Oromia Freedom Media

05/14/2026

Humni galaanaa Iraan doonii qarqara galaanaa UAE irraa to'ate.!
​
OFM:Caamsaa.14/2026.Dooniin daldalaa Galoo Galaana Omaan naannoo buufata doonii Fujaayiraa, Yunaayitid Arab Emireet keessatti socho’aa turte har’a humnoota waraanaa Iraaniin qabamtee jirti.
​
Ejensiin Hojii Daldala Galaanaa Biriteen (UKMTO) akka jedhetti dooniin kun Fujaayira irraa gara kaaba bahaatti maayilii galaanaa 38 fagaattee osoo jirtuu hojjettoota hayyama hin qabneen qabamtee jirti jedhe.

Odeeffannoon jalqabaa akka agarsiisutti dooniin kun doonii qorannoo Hui Chuan jedhamtu yoo taatu, alaabaa Honduraas kan mirmirsaa turteedha.

Amma dooniin kun gara bishaan naannoo Iraan deemuuf kan dirqamte yoo ta’u, qunnamtiin saatalaayitii AIS doonii kana waliin qabdu badeera.

Tarkaanfiin kun kan fudhatame wayita waldhabdeen waraanaa Iraanii fi biyyoota dhihaa (keessattuu Ameerikaa fi Israa’el) jidduutti cimaa ta’ee fi daldala naannoo Strait of Hormuz irratti daangeffamni cimaan kaa’ameetti.

Torban darbe Iraan doonii boba'aa fe'u Ocean Koi jedhamtu haala walfakkaatuun to'attee turte.

Maddeen oduu ofiisaa UAEs ta'e Iraan hanga ammaatti waa'ee taatee kanaa bal'inaan hin kennine.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

05/14/2026

Shaampiyoonaa Atileetiksii Afrikaan Itiyoophiyaan Meedaaliyaa warqee jalqabaafi Lammaffaas argatte.!

OFM:Caamsaa.14/2026.Itiyoophiyaan Shaampiyoonaa Atileetiksii Afrikaa 24ffaa Gaanaa, Akraatti dorgomamaa jiru irratti Meedaaliyaa Warqii jalqabaa argatteetti.

Haaluma kanaan dorgommii xummuraa Meetira 400 dubartootaa eeggamaa tureen Atileet Ajaa’ibaa Aliyyee tokkoffaa bahuudhaan Itiyoophiyaaf Meedaaliyaa Warqii jalqabaa argamsiifteetti.

Atileet Ajaayibaan dorgommii kana xummuruuf meetirri 100 yeroo hafu saffisa cimaa agarsiisteen injifachuu dandeesseetti.

Bifuma walfakkaatuun Shaampiyoonaa Atileetiksii Afrikaa 24ffaa Dorgommii xummuraa fiigicha meetira 800 dubartootaan atileet Misgaanaa Haayiluu dursummaan xummuruun Itiyoophiyaaf madaaliyaa warqee lammaffaa argamsiisteetti.

Haaluma walfakkaatuun utaalchoo olee dubartootaan atileet Batsaloot Alamaayyoo sadarkaa 3ffaan xummuruun Itiyoophiyaaf meedaaliyaa nahaasaa argamsiistee jirti.

Dorgommii kana irratti Atileetiin biraa hirmaatte Saaraa Nyigiwoo sadarkaa 5ffaa qabachuun xummurte.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

05/14/2026

Dirooniin Iraan Bakka Raadara Iraaq Kurdistaan ​​Keessatti barbadeessite.!

OFM:Caamsaa.14/2026.Koreen Eegdota Warraaqsa Islaamaa Iraan kaleessa haleellaa dirooniitiin naannoo gaara naannoo Halabjaatti argamutti bakka raadaraa barbadeesse jedhameera.

Xiyyeeffannoo haleellaa kanaa: Haleellaan kun dhaabbata raadaraa naannoo gaara tarsiimoo bulchiinsa Halabjaatti argamu irratti xiyyeeffate.

Sababni haleellaa kanaa: Iraan gareewwan “farra warraaqsa” daangaa isii irratti socho’anii fi nageenna biyyattii balaadhaaf saaxilan irratti xiyyeeffataa akka jirtu maddeen himaniiru.

Bakki raadaraa guutummaatti barbadaa'uu isaa kan himame yoo ta'u, lakkoofsi namoota haleellaa kanaan du'anii hanga ammaatti ifatti hin ibsamne.

Haleellaan kun naannicha keessatti keessumaa daangaa Iraan, Turkii fi Iraaq irratti waldhabdee waraanaa deebisee kan kaase yoo ta’u, Mootummaan Naannoo Kurdistaan ​​taatee kanaan yaaddoo qabaachuu ibseera.

Humni waraanaa Iraan kanaan duras bakka finciltoota Kurdootaa kaaba Iraaq keessatti argaman irratti haleellaa walfakkaatu raawwateera.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

05/14/2026

UK'n Hulaa Hormuuz eeguuf diroonii, jeettiifi meeshaa waraanaa biroo akka ergitu beeysifte.

OFM:Caamsaa.14/2026.Biriiteen doonii waraanaa, diroonii, jeettii fi adamsitoota dhootuu of danda'an bobbaasuun Strait of Hormuz eeguufi.

Yunaayitid Kingidam (UK) sochii dooniiwwanii Hulaa Hormuuz irratti taasifamu eeguudhaaf ergama waloo qophaa’erratti dirooniiwwan, jeettiiwwan waraanaafi dooniiwwan waraanaa akka gumaachitu beeysifteetti.

Ministirri ittisaa Joon Eelii kora ministiroota ittisaa Kibxata gaggeeffameen deeggarsa UKn taasiftu ifa godheera.

Bobbiin humna galaanaa UK fanjiiwwan (dhootuuwwaj) galaana keessaa adda baasuuf meeshaa gargaaru, bidiroowwan diroonii fi hordoffii qilleensarraa taasisuudhaaf jeettiiwwan waraanaa gargaaran kan dabalatu ta’a jedhameera.

Ergama Hulaa Hormuuz eeguu haalli yoo mijate ni jalqabama jedhamee eegamu kana keessatti biyyoota 40 olitu hirmaata.

Iraan deebii haleellaa Ameerikaafi Israa’el irratti bananiif jecha daandiiwwan dooniiwwan addunyaa baayyeen irra socho’an keessaa tokko ta’e Ulaa Hormuuz ji’ootaaf cuftee turteetti.

Ameerikaan gamasheetiin Teehiraan irratti dhiibbaa diinagdee gochuuf gara mariitti akka dhuftu gochuuf jecha dooniiwwan gara hulaa galaanaa Iraanitti bahaniifi galanirra uggura keesseetti.

Addunyaarratti boba’aan dhibbentaa 20 ta’e kan keessa darbu Hulaan Hormuuz cufamuu isaarraa kan ka’e gatiin boba’aa dabaleera.

Biriteen qabeenna waraanaa humna guddaa qabu – doonii balleessituu, xiyyaarota waraanaa Typhoon, diroonii fi sirna boombii of danda’e adamsuu dabalatee – gamtaa addunyaa Strait of Hormuz eeguu fi daandii doonii addunyaa irratti murteessaa ta’e tokko keessatti bilisummaa navigeeshinii deebisuuf kaayyeffatetti makamuuf akka jirtu beeksifteetti.

Gumaan UK kanneen akka: • HMS Dragon, doonii ittisa qilleensaa gosa 45 kan duraanuu gara Baha Giddu Galeessaatti bobbaafame.
• Xiyyaarota waraanaa obomboleettii sakatta’iinsa qilleensaa.
• Meeshaalee of danda’anii boombii adamsuu fi bidiruu diroonii saffisa guddaa qaban.
• Sirna diroonii ittisaa fi ogeeyyii albuuda qulqulleessuu.

Ministirri Raayyaa Ittisa Biyyaa Joon Heeliin bobbaa kana kan mirkaneessan walgahii ministeerota hojii kanaa kan biyyoota hanga 40 hirmaachise fi UK fi Faransaayiin waliin hoogganamu hordofuun.

UKn dandeettiiwwan kana deeggaruuf maallaqa haaraa £115m waadaa galteetti.

Guyyaa guyyaan boba’aan addunyaa harka shan keessaa tokko kan keessa darbu Strait of Hormuz, dhiheenya kana waldhabdee naannootiin jeeqameera.

Ergamni kun ittisa cimaa kan qabu yoo ta’u, dooniiwwan daldalaa eeguu fi albuuda galaanaa ta’uu danda’u qulqulleessuu irratti kan xiyyeeffate ta’uun ibsameera.

Tarkaanfiin kun kan fudhatame wayita Iraan dooniiwwan waraanaa biyya alaa naannoo sana akka hin seenne akeekkachiifteetti.

UKn hojiin kun qaama tattaaffii idil-addunyaa of eeggannoodhaan karoorfamee daandii bishaanii idil-addunyaa murteessaa ta’e akka ta’e cimsitee ibsiteetti.

Guyyoota dhufan keessatti karoorri gamtichaa guddachaa dhufuun sagantaa yeroo fi bobba’iinsa sirrii irratti bal’inaan ibsi ni eegama.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

05/14/2026

OFM;ODUU/NEWS CAAMSAA 13/2026

Tajaajilli Elektriika Itiyoophiyaa Hojjettoota 1,100 ol irratti tarkaanfii bulchiinsaa fudhate.! Omishtoonni gabatee humna aduu qabatu (solar panel) kan Yuna...

05/13/2026

Yunaayitid Isteet qoqqobbii waraanaa Itiyoophiyaarra keessee turte kaafte.!

OFM:Caamsaa.13/2026.Ameerikaan qoqqobbii meeshaa waraanaa Itiyoophiyaarra keessee turte kaasuu beeysifte.

Qoqqobbiin kun ka'uu kan beeysise Ministeera Dhimma Alaatti Daayirektoreetii to'annoo fi daldala meeshaa waraanaa Ameerikaati.

Daayirektoreetiin kun ibsa Caamsaa 11/2026 baaseen akka ibsetti imaammata uggurrii hordofu kaasuu fi hojiirra oolmaa heyyamawwan Itiyoophiyaa wajjin wal qabatan Danbii to'annoo daddabarsa meeshaa waraanaa idil-addunyaa (ITAR) jalatti keessa deebiin ilaalaa jiraachuu beeysise.

Kana hordofee aa-kaluutti dambii fooyya'ee bahu, danbii to'annoo daddabarsa meeshaa waraanaa idil-addunyaa -ITAR 126.1 keessaa maqaan Itiyoophiyaa akka ''haqamu'' eereera.

Danbiin kun, biyyoota qoqqobbii Ameerikaa jala jiran murtaa'an, meeshaalee waraanaa fi tajaajiloota walfakkaatan raayyaa ittisa biyyaatiif, poolisiif, caasaa nageennaa fi kaaniif alaa akka hin galchinee fi gara alaa akka hin ergine kan dhoorguudha.

Itiyoophiyaan waraana Tigraayin wal-qabatee, Fulbaana 2021 kaasee kan qoqqobbiin irra kaayame.

Itiyoophiyaan waggoota darban meeshaalee waraanaa baay'inaan kan bitaa turte Raashiyaa, Chaayinaa, Tarkii, UAE fi Iraan irraa ta'uu ragaaleen ni agarsiisu.

Qoqqobbii kun Itiyoophiyaarraa ka'uun isaa yeroo ifoome kun, kaaba Itiyoophiyaa, Tigraayitti muddamni yeroo hammaate, Itiyoophiyaa fi Eertiraa akkasuma Itiyoophiyaa fi Suudaan jidduutti akkasuma muddamni uumamee jirutti.

Ameerikaan Itiyoophiyaarra qoqqobbii keessee turte sababni kaafteef maal akka ta'e hin eerre.

Ta'ullee daayirektoreetiin daldalaa fi to'annoo meeshaa waraanaa qoqqobbiin kun kaafamuu kan ibse ministirri dhimma alaa Itiyoophiyaa Dr Geediyoon Ximootewoos gara Waashingtan imaluun gita isaanii Ameerikaa Maarkoo Ruubiyoo waliin dhimmoota waloo fi haala gaanfa Afrikaa irratti mari'achuu isaanii hordofeeti.

Ministiroonni Dhimma Alaa lamaan marii isaaniitiin, walitti bu'iinsa Gaanfa Afrikaatti muudatan furuu fi muddama hir'isuu keessatti "gahee murteessaa Itiyoophiyaan taphattu" irratti xiyyeeffachuun mari'achuu isaanii Ministeerri Dhimma Alaa Ameerikaa beeysiseera.

Kana malees, tumsa nageennaa biyyoota lamaanii, carraawwan daldalaa guddisuu, akkasumas dhimmoota "Galaana Diimaa fi Nageenna Naannoo Galaanaa" irratti bal'inaan mari'ataniiru.

Maarko Ruubiyoo qaamaan Dr Geediyoon waliin wal qunamanii mari'achuun dura, guyyuma sana ministira muummee Itiyoophiyaa Dr.Abiyyi Ahimad waliin dhimma tasgabbii naannichaa, tumsa farra shororkeessummaa, diinagdee fi nageenna Gaanfa Afrikaa irratti bilbilaan mari'ataniiru.

Aangawoonni Ameerikaa fi Itiyoophiyaa kunneen haala naannoo Galaana Diimaa dabalatee dhimmoota adda addaa irratti mari'achuu fi uggura meeshaa waraanaa Itiyoophiyaarraa kaasuu dursee, Ameerikaan guyyoota dura uggura meeshaa waraanaa Eertiraa irra keessee turte kaasuuf karoorfachuu isii gabaafamee ture.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

05/13/2026

Iraan irra deebiin yoo haleelamte Yuraaniyeemii gabbisuu dhibbentaa 90 irraa akka geessistu dhaadatte.!

OFM:Caamsaa.13/2026.Iraan haleellaan irratti raawwatamnaan sadarkaa niwukilara hidhachuu isii dandeessisutti Yuraaniyeemii akka gabbistu dhaadatteetti.

Haleellaan irra deebiin kan irratti gaggeeffamu yoo ta’e sadarkaa meeshaa waraanaa omishuu (niwukilara) ijaaruu isii Iraan dandeessisutti Yuraaniyeemii gabbisuu akka jalqabdu beeysisuu isii Rooyitars gabaaseera.

Dubbi-himaan koree nageennaafi dhimma alaa biyyaalessaa Ibiraahim Raayizii mana-maree Iraaniif haasaa taasiseen, Iraan haleellaan irratti raawwatamnaan, Yuraaniyeemii sadarkaa dhibbentaa 90tti akka guddistu himeera.

Dubbi-himaan kun fuula X irratti “Iraan haleellaan bira airratti raawwatamnaan hanga dhibbentaa 90tti gabbisuu filannoo tokko gootee fudhatti.

Dhimmicha mana mareerratti irratti Mariyanna,” jedheera.

Gama kaaniin:-Afayaa’ii Iraan Gaalibaaf “Ameerikaan mirga Iraan kabajuutiin ala filannoo biraa hin qabdu,” jedhan.

Waliigalteerra gahuudhaaf Ameerikaan mirga Iraanotaa kabajuutiin ala filannoo biraa hin qabdu jechuun Afa yaa’iin mana maree Iraan biyyattii keessatti dhageettii guddaa qabu ibsaniiru.

Afyaa’ii Mahaammad Bagiir Galiibaaf yaada pireezidaant Tiraampiif fuula X irratti deebii kennaniin akka jedhanitti, Iraan waraana dhaabsisuuf “akkuma yaada abbaa qabxii 14 dhiyaaterratti akka ibsametti mirgoota Iraanotaa kabajuutiin alatti filannoon bira homtuu hin jiru,” jedhan.

Pireezidaant Tiraamp waraanicha dhaabsisuuf gama Iraaniin deebii kennamerratti akka gammachuu hin qabne ilaalchisuun waliigalteen dhukaasa dhaabuu diigamuuf “qarqararra jira” jechuun erga dubbatanii booda afayaa’iin Iraan kun miidiyaa hawaasaa isaanii gubbaatti ijjennoo biyyasaanii beeysisaniiru.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

05/13/2026

Ajajaan finciltoota RSF loltoota alagaa waraanichaaf filuun himatamu garee finciltootaa kana keessaa bahuu ibse.

OFM:Caamsaa.13/2026.Ajajaan ol'aanaan finciltootaa Suudaan Raappiid Sappoorti Foorsis (RSF) keessatti loltoota alagaa filee qopheessuun shoora guddaa akka taphate himamu, garee kana gadi dhiisuu isaa gabaasni 'Sudan Tribune' ifoomseera.

Ali Rizq, kan maqaa “Al-Savanna” jedhamuun beekamu, viidiyoo marsariitii hawaasaa irratti tamsa'een, RSF waliin quunnamtii qabu guutummaatti kutuu isaa beeysiseera. Murteewwan isaa kunis fedhii uummata Suudaan kabachiisuufi nagaa deeggaruuf akka ta’e dubbateera namni kun.

Al-Savanna ammas garee waraanaa biroo kamittuu akka hin makamne ibsullee, gadi dhiisuun isaa kun ji'oota lamaan darban keessatti ajaja ol'aanaa RSF kan garicha gadi dhiise isa lammaffaadha.

Bitootessa keessa, Meeraal Jeneraal Al-Nour Al-Qubba garee kana gadi dhiisuun waraana mootummaa Suudaanitti makamuun isaa kan yaadatamuudha.

Shoora Al-Savanna: RSF keessatti sadarkaa Birigaader Jeneraalummaa kan qabuufi baha Daarfuur keessatti nama dhiibbaa qabu jedhamuun kan beekamu Al-Savanna, erga waraanni Ebla 15/2023 jalqabee booda garee kanatti makame.

Akka gabaasa Sudan Tribune jedhutti, inni loltoota alagaa gurmeessuufi gara RSFtti fiduu keessatti shoora ol'aanaa taphateera.

Al-Savanna RSFtti makamuun dura, sochii hidhannoof hogganummaa kennaa kan ture yoo ta'u, bara 2013 keessa waraana mootummaa Suudaan waliin dabalamee ture. Sana booda mootummaa kuffifame waliin wal-dhabdee uumuun, erga waraanni RSF fi waraana mootummaa jidduutti dhoowee booda gara RSFtti makame.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

05/13/2026

Hoji Raawwachiisaan Olaanaa Federeeshinii Atileetiksii Addunyaa Finfinnee dhufan

OFM:Caamsaa.13/2026.Hoji Raawwachiisaan olaanaa Federeeshinii Atileetiksii Addunyaa Joon Riigeyooniifi Muummeen dorgommiiwwanfii taateewwanii Federeeshinii Atileetiksii Addunyaa Maarki Haasti kaleessa galgala Itiyoophiyaatti dhufaniiru.

Pireezidaantiin Federeeshinii Atileetiksii Itoophiyaa Komaandar Atileet Silashii Sihin fi jilli isaanii keessummoota kanneeniif Buufata Xiyyaaraa Idil Addunyaa Booleetti argamuun simannaa taasisuufin ibsameera.

Hoggantootni Ol'aanoo Federeeshinii Atileetiksii Addunyaa kunniin gara Itiyoophiyaa dhufuun damee dippiloomaasii ispoortii cimsuu keessatti qooda cimaa qabaachuun ibsameera.

Turtii isaaniitiin babal’inaafi ijaarsa bu’uuraalee misoomaa ispoortii akka daawwatan ragaan Federeeshinii Atileetiksii Itiyoophiyaarraa argame ni mul'isa.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

05/12/2026

USA'n gatii boba'aa tasgabbeessuuf boba’aa Barmeela Miiliyoona 53.3 Liqeessuufi.

OFM:Caamsaa.12/2026.Waraana Ameerikaa-Israa’elii fi Iraan jidduutti uumameen gabaan boba’aa addunyaa jeequmsa keessa galeera.

Haala kanaan, Ministeerri Inarjii Ameerikaa gatii boba’aa hir’isuuf jecha, dhaabbilee anniisaatiif boba’aa barmeela miiliyoona 53.3 liqeessuuf murteessuu isaa beeysise.

Mootummaan walumaa galatti boba’aa barmeela miiliyoona 172 gabaatti dhiyeessuuf kan karoorfate yoo ta’u, birraa kana qofatti, barmeela miiliyoona 80 gadi- dhiiseera.

Tarkaanfiin kun, Ameerikaan biyyoota miseensa Ejensii Annisaa Idil-addunyaa (IEA) waliin ta’uun waliigalatti boba’aa barmeela miiliyoona 400 gabaaf dhiyeessuuf qaama waadaa galameeti.

Ministeerri Inarjii Ameerikaa boba’aa kana waliigaltee addaatiin dhaabbileef kan liqeessu yoo ta’u, dhaabbileen kunniin hamma fudhatan qofa osoo hin taane, dabalataan hanga dhibbeentaa 24 deebisuu qabu.

Kunis maallaqa kaffaltoota gibiraa irratti dhiibbaa osoo hin geessisin gabaa tasgabbeessuuf kan qarqaaru ta’uun ibsameera.

Wayita ammaa kana sababa cufamuu hulaa Hormuuziin gatiin boba’aa addunyaa irratti dabalaa jira.

Ameerikaatti jiddu-galeessaan beenzilli gaalonii tokko doolaara 4.52n gurguramaa jira. Kunis erga bara 2022 asiitti gatii ol'aanaa ta'ee galmaa’eera.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

05/12/2026

"RSF paarlaamaa Faransaay keessatti akka dhaabbata shororkeessummaatti galmaa'uuf " gaafatamuufi.

OFM:Caamsaa.12/2026.Itti Gaafatamaan Jila Paarlaamaa Faransaay Humni Deebii Saffisaa Suudaan keessatti socho’u akka dhaabbata shororkeessummaatti moggaasuuf yaada paarlaamaa isaaniif akka dhiyeessan beeysisaniiru.

Ibsi kun kan bahe erga jilli kun dura taa’aa mana maree abbaa biyyummaa Suudaan Jeneraal Abdel Fattaah Al-Burhaan waliin Kaartuum keessatti mari’atee booda.

Jilli kun RSFn ummata Suudaan irratti gocha suukaneessaa raawwate ragaan kan deeggaramee fi dhiittaa mirga namoomaa fi hammeennaa ta’e irratti
hundaa’uun yaada kana dhiyeessuuf dirqamne jedheera.

Itti gaafatamaan jila kanaa Faransaayii fi hawaasni addunyaa dhiyeessii meeshaa waraanaa UAE garee finciltootaa kanaaf kennitu irratti ijjennoo cimaa akka qabaatanii fi akka dhaabbatu dhiibbaa akka godhan gaafataniiru.

Tarkaanfiin kun lola dhiigaa dhangalaasu Suudaan keessatti gaggeeffamaa jiru xummuruu fi garee hidhattoota kana sadarkaa idil-addunyaatti adda baasuuf kan kaayyeffate ta’ee ilaalama.

Daawwannaan kunii fi ibsi jilli Faransaay kenne kan agarsiisu ijjennoo warra dhihaa waraana biyya keessaa Suudaan irratti qaban jijjiiramaa akka jiru agarsiisa.

Keessattuu, miseensi Mana Maree Seera Baasaa humna Awurooppaa tokko garee kana "shororkeessaa" jechuun ramaduun isaa humna Jeneraal Mohaammad Hamdan Dagalo (Hemeti)n durfamuuf kufaatii siyaasaa fi naamusaa guddaa ta'uu danda'a.

Mootummaan Suudaan gama isaatiin hawaasni addunyaa RSF irratti tarkaanfii barbaachisaa akka fudhatu yeroo dheeraaf dhaamaa turuunsaa ni yaadatama.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg