https://www.facebook.com/105980817775837/

Jesus Loves You, Lawrenceville, GA (2026)

10/10/2020

"The Passion of Christ, actor Jim Caviezel Thupitna"

The Passion of Christ cih film pen 2004 k*m in ong kihawmkhia hi. Mil Gibson in directior sem in Jim Caviezel in actor sem hong sem hi. Hih film ong kizaihna hangin Jesuh mun aa limlak (actor) sempa Jim Caviezel in a pumpi gihna pounds 45 kiam lawh hi. Video kizaih laitakin Kek in dengkha hi, nih vei tak ki satkhial kha in letmat 14 bang liammapawn om hi, a liangko zong kilawi gawp hi, Singlamteh tungah nai tampi sung guaktang phial in a kikhaina hang in tuapnatna (Pneumonia) leh pumpi lumna kiam natna (hypothermia) ngah lawh hi. Jesuh Singlamteh tungah a kikhaina lim lak ahih a pumpi gim le tawl mahmah ahih manin a tha zong bei mahmah bektham lo-in hih film a kiziah khit ciangin a lungtang 2 vei tak ki-at hi. Hih film kizaih hun khanih bang a sawt hi a, tua sung pan in Singlamteh tungaa a kikhaina bekbek in kal 5 bang hun la mawk hi.
US gam ah The Passion of Christ cih film pen Biakna film kizaih khempeuh lakpan in a kideih pen a kikhong pen hi in tua hun in $370.0 million meetlawh/ngah uh hi. Leitungbup huam in $611M meet uh hi. Sum le pai meetna sangin a thupi penpen ahih leh hih film tungtawn in mitampi takin pianthaklawh, kha tampitakin hotkhiatna ngah lawh uh hi. Hih film bawlkhiatna dingin Hollywood Studio te kuamah in bawlnuam lo uh ahih manin a Director pa Mil Gibson in a ma angip pan in $30M piakhia in ong bawl uh a hi hi. Jesuh limlak pa Jim Caviezel zong hih film ah Jesuh kingeih aa a ki zaihloh na dingin ki gen hi, banghang hiam cih leh hih film ah Jesuh kingeih aa a ki hel na in ama’ nuntak nasepna (Hollywood career) kisiatlawh ding hi ci’n ki kham hi. Bangbang hita leh ama’ hamphat nading, meet nading, minphat nading teng nusia aa ong kizaih ahihmanin mi thupi mahmah, a zahtakhuai leh etteh takcing mahmah thu-um mikhat a hih na ong kilang mahmah hi. Jim Caviezel ahih leh k*m 51 phata in, Hollywood ah mite in Pasian theilo, awlmawh hetlo in a om tampi te kawmkal ah zum hetlo takin a upna hangsan takin a dinpih tinten thu-um mi khat ahih manin i angtang mahmah hi. T**a’n a tapa thupha ong piaksak semsem ta hen. Amen!
Ngaihsut ding:
Jim Caviezel in leitung minphatna, minthanna, hauhna ding tampite nusia in Jesuh limlak dingin ki piakhia-in natna satna tampi thuak/ngah lawh hi. A hizongin tuni d**g kisiklo hi.
- Nang Jesuh a' dingin bang na suplawh hiam? " Ke'n ka nuntak-na kongpia zo, Nang kei bang nong pia zo" (TD 207)
- Jesuh a' dingin bangtan na gim hiam? " Nang a' ding k*m sawtpi kong gim, Kei hang bangtan na gim."

06/05/2020

"Midikte thumanin gamta uh a, migilote amau' hoih lohna in susia hi." Paunak 11:3

Jose Nunez Romaniz pen k*m 19 a pha Community College sangnaupang hi. A innkuan un Albuquerque New Mexico khuapi ah teng uh hi. Nung May khat ki pat lam in a pu mawza ding leisak ding ci'n online pan a et sak kawikawi leh a deihkhat mu in a lei sawm le a bank card ah sum omlo ahih man in ATM ah sum thun dingin apai leh ATM set gei ah sum saphuklai dimtak ($135,000) aa ki nusia khat mu na om mawk hi. Ama'n zong a cih nang theilo, tua sum te la ding maw, bangcih ding cihzong theilo in a lung buai mahmah hi. A dang ngaihsut na khat ah midang te in ong mapcit (kidnap) nopman aa tuabang aa a na koih khong uh a hitam cih khong zong ngaihsun kha zel hi. Tua bangteng tawh a buai lai tak in a nu le pa te thuhilh na khat a bil kha ah ong ki lo veuveu hi. Tua a hih leh " Sum guksim or a manlo a sum ngahsim pen sawtvei ki manglo hi" (Stolen money would never last you any time). Tua khit teh Palik te te sam in a thupiang teng gen hi. Palik te'n a kan teh bank te'n ATM ah guan ding a cih uh pen mangngilh kha mawk dan uh hihtuak.

Hih Jose Nunez Romaniz thuman na leh cihtak na pen thaman piakloh in ki mawkkoih lo in, City official te in nah patawina leh gift card tuamtuam zong pia uh hi. Radio 101.7 FM khong ah a thu ki gen ngeingai hi. A nu mahmah in zong hih sumte lasim ziau lo aa palik te na koih pen sepding leh bawlding a kilawm a kituak a sem hi teh, ong angtang mahmah ing ci'n a tapa pahtawi hi.

Romaniz pen hibangin a cihtak na pen a nu le pa thuhilh na leh a mah mah ngiat in cihtak ding a sawmna, a lunggulh na ki lang hi.

Ei zong hih Romaniz dinmun ah a om kha hi leng i bangcih tam? A sum la in nawhtak in innlam ah i tai vingveng kha mai tam? I nuntakna ah thumanna/cihtakna (integrity) neih ding pen thupi mahmah hi. Hih Romaniz tungtawn pan in pilna i lak ding i sin ding ahih leh cihtak na hi. Tua pen mah Pasian' deih na hi. Nu le pa te in i tate bangci bangin thuhilh in i pantah hiam?

"Thumanna le cihtakna khahsuah ngei kei inla, na ngawngah tuate okin, na lungtang tungah gelh in." (Paunak 5:3)

05/08/2020

"Pasian le i T**a Jesuh na theihna uh hangin hehpihna le nopsakna thupha note tungah tampi tak hong tung ta hen" (2Pet. 1:2).
"Hehpihna thu le i T**a Honpa Jesuh Khrih theihna thu-ah na khangto semsem zaw un" (2Pet. 3:18).

"Jesuh Thu Theihna ah Khangto Ni"

Bob Dwyer ii nuntakna tungtawn in tha lakhawm dingin ki zawn hang. Bod Dwyer pen amau innkuansung pan in College a kah masa pen leh amah bek mah college a kahkha/zo hipah hi. 1948 k*min Wright College ah kahin k*m 3 na ciang zo himah taleh innkuan sung hamsatna hangin a sang (college) man manlo in nasem in a sangkah khawlphot hi. Tua bangteng tawh a hun bei in sang zomkik theihna ding hun ngahkha nawnlo hi. K*m 80 a phak teh a nasepna pen tawlnga (retired) hi. Tuakhit a sawtlo in a zi Peggy in 2010 ong sihsan hi. Ta 9 le tu 22 a neih khit zawh teknung vuainung ah a sang maban ong zomto kikin May 6,2019 k*m in Northeastern Illinois University pan "Interdisciplinary Studies" degree tawh sang ong manthei in, Northeastern Illinois University sang ii tangthu ah khangham/uham pen aa degree ngahpa ci-in ciapteh na ong ngah hi.

Bob Dwyer in a nuntakna ah Degree a kisapna, a zatnading om nawnhetlo cih pen thei mahmah ta leh laisinna, pilsinna, na khat peuhpeuh theihbehna, sinbehna pen a val cih bang omlo hi ci-in gen hi. "Education is always a plus and we can never have too much of it." "Pilna ngahna i cih pen a gawm (plus) na hi a tamluata cih bang omngei lo hi" ci'n gen hi.
“I thought I knew a lot of things and I found out there was a lot I didn’t know,” he said.
" Na te tampi a thei ka kisak leh ka theih loh pen a dilpi in na om hi cih ka mukhia hi," ci hi.

Khat veivei, eite in zong Pasian' thu pen thei mahmah i kisa thei a kuama hilh/gen ding zong kulnawnlo khong kisa khathei hi hang. Zong theih behding khong a kullo zahd**gin thei i kisa kha thei hi. A hizongin Bob Dwyer in nate a thei mahmah ka kisak leh ka theih nailoh tampi mah na om cih mukhia ing a cih mah bangin, eite in zong i T**a Jesuh itna, hehpihna, ama' thu thei mahmah tel mahmah i kisa khaphial zongin i sinding, i theih beh ding tampi mah om kan lai hi. Peter in a sih dekkuan aa a laikhak Peter nihna 3:18 na ah " Hehpihna (grace) thu le i T**a Honpa Jesuh Khrih theihna (knowlege) thu-ah na KHANGTO SEMSEM zaw un" a cih mah bangin tu ni-in eite zong tuamah ong vaikhak phapha hi. Hih theihna in khuak (IQ) tawh theihna gennuam hilo zaw a lungsim takpi tawh theihna a gennuam hizaw hi. Peter in Jesuh tawh ki lawmta, ki maingap (intimicy) tak a theihna lam ah na khangto un ong cinuam a hi hi. I T**a Jesuh Khrih tuabanga i theih semsem nak leh ama nunzia i sun semsem ding hi. Tua man in Perter in i T**a le Honpa Jesuh Khrih theihna thu-ah na khangto semsem zaw un ci a ong hanthawn na hi hi. Tua banga theihna i khantoh na dingin bang i hih kul/sepkul ding hiam? I sin ong kul ding hi. Na khat peuhpeuh i theih na ding, i siam na ding in sin tangtang mah kul hi. Tua lo in ki thei ziau, ki siam ziau cih om ngei lo hi.
Nungzui masa te pen disciples na kici hi. Disciple (nungzui) a khiatna pen learner ( a sin nu/pa) cih na hi. Jesuh nungzuite pen Jesuh thu a sinsin te cihna hi. Tua bangin amah i theih semsem nading in a ma' thu a ki gelhna i Lai Siangtho mah simsim a ama' thu kigente i ngaihngaih ong kulding hi. Lai simlo pi in lai ki thei lo a, Lai Siangtho simngeilo pi in Pasian' thu ki telngei lo ding hi. Eliza E. Hewit in "Jesuh Thu Thei Semsem Nuam Ing" (More About Jesus Would I Know) ci'n Jesuh thu a theihnop semsem na, a telnop semsemna la in a phuah mah bangin eite in zong Jesuh thu a thei semsem nuam, ama kammal Lai Siangtho a simsim nuam i hihzawh nading in hanciam ni. Tua Jesuh thu i theih semsem na in i nuntakna ong khel hamtang ding hi.
Jesuh in "Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi," a ci hi (Johan 8:12). Late lai at pan in "Nangma thu pen lam hong lak ding meivak hi a, ka paina lampi-ah khuavak ahi hi," (Late 119:105). I khuazinna, i lampi ah i khuavak/meivak a hi T**a' kammal Lai Siantho sim ding hahkat in Jesuh thu i theihna khangsak semsem ni. Tua banga i nuntak theih na dingin Kha Siangtho in eite hong makaih in lam hong lak ta hen. Amen!

05/07/2020

Nang Kua’n Tuabang Letsong (gift) Ong Piading Hiam??? OR Bang hangin Lungdam loding i hi hiam???

Kaden Koebcke a kici naupangkhat pen k*m nih a phakin a kal hoihlo (Kidney failure) hi-in ama damloh na pen hoihlam sangin siatlam ong manawh semsem zaw hi. K*m nga aphak ciangin a Pa in ama kaal khat hawm in tua tawh ong nungta himah taleh a nungsang ciangin ong buaihuai simpian in tua a Pa' kal lakhiat ong kul leuleu mawk hi. Tuabang tawh nungta to in kal a piakhia ding (donate) kisam in ong zongzong uh hi. Kaden ii kisap kal ahih leh mi sisa te' a ki ngahlo in a damlai/hinglai te aa bek kingah ahih manin tuabangin damlai pi mah aa ama kal khat midang khat piading/hawmding cih pen kuamatekin hamsa kisa mahmah tekding cih pen i theihsa hi.
Himah taleh Pasian in a tan guk (six grade) siapa lungtang sungah nasem in a siapa Will Wilkinson a kici pa in ama' kal khat Kaden adingin piakkhiat nopna, veina hong nei dihdih mawk hi. A zi kiangah a sawm na teng genpih in, a zi in zong a tawpna teh thukim pih in a kal a ki sitsak leh Kaden aa tawh ki tuak ahih manin damlaipi mah in a kal khat a sangnaupang k*m 12 a pha Kaden a dingin hong piakhia hi. Hih thu a ki theih ciangin media tuamtuam in zong thudotna nei ngei ngai pah in News tuamtuam te ah ki suah ngeingai hi.
Kaden nu in ka lungdamdan uh ka gendan ding uh zong theikeng, lungdam lua ung ci-in ka gending uh zong kapat nading zong ka theikei liang uh hi ci hi. Eizong hih Kaden te innkuan ding or Kaden dingin ki ngaihsun le hang bangzah takin i lungdam ding hiam! Ei a si ding kimlai ong it mahmah Will Wilkinson in ama nuntakna kikham in a kal khat ong piakkhit manin a nungta hihang cih ki phawk le hang bangzah ta in lungdam lo in om thei ding hi hi hiam!

Tuamah bangin eite zong ih mawhna sungah a sicip ding, ei le ei aa a suaktazo peuhmah lo, nuntak na ding lampi dang a om peuhmah lo kimlai Wil Wilkinson in ama zat kimlai a kal khat Kaden adingin a piakteh Kaden a nungtathei a suah mah bangin nang le kei a dingin ama' nuntakna i T**a Jesuh in ong piakkhiat manin nang le kei a nungta i hi hi.
Kaden in Wil Wilkinson tungah bangzah takin a lungdam ding hiam? Tua i ngaihsut kawmin eite in zong ih T**a Jesuh hong gupkhiat/hotkhiatna hangin ama tungah bangzah ta in lungdam huai a hi hiam cih ngaihsun khawmin i nuntakna T**a' lungkim nadingin zatsiam sawm ciat ni. " Bangteng in T**a lungkimsak ahi hiam, ci-in kanun" (Efesa 5:10). T**a' deih bangin nuntakna in T**a' lungdam na hi a, ama tungah i lungdamkohna zong hi pah hi. Wil Wilkinson mah bangin Pasian in a tapa khat neihsun nang le kei adingin ong pia hi. Tua T**a tungah lungdam lo in omthei mawk ding i hi hiam!!!

Address

Lawrenceville, GA
30044

Telephone

+14045328052

Website

facebook.com

Alerts

Be the first to know and let us send you an email when Jesus Loves You posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Jesus Loves You:

Jesus Loves You