10/10/2026
Guhera saa 3PM kugeza 11PM ririracya
Isoko rya Goico i Musanze ryafashwe n’umuriro
Isoko rya Goico riri mu gisagara ca Musanze ryafashwe n’umuriro ku muhingamo wo kuri uyu wa gatandatu.
Uwo muriro watanguriye ku magorofa yo hejuru y’iyo nyubakwa, ahakorera cane abashona n’abadandaza impuzu zambawe bakunze kwita ‘kombokombo’ canke ‘izo mw’ibaro’.
Abari muri iryo soko baciye basohoka bihuta, mu gihe abapolisi bajejwe kuzimya imiriro batangura guhangana n’uwo muriro.
Amashusho yakwiragijwe ku mbuga hwaniro yerekana umwotsi mwinshi wirabura uduga uva muri iyo nyubakwa.
Musanze, igisagara cari kizwi nka Ruhengeri, ni umurwa mukuru w’akarere ka Musanze mu ntara yo mu buraruko bw’Urwanda. Ni kimwe mu bisagara bikomeye mu vy’ubudandaji no kwakira ingenzi, kikaba kiri ku birometero 92 mu buraruko bushira uburengero bwa Kigali.
Icatumye uwo muriro waduka hamwe n’ivyoba vyahononekariye ntibiramenyekana.
