင်းတွေမှာ ခိုလှုံနေကြတဲ့ စစ်ဘေးရှောင် အမျိုးသမီး ၂ ဦးအပါအဝင် ၉ ဦးကို စစ်ကောင်စီတပ်သားတွေက ဖမ်းဆီးသွားခဲ့သေးတယ်လို့ ဒေသခံတွေက မြေလတ်အသံကို ပြောဆိုခဲ့ပါတယ်။

သတင်း - အောင်စိုး၊ စာတည်း - နွေဦးငြိမ်းချမ်း

#မြေလတ်အသံ
#စစ်ကိုင်း #စစ်ကောင်စီ #မြို့ခံလူငယ် #ေရခဲစက်ရုံ #ဝန်ထမ်း #ဖမ်းဆီး #သတ်ဖြတ် #ပျောက်ဆုံး #တပ်မ၃၃
*****************************************
အောက်ပါလင့်တွေမှာလည်း မြေလတ်အသံရဲ့ သတင်းများကို ဖတ်ရှုနိုင်ပါတယ်။
Website - https://myaelattathan.org/
Youtube - https://www.youtube.com/channel/UCJpykv7SLazaVzdurxhURIg
Telegram - https://t.me/myaelattathan
Twitter - https://twitter.com/Myaelatt_Athan
Instagram - https://www.instagram.com/myaelatt_athan/

05/30/2023

စကားတွေတော့ကြားချင်မိတယ်..

MOD ကိုအားမရနေတာတော့ အမှန်ပဲ

ပြည်တော်ဝင်ရဲ့မန်းလေးလွမ်းချင်း

မင်္ဂလာပါ…
မန္တလေးကို ချစ်တဲ့သူတွေ စုပြီး မန်းလေးအကြောင်း ပြောကြမယ်။

စစ်မီးဝိုင်းနေတဲ့ မန္တလေးဟာ စကစရဲ့ နောက်ဆုံးခံတပ်ဖြစ်လာမယ်လို့ စစ်ရေးသုံးသပ်သူတွေရဲ့အဆိုဟာ ခိုင်မာသလောက်ရှိလာပါတယ်။ဒါကို ဒီလတွေမှာ မန္တလေးတဝိုက်ခပ်စိတ်စိတ်ကြားလာရတဲ့ တိုက်ပွဲတွေနဲ့ စကစကျရှုံးသတင်းတွေကသက်သေခံနေကြတယ်။

ဒီတိုက်ပွဲတွေကို ဦးဆောင်နေတဲ့ ပြည်သူ့တော်လှန်ရေးတပ်ပေါင်းစုတွေအားလုံးရဲ့ ဦးတည်ချက်ကတော့ မန္တလေးကိုသိမ်းပိုက်နိုင်ရေးပဲဖြစ်ပါတယ်။ နန်းတွင်းစစ်တပ်ကိုသာ နောက်ဆုံးခံတပ်အနေနဲ့ ဗဟိုပြုလှုပ်ရှားနေရမယ့် စကစကို မြင်ယောင်ကြည့်ကြစမ်းပါ။ ဒီခံတပ်သာ ကျသွားရင် သူတို့မှာ ဆုတ်စရာလမ်းဆိုလို့ သေလမ်းပဲရှိပါတော့မယ်။

ဒီတော့ နောက်ဆုံးခံတပ်ကို ရိုက်ချိုးနိုင်ရေးဟာ MDY-PDF နဲ့ တပ်ပေါင်းစုအားလုံးရဲ့ ပင်မပန်းတိုင်လည်းဖြစ်ပါတယ်။ ဒီပန်းတိုင်ရောက်ဖို့ဟာ ပြည်သူအားလုံးရဲ့ အင်အားနဲ့ဝိုင်းဝန်းကြဖို့လိုပါတယ်။

မန္တလေးရဲ့ လွတ်လပ်ခဲ့တဲ့ ညတွေအကြောင်း ပြောကြမယ်၊ အုပ်ချုပ်သူနဲ့ ပြည်သူ လက်တွဲညီခဲ့စဉ်က Smart City မြို့ကြီးအကြောင်း ဖောက်သည်ချကြမယ်၊ မန်းလေးရဲ့ ရဲရင့်တဲ့ သမိုင်းတွေ အကြောင်း ပြောကြမယ်၊ မန်းလေးဟာ သိပ်လှခဲ့ကြောင်း ပြောကြမယ်၊ စစ်အာဏာရှင်ကို ဖြုတ်ပြီး သိပ်လှလာမယ့် မန်းလေးအကြောင်းတွေ ပြောကြမယ်၊ မန်းလေးအကြောင်း ကဗျာတွေ ရွတ်ကြမယ်၊ မန်းလေးကို ပြန်လည်လှုပ်ရှားလာဖို့၊ ပြန်လည်ရဲရင့်လာဖို့ ပြည်တော်ဝင် Project အကြောင်း ပြောကြဖို့ 30.5.2023 ရက်နေ့ ည၇:၃၀ မှာ ပြုလုပ်မယ့် “မန်းလေးလွမ်းချင်း” Talk Show မှာ မန္တလေးကို ချစ်ကြသူတွေက ဘာတွေ ပြောကြမလဲ ဘာအကြောင်းတွေ ပြောကြမလဲဆိုတာ စောင့်မျှော်ကြည့်ရှုရအောင်နော်…

မန်းလေးလွမ်းချင်း မှာ ပါဝင်ပေးမယ့် Speaker တွေကတော့
၁။ ဒေါက်တာ တေဇာဆန်း (ပြည်သူတွေကို ၇၂နာရီ ဂျင်းကနေ လှုပ်နိုးပေးခဲ့သူ၊ မန်းလေးဆေးကျောင်းရှေ့မှာ ဦးဆောင်ဆန္ဒပြခဲ့သူ)

၂။ ဒေါက်တာ ယဉ်ယဉ်နှောင်း (မန္တလေးရဲ့ ဆန္ဒပြပွဲတွေမှာ တောက်လျှောက်ပါဝင်ခဲ့သူ၊ မန်းလေးသူ CDM ဆရာဝန်၊ ၅၀၅ အထုတ်ခံရပြီး မန္တလေးနဲ့ အဝေးဆုံးကို ရောက်နေရသူ)

၃။ ကိုမုန်တိုင်း (MDY-PDF ရဲ့ စစ်ဆင်ရေးနဲ့ စုဖွဲ့မှုတာဝန်ခံ)

၄။ ဒေါက်တာ စိုးသူရဇော် (Medical Family Mandalay MFM မှာ တာဝန်ထမ်းဆောင်နေတဲ့ CDM ဆရာဝန်၊ ပြီးတော့ MDY-PDF ရဲ့ စစ်ဦးစီး အဖွဲ့ဝင်)

၅။ မောင်ဖြိုးဝေ (သူက မန်းလေးသား ကဗျာဆရာ၊ အခုတော့ MDY-PDF မှာ စစ်သားကြီး (စစ်မြေပြင် ကွပ်ကဲရေးမှူး) ဖြစ်လို့ပေါ့)

၆။ Moderator တွေကတော့ ပန်ထွာ (မန်းလေးသူ၊ MOREC CDM ဝန်ထမ်းတစ်ဦးဖြစ်ပြီး Revo Music, Lucky2PDF တို့ရဲ့ Founder)

၇။ Captain Zero ( CDM ဗိုလ်ကြီး၊ CDM စထွက်လာတော့ မန္တလေးနဲ့ အမှတ်တရများစွာ ရှိသူကြီး)

Speaker တွေကတော့ မန်းလေးလွမ်းချင်း သီကြဖို့ အသင့်ဖြစ်နေပါပြီ မန်းလေးလွမ်းချင်းနဲ့အတူ ပြည်တော်ဝင်မယ့် နေ့ရက်များဆီသို့ ….

မန်းလေးလွမ်းချင်းကို Live လွှင့်မယ့် Page တွေကတော့ CRPH-OFP, Vouce of Mandalay - PDF, သပြေညို၊ ပိတောက်ဖူး၊ Khit Thit Media, Mizzima News in Burmese, Myanmar Now, PVTV, D Day Channel, People’s Spring, Spring Myanmar Society (SMS), Lucky2PDF, Revo Music, AFCC တို့ပဲ ဖြစ်ပါတယ်။
ဒီနေ့ည ၇:၃၀ နာရီ မှာ ဝင်ရောက် နားဆင်ပေးဖို့ ဖိတ်ခေါ်ပါရစေ.

#ပြည်တော်ဝင်
#မန္တလေး

#ပိတောက်ဖူး

05/03/2023

"စစ်ကောင်စီ ဝါဒဖြန့်ယန္တရား ၏ ပြည်သူကို သတင်းအဆိပ်ခတ်မှု လုပ်ငန်းစဉ်များကို ဆန်းစစ်ခြင်း "
+++++++++++++++++++++++

By-- ကိုဘမောင်

ဒီနေ့ခေတ်ဟာ သတင်းမီဒီယာခေတ်ဖြစ်ပါတယ်။အသက်ငယ်ရွယ်လွန်းတဲ့ ဆယ် ကျော်သက်ကလေးတွေကစလို့ အသက် ၇၀ ကျော် ပင်စင်စားအဘိုး အဘွားအရွယ်တွေအထိ လူတိုင်း အင်တာနက်လိုင်းပေါ်က နေ့စဥ်သတင်း တွေနဲ့ ရင်းနှီးကျွမ်းဝင်မှုရှိနေကြပါပြီ။

လူထုဟာ သတင်းစားသုံးသူတွေဖြစ်လာတဲ့အတွက် မှန်ကန်တဲ့သတင်းတွေ ရရှိခဲ့ရင်တော့ အကျိုးဖြစ်ထွန်းပြီး ကိုယ့်ဘဝအတွက် မှန်မှန်ကန်ကန် စဥ်းစားဝေဖန်သုံးသပ်နိုင်စွမ်းရှိလာကြမှာပါ။

အကယ်၍ မမှန်ကန် တဲ့သတင်း အချက် အလက်တွေရရှိခဲ့ရင်တော့ အလွဲအမှား စဥ်းစားချက်တွေ၊ မလိုလားအပ်တဲ့ စိုးရိမ်ပူပန်မှုတွေကိုဖြစ်စေပြီး လူတဦးချင်းစီရော၊ လူ့အဖွဲ့အစည်းအတွက်ပါ မတည်မငြိမ်ဖြစ်မှုတွေ ဖြစ်ပေါ်စေနိုင်ပါတယ်။

သတင်းဖတ်တယ်ဆိုတာ အစားအသောက်ရွေးချယ်စားသလိုပဲ စားကောင်းပြီး အာဟာရရှိတဲ့ အစာကို စားနိုင်ရင် ကျန်းမာရေးကောင်းစေနိုင်ပြီး အဆိပ်အတောက်ရှိတဲ့ အစာကိုစားမိရင် သေစေနိုင်တဲ့အထိအာနိသင်ရှိပါတယ်။

သတင်းမှာလည်း မှန်ကန်တဲ့ အကျိုးရှိတဲ့သတင်းကိုရရှိရင် ကောင်းကျိုးပေးပေမယ့် အဆိပ်ခတ်ထားတဲ့ သတင်း တု၊သတင်းမှားတွေကို ရရှိရင်တော့ ပြည်သူလူထုအတွက် ဆိုးကျိုးပဲ ဖြစ်စေနိုင်ပါတယ်။

ကျနော်ဆွေးနွေးတင်ပြလိုတာက ပြည်သူလူထုကို သတင်းအဆိပ်ခတ်နေသူတွေ ရှိနေတယ်ဆိုတာပါပဲ။သူတို့တွေ ဘာရည်ရွယ်ချက်နဲ့ လူထုကို သတင်းအဆိပ်ခတ်နေကြသလဲဆိုတာနဲ့ သူတို့လုပ်ရပ်ကြောင့် ပြည်သူလူထုကြားမှာ လူမှု ဘဝအပေါ် ရိုက်ခတ်ချက်တွေ၊ စိတ်ပိုင်းဆိုင်ရာ စိုးရိမ်ထိတ်လန့်မှုတွေ ဘယ်လောက်အတိုင်းအတာ ပြန့်နှံ့ ထိခိုက် လာနိုင်သလဲဆိုတာပါ သုံးသပ်တင်ပြပေးလိုပါတယ်။

စစ်လော်ဘီအုပ်စု
===============
သတင်းအဆိပ်ခတ်သူများကို အမျိုးအစားခွဲကြည့်ရင် ပထမအုပ်စုက စစ်လော်ဘီအုပ်စုဖြစ်တာကို တွေ့ရှိရပါမယ်။
စစ်လော်ဘီလို့သတ်မှတ်လို့ရတဲ့ လူပုဂ္ဂိုလ်တွေဟာ စစ်ကောင်စီကို ထောက်ခံတဲ့အရေးအသားများ၊ တော်လှန်ရေးအင်အားစုများ ၊အဖွဲ့အစည်းများနှင့် ပြည်သူ့ကာကွယ်ရေးတပ်ဖွဲ့များအား ဦးတည် တိုက်ခိုက်ထားသော အမုန်းစကားများကို အဓိကထားဖြန့်ချိနေကြသူများဖြစ်ပါတယ်။

အာဏာသိမ်းစစ်တပ်ကို ဆန့်ကျင်နေကြတဲ့ တော်လှန်ရေးအင်အားစုများနဲ့ ပြည်သူ့ကာကွယ်ရေးတပ်ဖွဲ့များအား စစ်တပ်လော်ဘီများနဲ့ စစ်တပ် ထောက်ခံအားပေးသူများမှ အမုန်းစကားတိုက်ခိုက်မှုများ ပြုလုပ်နေကြတာကိုတွေ့ရပါတယ်။

အဓိက တိုက်ခိုက်ရတဲ့ အကြောင်းအရင်းမှာ တော်လှန်ရေးအားနည်းသွားကာ ပြိုကွဲသွားတဲ့အထိ ရည်ရွယ်ပြီး တိုက်ခိုက်မှုတွေ ပြုလုပ်နေတယ်လို့ ယူဆရပါတယ်။

ပြည်သူတွေက တော်လှန်ရေးကို အားပေးထောက်ခံမှုတွေ မပြုလုပ်အောင် ဝါဒမှိုင်းတိုက်ရန်နှင့် ခြိမ်းခြောက်ရန် ရည်ရွယ်ပြီး တိုက်ခိုက်မှုများ ပြုလုပ်ခြင်း ဖြစ်ပါတယ်။

စစ်အာဏာသိမ်းမှု ဆန့်ကျင်သည့် အဖွဲ့အစည်းများကို ကြမ်းတမ်းသော စကားလုံးအရေးအသားများနဲ့ အပုတ်ချ တိုက်ခိုက်မှုများအပြင် ဘာသာရေးနှီးနွယ်၍ လူမျိုးကြီးဝါဒ ကိုင်စွဲကာ အမုန်းစကားတိုက်ခိုက်မှုများလည်း ပြလုပ်ကြပါတယ်။

အမျိုးသားရေးအစွန်းရောက်သမားများ
===============================
စစ်လော်ဘီများကဲ့သို့ပင် သတိကြီးစွာထားရန်လိုအပ်သော သတင်းအဆိပ်ခတ်နေသူများမှာ အမျိုးသားရေးအစွန်း ရောက်ဝါဒီများပဲ ဖြစ်ပါတယ်။

မြန်မာနိုင်ငံတွင် အမျိုးဘာသာ၊ သာသနာကို ထိန်းသိမ်းစောင့်ရှောက်ရန်ဟူသော ရည်ရွယ်ချက်ကို ဗန်းပြပြီး အမျိုးသားရေးလှုပ်ရှားမူများကို ခေတ်အဆက်ဆက် လုပ်ဆောင်ခဲ့ကြပါတယ်။ ဒီမိုကရေစီ အသွင်ကူးပြောင်းရေးကာလလို့ ခေါ်ကြတဲ့ ၂၀၁၁ ခုနှစ်မှစတင်ကာ "မကြာခင် ဗုဒ္ဓဘာသာ ကွယ်ပျောက်တော့မည်"ဟူသော စွပ်စွဲချက်များဖြင့် အမျိုးသားရေးလှုပ်ရှားမူများကို ကျယ်ကျယ်ပြန့်ပြန့် လုပ်ဆောင်လာခဲ့ကြတာကို တွေ့ရပါတယ်။

အမျိုး၊ဘာသာ၊သာသနာထိန်းသိမ်းစောင့်ရှောက်ရေးအဖွဲ့ဟာ အစွန်းရောက်တရားများဟောပြောခြင်း၊ အစွန်း ရောက် လုပ်ရပ်များ လုပ်ဆောင်ခြင်းများကြောင့် ပြည်တွင်းနဲ့ နိုင်ငံတကာမှာ အစွန်းရောက်အဖွဲ့အစည်းအဖြစ် ကျော်ကြားလာခဲ့ပါတယ်။

အမျိုးသားရေးအစွန်းရောက်ဝါဒီများရဲ့ ဘာသာရေးအမုန်းတရားဖြန့်ဖြူးခြင်းလုပ်ငန်းများဟာ ၂၀၁၂ ဇွန်လ ရခိုင်အမျိုးသမီးလေး မသီတာထွေး အသတ်ခံရသည့်ကိစ္စနောက်ပိုင်းတွင် ပိုမိုတွင်ကျယ်လာတာကို တွေ့ရပါတယ်။

သတင်းမှားများဖြန့်ခြင်း၊ အမုန်းစကားများပြောခြင်းတို့အပြင် အကြမ်းဖက်လုပ်ရပ်များလုပ်ကြရန် Facebook လူမူကွန်ရက်မှနေ၍ အကောင့်တုများစွာဖြင့် စတင်လှုံ့ဆော်လာကြပါတယ်။

အမျိုးသားရေးအစွန်းရောက်ဝါဒီများက ဗုဒ္ဓဘာသာနှင့် အခြားဘာသာတွေ အထူးသဖြင့် အစ္စလာမ်ဘာသာဝင်တွေကို ခွဲခြားပြောဆိုပြီး အကြမ်းဖက်မှုကို ပြောင်ပြောင်တင်းတင်း တိုက်တွန်းလာကြတာကိုတွေ့ရပါတယ်။

အမျိုးသားရေးအစွန်းရောက်ဝါဒီများရဲ့ နောက်ကွယ်မှာ စစ်တပ်ပါဝင်ပတ်သက်နေတယ်ဆိုတဲ့ အထောက်အထားတွေ ကို တွေ့မြင်ရပါတယ်။ စစ်တပ်ပိုင် မြဝတီရုပ်သံမီဒီယာမှတဆင့် မြန်မာနိုင်ငံရှိ ထင်ရှားတဲ့ ဗုဒ္ဓဘာသာဘုန်းကြီးတပါးဖြစ်သည့် သီတဂူ ဆရာတော် ရှင်ညာဏိဿရမှ ဗုဒ္ဓဘာသာဝင်များအား အိမ်ရှင်များအဖြစ်ပြောဆိုကာ အစ္စ လမ် ဘာသာဝင်များကို ဧည့်သည်များအဖြစ် သုံးနှုန်းပြောဆိုပြီး ဧည့်သည်များသည် အိမ်ရှင်အလိုကျ အိမ်ရှင်မျက်နှာကြည့်ကာနေထိုင်မှသာ အဆင်ပြေလိမ့်မည်ဟု ဟောကြားခဲ့သည်ကို တွေ့မြင်ခဲ့ကြပြီးဖြစ်ပါတယ်။

စစ်အုပ်စုနဲ့ အမျိုးသားရေးအစွန်းရောက်များရဲ့ ဆက်နွယ်ပတ်သက်မှု
====================================================
မဘသ သို့မဟုတ် အစွန်းရောက်အမျိုးသားရေးသမားတွေရဲ့ နောက်ကွယ်မှာ စစ်အုပ်စုရှိနေတာ အသေအချာပါပဲ။

သတင်းအဆိပ်ခတ်သူတွေကို စစ်လော်ဘီအုပ်စုနဲ့ အမျိုးသားရေးအစွန်းရောက်အုပ်စု အမျိုးအစားနှစ်မျိုးခွဲပြောပေမယ့် လက်တွေ့မှာ သူတို့တွေဟာ အခြေခံအယူအဆတခုထဲက ဆင်းသက်လာကြတာကိုတွေ့ရပါတယ်။

စစ်အုပ်စုရဲ့ အရင်းခံအယူအဆဖြစ်တဲ့ "စစ်တပ်က နိုင်ငံရေးအာဏာ အဆက်မပြတ်ရယူထားနိုင်ရေး"ကို ထောက်ခံတင်ပြဖို့အတွက် "စစ်တပ်ဟာ ဗုဒ္ဓဘာသာကို ကာကွယ်စောင့်ရှောက်သူ"လို့ ပုံဖော်လာတာပဲဖြစ်ပါတယ်။တဖက်မှာလည်း "အစ္စလာမ်ဘာသာဝင်တွေကို ဗုဒ္ဓဘာသာရဲ့ ဆန့်ကျင်ဖက်ရန်သူအဖြစ် ပုံဖော်ခြင်း"ကို တွင်တွင်ကျယ်ကျယ်လုပ်ဆောင်ပြီး အစ္စလာမ်ဘာသာမုန်းတီးရေး၊ အစ္စလာမ်အကြောက်တရားကို လူထုကြား စိမ့်ဝင်အောင် သွပ်သွင်းခဲ့ကြပါတယ်။

စစ်လော်ဘီတွေနဲ့ အမျိုးသားရေးအစွန်းရောက်တွေရဲ့ တူညီချက်တခုက "စစ်အာဏာသိမ်းခြင်း"ကို ထောက်ခံကြတာဖြစ်ပါတယ်။စစ်အာဏာရှင်ကို လက်နက်ကိုင်ဆန့်ကျင်တော်လှန်နေတဲ့ ပြည်သူ့ကာကွယ်ရေးတပ်ဖွဲ့တွေ၊ ဒေသကာကွယ်ရေးပျောက်ကြားတွေကိုလည်း "ဘာသာ၊ သာသနာ ဖျက်နေသူတွေ"လို့ တံဆိပ်ကပ်ပြီး စွပ်စွဲတိုက်ခိုက်တဲ့နေရာမှာလည်း တစ်လေသံတည်းထွက်လေ့ရှိကြပါတယ်။

ရက်စက်သောအကြမ်းဖက်လူသတ်ပွဲကြီးများ
===================================
ရခိုင်ပြည်နယ်မှာ ၂၀၁၂ ဇွန်လအတွင်းက မသီတာထွေး အသတ်ခံရသည့်ကိစ္စဖြစ်ပွားပြီးနောက်ပိုင်း ရခိုင်တပြည်လုံးနဲ့ မြန်မာတနိုင်ငံလုံးကို မွတ်စလင်မုန်းတီးရေးလှုပ်ရှားမှု ပြန့်နှံ့အောင် လူမှုကွန်ရက်က သွေးထိုးလှုံ့ဆော်မှုများ များပြားလာပါတယ်။

နောက်ဆက်တွဲ အကျိုးဆက်အနေနဲ့ ရခိုင်ပြည်နယ် တောင်ကုတ်မြို့ လူမြင်ကွင်းမှာပဲ အစ္စလာမ်ဘာသာဝင်တွေကို သတ်ဖြတ်ပစ်ခဲ့တဲ့ ဖြစ်ရပ်ဖြစ်ပွားခဲ့ပါတယ်။လူမျိုးရေးအမုန်းတရားနဲ့ အကြမ်းဖက်လူသတ်ပွဲတွေ ဖန်တီးဖို့ အစွန်း ရောက်တွေက အဆက်မပြတ်လှုံ့ဆော်ခဲ့တဲ့အတွက် ရခိုင်မြောက်ပိုင်း၊မိထ္ထီလာ၊ပဲခူးအနောက်ခြမ်း၊မန္တလေးနဲ့ လားရှိုးမြို့တွေမှာလည်း အကြမ်းဖက်လူသတ်ပွဲတွေ ဆက်တိုက်ဖြစ်ပွားကာ အစ္စလာမ်ဘာသာဝင်တွေအပါအဝင် လူပေါင်းမြောက်များစွာ သေဆုံးခဲ့ရပါတော့တယ်။

၂၀၁၃ မတ်လအတွင်း ဖြစ်ပွားခဲ့တဲ့ မိထ္ထီလာပဋိပက္ခမှာ လူပေါင်း ၄၃ဦးသေဆုံး၊ ၈၆ဦး ဒဏ်ရာရပြီး လူ ၉၀၀၀ ကျော် အိုးမဲ့အိမ်မဲ့ဖြစ်ခဲ့ရတယ်လို့ မီဒီယာတွေမှာ ဖော်ပြခဲ့ပါတယ်။မီးလောင်ပြင်ဟာ ဧက ၄၀ ကျော်ကျယ်ဝန်းပြီး မီးသင့်အိမ်ခြေ နှစ်ထောင်ကျော်ထိ ရှိခဲ့ပါတယ်။ဒီပဋိပက္ခဟာ မြို့နယ်ပေါင်း ၁၅ မြို့နယ်လောက်အထိ ရိုက်ခတ်မှုရှိခဲ့တဲ့အတွက် ပဲခူးအနောက်ခြမ်းမြို့နယ်များက မွတ်စလင်တွေလည်း သေကျေဒဏ်ရာရ အိုးမဲ့အိမ်မဲ့တွေဖြစ်ခဲ့ရပါတယ်။

တကမ္ဘာလုံး တုန်လှုပ်ခြောက်ခြားသွားရတဲ့ မွတ်စလင်တွေကို လူမျိုးတုန်းအောင် ခြိမ်းခြောက်ခဲ့တဲ့ ရခိုင်မြောက်ပိုင်း ပဋိပက္ခမှာတော့ သေဆုံးသူနဲ့ နိုင်ငံဖြတ်ကျော် စစ်ပြေးဒုက္ခသည်တွေ သိန်းနဲ့ချီရှိလာပါတယ်။ ဒီသတ်ဖြတ်မှုတွေကိုတော့ စစ်တပ်ကိုယ်တိုင် ဦးဆောင်ပြီး သတ်ခဲ့ဖြတ်ခဲ့ကြတာပါ။ ထင်ရှားတဲ့ သာဓက တစ်ခုအနေနဲ့ စစ်အုပ်ချုပ်ရေး (မာရှယ်လော) ကြေညာထားတဲ့ အချိန်တွင်းမှာ သတ်ဖြတ်မှုတွေ အများဆုံး ဖြစ်ခဲ့တယ် ဆိုတာပါပဲ။

ဒီလုပ်ရပ်တွေကို နှိုင်းယှဥ်လေ့လာကြည့်ရင် လူမျိုးရေးအစွန်းရောက်သူတွေနဲ့ စစ်တပ်၊ စစ်တပ်နဲ့ ဘာသာရေးအစွန်း ရောက်သမားတွေ အားလုံး ဟန်ချက်ညီညီ ပူးပေါင်းပြီး မွတ်စလင်တွေကို ပစ်မှတ်ထားတိုက်ခိုက်ခဲ့ကြတာကို တွေ့မြင်နေရပါတယ်။

ဆိုရှယ်မီဒီယာမှာ ဘယ်လိုနေရာယူလာကြသလဲ
=====================================
Facebook လူမူကွန်ရက်မှတဆင့် အမုန်းစကားများပြောခြင်း၊ သတင်းတု သတင်းမှားများ မျှဝေခြင်းတို့အပြင် အကြမ်း ဖက်လုပ်ငန်းများ လုပ်ဆောင်ရန် စေ့ဆော်ခြင်း၊ ချိန်းဆိုခြင်းတို့ကိုပါ လုပ်ဆောင်လာခဲ့ခြင်းကြောင့် Facebook မှ ဒီလုပ်ရပ်ကိုကျူးလွန်နေတဲ့ အကောင့်တွေ ၊ စစ်တပ်ကို အားပေးထောက်ခံတဲ့ အကောင့်တွေနဲ့ စစ်တပ်ရဲ့ သတင်းထုတ်ပြန်ရေး စာမျက်နှာတွေကိုလည်း ဖြုတ်ချခဲ့ပါတယ်။

အခုလို Facebook မှ သူတို့ရဲ့အကောင့်တွေ၊ စစ်အုပ်စုဒေါက်တိုင် လော်ဘီအကောင့်တွေ၊ စစ်တပ်ပိုင်အကောင့်တွေ ဖြုတ်ချခံရခြင်းတို့ကြောင့် Facebook ကို အမျိုးမျိုးဝေဖန်ပုတ်ခတ်ကာ ရုရှားမီဒီယာကွန်ရက်တစ်ခုဖြစ်သော VK သို့ အုပ်စုလိုက် ကူးပြောင်းအသုံးပြုခဲ့ကြတယ်။

VK မှာ သူတို့ရဲ့ လှုပ်ရှားမူများ၊ အမုန်းစကားနှင့် သတင်းတု သတင်းမှားများကို လွတ်လပ်စွာ ဖော်ပြခွင့်ရခဲ့ပေမယ့် VK မှာ သူတို့စည်းရုံးလှုံ့ဆော်ရမည့် သားကောင်ရှိမနေခြင်းဟာ သူတို့အတွက် အခက်အခဲဖြစ်စေခဲ့ပါတယ်။

ဒါကြောင့် Facebook ပေါ်ကို အကောင့်တုပေါင်းစုံဖြင့် ပြန်လည်ခြေချနိုင်ရန် ကြိုးစားလာခဲ့ကြပါတယ်။ Facebook ကလည်း အဆိုပါအကောင့်တွေကို သိလျှင်သိခြင်း ဖြုတ်ချနေခြင်းကြောင့် Facebook ပေါ်မှာ အမျိုးသားရေးအစွန် းရောက်တွေနဲ့ စစ်တပ်ဒေါက်တိုင် လော်ဘီအုပ်စုတွေ နေရာမရဖြစ်ရပြန်ပါတယ်။

သို့သော် Facebook ဟာ စစ်အုပ်စုနဲ့ အစွန်းရောက်သမားများရဲ့ သားကောင်များ အများအပြားရှိနေသည့် နေရာဖြစ်တဲ့အတွက် ၎င်းတို့ဝါဒဖြန့်ရန် Facebook ကို လက်မလွှတ်နိုင်ဖြစ်နေသည်ကို တွေ့ရပါတယ်။

Facebook ပေါ်တွင်လည်း နေရာမရ၊ VK ပေါ်တွင်လည်း ဝါဒဖြန့်မရဖြစ်နေတဲ့ အမျိုးသားရေးသမားများအတွက် Telegram ဟာ ၄င်းတို့ ဝါဒဖြန့်ချိရာ နေရာလွတ် နေရာကောင်းတစ်ခုဖြစ်လာခဲ့ပါတယ်။

Telegram ဟာ အမုန်းစကားထိန်းချုပ်ခြင်း၊ ရုပ်ပုံအသုံးပြုခြင်းတို့ကို Facebook ကဲ့သို့ ထိန်းချုပ်မထားခြင်းဟာ ၎င်းတို့အတွက် အခွင့်သာစေသော လူမှုကွန်ရက်တခုဖြစ်နေစေပါတယ်။

Telegram ပလက်ဖောင်းမှာ Facebook လူမှုကွန်ရက်ကဲ့သို့သော Page (Channel)များ၊ Group များ ရှိနေပြီး ၎င်းတို့မှတဆင့် ဝါဒဖြန့်မူများကို အစဉ်တစိုက် လုပ်ဆောင်လာနေတာကို တွေ့မြင်နေရပါတယ်။

Telegram မှတဆင့် လူထုကို ခြိမ်းခြောက် ဖမ်းဆီးခြင်း
==============================
စစ်လော်ဘီအုပ်စုတွေဟာ တယ်လီဂရမ်မှတဆင့် အာဏာသိမ်းစစ်တပ်ရဲ့ ဒေါက်တိုင်အဖြစ် သတင်းပေးခြင်း၊ဒလန်လုပ်ခြင်းလုပ်ငန်းများကို တွင်တွင်ကျယ်ကျယ် လုပ်လာကြတာကို တွေ့ရှိရပါတယ်။

ပြည်သူတွေရဲ့ တော်လှန်ရေးအပေါ်ထားရှိတဲ့ လွတ်လပ်သော သဘောထားအမြင်တွေနဲ့ ရေးသားဖော်ပြချက်တွေ၊လှုပ်ရှားမူများတွေကို စောင့်ကြည့်မှတ်တမ်းတင်ကာ စစ်ကောင်စီသတင်းပေးများအဖြစ် ရပ်တည်လာကြသည်ကို လေ့လာတွေ့ရှိရပါတယ်။

အဓိကဇာတ်ကောင်များဖြစ်သော ဟန်ငြိမ်းဦး၊ ကျော်စွာ၊ ဘညွန့်၊ သဇင်ဦး၊ တပ်ကြပ်ကြီး ဖိုးစည်၊ တပ်ကြပ်ကြီး ဖိုးကွန်းနှင့် မိုးဟိန်းတို့သည် ပြည်သူတွေရဲ့ Facebook ပေါ်မှ ရေးသားဖော်ပြချက်များကို စောင့်ကြည့်မှတ်တမ်းယူကာ စစ်ကောင်စီအားသတင်းပေးခြင်း၊ ဖမ်းခိုင်းခြင်း၊ နေအိမ်ချိတ်ပိတ်စေခြင်းများ ပြုလုပ်ပြီး ပြည်သူများအား အကြောက်တရားကြီးထွားလာစေပြီး တော်လှန်ရေးအပေါ် စိတ်ဝင်စားမူ၊အားပေးကူညီမူ လျော့နည်းလာအောင် ပြုလုပ်လာကြပါတယ်။

၎င်းတို့အချင်းချင်း ချိတ်ဆက်ပြီးလည်း အပြန်အလှန်ရေးသားမျှဝေမူများ ပြုလုပ်ကြပါတယ်။ Telegram Group များဖွဲ့ထားပြီး အမုန်းစကားနှင့် သတင်းတု သတင်းမှားများကို လွတ်လပ်စွာပြောဆိုကြတဲ့အပြင် သတင်းပေးChannel များ ထားရှိကာ ပြည်သူများ၏ တော်လှန်ရေးလှုပ်ရှားမူများကို သတင်းပေး ခြောက်လှန့်မူများ ပြုလုပ်လာကြပါတယ်။

People's Voice၊ Myanmar Hard Talk၊ Myanmar National Post နှင့် အညတြလူမှုဘဝအေးချမ်းလုံခြုံရေးကွန်ရက်စသော သတင်းဌာနအယောင်ဆောင် Channelများမှလည်း သတင်းတု သတင်းမှားများ ဆက်တိုက်ဖော်ပြနေပြီး တော်လှန်ရေးချိနဲ့အားနည်းအောင်ဖော်ပြကြပါတယ်။

အဆိုပါ အယောင်ဆောင်သတင်းဌာနများဟာ "စစ်ကောင်စီတပ်မှ နယ်မြေတွေစိုးမိုးနိုင်ပြီ"၊ " PDF တွေသေကုန်ကြပြီ"၊" PDF တွေလက်နတ်ချကုန်ပြီ"၊ "PDF တွေသွေးကွဲပြီးအချင်းချင်းချကုန်ပြီ "စသောသတင်းမှားများနဲ့ ပြည်သူတွေ တော်လှန်ရေးအပေါ် စိတ်ပျက်အားနည်းလာအောင် လုပ်ဆောင်နေကြတာကို တွေ့ရပါတယ်။

သတင်းတု သတင်းမှားတွေနဲ့ ပြည်သူတွေ အချင်းချင်းသွေးကွဲအောင် လုပ်ဆောင်ရုံတင်မက PDF တွေက ဆက်ကြေးကောက်ပြီး မပေးတဲ့ပြည်သူတွေကို ရိုက်နှက်နှိပ်စက်နေပါပြီ စသဖြင့် တော်လှန်ရေးအင်အားစုနဲ့ ပြည်သူအကြား သွေးကွဲအောင်လည်း အမျိုးမျိုးလုပ်ဆောင်နေတာကိုတွေ့ရပါတယ်။

အသံတိတ်သပိတ်အပါအဝင် စစ်အာဏာရှင်ဆန့်ကျင်ရေးလှုပ်ရှားမှုတွေထဲမှာ ပါဝင်သူတွေရဲ့ လူမှုကွန်ရက်တွေကို စောင့်ကြည့်ပြီး ထိုသူတွေရဲ့ ဓာတ်ပုံ၊ကိုယ်ရေးအချက်အလက်နဲ့ အိမ်လိပ်စာတွေကိုပါ ယှဥ်တွဲဖော်ပြကာ အကြမ်း ဖက် ဖမ်းဆီးဖို့ ခြိမ်းခြောက်ရေးသားတာတွေရှိနေပါတယ်။

ဇန်နဝါရီလမှ မတ်လအတွင်း စစ်တပ်အားပေးထောက်ခံသူများရဲ့ တယ်လီဂရမ်ချန်နယ် ၁၃ ခုအား လေ့လာစောင့်ကြည့်ခဲ့ရာ ခြိမ်းခြောက်ဖမ်းဆီးခိုင်းသည့် အကြိမ်အရေအတွက် ၄၂၁ ကြိမ် ရှိခဲ့ပြီး ဖမ်းဆီးခံရသူ ၂၅၇ ဦးရှိခဲ့တာကို တွေ့ရပါတယ်။ဖမ်းဆီးခံရသူများထဲတွင် ကျား ၁၇၈ ဦး၊ မ ၇၈ ဦး နှင့် LGBT ၁ ဦးပါဝင်ခဲ့တယ်။

ယင်းအပြင် နေအိမ်ချိတ်ပိတ်ခံရရန် ခြိမ်းခြောက်မှု ၁၈ ခုနှင့် ဆိုင်ချိပ်ပိတ်ခံရရန် ခြိမ်းခြောက်မှု ၇ ခုရှိခဲ့ပြီး နေအိမ် ၉ လုံး ချိတ်ပိတ်ခံခဲ့ရပြီး ဈေးဆိုင်အချို့နှင့် ဆေးခန်းတခု ချိတ်ပိတ်ခံခဲ့ရပါတယ်။ အဆိုပါ အရေအတွက်သည် အနိမ့်ဆုံးပမာဏဖြစ်ပြီး အမှန်တကယ် ခြိမ်းခြောက်ခံရမှုနှင့် ပိတ်သိမ်းခံရမှုများသည် ပိုမိုများပြားနိုင်ပါသည်။

လူ့အဖွဲ့အစည်းအပေါ် ရိုက်ခတ်ချက်များ
================================
လူမှုကွန်ရက်ပေါ်မှာ အာဏာသိမ်းစစ်ကောင်စီထောက်ခံသူတွေနဲ့ အမျိုးသားရေးအစွန်းရောက်တွေ ရှိနေတာဟာ လူ့အဖွဲ့အစည်းအပေါ် ရိုက်ခတ်ချက်ကြီးကြီးမားမားရှိပြီး တည်ဆဲလူ့အသိုင်းအဝန်းကို မတည်မငြိမ်ဖြစ်အောင် ဖန်တီးနေသလိုဖြစ်နေပါတယ်။အန္တရာယ်ကြီးတဲ့အပြင် လူ့အဖွဲ့အစည်းကို ပြိုကွဲစေနိုင်သည်အထိ မတည်ငြိမ်မှုတွေလည်း ဖြစ်ပေါ်လာစေနိုင်ပါတယ်။

အစွန်းရောက်ဝါဒီတွေ၊ စစ်အုပ်စု လက်ကိုင်တုတ်တွေရဲ့ အမုန်းတရားဖြန့်ချိမှု၊ သတင်းတု သတင်းမှားတွေနဲ့ လူထုကို အဆိပ်ခတ်နေမှုတို့ကြောင့် ကျနော်တို့ လူ့အဖွဲ့အစည်းမှာ လူသတ်ပွဲတွေ၊ လူမျိုးရေးပဋိပက္ခတွေနဲ့ အကြောက်တရားကြီးစိုးမှုတွေ ဖြစ်ပွားလာနိုင်ပါတယ်။

လက်ရှိတော်လှန်နေတဲ့ ပြည်သူတို့ရဲ့ ရည်မှန်းချက်ပန်းတိုင်ကိုလည်း တိမ်း စောင်း လွဲမှားသွားအောင် အဆိုပါ သတင်းတု သတင်းမှားတွေကို အသုံးပြုပြီး တော်လှန်ရေးအင်အားစုတွေကို ပုံဖျက်တိုက်ခိုက်နေပါတယ်။

တော်လှန်ရေးကို ထောက်ခံအားပေးနေတဲ့ ပြည်သူတွေကို အကြမ်းဖက်ဖမ်းဆီးဖို့ တိုက်တွန်းနေခြင်းအားဖြင့် လူထုဘက်က အင်အားချိနဲ့သွားအောင် လုပ်ဆောင်နေတာဟာလည်း အင်မတန်ဆိုးဝါးတဲ့လုပ်ရပ်ဖြစ်ပါတယ်။

သာယာအေးချမ်းပြီး တည်ငြိမ်တဲ့လူ့အဖွဲ့အစည်းတရပ်ကို တည်ဆောက်နိုင်ဖို့ ကျနော်တို့ ပြည်သူတွေမှာ အဓိကကျတဲ့ တာဝန်ကြီးနှစ်ရပ်ရှိတယ်လို့ ယူဆပါတယ်။ပထမတာဝန်ကတော့ ပြည်သူတရပ်လုံးကို ဖိနှိပ်နေတဲ့ စစ်အာဏာ ရှင်စနစ်ကို တော်လှန်တဲ့တာဝန်ဖြစ်ပြီး ဒုတိယတာဝန်ကတော့ စစ်အုပ်စုရဲ့ အဆွယ်အပွား အမျိုးသားအစွန်းရောက်ဝါဒီတွေရဲ့ အတွေးအခေါ် အယူအဆအမှားတွေကို တော်လှန်ရမယ့်တာဝန်သာဖြစ်ကြောင်း အလေးအနက်ထား တင်ပြလိုက်ရပါတယ်။