Tamang Society of North America, Inc -Central Committee

03/18/2026

सम्पूर्ण नवनिर्बाचितज्युहरुमा हार्दिक बधाई तथा शुभकामना !

03/02/2026

सोसाइटीका अध्यक्ष मोहन वाइवाले सम्बन्धित देशका सरकार तथा आधिकारिक निकायहरूले जारी गरेका आपतकालीन सूचना, निर्देशन तथा सुरक्षा मापदण्डहरूको पूर्ण रूपमा पालना गर्न अनुरोध गरेका हुन्

अमेरिका।मध्यपूर्वमा रहेका सम्पूर्ण नेपालीहरुलाई सुरक्षित रहन तामाङ सोसाइटी अफ अमेरिका केन्द्रीय समितिले

03/02/2026

आदरणीय मध्यपूर्वमा रहनुभएका सम्पूर्ण नेपाली दाजुभाइ तथा दिदीबहिनीहरू तथा तामाङ दाजुभाइ तथा दिदीबहिनीहरू,

हाल मध्यपूर्व क्षेत्रमा विकसित भइरहेको परिस्थितिप्रति हामी गहिरो चिन्ता व्यक्त गर्दछौं। वर्तमान अवस्थालाई मध्यनजर गर्दै प्रभावित क्षेत्रमा बसोबास गरिरहनुभएका सम्पूर्ण नेपालीहरूलाई अत्यन्त सतर्क, सजग र सुरक्षित रहन हार्दिक अनुरोध गर्दछौं।

कृपया सम्बन्धित देशका सरकार तथा आधिकारिक निकायहरूले जारी गरेका आपतकालीन सूचना, निर्देशन तथा सुरक्षा मापदण्डहरूको पूर्ण रूपमा पालना गर्नुहोस्। अनावश्यक आवतजावत नगर्नुहोस् र सम्भावित जोखिमबाट जोगिन आवश्यक सावधानी अपनाउनुहोस्।

साथै, आफ्ना परिवार, आफन्त तथा समुदायभित्र निरन्तर सम्पर्कमा रहनुहोस्। आधिकारिक मार्गदर्शन, सहयोग तथा आवश्यक परामर्शका लागि सम्बन्धित नेपाली दूतावास वा कूटनीतिक नियोगसँग नियमित समन्वय कायम राख्नुहोस्।

तपाईंहरूको सुरक्षा हाम्रो सर्वोच्च प्राथमिकता हो। यस कठिन समयमा एकताबद्ध रहौं, सही सूचनामा आधारित निर्णय गरौं, र सुरक्षित रहौं।

धन्यवाद।

मोहन वाईबा
अध्यक्ष
Tamang Society Of North America
Central Commette

02/02/2026

Heartfelt Condolences

The Tamang Society North America Central Committee (TSNA) extends its deepest and most heartfelt condolences to Police Officer Pradeep Tamang and his family during this time of profound sorrow.

We are deeply saddened by the loss and share in your grief. May you find strength, comfort, and peace in the love and support of family, friends, and the wider community. Our thoughts and prayers are with you, and we stand in solidarity with you during this difficult moment.

May the departed soul rest in eternal peace.

With sympathy and respect,

Tamang Society North America
Central Committee(TSNA)

01/23/2026

तामाङ समुदायको पहिचान, इतिहास र सांस्कृतिक अस्तित्वलाई मजबुत बनाउने उद्देश्यसहित अभियानलाई समर्थन गर्ने प्रतिबद्धता व्यक्त गरेका हुन्।

अमेरिका । नामको अन्त्यमा ‘तामाङ’ लेखौं अभियानलाई तामाङ समाज उत्तर अमेरिकाले औपचारिक रूपमा प्रतिबद्धता

01/20/2026

ल्होछारला ज्याबा डाम्बा !
सोनाम ल्होछारको हार्दिक शुभकामना!
Happy Lhochhar!

तामाङ समुदायको महान् सांस्कृतिक पर्व सोनाम ल्होछार (नयाँ वर्ष) तथा मञ्जुश्री सम्बत २८६२ ओँ (तक ह्लो/घोडा वर्ष) को पावन तथा शुभ अवसरमा देश–विदेशका कुनाकुनामा बसोबास गर्दै आउनुभएका सम्पूर्ण नेपाली दिदी–बहिनी, दाजु–भाइ तथा आदरणीय महानुभावहरूमा हार्दिक मङ्गलमय शुभकामना व्यक्त गर्दछु।

यस पवित्र पर्बले हामी सबैमा सुख, शान्ति, स्वास्थ्य, दिगोपन, सामाजिक सद्भाव, सांस्कृतिक समृद्धि तथा उत्तरोत्तर प्रगतिका नयाँ प्रेरणा जगाओस् भन्ने कामना गर्दछु।
तामाङ समुदायले पहिचान, संस्कृति, भाषा र परम्पराको संरक्षण गर्दै आएको गौरवमय इतिहासले नेपाल र विश्वभरका नेपालीहरूबीच एकता र आत्मीयता थप सुदृढ बनाउँदै ल्याएको छ।
घोडा वर्षले स्पूर्ति, साहस, ऊर्जा र विकासका नयाँ मार्गहरू खुलाउने विश्वास लिएको छु।

समुदायको हरेक कदम, हरेक सफलतामा साथ, सहयोग र योगदान पुर्‍याइरहन हुने सम्पूर्ण सदस्य, शुभेच्छुक तथा सहयोगी मनहरू प्रती हृदयदेखि आभार व्यक्त गर्दछु।

सोनाम ल्होछार २८६२ ओँ सबैमा शुभ रहोस्।
ल्होछारला ज्याबा डाम्बा !

मोहन वाईबा
अध्यक्ष
तामाङ समाज उतर अमेरिका
केन्द्रिय कमिटी परिवार !

01/19/2026

मिति: ०१-१८ 2026

श्री सागर वाईबा तामाङ ज्यु
संयोजक
नामको पछाडि “Tamang” लेख्ने अभियान !

विषय: नामको पछाडि “Tamang” लेख्ने अभियानप्रति Tamang Society of North America को प्रतिबद्धता

संयोजक ज्यु,

Tamang Society of North America, Central Committee तर्फबाट प्रस्तुत यस पत्रमार्फत अहिले सञ्चालन भइरहेको नामको पछाडि “Tamang” लेख्ने अभियान प्रति हाम्रो दृढ समर्थन र प्रतिबद्धता व्यक्त गर्न चाहन्छौँ।

तामाङ समुदायको पहिचान, अस्तित्व, इतिहास तथा सांस्कृतिक गर्वलाई विश्वभर फैलाउन र सुदृढ बनाउन “नामको पछाडि Tamang लेख्ने अभियान” एक महत्वपूर्ण र समयोचित पहल हो भन्ने दृढ विश्वास हामीले लिएका छौँ। यो अभियानले वर्तमान तथा भावी पुस्तामा आफ्नो पहिचानप्रति जागरूकता, आत्मगौरव र एकता विकास गर्नेछ भन्ने हामी विश्वस्त छौँ।

यस अभियानलाई अझ प्रभावकारी तथा सफल बनाउन Tamang Society of North America ले निम्न प्रतिबद्धताहरू जाहेर गर्दछ:
1. उत्तर अमेरिकामा बसोबास गर्ने तामाङ समुदायलाई र आफ्नो मातहातको सद्स्य संस्थाहरुलाई अभियानको महत्वबारे निरन्तर जानकारी गराउने यस अभियानमा समाबेश गाराउने!
2. सामाजिक सञ्जाल, सामुदायिक बैठक, सभा तथा कार्यक्रमहरू मार्फत अभियानलाई सशक्त रूपमा प्रवर्द्धन गर्ने।
3. समुदाय–स्तरमा outreach कार्यक्रम सञ्चालन गरी नयाँ पुस्तामा तामाङ पहिचानको संरक्षण र प्रवर्द्धनलाई प्राथमिकता दिने।
4. अभियान संयोजक टोलीसँग आवश्यक सहकार्य, सुझाव तथा समन्वयका लागि सदैव तयार रहने।

हामी यस अभियानलाई समुदायको पहिचान, एकता र सांस्कृतिक शक्ति बृद्धि गर्ने दीर्घकालीन प्रयासको रूपमा लिएको छौँ। यस अभियानलाई सफल बनाउने प्रक्रियामा हाम्रो संस्थागत भूमिका निरन्तर रहिरहनेछ।

अन्त्यमा, यस महत्वपूर्ण अभियानको नेतृत्व तथा संयोजन गरिरहनुभएकोमा संयोजक ज्युलाई धन्यवाद ज्ञापन गर्दै आगामी दिनहरूमा पनि हाम्रो सहयोग निरन्तर रहनेछ भन्ने विश्वास दिलाउन चाहन्छौँ।

मना मोहन वाईबा तामाङ
अध्यक्ष
तामाङ समाज उतर अमेरिका
केन्द्रिय कमिटी !

बोधार्थ :-
१। तामाङ समाज अमेरिका- न्यू -योर्क
२। तामाङ समाज टेक्सास
३। तामाङ समाज ग्रेटर वासिङ्टन डिसी
४। तामाङ कोर्पोरेशन अफ कलिफोर्निया
५। तामाङ समाज अफ कनेक्टिकट
६। तामाङ समाज पेन्सिल्भनिया

11/25/2025

👏🏻👏🏻हार्दिक बधाइ तथा शुभकामना 👏🏻👏🏻

नेपाल तामाङ घेदुङ दक्षिण कोरियाको १२ औं महाधिवेशनबाट निर्वचित अध्यक्ष श्री राजकुमार स्याङतान ज्यू लगायत केन्द्रीय कार्यसमितिका सम्पुर्ण सदस्यज्युहरूमा हार्दिक बधाई तथा कार्यकाल सफलताको शुभकामना ब्यक्त गर्दछौं।

अध्यक्ष - राजकुमार स्याङतान
वरिष्ठ उपाध्यक्ष - दावा फिन्जो तामाङ
उपाध्यक्षहरुः
१)नुर्बु तामाङ
२)आशिष् मोक्तान तामाङ
३)त्रिचन्द्र तामाङ
महिला उपाध्यक्ष: सुनिता ब्लोन तामाङ
महासचिव -अबिशेक थिङ तामाङ
सचिव :
१) सरस्वती तामाङ
२) राजेन्द्र लोप्चन
३) सागर तामाङ
कोषाध्यक्ष - अञ्जली तामाङ
सह कोषाध्यक्ष-विस्लेष तामाङ
सदस्यहरु :
१) सुमन तामाङ
२) एन्सिना ग्लान तामाङ
३) सुवास तामाङ
४)सुब्बा सिङ मोक्तान
५)सुनिल बोम्जन

थुजेछे
———————-
अध्यक्ष
मोहन वाईबा
तामाङ समाज उतर अमेरिका
केन्दिय कमिटी परिवार !

11/25/2025

👏🏻👏🏻हार्दिक बधाइ तथा शुभकामना 👏🏻👏🏻

तामाङ समाज डेनमार्कको तेस्रो अधिवेशन (२०२६–२०२८) का लागि नव-निर्वचित अध्यक्ष शुश्री रचना ब्लोन तामाङ ज्यू लगायत केन्द्रीय कार्यसमितिका सम्पुर्ण सदस्यज्युहरूमा हार्दिक बधाई तथा कार्यकाल सफलताको शुभकामना ब्यक्त गर्दछौं।

अध्यक्ष:- रचना ब्लोन तामाङ
उपाध्यक्ष:- सन्देश तामाङ
सचिव:- कुमार तामाङ
कोषाध्यक्ष:- सुमित्रा तामाङ
सदस्य:- प्रिति लामा
सदस्य:- सलोमी तामाङ
सदस्:-ओम सरद तामाङ
सदस्य:- मनिषा तामाङ
सदस्य:-शशि लामा
सदस्य:-संजय तामाङ
सदस्य:- बिक्रम तामाङ


थुजेछे
———

अध्यक्ष
मोहन वाईबा
तामाङ समाज उतर अमेरिका
केन्दिय कमिटी परिवार !

11/10/2025

हार्दिक बधाई तथा शुभकामना !

नेपाल तामाङ कलाकार संघको १८ औं वार्षिक साधारण सभा तथा नवौं अधिवेशनबाट पुनः लोकप्रिय गायक तथा संगीतकार विशाल काल्तन ज्यु को अध्यक्षमा नयांकार्यसमीति सर्वसहमत रुपमा चयन भएको छ । निर्वाचित सिङ्गो टिमलाई हार्दिक बधाई तथा कार्यकाल सफलताको शुभकामना !

मोहन वाईबा
अध्यक्ष
तामाङ समाज ऊतर अमेरिका
केन्दिय कमिटी परिवार !

10/03/2025

मेरो नाम राजकुमार तामाङ गोले हो र म नेपालमा मेरी भाउजू उपचारको लागि यो कोष सङ्कलन ग… Raj Tamang needs your support for Help Lakshmi Gole Fight Breast Cancer

10/02/2025

नेपालीहरूको महान चाड बडा दशैंको अवसरमा देशविदेशमा रहनुहुने सम्पूर्ण नेपाली दाजुभाइ दिदीबहिनीहरूमा हार्दिक मङ्गलमय शुभकामना व्यक्त गर्दछु।