06/19/2026
Thantlang khuachung Kahdohnak Thawngpang
2026 June 04 ah Hakha in Thantlang lei ah ralhrang 300-400 tluk minung thazang motor pa li he an rak chuak. Hakha le Thantlang kar ah zarh khat chung kan kham i kahdohnak a fak. Ralhrang nih hriam phun tling an hman. Ralhrang lei in a thimi le hliamtuar mi an tam ial. Pathian thawng in miphun ralkap hna nunnak liam le hliamtuar kan um lo.
2026 June 09 zaan ah ralhrang pawl Thantlang khuachung an lut. 2026 June 10 -19 tiang ni fatin kaphnih kar kahdohnak tuah peng a si. Ralhrang nih hriam ngan, su***de drone le tear gas tiang an hman. Miphun ralkap (CNA le CDF-Thantlang) nih kan humhaknak hmun fekṭhup in venhim khawh kan i zuam. Ralhrang lei a thi le hliamtuar zong an um pin ah su***de drone an hmanmi panga kan thlak khawh.
Ralhrang pawl Thantlang khuachung in an chuah khawh lo nakhnga le mipi venhimnak ding ah mipi ralkap hna nih biatak thazaang chuah in kham le kahdohnak pehzulh cuahmah lio a si.
Cucaah, ram chung/leng um kan miphun le Thantlang peng mipi hna nih a lamkip thazaang chuah cio in dirpi kan herh hringhran ko. Pathian nih a kan um pi.
