Hon. Mohamed Ahmed Keynan

03/20/2026

03/09/2026

Bismillaahi Raxmaani Raxiim

Maanta waxaan si rasmi ah ugu wareejiyay xilkii Guddoomiyanimo ee Jaaliyadda Qurbojoogta Puntland ee Minnesota Guddoomiyaha la doortay Marwo Fadumo Ibrahim Aden (Fadumo Malta).

Waxaan Guddoomiyaha cusub ugu ducaynayaa in ILLAAHAY u fududeeyo xilka culus ee loo dhiibay, isla markaana ku garab galo gudashada waajibaadka iyo adeegga Jaaliyadda.

Sidoo kale waxaan mahad gaar ah u jeedinayaa:
• Wakiilka Dowladda Puntland ee dalka Maraykanka Marwo Mulki Abdisamad Haji Hussein
• Guddiga Doorashada ee sida hufan u maamulay doorashada, oo uu hoggaaminayay Guddoomiye Faysal (Sulub)
• Guddigii ila soo shaqeeyay muddadii aan xilka hayay
• Iyo dhammaan xubnaha Jaaliyadda ee ka soo qayb galay doorashada oo codkooda dhiibtay.

Ugu dambayn, waxaan leeyahay hambalyo Jaaliyadda Puntland ee Minnesota, waxaana rajaynayaa in midnimo, wadajir iyo horumar lagu sii amba qaado howlaha Jaaliyadda.

Mahadsanidiin dhammaantiin.

03/09/2026

XIL-WAREEJIN OO SI RASMI AH U DHACDAY

Galabta waxaan si rasmi ah oo sharaf leh ugu wareejiyay xilka Guddoomiyaha Jaaliyadda Qurbojoogta Puntland ee Minnesota, xafiiska iyo dhammaan dukumeentiyada maamulka Guddoomiyaha cusub Marwo Fadumo Ibrahim Aden (Fadumo Malta).

Wareejintan waxay ahayd mid muujinaysa nidaam, isla-xisaabtan iyo hoggaan dimuqraadi ah, iyadoo ay goob joog ka ahaayeen xubno ka tirsan Jaaliyadda iyo Guddiga doorashada.

Waxaan u hambalyeynayaa Guddoomiyaha cusub, waxaana u rajaynayaa guul iyo in ALLAAH ku garab galo xilka culus ee loo doortay.

Sidoo kale waxaan si gaar ah mahad iyo qadarin ugu jeedinayaa:
• Wakiilka Dowladda Puntland ee dalka Maraykanka Marwo Mulki Abdisamad Haji Hussein oo ka soo qayb gashay isla markaana taageero iyo dhiirrigelin u muujisay Jaaliyadda.
• Guddiga Doorashada Jaaliyadda, gaar ahaan Guddoomiyaha Guddiga Mudane Faysal (Sulub) iyo dhammaan xubnaha guddiga oo si hufan oo daacadnimo leh u maamulay doorashada.

Waxaan sidoo kale u mahadcelinayaa dhammaan xubnaha Jaaliyadda ee ila soo shaqeeyay muddadii aan xilka hayay iyo taageeradii ay na siiyeen.

Jaaliyadda Puntland ee Minnesota waxaan ugu baaqayaa inay la shaqeeyaan hoggaanka cusub si loo sii xoojiyo midnimada, wadajirka iyo horumarka Jaaliyadda.

Mahadsanidiin.

Mohamed Ahmed Keynan
Guddoomiyihii h**e
Puntland Diaspora of Minnesota

03/03/2026

NATIIJADA RASMIGA AH EE DOORASHADA
Jaaliyadda Qurbojoogta Puntland ee Minnesota
(Puntland Diaspora of Minnesota)

Waxaa caawa oo taariikhdu tahay March 02, 2026 si nabad iyo hufnaan leh ugu qabsoontay doorashadii Guddoomiyaha Jaaliyadda.

Natiijada codbixinta waxay noqotay sidan:
• Marwo Fadumo Ibrahim Aden (Malta) – 98 Cod
• Mohamed Ahmed Keynan – 97 Cod

Waxaan si sharaf iyo qalbi furan ugu hambalyeynayaa Marwo Fadumo Ibrahim Aden guusha ay gaartay.

Farqiga hal cod ah wuxuu muujinayaa in Jaaliyaddu ay tahay mid firfircoon, leh aragtiyo kala duwan, isla markaana ku dhisan nidaam dimuqraadi ah oo hufan.

Anigoo ah Mohamed Ahmed Keynan, waxaan u mahadcelinayaa dhammaan xubnihii codkooda i siiyay iyo cid kasta oo ka qeyb qaadatay doorashada. Waxaan sii wadi doonaa u adeegidda Jaaliyadda si daacadnimo iyo midnimo ku dheehan tahay.

Waxaan Alle SWT uga baryayaa Guddoomiyaha cusub in uu ku garab galo xilka, Jaaliyaddana waxaan ugu baaqayaa wada shaqeyn iyo midnimo.

Midnimo • Horumar • Wadajir

Mahadsanidiin.

03/01/2026

Alhamdu LILLAH.

Waxaan si sharaf leh u ogeysiinayaa in aan mar kale isu soo sharxay xilka Guddoomiyaha Jaaliyadda Qurbojoogta Puntland ee Minnesota, waxaana la iga guddoomay codsigaygii musharraxnimo, anigoo si rasmi ah u helay shahaadadii musharraxnimo.

Doorashadu waxay dhacaysaa:

📅 Isniinta, March 02, 2026
🕓 4:00 PM
📍 Ramaas Restaurant
2532 25th Ave S, Minneapolis, MN 55406

Waxaan dhammaan xubnaha Jaaliyadda ugu baaqayaa inay si buuxda uga soo qayb galaan doorashada, una doortaan hoggaamiye hufan oo matala rabitaankooda, kana shaqeeya horumarinta iyo mideynta bulshadeena labada sano ee soo socota.

Doorashadu waa fursad aynu ku muujinno midnimadeenna iyo ka qayb qaadashadeenna go’aan qaadashada.

Mahadsanidiin dhammaantiin.

02/22/2026

SHAACIN RASMI AH

Jaaliyadda Qurbojoogta Puntland ee Minnesota (Puntland Diaspora of Minnesota) waxay si rasmi ah u magacawday Guddiga Doorashada Madaxbannaan ee maamulaya Doorashada Jaaliyadda oo dhici doonta March 2, 2026.

Guddigan waxaa loo xilsaaray inay si hufan, caddaalad ah, dhexdhexaadnimo lehna u qabtaan doorashada, iyagoo si buuxda u ilaalinaya nidaamka “Hal Qof iyo Hal Cod”, si loo xaqiijiyo doorasho xor ah oo daahfuran.

Hoos waxaa ku lifaaqan magacyada iyo sawirrada xubnaha Guddiga Doorashada.

Jaaliyadda Qurbojoogta Puntland ee Minnesota
Puntland Diaspora of Minnesota

02/18/2026

Hambalyo Guddoomiye Mohamed Ahmed Keynan 🌙

RAMADAN KAREEM

Anigoo ku hadlaya magaca Jaaliyadda Qurbojoogta Puntland ee Gobolka Minnesota, waxaan hambalyo diirran iyo duco u dirayaa dhammaan Muslimiinta, gaar ahaan bulshada Soomaaliyeed ee ku nool Minnesota iyo guud ahaan caalamka, munaasabadda bisha barakeysan ee Ramadaan.

Bishan kheyrka iyo naxariista leh ALLAAH ha naga dhigo kuwo ka faa’iideysta, ha naga aqbalo soonka, salaadda iyo camalka suuban, hana nagu gaarsiiyo nabad, midnimo iyo barwaaqo.

Ramadaan waa bil isxisaabin, iscafis iyo isu soo dhowaansho. Aynu ka faa’iideysanno fursaddan qaaliga ah si aan u xoojino wadajirka jaaliyaddeenna, una caawino kuwa nugul.

🌙 Ramadan Kareem

كل عام وأنتم بخير

02/09/2026

https://www.facebook.com/share/p/1AgrHMUw8P/?mibextid=wwXIfr

02/02/2026

Jaaliyadu waxay mahad balaaran u soo jeedinaysa dhamaan jaaliyada reer Puntland iyo asxaabtooda oo taageero muuqata na tusay inta timid iyo inta kaleba ee kala jooga dal iyo dibadba dhamaan waad Mahadsan tihiin.

https://www.facebook.com/share/p/16rfqnKVn2/?mibextid=wwXIfr

08/15/2025

Casho sagootin ah iyo shahaado sharaf oo aan ku maamuusnay Wasiiru Dowlaha Wasaaradda Qorsheynta, Horumarinta Dhaqaalaha iyo Iskaashiga Caalamiga ah, ahna Wasiirka Diaspora-da, Mudane Farah Aw-Osman, ayaa lagu qabtay gobolka Minnesota.

Munaasabaddan waxaa soo qabanqaabiyay aniga oo ah Guddoomiyaha Jaaliyadda Puntland ee Gobolka Minnesota, Mohamed Ahmed Keynan, iyadoo aan Wasiirka gudoonsiiyay Shahaado Sharaf ka dib safar shaqo uu ku yimid dalka Mareykanka, isagoo ugu dambeyn soo gaaray gobolka Minnesota.

Wasiirka ayaa intii uu joogay ka qeyb galay xaflad weyn oo jaaliyaddu qabatay, taasoo lagu xusayay 27-guuradii aasaaska Puntland. Sidoo kale, wuxuu si rasmi ah xarigga uga jaray xafiiska Jaaliyadda Puntland ee Gobolka Minnesota xafiis shaqo oo aan ku faraxsanahay inaan suurto geliyo in jaaliyaddu yeelato.

🤝 Mahad gaar ah dhammaan xubnaha jaaliyadda iyo marti-sharaftii ka qeyb gashay munaasabadahan muhiimka ah

Allaa Mahadleh.