https://www.facebook.com/100322912710133/

Kyaikhto Basic Education Students' Union-KBESU, Monument, Palmer Lake, CO (2026)

08/20/2024

ကျိုက်ထိုမြို့နယ်အခြေခံပညာကျောင်းသားများသမဂ္ဂ နှင့် အ.ထ.က(၂)ဒဂုံမြို့သစ်အရှေ့ပိုင်းမြို့နယ်အခြေခံပညာကျောင်းသားလူငယ်များအစည်းအရုံး(အကလ) တို့၏ မဟာမိတ်အဖြစ်ဖွဲ့စည်းကြောင်းထုတ်ပြန်ကြေညာခြင်း

#ကျိုက်ထိုမြို့နယ်အခြေခံပညာကျောင်းသားများသမဂ္ဂ

08/08/2024

၈၈၈၈ လူထုအရေးတော်ပုံကြီး (၃၆) နှစ်ပြည့် အထိမ်းအမှတ်သို့ မွန်ပြည်နယ်အခြေခံပညာကျောင်းသားများသမဂ္ဂ မှ ပေးပို့လာသော သဝဏ်လွှာ

#၈၈၈၈လူထုအရေးတော်ပုံ၃၆နှစ်ပြည့်
#မွန်ပြည်နယ်အခြေခံပညာကျောင်းသားများသမဂ္ဂ
#ကျိုက်ထိုမြို့နယ်အခြေခံပညာကျောင်းသားများသမဂ္ဂ

08/07/2024

အခုလာမယ့် ၂၀၂၄ ခုနှစ်၊ ဩဂုတ်လ၊ ၈ ရက်နေ့မှာ ၈၈၈၈ အရေးတော်ပုံကြီးဟာ နှစ်ပေါင်း ၃၆ နှစ်ပြည့်မြောက်ခဲ့ပြီဖြစ်ပါတယ်။ အရင်တုန်းကတည်းက ကျွန်တော်တို့ လူကြီးတွေရဲ့ ပြောစမှတ်ပြုမှုတွေအရရော၊ အခုနွေဦးတော်လှန်ရေးအတွင်းက ရရှိတဲ့ အတွေ့အကြုံ၊ အသိပညာတွေကြောင့်ပါ "‌၈၈၈၈ ဆိုတာ ဘာလဲ၊ ဘယ်တုန်းကဖြစ်ခဲ့တာလဲ၊ ဘာကြောင့်ဖြစ်ခဲ့တာလဲ" ဆိုတဲ့အရာတွေနဲ့ ဒီ ၈၈၈၈ အရေးတော်ပုံဟာ ကျွန်တော်တို့ မြန်မာနိုင်ငံရဲ့ ဒီမိုကရေစီ အစစ်အမှန်ကိုရရှိရေးမှာ အလွန်ကိုကြီးမားတဲ့ အမှတ်သညာတစ်ခုဆိုတာကိုတော့ ‌ကျောင်းသား၊ လူငယ်၊ ပြည်သူများ သိရှိကြပြီးသားဖြစ်ပါတယ်။ ဒီလို အရေးတော်ပုံတွင်းက ကျွန်တော်တို့ ပြည်သူတွေ အဓိက တောင်းဆိုခဲ့ကြတဲ့ "ဒီမိုကရေစီ" အစစ်အမှန်ကိုလည်း ယနေ့အချိန်အထိ တော်လှန်တိုက်ယူနေရဆဲဖြစ်ပါတယ်။

ဒီလိုမျိုး သမိုင်းအစဉ်အလာ၊ သမိုင်းမှတ်တမ်းအရ ကြီးမားလှတဲ့ လူထုအုံကြွမှု အရေးတော်ပုံတစ်ခုဖြစ်တဲ့ ၈၈၈၈ အရေးတော်ပုံရဲ့ (၃၆) နှစ်မြောက် အထိမ်းအမှတ်အနေနဲ့

"၈၈၈၈ ဘာလဲ ဘယ်လဲ"

ဆိုတဲ့ စကားဝိုင်းဆွေးနွေးပွဲတစ်ခု ပြုလုပ်သွားမှာဖြစ်ပါတယ်။ ဒီစကားဝိုင်းကို ကျောင်းသားသမဂ္ဂ၊ ကျောင်းသားလူငယ်အဖွဲ့အစည်းများစွာမှ အဓိက ကြီးမှူးကျင်းပကြပြီး အဓိက ဆွေးနွေးသူများအနေနဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (ဗကသများ - အဖွဲ့ချုပ်) မှ ကိုကျော်သက်နိုင်၊ Interim Basic Education Federal Students' Unions' Representative Committee (IBEFSURC) မှ မယေးမေ၊ အခြေခံပညာကျောင်းသားလူငယ်များအစည်းအရုံး(အကလ) မှ ကိုစဝ်ခွန်နောင်နှင့် မယောမုဒြာငယ်တို့က ပါဝင်သွားမှာဖြစ်ပါတယ်။ စကားဝိုင်းကို ၈. ၈. ၂၀၂၄ ခုနှစ်၊ ညနေ ၆ နာရီကနေ ည ၉ နာရီအထိ ပြုလုပ်သွားမှာဖြစ်လို့ ပါဝင်ဆွေးနွေးသွားကြဖို့ ဖိတ်ခေါ်လိုက်ရပါတယ်။

07/11/2024

အကသများကွန်ရက် ၏ သဘောထားထုတ်ပြန်ချက်

၂၀၂၄ ဇူလိုင်လ၁၀ရက်နေ့။

စစ်ကိုင်းတိုင်း၊ဝက်လက်မြို့နယ်တွင် စစ်အာဏာရှင်ဆန့်ကျင်ရေးလုပ်ငန်းစဉ်များ၊ ကျောင်းသားထုနှင့် လူထုအရေးကိစ္စများတွင် အစဉ်အမြဲပါဝင်လှုပ်ရှားခဲ့သော ဝက်လက်မြို့နယ်ကျောင်းသားများသမဂ္ဂ(ဗကသများအဖွဲ့ချုပ်)အဖွဲ့ဝင်တစ်ဦးဖြစ်သည့် Grade-11 ကျောင်းသား မောင်မြင့်မြတ်ဦး သည် ၂၀၂၄ ခုနှစ် ဂျူလိုင်လ(၈)ရက်နေ့ ညအချိန်တွင် အကြမ်းဖက်နှိပ်စက်ခံရ၍ မတရားသဖြင့် သတ်ဖြတ်ခဲ့ဟု ကြားသိရသည့်အတွက် မိမိတို့ အခြေခံပညာကျောင်းသားသမဂ္ဂများ ကွန်ရက်မှ အထူးပင် ဝမ်းနည်းကြေကွဲမိပါသည်။

ရဲဘော်မြင့်မြတ်ဦးသည် သမဂ္ဂအရေးကိစ္စများကျောင်းသားလှုပ်ရှားမှုများတွင်သာမက ရပ်ရွာ ပညာရေးလုပ်ငန်းသဉ်များတွင် တက်ကြွစွာပါဝင် လှုပ်ရှားခဲ့သော ကျောင်းသားတစ်ဦးဖြစ်သည့်အတွက် မိခင် ဝက်လက်မြို့နယ်ကျောင်းသားများသမဂ္ဂ(ဗကသများအဖွဲ့ချုပ်)နှင့် ထပ်တူ နှမြောတသ ယူကြုံးမရ ဖြစ်ရပါသည်။

ထိုသို့ ရဲဘော်မြင့်မြတ်ဦးကျဆုံးမှုသည် မတရားသတ်ဖြတ်ခြင်းခံခဲ့ရသည့်အတွက် မိမိတို့အနေဖြင့် တရားမျှတမှုရရှိရန် အရေးတကြီးလိုအပ်ပါသည်။ ကြားကာလအမျိုးသားညီညွတ်ရေးအစိုးရအောက်ရှိ သက်ဆိုင်ရာဝန်ကြီးဌာနများအနေဖြင့် ရဲဘော်မြင့်မြတ်ဦးအား အကြမ်းဖက်သတ်ဖြတ်ခဲ့သည့် တရားခံများအား အမြန် စုံစမ်းဖော်ထုတ်၍ အပြစ်ပေးအရေးယူရန် ကျွန်ုပ်တို့ အခြေခံပညာကျောင်းသားသမဂ္ဂများကွန်ရက် မှ အထူးအလေးအနက်ထား တိုက်တွန်းအပ်ပါသည်။

ယခုကဲ့သို့ ကျောင်းသားသမဂ္ဂများ လွတ်လပ်စွာ ဖွဲ့စည်းရပ်တည်နိုင်ရေးနှင့် လွတ်လပ်စွာဖွဲ့စည်းခြင်းလုပ်ငန်းစဉ်များအပေါ် ထိပါးနှောင့်ယှက်ခြင်း နှင့် မိမိတို့ ကျောင်းသားသမဂ္ဂရဲဘော်များအပေါ် ကိုယ်ထိလက်ရောက် ထိပါးနှောင့်ယှက်ခြင်းများအပေါ် မိမိတို့အနေဖြင့် လုံးဝ(လုံးဝ)လက်ခံနိုင်မည် မဟုတ်ကြောင်းထပ်မံအသိပေးလိုပါသည်။ မိမိတို့ အကသများကွန်ရက် အနေဖြင့် ဗကသများအဖွဲ့ချုပ် နှင့် ဝက်လက်မြို့နယ်ကျောင်းသားများသမဂ္ဂ(ဗကသများအဖွဲ့ချုပ်) တို့၏ လုပ်ငန်းစဉ်များ၊သဘောထားများအပေါ်တွင် အပြည့်အဝ ထောက်ခံရပ်တည်ကြောင်း သဘောထားထုတ်ပြန်အပ်ပါသည်။

ရဲဘော်မြင့်မြတ်ဦး ကောင်းရာသုဂတိရောက်ရှိပါစေ။

အခြေခံပညာကျောင်းသားသမဂ္ဂများကွန်ရက်

05/30/2024

ကျိုက်ထိုမြို့နယ်အခြေခံပညာကျောင်းသားများသမဂ္ဂ ဖွဲ့စည်းတည်ထောင်ခြင်း (၂) နှစ်ပြည့် အခမ်းအနားသို့ ပေးပို့လာသော သဝဏ်လွှာ။

#ကျိုက်ထိုမြို့နယ်အခြေခံပညာကျောင်းသားများသမဂ္ဂ

05/30/2024

ကျိုက််ထိုမြို့နယ်အခြေခံပညာကျောင်းသားများသမဂ္ဂ တည်ထောင်ခြင်း (၂) နှစ်ပြည့် အထိမ်းအမှတ် သဘောထား ထုတ်ပြန်ချက်။

#ကျိုက်ထိုမြို့နယ်အခြေခံပညာကျောင်းသားများသမဂ္ဂ
#2နှစ်ပြည့်အထိမ်းအမှတ်

04/21/2024

သမိုင်းက ဘယ်လိုကြုံးဝါးခဲ့သလဲ။
အမေကမွေး ထောင်ကကျွေးသတဲ့။
အဖေကဆင် ထောင်ကသင်သတဲ့။
လူထုတွေ ကြားကြလော့ သိကြလော့။
လူငယ်တွေ ကြားကြလော့ သိကြလော့။

“ထောင်ကြီး ထောင်ကြီး ချဲ့ထား၊ ချဲ့ထား။
ထောင်ကို ထောင်ကို မကြောက်၊ မကြောက်။”

“ရဲဘော် လုပ်ဖော်၊ လူထု လူငယ်အပေါင်းတို့…
စစ်အာဏာရှင် စနစ်ဆိုးရဲ့ လူ့ငရဲကျိန်စာမှ ကျော်နင်းလွတ်မြောက်နိုင်အောင် တိုက်ပွဲဝင်ကြ။
စစ်အာဏာရှင် စနစ်ဆိုးရဲ့ လူ့အခွင့်အရေး ချိုးဖောက်မှုစက်ကွင်းမှ ကျော်နင်း လွတ်မြောက်နိုင်အောင် တိုက်ပွဲဝင်ကြ။”

-ဝင်းတင်-

#ဟံသာဝတီဦးဝင်းတင်ကွယ်လွန်ခြင်း၁၀နှစ်ပြည့်

03/27/2024

ကျိုက်ထိုသပိတ်စစ်ကြောင်း ဖြိုခွဲခံရမှုနှင့် ရဲဘော်ကိုအောင်ညီထွေးကျဆုံးခြင်း ၃ နှစ်ပြည့် အိမ်တွင်းသပိတ်ပြုလုပ်

ကျိုက်ထို၊ မတ်၊ ၂၇

မွန်ပြည်နယ်၊ ကျိုက်ထိုမြို့တွင် ၂၀၂၁ မတ်လ ၂၇ ရက်နေ့ ဖက်ဆစ်တော်လှန်ရေးနေ့မှာ သပိတ်စစ်ကြောင်း အကြမ်းဖက်ဖြိုခွဲခံရမှုနှင့် ဖက်ဆစ်စစ်တပ်၏ လူမဆန်စွာ ပစ်ခတ်ဖြိုခွဲမှုကြောင့် ရဲဘော် ကိုအောင်ညီထွေး ကျဆုံးခဲ့ရခြင်း ၃ နှစ်ပြည့် အောက်မေ့ဖွယ်အထိမ်းအမှတ်အဖြစ် ကျိုက်ထိုမြို့ရှိ မြို့နေပြည်သူများ နှင့်အတူ ကျွန်ုပ်တို့ ကျိုက်ထိုမြို့နယ်အခြေခံပညာကျောင်းသားများသမဂ္ဂမှ လဲအတူပူးပေါင်းပါဝင်ခဲ့သည်။

#ရဲဘော်ကိုအောင်ညီထွေးကျဆုံးခြင်း၃နှစ်ပြည့်
#ကျိုက်ထိုမြို့နယ်အခြေခံပညာကျောင်းသားများသမဂ္ဂ

02/29/2024

"အကြမ်းဖက်စစ်ကောင်စီ၏ ပြည်သူ့စစ်မှုထမ်းဥပဒေနှင့် ပတ်သက်ပြီး အခြေခံပညာကဏ္ဍ ကျောင်းသားအင်အားစုများ၏ သဘောထားအမြင်နှင့် အကြံပြုတိုက်တွန်းချက်"

ရက်စွဲ - ဖေဖော်ဝါရီလ ၂၉ရက်၊ ၂၀၂၄ခုနှစ်

01/31/2024

❝ တော်လှန်ရေး ၃ နှစ်ပြည့်လှုပ်ရှားမှု ❞

❐ အပြင်မထွက်၊ အသံတိတ်သပိတ် (Silent Strike)

(ဖေဖော်ဝါရီ ၁ ရက်နေ့၊ မနက် ၁၀ နာရီ မှ ညနေ ၄ နာရီအတွင်း)

Silent Strike (အပြင်မထွက်၊ အသံတိတ်သပိတ်) ဟေ့ဆိုရင် ပြည်သူအားလုံး ရင်းနှီးကျွမ်းဝင်ကြပြီးသားပါပဲ။ နေရာဒေသမရွေး လူထုအားလုံး ပါဝင်နိုင်တဲ့ တိုက်ပွဲနည်းနာကြီးဖြစ်သလို စစ်အာဏာရူးတွေ ဒူးတုန်အောင်ကြောက်တဲ့ သပိတ်ကြီးပါ။ မြန်မာလူထုရဲ့ တော်လှန်စိတ်၊ ဇွဲသတ္တိနဲ့ စုစည်းညီညွတ်မှုကို တကမ္ဘာလုံးက အသိအမှတ်ပြု၊ အံ့ဩကြရတဲ့ တိုက်ပွဲနည်းနာကြီးလည်း ဖြစ်ပါတယ်။ ဒီနည်းနာက အသံတိတ်ပေမယ့် အလံလိပ်တာ လုံးဝ မဟုတ်ပါဘူး။ ငါတို့ မြို့၊ ငါတို့ ဒေသ ငါတို့ ပိုင်တယ်။ ငါတို့ ငြိမ်ချင် ငြိမ်မယ်၊ ငါတို့ လှုပ်ချင် လှုပ်မယ်ဆိုတာ ပြည်သူ့သတင်းစကားပဲ။ စစ်အာဏာရူးတွေ ငါတို့ကို “လုံးဝ အုပ်ချုပ်ခွင့်မရစေရ” ဆိုတာ ကျွန်ုပ်တို့လူထုကြီးရဲ့ ကြွေးကြော်သံ။

ဒီ Silent Strike ရဲ့ ဆိုလိုရင်းက အဲ့ဒီရက်၊ အဲ့ဒီအချိန်တွင်း လမ်းမတွေမှာ၊ အများပြည်သူဆိုင်ရာ နေရာတွေမှာ တိတ်ဆိတ် ခြောက်ကပ်နေဖို့ပဲ။ ပြည်သူတွေက အပြင်ကို မထွက်ကြဖို့ပဲ။ ကိုယ့်အိမ်၊ ကိုယ်ဈေးဆိုင်၊ ကိုယ့်ရုံး၊ ကိုယ့်အမိုးအကာအောက်မှာပဲ နေကြဖို့ပါပဲ။ Silent Strike ကို ပညာသားပါပါနဲ့ ဖော်ဆောင် ဆင်နွှဲကြမယ်နော်။

❐ အဖြူရောင် လှုပ်ရှားမှု (White Campaign)

မြန်မာနိုင်ငံမှာ စစ်အာဏာရှင်ဆန့်ကျင်ရေး အဖြူရောင်လှုပ်ရှားမှုကို (၂၀၀၇) ရွှေဝါရောင််တော်လှန်ရေးမတိုင်ခင် ကာလများကတည်းက ဖော်ဆောင်ခဲ့ကြဖူးပါတယ်။ လူထုနဲ့ မစိမ်းလှပါဘူး။ အက်ျီအဖြူ၊ ဖဲကြိုးအဖြူ၊ လက်ပတ်အဖြူအစရှိတဲ့ အဖြူရောင် အဝတ်အစား၊ အသုံးအဆောင်တွေကို ပြည်သူအားလုံးက အဆင်ပြေသလို ဝတ်ဆင်ကြတဲ့ လှုပ်ရှားမှုပါ။

အခု ပြည်တွင်းပြည်ပ လူထုတရပ်လုံး ပူးပေါင်းဖော်ဆောင်ကြမယ့် အဖြူရောင်လှုပ်ရှားမှုကနေ အဓိက ရည်ရွယ်တောင်းဆိုချက် (၃) ခု ရှိပါတယ်-

(၁) အာဏာသိမ်းစစ်အုပ်စုကို လေယာဉ်လောင်စာဆီ ရောင်းချ၊ သယ်ယူပေးနေကြတဲ့ နိုင်ငံတွေ၊ အဖွဲ့အစည်းတွေအနေနဲ့ အမြန်ဆုံး ရပ်တန်းက ရပ်ကြဖို့၊

(၂) အာဏာသိမ်းစစ်အုပ်စုက နိုင်ငံတကာရောက် မြန်မာနိုင်ငံသားတွေကို အတင်းအဓမ္မ ကောက်ခံနေတဲ့ “သွေးစွန်းအခွန်အခ” တွေ လုံးဝ မပေးဆောင်ကြဖို့၊

(၃) အာဏာသိမ်းစစ်အုပ်စုရဲ့ အစတေးခံ၊ ထိုးကျွေးခံ ဘဝ ရောက်နေပြီဖြစ်တဲ့ မြေပြင်တပ်မှူးတပ်သားများအနေနဲ့ အမြန်ဆုံး ပြည်သူ့ရင်ခွင် ခိုလှုံကြဖို့၊ အလင်းဝင်ကြဖို့၊ “အလံဖြူ” ထောင်ကြဖို့။

White Campaign ကိုတော့ တော်လှန်ရေး (၃) နှစ်ပြည့် တရက်တည်းအတွက်သာမကဘဲ ရှေ့ဆက်လည်း အပတ်စဉ် တနလ်ာနေ့တိုင်း ဖော်ဆောင်သွားကြဖို့ပါ။ အထူးသဖြင့် နိုင်ငံတကာရောက် ရဲဘော်တွေနဲ့ တော်လှန်ရေးအင်အားစုတွေကလည်း White Campaign ကို ပြည်ပမှာ အစွမ်းကုန် ဆင်နွှဲကြဖို့ အားခဲပြင်ဆင်နေကြပါတယ်။ ပြည်တွင်းပြည်ပ ဟန်ချက်ညီ ပူးပေါင်းဆောင်ရွက်ကြဖို့ပါပဲ။

ကျွန်ုပ်တို့ ပြည်သူတရပ်လုံး မျှော်ရည်တဲ့ အဆုံးသတ်အောင်ပွဲဆီကို လူထုတော်လှန်လှိုင်းလုံးကြီးတွေနဲ့အတူ “တက်စုံဖွင့် ရွက်ကုန်လွှင့်” ချီတက်ကြပါစို့။

#ကျိုက်ထိုမြို့နယ်အခြေခံပညာကျောင်းသားများသမဂ္ဂ

01/29/2024

ကျိုက်ထိုမြို့နယ်အတွင်း အာဏာလု ၃ နှစ်ပြည့် အကြိုလှုပ်ရှားမှု ပြုလုပ်

ဇန်နဝါရီ ၂၈

ကျိုက်ထိုမြို့လယ်ခေါင် လူစည်ကားရာနေရာတွင် မအလစစ်အုပ်စုမှ မတရားအာဏာလုယူမှု (၃) နှစ်ပြည့် အကြိုလှုပ်ရှားမှုတစ်ရပ်အနေဖြင့် “နှစ်သစ်ရောက်လည်း ထောက်ပို့ကာအမြဲ ဖက်ဆစ်ကိုလည်း ဖြိုမှာဘဲ” စာသားပါ ဘန်နာချိတ်ဆွဲမှု ပြုလုပ်ခဲ့ကြသည်။

လှုပ်ရှားမှုပြုလုပ်ပြီး မကြာမီ အကြမ်းဖက်စစ်အုပ်စုနှင့် အပေါင်းအပါများ ရောက်လာပြီး စစ်ဆေးမေးမြန်းမှုများ ပြုလုပ်ခဲ့သော်လည်း ရဲဘော်များအနေဖြင့် ဘေးကင်းလုံခြုံသောနေရာသို့ ပြန်လည်ရောက်ရှိခဲ့ပြီ ဖြစ်ကြောင်းကိုလည်း မိဘပြည်သူများထံသို့ အသိပေးအပ်ပါသည်။

ယခုလှုပ်ရှားမှုကို ကျိုက်ထိုမြို့နယ် အခြေခံပညာကျောင်းသားများသမဂ္ဂ (KBESU) နှင့် Kyaikhto Generation Z (KGZ) တို့ ပူးပေါင်းလုပ်ဆောင်ခဲ့ခြင်း ဖြစ်သည်။

"ပြည်သူ့အရေးတော်ပုံမုချအောင်မြင်ရမည်"

#နှစ်သစ်ရောက်လည်းထောက်ပို့ကာအမြဲ_ဖက်ဆစ်ကိုလည်းဖြိုမှာဘဲ
#ကျိုက်ထိုမြို့နယ်အခြေခံပညာကျောင်းသားများသမဂ္ဂ

Kyaikhto Basic Education Students' Union-KBESU

08/20/2024

08/08/2024

08/07/2024

07/11/2024

05/30/2024

05/30/2024

04/21/2024

03/27/2024

02/29/2024

01/31/2024

01/29/2024

Address

Website

Alerts

Contact The Organization

Shortcuts

Share

Category