KIO members jouse akona muntin’a eimi jousen muthei le jildoh thei ihi nading uva MUNPI ahi. KIO LHANGSAM USA hi eiho Oklahoma State sunga um eimi jouse ading a MUNPI khat hiding a KIO lamkai hon lungel thuh tah puma ahin gontup uchu ahi. LHANGSAM MUNPI iti teng leh tulai leiset khantou dungjui in eiho lah ajong chihna leh thepna, boltheina leh lolhinna, nei leh gou, kipana leh dana, chuleh khat leh khat kihetto naleh ki tilkhou najong ahung umjing tan ahi. Hiche khantou naho akon eiho khang apat leh chate khanga kiguijop namun leh eiho KUKI te chondan leh khandan, kivondan, khankho leh nunkho chuleh ham leh pao hoa iki guijop nadiu leh lhangsam a pang dinga KIO lamkai hon member jouse toh eikaimat jing ding uva LHANGSAM MUNPI kitichu ahi. LHANGSAM tup leh doi thupi pentah chu ahileh eiho Oklahoma State sunga eimi jouse leh adih a KIO membership la jouse ading a thu leh la kijatmat to nading leh chate naote ho jouse jong a thepnao leh abolthei nahou sodoh namun hiding, eiho lah a kipana leh dana, kipachat naleh kitilkhou na, khat leh khat kihetto namun leh kiphondoh na mun a man ding a kigong ahi. LHANGSAM a hung kibuipi ding hochu ahileh:
KIO Editor Coloumn: Editor teni akona KIO leh Nampi khantou nading a Article chuleh apoimo ho hung kiso doh ding ahi. KIO Events Calendar: Hiche mun ahi KIO Events jouse ho leh thupoimo members jouse hetding a phondoh naleh tahlang na hung kinei ji ding ahi. KIO Information Center: Hilai mun ahi Oklahoma State sunga eiho eimite sunga information kipana hihen dana hihen, lolhin naleh pachan na hijong leh Information umho hung kitah doh jiding ahi. KIO Students Center: Hilai munhi International Student chuleh KIO members students umjouse dinga ethepnao leh iboltheinao hou isodoh jing thei nading uva munpi chu ahi. KIO Business Center: Hilai mun hi eiho sunga Sumkol veina neocha cha hitahen, Natoh kihol namun hita jong leh iki tho khom nadingu munpi chu ahi. KIO Membership Center: Hilai mun hi ahileh eiho KIO members jousen ibol thei nauleh ilungel ingaito hou seidoh nading mun leh kihetto nading munpi ahi. KIO Church Center: Hilai mun hi eiho KIO members sunga Church umho in KIO members jouse tahsa leh lhagao a ikhantou nading uva article ho sodoh nadinga munpi khatchu ahin ahi. KIO LHANGSAM USA hi lhaseh leh pages leh Instagram Pages a hung kikoi ding ahin eiho KIO members jouse hihen KIU members jouse hijong leh amuthei ding uva hung kibolding ahie. KIO members jouse akona muntin’a eimi jousen muthei le jildoh thei ihi nading uva MUNPI ihi deu chu itup thupi penu ahi. Achunga hung kisei jouse hi LHANGSAM in ahin chepi dingho leh kivaipoh nading dan hochu ahin ahi. Chuleh members jouse in Article hihen, Information hihen, achunga kisei jouse ho iki jah mat to nading un anoia Editor leh Assistant Editor information kipe akon akhu contact ibol jing ding un temna leh hetsah na kahin bol lhon e.
