04/16/2026
2026 dental expedition to Palawan
#๐๐๐ฅ๐ข๐ญ๐๐ง๐ ๐๐๐ฅ๐ฎ๐ฌ๐ฎ๐ ๐๐ง || ๐๐๐๐๐๐๐ ๐๐๐๐๐๐๐๐๐๐ ๐๐๐๐๐๐, ๐๐๐๐๐ ๐๐ ๐๐๐๐๐๐ ๐๐๐๐๐๐๐ ๐๐๐๐ ๐๐ ๐๐๐๐๐๐๐
๐๐๐ฒ๐ ๐๐ฌ๐ญ๐๐ง๐๐๐ง, ๐๐๐ ๐๐๐ฅ๐ข๐ญ๐
๐๐๐ซ๐ข๐ฅ ๐๐, ๐๐๐๐
Pinangunahan ng Wide Open Humanitarian Incorporated, isang international na organisasyon ng mga dentista mula Oregon, USA, ang isinagawang Dental Brigade 2026 sa lungsod mula Abril 10 hanggang 14.
Binubuo ng 21 miyembro: kabilang ang 8 dentista, dental hygienists, at assistants, layunin ng kanilang misyon na makapaghatid ng libreng serbisyong dental sa mga komunidad, lalo na sa mga nasa laylayan, sa pamamagitan ng kanilang mobile clinic.
Sa pakikipagtulungan ng pamahalaang panlungsod, sa pamamagitan ng City Health Office sa ilalim ng Tarabidan sa Kalusugan Program, matagumpay na naihatid ang mga serbisyong dental sa ibaโt ibang lugar sa lungsod.
Bilang suporta, naglaan ang lokal na pamahalaan ng karagdagang kagamitan tulad ng compressors at nag-deploy ng apat (4) na dentista mula sa City Health Office upang tumulong sa ibaโt ibang service areas.
Kabilang sa mga serbisyong ipinagkaloob ay tooth extraction, dental filling o pasta, prophylaxis o paglilinis ng ngipin, at fluoride application para sa mga bata. Tinatayang umaabot sa humigit-kumulang 250 hanggang 300 pasyente kada araw ang nabigyan ng serbisyo sa MEDCOM, habang kabuuang 1,057 mamamayan ang nakinabang sa apat na araw na dental brigade.
Nakiisa rin ang Philippine Dental Association โ Palawan Dental Chapter sa pagbibigay-suporta upang maisakatuparan ang malawakang serbisyong pangkalusugan sa ngipin sa lungsod.
Ang Dental Brigade 2026 ay bahagi ng pinalakas na kampanya ng Pamahalaang Lungsod sa preventive healthcare, na naglalayong mailapit ang mga serbisyong medikal sa komunidad at mabigyan ng agarang atensyon ang kalusugan ng bawat mamamayan.
Patuloy ang panawagan ng lokal na pamahalaan sa publiko na samantalahin ang mga ganitong programa upang mapanatili ang malusog na pangangatawan at maiwasan ang mga sakit sa hinaharap.
