NYCBC

10/13/2026

ဒေါ်အောင်ဆန်းစုကြည် လွတ်မြောက်ရေးရည်မှန်း၍ နယူးယောက်တွင် Free HER Campaign အမှတ်တရသစ်ပင်များစိုက်ပျိုး
နယူးယောက် ၊ အောက်တိုဘာ ၁၀ ။
နိုင်ငံတော်အတိုင်ပင်ခံ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားအားလုံး လွတ်မြောက်ရေးအတွက် Kim Aris (ခေါ်) ကိုထိန်လင်း ဦးဆောင်သော “FREE HER Campaign” ကို ထောက်ခံအားပေးသည့် အနေဖြင့် အမေရိကန်နိုင်ငံ နယူးယောက်မြို့ရောက် မြန်မာမိသားစုများက အမှတ်တရသစ်ပင်များစိုက်ပျိုးခဲ့သည်။
အဆိုပါသစ်ပင်စိုက်ပွဲကို နယူးယောက်ပြည်နယ်ပိုင်ပန်းခြံ Willowbrook State Park တွင် သက်ဆိုင်ရာဌာန၏ ခွင့်ပြုချက်နှင့်စည်းမျဉ်းများအရ လူဦးရေကန့်သတ်ချက် အယောက်(၃၀) စုရုံးကာ သံအမတ်ကြီး ဦးကျော်မိုးထွန်း ပါဝင်ပြီးစိုက်ပျိုးခဲ့ကြခြင်းဖြစ်သည်။
ဦးကျော်မိုးထွန်းမှ ဒီအစီစဉ်ကိုစီစဉ်ပေးတဲ့ NYCBC (New York City Burmese Community ) ကိုကျေးဇူးတင်ပါတယ်။ အမေစုလွတ်မြောက်ရေး လှုပ်ရှားမှုတွေထဲကမှ ပတ်ဝန်းကျင်ထိမ်းသိမ်းရေးကို ရည်ရွယ်ပြီး အမှတ်တရ သစ်ပင် ၈၂ ပင်စိုက်ပျိုးခွင့်ရတဲ့အတွက် အင်မတန်မှ အဓိပ္ပာယ်ရှိပါတယ်။ ကျနော်တို့နိုင်ငံကြီး အေးချမ်းသာယာဖို့ ကျနော်တို့ပြည်သူတွေ အနာဂတ်ကောင်းမွန်ဖို့အတွက် ရည်မှန်းပြီးစိုက်ပျိုးတဲ့အတွက် ရည်ရွယ်ချက်အရလည်း အင်မတန်ကောင်းမွန်တဲ့အကြောင်း ပြောကြားခဲ့ပါသည်။
သစ်ပင်စိုက်ပွဲကို စီစဉ်သည့်တာဝန်ရှိသူများမှ အမေစု အသက် ၈၁ နှစ်ပြည့်အတွက် ရည်ရွယ်ပြီး သစ်ပင် ပျိုးပင် ၈၂ ပင် ကို စုပေါင်းပြီး စိုက်ကြတာပါ။ မြန်မာ အယူအဆအရ မွေးနေ့ အသက်ထပ် တပင်ပိုပြီး စိုက်ရင် ပိုကောင်းတယ်ဆိုတာရှိတဲ့ အတွက် အမေစုအသက် ၈၁နှစ်ကို ရည်ရွယ်ပြီး ၈၂ပင်စိုက်ကြတာပါဟု ရှင်းလင်းပြောကြားခဲ့ပါသည်။
အခုလို ၈၁ နှစ်ပြည့်ပြီး သား အမယ်အိုတယောက် ကို စစ်အာဏာရှင်တွေက မတရား ဖမ်းစီးချုပ်နှောင်ထားတာသည့်အတွက် အမြန်ဆုံး လွှတ်ပေးဖို့ အတွက် International ကလည်းသိအောင် တခြားလှုပ်ရှားမှုများနဲ့ မတူတဲ့ ငြိမ်းချမ်းစွာ စုပေါင်းပြီး သစ်ပင်စိုက်ပျိုးခဲ့ကြသည်။ တနည်းအားဖြင့်လည်း မြန်မာ အယူအဆအရ သစ်ပင် စိုက်ချင်းအားဖြင့် အသက်ရှည် ကျန်းမာပြီး အချုပ်အနှောင်မှ အမြန်ဆုံး လွတ်မြောက်စေချင်တဲ့ ရည်ရွယ်ချက်ဖြင့် ပြုလုပ်ခဲ့ကြဖြင်းဖြစ်သည်ဟုသိရသည်။
သစ်ပင်စိုက်ရာမှာပါဝင်ခဲ့ကြသူများမှလည်း “ဒီလှုပ်ရှားမှုက သဘာဝပတ်ဝန်းကျင် ကိုအကျိုးပြုပြီး ကမ္ဘာကြီး အတွက် လည်း အကျိုးရှိစေမယ့် Environmental Stewardship activities မျိုးလေး စုပေါင်းပြီး လုပ်ကြတာပါ” ဟုပြောကြားခဲ့ကြပါသည်။
အဆိုပါသစ်ပင်စိုက်ပျိုးခြင်းကို နယူးယောက်ပြည်နယ် City Park Department သို့တရားဝင်လျှောက်ထားပြီး ခွင့်ပြချက်အရ ပြုလုပ်ခဲ့ကြခြင်းဖြစ်သည်ဟု သိရပါသည်။ အဆိုပါသစ်ပင်စိုက်ပျိးသည့်နေရာမှာ နယူးယောက်မြို့ Staten Island ရှိ Willowbrook Park အတွင်းတွင်တည်ရှိပြီး Hope For Suu Forest ဟုခေါ်ဆိုသောနေရာတွင်ဖြစ်သည်။
( မြေပုံအညွန်း https://maps.app.goo.gl/vgwS9QN1ZVjewm3L7)

Video By Htoo Nyi

10/12/2026

IPU ညီလာခံ တက်ရောက်လာသည့် နိုင်ငံများမှ လွှတ်တော်ကိုယ်စားလှယ်အဖွဲ့များနှင့် မြန်မာလွှတ်တော်ကိုယ်စားလှယ်အဖွဲ့ သီးခြားစီတွေ့ဆုံ၍ လက်ရှိ မြန်မာ့နိုင်ငံရေးအခြေအနေများကို ရှင်းလင်းတင်ပြခဲ့

နိုင်ငံတကာ ပါလီမန်များအဖွဲ့ (IPU) ၏ (၁၅၃) ကြိမ်မြောက် ညီလာခံကို တန်ဇန်းနီးယားနိုင်ငံ၊ အာရူးရှားမြို့တွင် ၂၀၂၆ ခုနှစ်၊ အောက်တိုဘာလ ၅ ရက်နေ့မှ ၉ ရက်နေ့အထိ ကျင်းပပြုလုပ်ခဲ့ရာ ပြည်ထောင်စုလွှတ်တော်ကိုယ်စားလှယ် ဒေါ်ဇင်မာအောင် ဦးဆောင်သော မြန်မာလွှတ်တော် ကိုယ်စားလှယ်အဖွဲ့ တက်ရောက်ခဲ့ပါသည်။

ညီလာခံကာလအတွင်း မြန်မာကိုယ်စားလှယ်အဖွဲ့သည် အောက်ပါနိုင်ငံများမှ လွှတ်တော်ကိုယ်စားလှယ်အဖွဲ့များနှင့် သီးခြားတွေ့ဆုံဆွေးနွေးမှုများ ပြုလုပ်ခဲ့ပြီး အပြန်အလှန် ပူးပေါင်းဆောင်ရွက်ရေးဆိုင်ရာ သဘောတူညီမှုများ ရရှိခဲ့ပါသည် -

၁။ မလေးရှားနိုင်ငံ
၂။ နော်ဝေးနိုင်ငံ
၃။ ကနေဒါနိုင်ငံ
၄။ ဘာရိန်းနိုင်ငံ
၅။ ဩစတြေးလျနိုင်ငံ
၆။ အင်ဒိုနီးရှားနိုင်ငံ
၇။ ပိုလန်နိုင်ငံ
၈။ ယူနိုက်တက်ကင်းဒမ်း
၉။ အရှေ့တီမောနိုင်ငံ

တွေ့ဆုံဆွေးနွေးမှုများအတွင်း လက်ရှိမြန်မာနိုင်ငံ၏ နိုင်ငံရေးအခြေအနေ၊ SCEF နှင့် ဖက်ဒရယ်ဒီမိုကရေစီ ပြည်ထောင်စုတည်ဆောက်ရေး လုပ်ငန်းစဉ်များ၊ လွတ်မြောက်နယ်မြေများတွင် အကောင်အထည်ဖော်ဆောင်ရွက်လျက်ရှိသော ပြည်သူ့အုပ်ချုပ်ရေးနှင့် ပြည်သူ့ဝန်ဆောင်မှုလုပ်ငန်းများ၏ အခြေအနေများကို ရှင်းလင်းတင်ပြခဲ့ပါသည်။ ထို့ပြင် လူသားချင်းစာနာထောက်ထားမှု အကူအညီများကို အမှန်တကယ်လိုအပ်နေသော ပြည်သူများထံသို့ နယ်စပ်ဖြတ်ကျော်လမ်းကြောင်းများမှ ထိရောက်စွာ ပေးပို့နိုင်ရေးဆိုင်ရာ ကိစ္စရပ်များကိုလည်း ဆွေးနွေးခဲ့ပါသည်။

ထို့အပြင် စစ်အုပ်စု၏ ဆက်လက်ကျူးလွန်လျက်ရှိသော လူ့အခွင့်အရေးချိုးဖောက်မှုများ၊ အရပ်သားပြည်သူများအပေါ် လေကြောင်းတိုက်ခိုက်မှုများ၊ ဥပဒေမဲ့ ဖမ်းဆီးနှိပ်စက်မှုများ၊ အဓမ္မစစ်မှုထမ်းခိုင်းစေမှုများနှင့် ပေါ်တာဆွဲမှုများကို တင်ပြဆွေးနွေးခဲ့ပါသည်။ ထို့နောက် စစ်အုပ်စုက အတုအယောင်လွှတ်တော်နှင့် အတုအယောင်အစိုးရဖွဲ့စည်းကာ နိုင်ငံတကာအသိုက်အဝန်း၏ အသိအမှတ်ပြုမှု ရရှိရန် ကြိုးပမ်းနေမှုများကိုလည်း အသိပေးတင်ပြခဲ့ပါသည်။

အလားတူ စစ်အုပ်စုသည် တရားမဝင် အွန်လိုင်းငွေလိမ်လုပ်ငန်းများ၊ လူကုန်ကူးမှုကွန်ရက်များနှင့် မူးယစ်ဆေးဝါး ရာဇဝတ်ဂိုဏ်းများနှင့် ချိတ်ဆက်ပူးပေါင်း၍ ငွေကြေးအရင်းမြစ်များ ရယူလျက်ရှိကြောင်း၊ ယင်းရာဇဝတ်မှုများသည် ဒေသတွင်း လုံခြုံရေးနှင့် တည်ငြိမ်ရေးကို ထိခိုက်စေသည့် အရေးပါသော စိန်ခေါ်မှုများအဖြစ် တိုးမြင့်လာနေကြောင်း ရှင်းလင်းတင်ပြခဲ့ပါသည်။ ထိုသို့သော နိုင်ငံဖြတ်ကျော် ရာဇဝတ်မှုများကို ထိရောက်စွာ တိုက်ဖျက်နိုင်ရေးအတွက် စစ်အုပ်စုအပေါ် ပစ်မှတ်ထားသော ပိတ်ဆို့အရေးယူမှုများ တိုးမြှင့်ဆောင်ရွက်ပေးရန်လည်း တိုက်တွန်းဆွေးနွေးခဲ့ကြပါသည်။

ပြည်ထောင်စုလွှတ်တော်ကိုယ်စားပြုကော်မတီ

10/11/2026

LET HER SPEAK TO HER SON!

10/11/2026

ကူလည်းကူ ယူလည်းယူ - ဆုမဲများအကြောင်း
The Final Battle Campaign Round 2 Live

10/11/2026

ဒေါ်အောင်ဆန်းစုကြည် လွတ်မြောက်ရေးရည်မှန်း၍ နယူးယောက်တွင် Free HER Campaign အမှတ်တရသစ်ပင်များစိုက်ပျိုး
နယူးယောက် ၊ အောက်တိုဘာ ၁၀ ။
နိုင်ငံတော်အတိုင်ပင်ခံ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားအားလုံး လွတ်မြောက်ရေးအတွက် Kim Aris (ခေါ်) ကိုထိန်လင်း ဦးဆောင်သော “FREE HER Campaign” ကို ထောက်ခံအားပေးသည့် အနေဖြင့် အမေရိကန်နိုင်ငံ နယူးယောက်မြို့ရောက် မြန်မာမိသားစုများက အမှတ်တရသစ်ပင်များစိုက်ပျိုးခဲ့သည်။
အဆိုပါသစ်ပင်စိုက်ပွဲကို နယူးယောက်ပြည်နယ်ပိုင်ပန်းခြံ Willowbrook State Park တွင် သက်ဆိုင်ရာဌာန၏ ခွင့်ပြုချက်နှင့်စည်းမျဉ်းများအရ လူဦးရေကန့်သတ်ချက် အယောက်(၃၀) စုရုံးကာ သံအမတ်ကြီး ဦးကျော်မိုးထွန်း ပါဝင်ပြီးစိုက်ပျိုးခဲ့ကြခြင်းဖြစ်သည်။
ဦးကျော်မိုးထွန်းမှ ဒီအစီစဉ်ကိုစီစဉ်ပေးတဲ့ NYCBC (New York City Burmese Community ) ကိုကျေးဇူးတင်ပါတယ်။ အမေစုလွတ်မြောက်ရေး လှုပ်ရှားမှုတွေထဲကမှ ပတ်ဝန်းကျင်ထိမ်းသိမ်းရေးကို ရည်ရွယ်ပြီး အမှတ်တရ သစ်ပင် ၈၂ ပင်စိုက်ပျိုးခွင့်ရတဲ့အတွက် အင်မတန်မှ အဓိပ္ပာယ်ရှိပါတယ်။ ကျနော်တို့နိုင်ငံကြီး အေးချမ်းသာယာဖို့ ကျနော်တို့ပြည်သူတွေ အနာဂတ်ကောင်းမွန်ဖို့အတွက် ရည်မှန်းပြီးစိုက်ပျိုးတဲ့အတွက် ရည်ရွယ်ချက်အရလည်း အင်မတန်ကောင်းမွန်တဲ့အကြောင်း ပြောကြားခဲ့ပါသည်။
သစ်ပင်စိုက်ပွဲကို စီစဉ်သည့်တာဝန်ရှိသူများမှ အမေစု အသက် ၈၁ နှစ်ပြည့်အတွက် ရည်ရွယ်ပြီး သစ်ပင် ပျိုးပင် ၈၂ ပင် ကို စုပေါင်းပြီး စိုက်ကြတာပါ။ မြန်မာ အယူအဆအရ မွေးနေ့ အသက်ထပ် တပင်ပိုပြီး စိုက်ရင် ပိုကောင်းတယ်ဆိုတာရှိတဲ့ အတွက် အမေစုအသက် ၈၁နှစ်ကို ရည်ရွယ်ပြီး ၈၂ပင်စိုက်ကြတာပါဟု ရှင်းလင်းပြောကြားခဲ့ပါသည်။
အခုလို ၈၁ နှစ်ပြည့်ပြီး သား အမယ်အိုတယောက် ကို စစ်အာဏာရှင်တွေက မတရား ဖမ်းစီးချုပ်နှောင်ထားတာသည့်အတွက် အမြန်ဆုံး လွှတ်ပေးဖို့ အတွက် International ကလည်းသိအောင် တခြားလှုပ်ရှားမှုများနဲ့ မတူတဲ့ ငြိမ်းချမ်းစွာ စုပေါင်းပြီး သစ်ပင်စိုက်ပျိုးခဲ့ကြသည်။ တနည်းအားဖြင့်လည်း မြန်မာ အယူအဆအရ သစ်ပင် စိုက်ချင်းအားဖြင့် အသက်ရှည် ကျန်းမာပြီး အချုပ်အနှောင်မှ အမြန်ဆုံး လွတ်မြောက်စေချင်တဲ့ ရည်ရွယ်ချက်ဖြင့် ပြုလုပ်ခဲ့ကြဖြင်းဖြစ်သည်ဟုသိရသည်။
သစ်ပင်စိုက်ရာမှာပါဝင်ခဲ့ကြသူများမှလည်း “ဒီလှုပ်ရှားမှုက သဘာဝပတ်ဝန်းကျင် ကိုအကျိုးပြုပြီး ကမ္ဘာကြီး အတွက် လည်း အကျိုးရှိစေမယ့် Environmental Stewardship activities မျိုးလေး စုပေါင်းပြီး လုပ်ကြတာပါ” ဟုပြောကြားခဲ့ကြပါသည်။
အဆိုပါသစ်ပင်စိုက်ပျိုးခြင်းကို နယူးယောက်ပြည်နယ် City Park Department သို့တရားဝင်လျှောက်ထားပြီး ခွင့်ပြချက်အရ ပြုလုပ်ခဲ့ကြခြင်းဖြစ်သည်ဟု သိရပါသည်။ အဆိုပါသစ်ပင်စိုက်ပျိးသည့်နေရာမှာ နယူးယောက်မြို့ Staten Island ရှိ Willowbrook Park အတွင်းတွင်တည်ရှိပြီး Hope For Suu Forest ဟုခေါ်ဆိုသောနေရာတွင်ဖြစ်သည်။
( မြေပုံအညွန်း https://maps.app.goo.gl/vgwS9QN1ZVjewm3L7)
Photo By KyawSoe Latt

10/10/2026

ယနေ့ (၁၀)လ (၁၀)ရက် နံနက်(၁၀)နာရီအချိန်မှစတင်၍ နယူးယောက်မြို့ Willowbrook State Park တွင် NYCBC မှဦးဆောင်ကျင်းပပြုလုပ်သော နိုင်ငံတော်အတိုင်ပင်ခံ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားအားလုံး လွတ်မြောက်ရေး “FREE HER Campaign” လှုပ်ရှားမှုနှင့်အတူ ဒေါ်အောင်ဆန်းစုကြည်၏ မွေးနှစ်အမှတ်တရအဖြစ် သစ်ပင်ပျိုးပင် စုစုပေါင်း (၈၂) ပင်စိုက်ပျိုးခြင်းအခမ်းအနား အောင်မြင်စွာပြီးဆုံးကြောင်း ကြေညာအပ်ပါသည်။
နေ့ရက် - အောက်တိုဘာလ (၁၀) ရက်၊ ၂၀၂၆ ခုနှစ်၊ စနေနေ့၊
အချိန် - မနက် (၁၀) နာရီ မှ နေ့လည် (၁) နာရီ၊
နေရာ - Willowbrook State Park, Staten Island, NY 10314.
(Hope For Suu Forest) https://share.google/rB9Yw1JWUFKnHfqeO

10/10/2026

နိုင်ငံတော်အတိုင်ပင်ခံ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားအားလုံး လွတ်မြောက်ရေးအတွက် Kim Aris (ခေါ်) ကိုထိန်လင်း ဦးဆောင်သော “FREE HER Campaign” ကို ထောက်ခံအားပေးသည့် လှုပ်ရှားမှုကို အမေရိကန်နိုင်ငံ နယူးယောက်မြို့ရောက် မြန်မာမိသားစုများက စည်းလုံးညီညွတ်စွာဖြင့် နယူးယောက်ပြည်နယ်ပိုင်ပန်းခြံ Willowbrook State Park တွင် သက်ဆိုင်ရာဌာန၏ ခွင့်ပြုချက်နှင့်စည်းမျဉ်းများအရ လူဦးရေကန့်သတ်ချက် အယောက်(၃၀) စုရုံးကာ ဒေါ်အောင်ဆန်းစုကြည်၏ မွေးနှစ်အမှတ်တရအဖြစ် သစ်ပင်ပျိုးပင် စုစုပေါင်း (၈၂) ပင်စိုက်ပျိုးခြင်း တိုက်ရိုက်ထုတ်လွှင့်မှု။
နေ့ရက် - အောက်တိုဘာလ (၁၀) ရက်၊ ၂၀၂၆ ခုနှစ်၊ စနေနေ့၊
အချိန် - မနက် (၁၀) နာရီ မှ နေ့လည် (၁) နာရီအထိ၊
နေရာ - Willowbrook State Park, Staten Island, NY 10314.
(Hope For Suu Forest) https://share.google/rB9Yw1JWUFKnHfqeO

10/10/2026

မြန်မာ့ဒီမိုကရေစီအရေးကို အစဉ်တစိုက် ကူညီထောက်ခံခဲ့သူ Hon. Hong Lim အား မှ စစ်အာဏာရှင်မှ ပြည်သူကိုနေ့စဉ်ဗုံးကြဲ
သတ်ဖြတ်နေမူ့များပြောကြား

မဲလ်ဘုန်း၊ ဩစတြေးလျ | ၉ အောက်တိုဘာ ၂၀၂၆

၂၀၂၆ ခုနှစ်၊ အောက်တိုဘာလ ၉ ရက်၊ သောကြာနေ့ ည ၇ နာရီမှ ၁၀ နာရီအထိ မဲလ်ဘုန်းမြို့၊ Clayton South ရှိ White Orchard Reception, 705 Clayton Road တွင် ကျင်းပခဲ့သော လေဘာပါတီအမတ် Heang Meang Tak MP ၏ ရွေးကောက်ပွဲအောင်နိုင်ရေး လှုပ်ရှားမှုနှင့် ရန်ပုံငွေရှာဖွေပွဲသို့ Multicultural Community Leaders များ၊ ဩစတြေးလျနိုင်ငံသားများနှင့် လူမှုအသိုင်းအဝိုင်းအသီးသီးမှ ဧည့်သည်စုစုပေါင်း ၅၀၀ ကျော် တက်ရောက်ခဲ့ကြပါသည်။

အဆိုပါအခမ်းအနားတွင် Parliamentary Friends of Burma ကို စတင်တည်ထောင်ခဲ့သူ၊ ဗစ်တိုးရီးယားပြည်နယ် ပါလီမန်အမတ်ဟောင်း Hon. Hong Lim က မြန်မာနိုင်ငံ၏ လက်ရှိနိုင်ငံရေးအခြေအနေနှင့် မြန်မာပြည်သူများ ရင်ဆိုင်နေရသည့် ဖိနှိပ်မှုများအကြောင်း အလေးထားပြောကြားခဲ့ပါသည်။

၎င်း၏ ပြောကြားချက်များတွင် ဒေါ်အောင်ဆန်းစုကြည်သည် စစ်အာဏာရှင်များ၏ မတရားဖမ်းဆီးထောင်ချမှုကို ခံနေရဆဲဖြစ်ကြောင်း၊ စစ်အာဏာရှင်တပ်ဖွဲ့များ၏ လေကြောင်းတိုက်ခိုက်မှုများကြောင့် အပြစ်မဲ့ပြည်သူများ နေ့စဉ်အသက်ဆုံးရှုံးနေရကြောင်းနှင့် မြန်မာပြည်သူများသည် နည်းလမ်းပေါင်းစုံဖြင့် ဖိနှိပ်အကြမ်းဖက်ခံနေရကြောင်းတို့ကို ထည့်သွင်းပြောကြားခဲ့ပါသည်။

ထို့အပြင် မြန်မာနိုင်ငံ၏ အခြေအနေကို ကမ္ဘောဒီးယားနိုင်ငံ၏ အခြေအနေနှင့် နှိုင်းယှဉ်ဆွေးနွေးကာ အာဏာရှင်စနစ်အောက်မှ လွတ်မြောက်ရေး၊ ဒီမိုကရေစီပြန်လည်ရရှိရေးနှင့် မြန်မာပြည်သူများ၏ လွတ်လပ်ခွင့်နှင့် လူ့အခွင့်အရေးများကို ကာကွယ်စောင့်ရှောက်ရေးတို့အတွက် နိုင်ငံတကာ၏ အာရုံစိုက်ပံ့ပိုးမှုများ အရေးကြီးကြောင်းကိုလည်း ပြောကြားခဲ့ပါသည်။ Parliamentary Friends of Burma ကို ဖွဲ့စည်းတည်ထောင်ပြီး မြန်မာ့ဒီမိုကရေစီအရေးအတွက် ကြိုးပမ်းဆောင်ရွက်ခဲ့သည့် အကြောင်းများကိုလည်း ပြန်လည်မျှဝေခဲ့ပါသည်။

ဂုဏ်ပြုလက်ဆောင်များ ပေးအပ်ခြင်း

ပါလီမန်အမတ်အဖြစ် ၂၂ နှစ်ကြာ တာဝန်ထမ်းဆောင်ခဲ့စဉ်ကာလတစ်လျှောက် မြန်မာ့ဒီမိုကရေစီအရေး၊ ဒေါ်အောင်ဆန်းစုကြည်နှင့် မြန်မာပြည်သူများ၏ လွတ်လပ်ခွင့်အတွက် တစိုက်မတ်မတ် ကူညီထောက်ခံဆောင်ရွက်ခဲ့ပြီး ယနေ့တိုင် မြန်မာ့အရေးကို အလေးထားပံ့ပိုးပေးနေသူ ကျွန်ုပ်တို့၏ မိတ်ဆွေ Hon. Hong Lim အား အထူးကျေးဇူးတင်ဂုဏ်ပြုသည့်အနေဖြင့် ဒေါ်အောင်ဆန်းစုကြည်၏ ရုပ်ပုံပါ ရင်ထိုးနှင့် ဓာတ်ပုံပန်းချီကားများကို ဂုဏ်ပြုလက်ဆောင်အဖြစ် ပေးအပ်ခဲ့ကြပါသည်။

အဆိုပါဂုဏ်ပြုလက်ဆောင်များကို ဒေါ်ရီရီထိုက်၊ ဝေါမြို့နယ် ပြည်သူ့လွှတ်တော်ကိုယ်စားလှယ်၊ ကရင်နီ Community Leader Khun Ti Reh၊ ကိုမောင်တူးနှင့် ICN-AMDM Australia မှ Sawwin Maung တို့က အသီးသီး တက်ရောက်ပေးအပ်ခဲ့ကြပါသည်။

#

10/09/2026

နိုင်ငံတကာပါလီမန်များအဖွဲ့ (IPU) က CRPH အား ဆက်လက်အသိအမှတ်ပြုကြောင်း ဆုံးဖြတ်

၉ အောက်တိုဘာ ၂၀၂၆ ခုနှစ်။

ပြည်ထောင်စုလွှတ်တော်ကိုယ်စားပြုကော်မတီ(CRPH) အား IPU ၏ အဓိကမိတ်ဖက်ဆွေးနွေးဖက်အဖြစ် ဆက်လက်အသိအမှတ်ပြုကြောင်း ယနေ့ ကျင်းပသည့် အမှုဆောင်ကောင်စီအစည်းအဝေးက ဆုံးဖြတ်အတည်ပြုလိုက်သည်။

အမှုဆောင်ကော်မတီက "လက်ရှိအာဏာသိမ်းစစ်အစိုးရအား တရားဝင်မှု မပေးကြရန်" သက်ဆိုင်ရာအစိုးရများသို့ တိုက်တွန်းပေးရန် IPU အဖွဲ့ဝင်လွှတ်တော်များကို တိုက်တွန်းခဲ့သည်။

၂၀၂၁ ခုနှစ်၊ စစ်အာဏာသိမ်းမှုနောက် နိုင်ငံတကာပါလီမန်များအဖွဲ့ (IPU) က ပြည်ထောင်စုလွှတ်တော်ကိုယ်စားပြုကော်မတီ (CRPH) အား အဓိကမိတ်ဖက် ဆွေးနွေးဖက်အဖြစ် အသိအမှတ်ပြုခဲ့ပြီး ယနေ့တွင် ယင်းအသိအမှတ်ပြုမှုအား ဆက်လက် အတည်ပြုခဲ့ခြင်းဖြစ်ပါသည်။

ယခုကဲ့သို့ တရားမဝင်အာဏာသိမ်းစစ်အုပ်စုက အတုအယောင်လွှတ်တော်ခေါ်ယူပြီး နိုင်ငံတကာစင်မြင့်တွင် ကိုယ်စားပြုခွင့်နှင့် အသိအမှတ်ပြုခွင့် ရရှိရန် နည်းလမ်းမျိုးစုံဖြင့် ကြိုးပမ်းနေချိန်တွင် မိမိတို့ ပြည်ထောင်စုလွှတ်တော်ကိုယ်စားပြုကော်မတီ (CRPH) နှင့် ၂၀၂၀ ပြည့်နှစ်၊ ရွေးကောက်ခံလွှတ်တော်ကိုယ်စားလှယ်များကို မြန်မာပြည်သူတို့၏ တရားဝင်ကိုယ်စားပြုသူများအဖြစ် ဆက်လက်အသိအမှတ်ပြုခြင်းသည် မြန်မာပြည်သူတို့၏ စစ်မှန်သော ဒီမိုကရေစီစိတ်ဆန္ဒအား အကြမ်းဖက်မှုများအပါအဝင် မည်သည့် နည်းလမ်းဖြင့်မျှ ဖျက်ဆီးနိုင်ခြင်းမရှိသည်ကို ထပ်မံ သက်သေပြခြင်းပင် ဖြစ်ပါသည်။ ယခုအသိအမှတ်ပြုခြင်းသည် လူမဆန်သော စစ်အာဏာရှင်များကို ကြံ့ကြံ့ခံ တွန်းလှန်ဆန့်ကျင်နေသည့် မြန်မာပြည်သူတို့၏ အောင်ပွဲသာ ဖြစ်သည်ကို အလေးအနက်ဖော်ပြလိုပါသည်။

မိမိတို့ ၂၀၂၀ ပြည့်နှစ်၊ ရွေးကောက်ခံလွှတ်တော်ကိုယ်စားလှယ်များအနေဖြင့် နိုင်ငံ၏ အချုပ်အခြာအာဏာပိုင်များဖြစ်သည့် ပြည်သူလူထုအပေါ် အကြမ်းဖက်စစ်အုပ်စုက ဆက်လက်ကျူးလွန်နေသည့် လေကြောင်းတိုက်ခိုက်မှုများအပါအဝင် အကြမ်းဖက်မှုများ အဆုံးသတ်ရေးနှင့် ပြည်သူလူထုက ၎င်းတို့၏ အနာဂတ်အား လွတ်လပ်စွာ ရွေးချယ်ဆုံးဖြတ်နိုင်သည့် ဒီမိုကရေစီအနာဂတ်အား ဖော်ဆောင်ပေးနိုင်ရေးတို့အတွက် ယုံကြည်အားကိုးစွာ ဒီမိုကရေစီနည်းကျ အပ်နှင်းထားသည့် အခွင့်အာဏာအား ဆက်လက်ကျင့်သုံးကြိုးပမ်းသွားမည် ဖြစ်ပါသည်။

မြန်မာလွှတ်တော်ကိုယ်စားလှယ်အဖွဲ့၏ ညီလာခံတက်ရောက်ခဲ့မှုအခြေအနေများ၊ ရရှိခဲ့သည့် ရလဒ်များကို ဆက်လက်ထုတ်ပြန်သွားမည်ဖြစ်ကြောင်း ပြည်သူလူထုအား အသိပေးတင်ပြအပ်ပါသည်။

ပြည်ထောင်စုလွှတ်တော်ကိုယ်စားပြုကော်မတီ

10/09/2026