10/08/2026
🌏 ग्लोबल शेर्पा डे–२०२६ को हार्दिक मङ्गलमय शुभकामना 🌏
अक्टोबर ८—ग्लोबल शेर्पा डे।
विश्वका विभिन्न भूगोलमा छरिएर रहनुभएका सम्पूर्ण शेर्पा दाजुभाइ तथा दिदीबहिनीहरूमा ग्लोबल शेर्पा डे–२०२६ को हार्दिक मङ्गलमय शुभकामना।
यो दिन केवल उत्सवको दिन मात्र नभई हाम्रो साझा इतिहास, भाषा, धर्म, संस्कृति, परम्परा, सभ्यता र मौलिक पहिचानलाई स्मरण गर्दै पुर्खाबाट प्राप्त अमूल्य विरासतलाई भावी पुस्तासम्म सुरक्षित र जीवन्त रूपमा हस्तान्तरण गर्ने साझा प्रतिबद्धताको दिन पनि हो।
हिमालको काखदेखि विश्वका विभिन्न कुनासम्म फैलिएको शेर्पा समुदायलाई एकताको सूत्रमा अझ बलियो रूपमा बाँध्दै, आपसी सद्भाव, सहयोग र भाइचारालाई सुदृढ गर्दै हाम्रो मौलिक पहिचान र गौरवलाई पुस्तौँपुस्तासम्म जीवित राख्नु आजको हाम्रो साझा दायित्व हो।
हाम्रो भाषा हाम्रो पहिचान हो,
हाम्रो संस्कृति हाम्रो गौरव हो,
हाम्रो एकता हाम्रो शक्ति हो,
र हाम्रो विरासत भावी पुस्ताको अमूल्य सम्पत्ति हो।
यस पावन अवसरमा विश्वभर रहनुभएका सम्पूर्ण शेर्पा समुदायमा सुख, शान्ति, समृद्धि, आपसी एकता, सद्भाव र उज्ज्वल भविष्यको हार्दिक मङ्गलमय शुभकामना।
🙏 टासी देलेक तथा नमस्कार। 🙏
आङ छिरी शेर्पा
कार्यवाहक अध्यक्ष
शेर्पा सङ्घ अमेरिका
Sherpa Association America
