OKC मराठी शाळा

OKC मराठी शाळा A community-led online school for anyone who wants to read, write, or speak Marathi

ओक्लाहोमा सिटीमध्ये मराठी भाषा आणि संस्कृती जपणारी एक समुदाय संचालित शाळा. मुलांना मराठी शिकवून आपली परंपरा आणि संस्कार पुढच्या पिढीकडे पोहोचवण्याचा आमचा उद्देश आहे.

नमस्कार मंडळी, दि. २२ फेब्रुवारी २०२६ रोजी ओक्लाहोमा सिटी येथील मराठी शाळेत प्रथमच मोठ्या उत्साहात शिवजयंती साजरी करण्या...
03/10/2026

नमस्कार मंडळी,
दि. २२ फेब्रुवारी २०२६ रोजी ओक्लाहोमा सिटी येथील मराठी शाळेत प्रथमच मोठ्या उत्साहात शिवजयंती साजरी करण्यात आली.
कार्यक्रम यशस्वी करण्यासाठी सहभाग घेतलेल्या सर्व विद्यार्थ्यांचे, पालकांचे आणि स्वयंसेवकांचे मनःपूर्वक आभार. तुमच्या उत्साहामुळे आणि सहभागामुळे हा कार्यक्रम खूप छान पार पडला.

या कार्यक्रमासाठी प्रमुख पाहुणे म्हणून उपस्थित राहिल्याबद्दल निलिमा काकू आणि कामत काका यांचे विशेष आभार. तसेच आम्हाला ही संधी दिल्याबद्दल श्री. दिग्विजय ओढेकर यांचेही मनःपूर्वक आभार.

भविष्यातही अशाच उत्साहात आणि एकोप्याने आपल्या संस्कृतीचे आणि परंपरेचे जतन करत अशा अनेक कार्यक्रमांचे आयोजन करत राहू, हीच अपेक्षा.

कार्यक्रमातील काही छायाचित्रे आणि सुंदर क्षणांची झलक आपण सर्वांसोबत शेअर करत आहोत.

धन्यवाद 😊🙏

दिनांक १३ डिसेंबर २०२५, रोजी ओक्लाहोमा सिटी मराठी शाळेने श्री दिग्पाल लांजेकर दिग्दर्शित “अभंग तुकाराम” या मराठी चित्रपट...
12/17/2025

दिनांक १३ डिसेंबर २०२५, रोजी ओक्लाहोमा सिटी मराठी शाळेने श्री दिग्पाल लांजेकर दिग्दर्शित “अभंग तुकाराम” या मराठी चित्रपटाचे स्क्रीनिंग आयोजित करण्यात आले होते.

बृहन्महाराष्ट्र मंडळ, यूएसए मार्फत आम्हाला हा कार्यक्रम आयोजित करण्याची सुवर्णसंधी मिळाली. आम्ही अत्यंत कृतज्ञ आहोत. 🙏

चित्रपट दिग्दर्शनातील उत्कृष्ट योगदानाबद्दल श्री दिग्पाल लांजेकर यांना विशेष कौतुक. संतश्रेष्ठ तुकाराम महाराजांच्या जीवनाची अतिशय सुंदर आणि कलेतून केलेली प्रस्तुती खूपच आकर्षक होती. हा चित्रपट छोट्या मोठ्या सर्वांसाठी आनंददायी होता.

सौ. स्मिता आणि श्री दिग्विजय ओढेकर यांच्या विशेष सहकार्यामुळे हा कार्यक्रम यशस्वीपणे पार पडला. सर्व काही व्यवस्थितपणे नियोजित करण्यात आले होते, ज्यामुळे हा अनुभव खरंच अतिशय आनंददायक झाला. तुमच्या दोघांचे खूप आभार. 🙏

12/08/2025

दत्त जयंती उत्सवानिमित्त समर्थ्य जुंदरे याने “निघालो घेऊन दत्ताची पालखी” हे गीत पियानोवर अत्यंत सुंदररित्या सादर केले.त्याचा आत्मविश्वास आणि लयबद्धता अप्रतिम होती. आम्हाला तुझा अभिमान आहे, समर्थ्य!

12/08/2025

दत्त जयंती उत्सवानिमित्त अर्जव रेडगावंकर याने श्री दत्तात्रेय जन्मकथा सुंदररित्या सांगितली. त्याचा आत्मविश्वास आणि सादरीकरण खूप प्रभावी होते. आम्हाला तुझा अभिमान आहे, अर्जव!

12/08/2025

या वर्षीच्या दत्त जयंती उत्सवातील काही मनोहारी क्षण! भक्तीभाव, संगीत आणि सांस्कृतिक वैभवाने भरलेला हा कार्यक्रम OKC मराठी शाळेच्या मुलांनी अधिकच संस्मरणीय केला. रुतम ओढेकर याने शिव तांडव स्तोत्र अतिशय सुंदररित्या सादर केले.त्यांच्या आवाजातील ताकद आणि भावनेने मन खरंच भारावून गेले. आम्हाला तुझा अभिमान आहे, रुतम!

🪔 आकाश कंदील निर्मितीतून उजळला आनंदाचा दीप!🪔 ओकेसी मराठी शाळेत शनिवार, दिनांक ११ ऑक्टोबर रोजी, दिवाळीचे आकाशकंदील बनविण्...
10/13/2025

🪔 आकाश कंदील निर्मितीतून उजळला आनंदाचा दीप!🪔

ओकेसी मराठी शाळेत शनिवार, दिनांक ११ ऑक्टोबर रोजी, दिवाळीचे आकाशकंदील बनविण्याची कार्यशाळा आयोजित करण्यात आली होती.�ही सुंदर आणि उपयुक्त कार्यशाळा घेतल्याबद्दल सौ. स्मिता आणि श्री. दिग्विजय ओढेकर यांचे मनःपूर्वक आभार. 🙏
�
मुलांनी आणि पालकांनी उत्साहाने सहभाग घेतला आणि एकत्र मिळून हे सुंदर आकाशकंदील तयार केले. कार्यशाळेतील काही सुंदर क्षण. 🪔🌟

08/19/2025

नमस्कार,

सर्व पालक आणि विद्यार्थ्यांचे मनःपूर्वक स्वागत! 🙏

OKC मराठी शाळेचं शैक्षणिक वर्ष २०२५–२६ जोशात सुरू झाले आहे!

या वर्षी मराठी भाषा, कला, आणि संस्कृती यांचा समतोल साधत शिक्षण देण्याचा आमचा प्रयत्न राहील. विविध उपक्रम, सण, कार्यशाळा यांची माहिती वेळोवेळी कळवण्यात येईल.

आपल्या मुलांसाठी हा प्रवास ज्ञानसंपन्न,प्रेरणादायी आणि आनंददायी ठरो हीच सदिच्छा.

आपला पाठिंबा आणि सहभाग आमच्यासाठी खूप महत्त्वाचा आहे.

आपला विनम्र,
OKC मराठी शाळा परिवार
२०२५–२६

Address

Oklahoma City, OK

Website

Alerts

Be the first to know and let us send you an email when OKC मराठी शाळा posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to OKC मराठी शाळा:

Shortcuts

Share

Category