06/22/2026
Citizen ဖောင်တင်ခ စျေးတက်သွားမှာလား? 🤔
*******************************************
၂၀၂၆ ခုနှစ် ဇွန်လ ၂၂ ရက်နေ့တွင် အမေရိကန် ပြည်ထောင်စု ပြည်တွင်းလုံခြုံရေးဌာန (DHS) သည် USCIS မှ ကောက်ခံနေသော နိုင်ငံသားလျှောက်လွှာ (Form N-400) နှင့် နိုင်ငံသားဖြစ်ခွင့် ငြင်းပယ်ခံရမှုအပေါ် ပြန်လည်ကြားနာပေးရန် တောင်းဆိုသည့် (Form N-336) အတွက် အခကြေးငွေများ တိုးမြှင့်ရန် အဆိုပြုချက်တစ်ရပ် ထုတ်ပြန်ခဲ့သည်။
✅ အဆိုပြုချက်အရ
📌 စာရွက်ဖြင့် တင်သွင်းသော Form N-400 ၏ လျှောက်လွှာကြေးကို $760 မှ $1,330 အထိ တိုးမြှင့်မည်။
📌 အွန်လိုင်းဖြင့် တင်သွင်းသော Form N-400 ၏ လျှောက်လွှာကြေးကို $710 မှ $1,280 အထိ တိုးမြှင့်မည်။
📌 Form N-336 (နိုင်ငံသားလျှောက်လွှာ ငြင်းပယ်ခံရမှုအပေါ် ပြန်လည်သုံးသပ်ရန် တောင်းဆိုခြင်း) ၏ အခကြေးငွေကို $830 မှ $1,475 အထိ တိုးမြှင့်မည်ဖြစ်ပြီး $645 တိုးလာမည်။
✅ ထို့အပြင် နိုင်ငံသားလျှောက်ထားမှုများအတွက် Fee Waiver (အခကြေးငွေကင်းလွတ်ခွင့်) ကို ဖျက်သိမ်းမည်ဖြစ်ပြီး၊ Federal Poverty Guidelines ၏ 400% အောက် ဝင်ငွေရှိသူများအတွက် လက်ရှိပေးနေသော လျှော့စျေး (Reduced Fee) ကိုလည်း ဖျက်သိမ်းမည်ဖြစ်သည်။
📌 သို့သော် အမေရိကန်စစ်မှုထမ်းများအတွက် နိုင်ငံသားလျှောက်ထားရာတွင် ရရှိနေသော အခကြေးငွေကင်းလွတ်ခွင့်များကို ဆက်လက်ထားရှိမည်ဖြစ်သည်။
✅ DHS ၏ အဆိုအရ ဤပြောင်းလဲမှုများသည် နိုင်ငံသားလျှောက်ထားသူများမှ မိမိတို့၏ လျှောက်လွှာ စစ်ဆေးဆောင်ရွက်မှု ကုန်ကျစရိတ်များကို အပြည့်အဝ ကျခံစေရန် ရည်ရွယ်ပြီး၊ အခြားလူဝင်မှုကြီးကြပ်ရေး လျှောက်လွှာများမှ ထောက်ပံ့ငွေများအပေါ် မမှီခိုစေရန် ဖြစ်သည်။
📌 ဤအဆိုပြုချက်သည် နောက်ဆုံးအတည်ပြုချက် မထုတ်ပြန်မီ ရက်ပေါင်း ၆၀ အများပြည်သူ၏ သဘောထားမှတ်ချက်များကို လက်ခံမည့် ကာလအတွင်း ရှိနေသေးသည်။
📌 လက်ရှိအချိန်တွင် ဤအခကြေးငွေ တိုးမြှင့်မှုများနှင့် Fee Waiver ဖျက်သိမ်းမှုများသည် အတည်မပြုရသေးသဖြင့် အကျိုးသက်ရောက်မှု မရှိသေးပါ။
⚠️ အရေးကြီးသောအချက်
ယခုအချိန်အထိ N-400 နိုင်ငံသားလျှောက်လွှာကြေးမှာ ပြောင်းလဲခြင်းမရှိသေးပါ။ အဆိုပြုချက်သာ ဖြစ်ပြီး နောက်ဆုံးအတည်ပြုချက် ထွက်ပေါ်လာမှသာ အသက်ဝင်မည်ဖြစ်သည်။
မှတ်ချက်: ဤသည်မှာ DHS ၏ အဆိုပြုချက်သာ ဖြစ်ပြီး လက်ရှိ USCIS အခကြေးငွေများ ပြောင်းလဲသွားခြင်း မရှိသေးပါ။ N-400 တင်ရန် စီစဉ်ထားသူများအနေဖြင့် နောက်ဆုံး ဆုံးဖြတ်ချက်များကို စောင့်ကြည့်သင့်ပါသည်။
