Ermiyas Girma

Directions Website Contact the organization

Ermiyas Girma "እኔ ታናሽና የተናቅሁ ነኝ ትእዛዛትህን ግን አልረሳሁም"
መዝ:- 118 - 141
(4)

👉 “Thou hast with Thine arm redeemed Thy people” 76 (77)፡15
10/16/2026

👉 “Thou hast with Thine arm redeemed Thy people” 76 (77)፡15

የቅዳሜ ሰይፈ ሥላሴ (መቅድሙና የዘወትሩ ከበታች ተካቷል)አንድ አምላክ በሚሆን በአብ በወልድ በመንፈስ ቅዱስ ስም አምናለሁ በእውነት አሜን።፩. ሰማይና ምድርን በውስጣቸውም ያሉትን ሁሉ የፈጠ...
10/16/2026

የቅዳሜ ሰይፈ ሥላሴ (መቅድሙና የዘወትሩ ከበታች ተካቷል)

አንድ አምላክ በሚሆን በአብ በወልድ በመንፈስ ቅዱስ ስም አምናለሁ በእውነት አሜን።

፩. ሰማይና ምድርን በውስጣቸውም ያሉትን ሁሉ የፈጠረ እግዚአብሔር ይመስገን።
፪. ችሎታ ያለው አሸናፊ ሰጭ ይቅር ባይ የዋህ አስቀድሞ የነበረ ለዘለዓለምም የሚኖር የሚሳነው ነገር የሌለ እሱ ነው።
፫. አቤቱ በደሌንና ኃጢአቴን ይቅር ትል ዘንድ በኃያልነትህና በአስፈሪነትህ በመንግሥትነትህና በገናንነትህ እማልድሃለሁ።
፬. አቤቱ ልዕልትና ጽንዕት በሆነች ክንድህ ጠብቀኝ ሰውነቴን ለመግደልም ሆነ ለማዳን በሕማምና በችግር ሁሉ የምታሳምማትና የምትፈውሳትም አንተ ነህና።
፭. አቤቱ በፈጸምኩት በደል ሁሉ በድያለሁና ይቅር በለኝ ኃጢአቴንም አቃልልኝ።
፮. አቤቱ እግሮቼን በቀናች መንገድ ምራቸው አቤቱ እርዳኝ አድነኝም እንጂ ወደ ፈተና አታግባኝ።
፯. አቤቱ ከምፈራው ነገር ሁሉ ጠብቀኝ አድነኝም ፈቃድህን ለመፈጸም ወደ በጐ ነገር ምራኝ።
፰. ሰይጣንና ወገኖቹንም ሁሉ ከእኔ አርቃቸው በግርማህና በገናንተህ ከባለሥልጣን ቁጣ አድነኝ።
፱. አቤቱ የወንድም ፍቅር ስጠኝ በችግሬም ጊዜ እርዳኝ አንተን ተስፋ አድርጌአለሁና ፍጹም እምነቴም በአንተ ላይ ነውና።
፲. ለዘለዓለሙ ለአንተ ምስጋና ይገባሃል በእውነት አሜን።
፲፩. ስለኛ ወይም ለኛ አርአያ ይሆነን ዘንድ በሰውነቱ ዐርባ ቀንና ዐርባ ሌሊት ለጾመ ለመለኮት ፍቅር ሰላም እላለሁ።
፲፪. በዘባነ ኪሩብ ላይ የሚቀመጥ እሱ በሰውነቱ በአህያ ግልገል ጀርባ ለተቀመጠ የመለኮት ፍቅር ሰላም እላለሁ።
፲፫. ሰማይ ዙፋኑ ምድርም የእግሩ መረገጫ ሲሆን በትሕትናው የደቀ መዛሙርቱን እግር ለአጠበ የመለኮት ፍቅር ሰላም እላለሁ።
፲፬. አመፀኞችን የሚያቃጥል የማይዳሰስ እሳት የእሳት ልሳን በሥልጣኑ ወይም በመለኮቱ ያሠረ እሱ እኛን ከሞት ማሠሪያ ይፈታን ዘንድ በሰውነቱ ታሠረ።
፲፭. መጠምጠሚያው የእሳት መጐናጸፊያውም የመባርቅት ነፀብራቅ የሆነ እሱ በሰውነቱ ቀይ ግምጃ ለበሰ።
፲፮. ለኛ ክብረ መንግሥቱን ያጐናጽፈን ዘንድ የሕይወት አክሊልና የራስ ወርቅ መድኃኒት ያቀዳጀን ዘንድ በራሱ ላይ የእሾህ አክሊል ለተቀዳጀ የመለኮት ፍቅር ሰላም እላለሁ።
፲፯. እልፍ አእላፋት ብዙ የብዙ ብዙ የሚሆኑ እሳታውያን መላእክት የሰማይና የምድር ንጉሥ የሚሆን በሱ ዙሪያ የሚቆሙ በሰውነቱ በጲላጦስ አደባባይ ለቆሙ የመለኮት ፍቅር ሰላም እላለሁ።
፲፰. ድንግል ማርያምን መርጦ ማደሪያው ያደረገ የብርሃናት ብርሃናቸው ለማየት የማይቻል ረቂቅ እሳት ለሚሆን የመለኮት ፍቅር ሰላም እላለሁ።
፲፱. በገጹ ነፀብራቅ የሙሴ ፊት የበራ እሱ በነቢዩ ጀርባዬን ለግርፋት ጉንጮቼን ለጽፍዓት ሰጠሁ ተብሎ የተነገረውን ለመፈጸም ለእኛ ሲል በሰውነቱ ፊቱን ተጸፋ ወይም በጥፊ ተመታ ጀርባውንም ተገረፈ።
፳. የሰው እጅ የማይዳስሰው አስፈሪ የአርያም ግለት መቅደሱን ከብርሃናት ለሠራ የመለኮት ፍቅር ሰላም እላለሁ።
፳፩. ስለኛ የድንግል ማርያምን ሥጋ ለብሶ የመንግሥቱ ወራሾች ያደርገን ዘንድ በሸምበቆ በትር እራሱን ተመታ።
፳፪. ወንዞችንና ባሕሮችን የውሃዎችን ምንጮች ሁሉ ለፈጠረ የመለኮት ፍቅር ሰላም እላለሁ።
፳፫. ያለዋጋ የተጠሙትን የሚያረካ እርሱ የሕይወት ምንጭ ሲሆን በነቢዩ በዳዊት አንደበት በመብሌ ላይ ሐሞትን ቀላቀሉበት በመጠጤም ውስጥ መጸጻን ወይም መራራን ጨመሩበት ተብሎ የተነገረው ይፈጸም ዘንድ በሰውነቱ ለደረሰበት የውሃ ጥም ከከርቤ ጋር የተቀላቀለ መራራ ሐሞትን አጠጡት።
፳፬. ፍጹም የሆነ የትሕትናን በር ለኛ ይከፍትልን ወይም ያሳየን ዘንድ ሲሰድቡት ያልተሳደበ መከራን ሲያደርሱበት ያልተቀየመ ለመለኮት ፍቅር ሰላም እላለሁ።
፳፭. ጠለ ምራቁን ቀብቶ የዕውር ዓይን ያበራ እሱ አይሁድ ርኵስ ምራቃቸውን በፊቱ ላይ ሲተፉበት ለታገሠ ለመለኮት ፍቅር ሰላም እላለሁ።
፳፮. በወገኖቻችን ላይ አደራ የነበረችውን መርገም ያጠፋልን ዘንድ የኦሪትን መርገም ተሸክሞ በመስቀል ላይ ለተሰቀለ የመለኮት ፍቅር ሰላም እላለሁ።
፳፯. እኛን ከበደል ተገዥነት ነፃ ያወጣን ዘንድ ቅዱሳት እግሮቹንና ማኅያዊያት እጆቹን በብረት ለተቸነከረ የመለኮት ፍቅር ሰላም እላለሁ።
፳፰. ጐኑን በጦር ተወግቶ ንጹሕ ደምና ውሃ ላፈሰሰልን የመለኮት ፍቅር ሰላም እላለሁ።
፳፱. እንደሰው በሰውነቱ ሞተ ተቀበረ ሕያው እንደ መሆኑ የወይን ስካር እንደተወው ኃይለኛ ሰው በመለኮቱ ለተነሣ የመለኮት ፍቅር ሰላም እላለሁ።
፴. ሰውነቱን በመለኮቱ እያፀና ይህን ሁሉ ሕማማተ መስቀል በፈቃዱ ለተቀበለ የመለኮት ፍቅር ሰላም እላለሁ።
፴፩. መለኮት ግን አልታመመም ሰውነቱን በሁሉም ነገር አፀናው እንጂ።
፴፪. ያለመጕደል ያለመጨመር የመለኮትን ከትስብእት ጋር አንድ መሆን አምናለሁ።
፴፫. ከድንግል ማርያም በነሣው ሥጋ ሕማሙን ሞቱን መሰቀሉን መነሣቱን ወደ ሰማይ ማረጉንና ከአባቱ ጋራ ባለመለየት በአብ ቀኝ መቀመጡን አምናለሁ።
፴፬. አነዋወሩ በወለደው በእግዚአብሔር አብ ቀኝ አስቀድሞ የነበረ ነውና።
፴፭. ዳግመኛም ከአብና ከመንፈስ ቅዱስ ጋር ባለ አስፈሪ በሆነ የጌትነቱ ግርማ መምጣቱን አምናለሁ።
፴፮. በፍጥረቱ ሁሉ አንደበት እሱ በፍጹም ምስጋና መመስገን ይገባዋል ለዘለዓለሙ በእውነት።
፴፯. የእኔም ፍጹም እምነቴ ይህ ነው።
፴፰. ኃጥእ እንኳ ብሆን የሥላሴን አምልኮት አልተውም ወይም አልክድም።
፴፱. ጻድቅም ብሆን እምነቴን በሥላሴ ሃይማኖት አፀናለሁ።
፵. ዳግመኛም በዚህ ዓለም በሕይወት በምኖርበት ጊዜ ሁሉ በሥላሴ ሃይማኖት ፀንቼ እኖራለሁ።
፵፩. በቅድስት ሥላሴ ትእዛዝ ከዚህ ከኃላፊው ዓለም ብጠራ እንኳን ከያዝኩት ሃይማኖቴ ጋር ከሥሉስ ቅዱስ ዘንድ ደርሼ በፊታቸው እቆማለሁ።
፵፪. ዘማዊም ብሆን ሥላሴን በማመን እራሴን ለካህን አስመረምራለሁ።
፵፫. በኃጢአት ጭቃ ብተዳደፍ በሥላሴ የቸርነት ባሕር እታጠባለሁ።
፵፬. ከሐዲ ወይም ሐሰተኛ ብሆንም እምነቴ በሥላሴ ነው።
፵፭. ኃጢአት በመሥራት ብታመም የሞቴ ቀምበር ሥላሴ ናቸው።
፵፮. ከሰው ወገን ማንም ቢሆን የሥላሴን ፍቅር ሊያስታወኝ የሚችል የለም።
፵፯. በሥላሴ ልቡናዬን አጸናለሁ።
፵፰. ሥላሴ የሃይማኖት ምልክት ነው።
፵፱. ያለ ሥላሴ ሌላ ተስፋ የለኝም።
፶. ከሥላሴ በስተቀር ኃይል ወይም አሸናፊነት የለኝም።
፶፩. ያለ ሥላሴ ፈቃድ የመዳን ተስፋ የለኝም።
፶፪. እኔ ኃጥኡና በደለኛው . . . በዚህ በሥላሴ መለኮት ነፍሴንና ሥጋዬን እማፀናለሁ።
፶፫. ኃጥኡን ማጽደቅ የሥላሴ ሥልጣን ነው።
፶፬. ዳንሰኛውን (ያደፈውን) መቀደስ ርኵሱን ማንጻት የሥላሴ ሥልጣን ነው።
፶፭. በሰማይና በምድር በየብስና በባሕር ለሥላሴ አገልግሎት ምስጋና ይገባል።
፶፮. ሥውርና ግልጽ በሆነው ፍጡር ሁሉ ላይ ሥልጣን ላለው ለሥላሴ መንግሥት ፍጹም መገዛትና ማገልገል ይገባል ለዘላለሙ አሜን።
፶፯. እናመልከው ዘንድ እኛን ለፈጠረ እግዚአብሔር ምስጋና ይገባል።
፶፰. እመቤትና መድኃኒት ለምትሆን ለአምላክ እናት ለማርያም ምስጋና ይገባል።
፶፱. ኃይል ፀወን ዕፀ መድኃኒት ለሚሆን ለክርስቶስ መስቀልም ምስጋና ይገባል።
፷. ለአባቱ አንድ የሚሆን ወልድን ለወለደ እግዚአብሔር አብ ምስጋና ይገባል።
፷፩. ዕውቀትን የሚገልጽ የአብ አንድ ልጁ የሚሆን ለእግዚአብሔር ወልድ ምስጋና ይገባል።
፷፪. ያዘኑትን ለሚያረጋጋ ለቅዱስ መንፈስ ጰራቅሊጦስም ምስጋና ይገባል።
፷፫. አብ በአነዋወሩ አምላክ ሲሆን መንበሩም ከወልድ ከመንፈስ ቅዱስ ጋር ትክክል ነው።
፷፬. ወልድም በአነዋወሩ አምላክ ሲሆን መንበሩም ከአብ ከመንፈስ ቅዱስ ጋር ትክክል ነው።
፷፭. መንፈስ ቅዱስም በአነዋወሩ አምላክ ሲሆን መንበሩም ከአብ ከወልድ ጋር ትክክል ነው።
፷፮. እንግዲህ በአንድ ዙፋን ያለመከፋፈል ወይም ልዩነት ሣይኖር በአንድ በመለኮት ሦስት አካል እንዳለ አምናለሁ።
፷፯. ልዩነት ለማይኖርበት ለሥላሴ አንድነት ምስጋና ይገባል።
፷፰. ለሁለት ለማይከፈል ለመለኮት [አካላት] ሦስትነት ምስጋና ይገባል።
፷፱. ለማይበታተን ለመለኮት አንድነት ምስጋና ይገባል።
፸. በፈቃድ ለማይለይ ለሥላሴ ልቡና ምስጋና ይገባል።
፸፩. ለማይመረመር ለሥላሴ አነዋወር ምስጋና ይገባል።
፸፪. የሰማይ ምጥቀት የምድር አድማስ ለማይወስነው ለሥላሴ አካል ምስጋና ይገባል።
፸፫. ለማይታወቅ ለሥላሴ ጥንታዊነት ምስጋና ይገባል።
፸፬. ከሦስትነት ወደ ሁለትነት ዝቅ ለማይል የሥላሴ ሦስትነት ምስጋና ይገባል።
፸፭. ከሦስትነት ወደ ዐራትነት ከፍ ለማይል የሥላሴ ሦስትነት ምስጋና ይገባል።
፸፮. ፍጻሜ ለሌለው ለሥላሴ መንግሥት ምስጋና ይገባል።
፸፯. ከጥፋት ለሚያድን ለሥላሴ ቸርነት ምስጋና ይገባል።
፸፰. ተነግሮ ለማያልቅ ለሥላሴ ቸርነት ምስጋና ይገባል።
፸፱. ልብን ለሚያስደስት ኅሊናን ለሚያነቃቃ ለተድላ ሥላሴ ምስጋና ይገባል።
፹. አብ ወልድ መንፈስ ቅዱስ በሁሉ የመላች ናት።
፹፩. ሥላሴ በነፀብራቅ የተከበበ ነው።
፹፪. ኤሎሄ ኤሎሄ በማለት ለሥላሴ ምስጋና ይገባል።
፹፫. ልዩ ቅዱስ ሦስት ሆይ እኔ አገልጋያችሁን . . . ከሥጋና ከነፍስ መከራ አድኑኝ።

ተአምር:-

፩. የአብ የወልድ የመንፈስ ቅዱስ ይቅርታቸውና ሀብተ ረድኤታቸው ከወዳጃቸው . . . ጋር ይሁንና ሥላሴ ያደረጉት ተአምር ይህ ነው።
፪. በጽርዕ (ግሪክ) ሀገር ከልጅነቱ ጀምሮ በዝሙት ፍቅር የተነደፈ አንድ ሰው ነበረ።
፫. የእግዚአብሔርንም ሕግ ፈጽሞ አያውቅም ነበር።
፬. ከዕለታት በአንደኛው ቀን አንዲት የመኰንን ልጅ ወደሱ እንዲህ ስትል ላከችበት።
፭. ወንድሜ ሆይ ፈጥነህ ወደኔ ና ስለችግርህ ብዛት በልብህ ያሰብከውን ሁሉ እፈጽምልሃለሁና አለችው።
፮. ሰውየውም በችኰላ ወደእሷ ሄዶ በመማለድ እንዲህ ሲል ጠየቃት።
፯. እነሆ እኔ የመጣሁት ከአንቺ ጋር ለመገናኘት ነው አላት።
፰. እነሆ የፊትሽ ደም ግባት ያነጋገርሽ ቅልጥፍና ማርኮኛልና አላት።
፱. እሷም ለምን እንደዚህ ትለኛለህ ጥሩ ሥራ አይደለምና አለችው።
፲. ወንድሜ ሆይ እኔ የጠራሁህ የችግርህን ወሬ ስለሰማሁ በጌቶቼ በሥላሴ ስም ከአለኝ ገንዘብ ምፅዋት ልሰጥህ ነበር።
፲፩. ስለምን ነገር አንተ በከንቱ ውዳሴ አነጋገርህን ታሠማምራለህ።
፲፪. ከዘማዊ ሰው ጕረሮ ወተት ይፈልቃል ከከንፈሩም የማር ወለላ ጠብ ይላልና።
፲፫. ስለሆነም አንተ ዘማዊ ሰው እንዴት ነፍሴን በኃጢአት ባሕር ልታሰጥማት ወደድክ አለችው።
፲፬. ከዚህ በኋላ ውድ እኅቴ ሆይ የለመንኩሽን ሁሉ ትፈጽሚልኝ ዘንድ እጠይቅሻለሁ እግዚአብሔር እንደ ምፅዋት አድርጎ ይቆጥርልሻልና አላት።
፲፭. ዳግመኛም ውድ እመቤት ሆይ በዚህ ዓይነቱ ግብር ወይም ነገር ስሞት ጥቂት እንኳ አያሳዝንሽምን አላት።
፲፮. ሴትዮዋም ወንድሜ ሆይ ከተወለድኩ ጀምሮ ሰው ምግብና መጠጥ ባለማግኘቱ ይሞታል እንጂ የዝሙት ሥራ በማጣት የሞተ ሰው አላየሁም አለችው።
፲፯. ዳግመኛም መልካሟ እመቤት ሆይ ከአንቺ ዘንድ አፍሬ እንዳልመለስና የዝሙት ሥራ በማጣት ነፍሴ ከመውጣቷ በፊት በፈጠሩሽ በሥላሴ ስም በአንድ እንተኛ ዘንድ እለምንሻለሁ አላት።
፲፰. ሴትየዋም ከኔ ጋር የዝሙት ሥራ ከምትሠራ ይልቅ ነፍስህ ከሥጋህ ብትለይ ይሻልሃል።
፲፱. እነሆ በዚህ የተነሣ ወደ መንግሥተ ሰማያት ትገባለህና አለችው።
፳. ይህም ሰውየ የዝሙት ሥራ ከሠራሁ በኋላ ወደ ቄስ ወይም ወደ ካህን ሄጄ ኃጢአቴን በመናገር ንስሐዬን እቀበላለሁ አላት።
፳፩. አንተ ዘማዊ ከቄስ ዘንድ ከመድረስህ በፊት ምን እንደሚያገኝህ ታውቃለህ?
፳፪. ምናልባት በድንገት ሥላሴ ቢጠሩህ ወይም ብትሞት በፊታቸው ቆመህ ምን ትመልሳለህ? አለችው።
፳፫. ሰውየውም ይህን ነገር ሰምቶ መልካሟ እመቤት ሆይ ጥሩ ምክር መከርሽኝ።
፳፬. እነሆ ማኅየዊ የሚሆን ቃልሽንና መንፈሳዊ የሆኑ ምክሮችሽን ተቀብያለሁ አላት።
፳፭. ይህንም ካለ በኋላ ወደ ሀገሩ ተመልሶ ሄደ።
፳፮. ወደሀገሩም በሚሄድበት ጊዜ መላእክተ ጽልመት በቀማኛ ሰዎች ወይም በሽፍቶች ተመስለው በመንገድ ጠበቁት።
፳፯. ጐኑን በጦር ወግተው ገደሉትና ይህች ነፍስ የኛ ድርሻ ናት በዝሙት ሥራ ላይ አግኝተናታልና ተባብለው ነፍሱን ይዘዋት ሄዱ።
፳፰. ነገር ግን መላእክተ ብርሃን መጥተው ይህች ነፍስ የኛ ናት ክፉ ነገር አልሠራችምና እናንተ ግን እንደ ሽፍታ በመንገድ ጠብቃችሁ ሰውየውን ገደላችሁት እንጂ በማለት ከሥላሴ ዘንድ አቀረቧት።
፳፱. መላእክተ ጽልመትም ይህች ነፍስ የኛ ናት በልቡናዋ የዝሙት ሥራ ስታስብ አግኝተናታልና ሲሉ መለሱ።
፴. መላእክተ ብርሃንም ሰው በአድራጐት እንጂ በሐሳብ ብቻ አይፈረድበትም ወይም አይኮነንም አሏቸው።
፴፩. ስለዚህም እሊህ ሥላሴ ይህች ነፍስ ልትኮነን አይገባትም ነገር ግን የዚህ ሰው ነፍስ ተመልሳ ከሥጋው ትዋሐድ እንጂ ሲሉ ፈረዱ።
፴፪. በዚህም ጊዜ ያ በሽፍቶቹ እጅ የሞተው ሰው ተነሣ።
፴፫. ከዚህም በኋላ ወደ ጽርዕ አገር ሄደ።
፴፬. በጉዞው ላያ ያገኘውን ነገርና መላእክተ ጽልመትም ያደረሱበትን አደጋ ለሀገሩ ሰዎች ሁሉ ነገራቸው።
፴፭. የዓለም ነገሥታት ሥላሴም ከጥፋት ሞት እንዳዳኑት አስረዳቸው።
፴፮. የጽርዕም ሰዎች ይህን በሰሙ ጊዜ ፈጽመው አደነቁ።
፴፯. እስከዛሬም ድረስ ቸር የሚሆኑ የሥላሴን ስም በፍጹም ምስጋና እያመሰገኑ ይኖራሉ።
፴፰. ይቅርታቸውና ሀብተ ረድኤታቸው ከወዳጃቸው . . . ጋር ለዘለዓለሙ ይኑር አሜን።

***************

የሰይፈ ሥላሴ መቅድም

፩. ስቡሕ ወውዱስ እኩት ወቅዱስ እየተባለ በፍጹም ምስጋና የሚመሰገን፤ አንድ አምላክ በሚሆን በአብ በወልድ በመንፈስ ቅዱስ ስም በማመን የሥላሴን ጥንተ ህልውና የሚናገር መጽሐፍ ለመጻፍ (ለመጸለይ) እንጀምራለን ።
፪. ነገር ግን እግዚአብሔር በሰጠን የችሎታ መጠን ለመናገር እንሞክራለን እንጂ ጽፈንስ ለመጨረስ፤ ችሎታ አይኖረንም።
፫. የምስጋናቸውንስ ነገር ሰማይና ምድር ወረቀት ወይም ብራና ቢሆኑ ከፍጥረተ ዓለም እስከ ኅልቀተ ዓለም ያለው ርደተ ዝናም ቀለም ቢሆን ይልቁንም ዓለም በጠቅላላው ለዚህ ተግባር ቢውል ተጽፎ የሚያልቅ አይደለም ለዘለዓለሙ በእውነት።
፬. ሰማይና ምድር ከመፈጠራቸው አስቀድሞ ሥላሴ በብቸኝነት ክብራቸው በአካል ሦስት በመለኮትና በፈቃድ በባሕርይ በትእዛዝ ግን አንዳችም ልዩነት ሣይኖርባቸው የነበሩ ናቸው ።
፭. አብ ያለወልድና ያለመንፈስ ቅዱስ ለአንዲት ሰዓት ስንኳ ብቻውን የነበረበት ጊዜ የለም።
፮. ወልድም ያለ አብና ያለ መንፈስ ቅዱስ ለአንዲት ደቂቃ ስንኳ ብቻውን የነበረበት ጊዜ የለም።
፯. መንፈስ ቅዱስም ያለ አብና ያለ ወልድ ለአንዲት ሰኮንድ ስንኳ ብቻውን የነበረበት ጊዜ የለም።
፰. ለአብ ከወልድና ከመንፈስ ቅዱስ የተለየ ልዩ ፈቃድና እዘዝ የለውም።
፱. ለወልድም ከአብና ከመንፈሰ ቅዱስ የተለየ ልዩ ሥልጣንና ክሂል የለውም።
፲. ለመንፈስ ቅዱስም ከአብና ከወልድ የተለየ ምንም ዓይነት ሥልጣን የለውም።
፲፩. በማደህየትና በማበልፀግ በማዋረድና በማክበር ፍጹም ልዩነት የለባቸውም።
፲፪. በአንድነት በሦስትነት ይሰገዳሉ ይመለካሉ፤ ሁሉንም በየነገዱ በመፍጠር ትክክል ናቸው እንጂ ጉድለት ወይም ሕፀፅ ያሣዩበት ጊዜ የለም።
፲፫. እንደዚሁም ለአብ ወልድ መንፈስ ቅዱስ በአንድ ቃል ሰውን በአርአያችንና በምሳሌያችን እንፍጠር አሉ።
፲፬. እነሆ በመጀመሪያዪቱ ቀን በዕለተ እሑድ ስምንት ፍጥረታትን ማለት ሰማይንና ምድርን ጨለማንና ብርሃንን ነፋስንና እሳትን ውሀን መላእክትን ፈጥረው መላእክትን ግን በመቶ ነገድ ከፈሏቸው የመላእክትም ሁሉ አለቃቸው ሳጥናኤል (ዲያብሎስ) ነበረ።
፲፭. ከዚህ በኋላ መላእክትን በሙሉ ጨለማ ጋረዳቸው ሸፈናቸው።
፲፮. በዚህን ጊዜ መላእክት እርስ በራሳቸው ማን ፈጠረን ጌታችን ማነው በማንስ እናመልካለን ተባባሉ።
፲፯. ትምክህተኛው ወይም ሰይጣኑ መልአክም ይህን ቃል ሰምቶ ግራ ቀኝ ቢመለከት ከሌሎቹ የእርሱ ማዕርግ በልጦ ስለአገኘው እነሆ አምላካችሁና ፈጣሪያችሁ ገዥአችሁም እኔ ነኝ ሲል በድፍረት ተናገረ።
፲፰. ከዚህ በኋላ መልአኩ ቅዱስ ገብርኤል ከመከካላቸው ተነሥቶ ቆመና እናንት ማኅበረ መላእክት ሆይ፥ አምላካችንን እስክናውቅ ወይም እስክናገኘው ድረስ በእምነታችን ጸንተን መቆየት አለብን እንጂ በዚህ በሐሰተኛና በተንኮለኛ መልአክ አነጋገር ተወናብዳችሁ እንዳታምኑ ሲል በታላቅ ቃል አሰምቶ ተናገረ።
፲፱. በዚህም ጊዜ ኪሩቤልና ሱራፌል ዙፋኑን እንደ ተሸከሙ የሥላሴ ብርሃነ መለኮት ተገለጠ አንፀባረቀ በዓለሙ ሁሉ ላይም ብርሃን ይሁን አለ።
፳. ከዚህም በኋላ የዲያብሎስ የገዥነት ሥልጣኑ ተሽሮ እጅ እግሩን በእሳት ሠንሠለት ታሠረ።
፳፩. የተጐናጸፈውን ብርሃን ገፈው የጨለማ ጨርቅ አለበሱት የእሳት ነጐድጓድ አወረዱበት በልቡናው ፍርሃትን አሳደሩበት በዚህም ዘለዓለማዊው የሥላሴ መንግሥት በመላእክት ሁሉ ዘንድ ታወቀ ተረዳ።
፳፪. መላእክትንም ከነሱ ይለዩት ዘንድ አዘዝዋቸውና እነሱም ከመካከላቸው አውግዘው ለዩት።
፳፫. ሥሉስ ቅዱስም አንተ ርጉም ከኛ ራቅ መኖሪያህም በመንጸፈ ደይን ይሁን በማለት አስወገዱት።
፳፬. ይህ ርጉም መልአክም ጌቶቼ ከቶ ምሕረት የላችሁምን አላቸው።
፳፭. አብ ወልድ መንፈስ ቅዱስም በእርግጥ አንተን ለመሰለ ሁሉ ምሕረት የለንም አሉት።
፳፮. በዚህ ጊዜ ይህ ርጉም መልአክ ጌቶቼ ሆይ፥ ከነዚህ ሁሉ የተፈጥሮ ጓደኞቼ ነገደ መላእክት ተለይቼ ስሄድ አላሳዝናችሁምን ሲል በማሳዘን ጮኾ ተናገረ።
፳፯. አብ ወልድ መንፈስ ቅዱስም በማይቻልህ የአምላክነትን ባሕርይ ለመፈታተንና የማታልፈውን መንግሥታችንን ለመገልበጥ ያደረግኸው ሙከራና ድፍረት አያሳፍርህምን ይልቁንም በቃልህ አምነውበት አንተን የተከተሉ ሁሉ አብረውህ ከአንተ ጋር ይሂዱ አሉት።
፳፰. ቀጥሎም በልዩ አስተሳሰብህ አምላካዊ መንግሥትን ስትሻ ተገኝተሃልና መኖሪያህ ዕመቀ ዕመቃት ይሁን ቅዱስ ስማችን በተጠራበት ቦታ ሁሉ አትድረስ አሉት።
፳፱. ወገኖችህ መላእክት በጠላትነት ይነሱብህ በአለት ድንጋይ (ዕብነ ሩካም) በእሳት መንዶ እራስ እራስክን ይቀጥቅጡህ አሉት።
፴. ዳግመኛም ምግብህ የእሳት አሎሎ (ኮረት) መጠጥህ የእሳት ፍላት ይሁን መዘዋወሪያህ (መመላለሻህ) መንጸፈ ደይን ይሁን መቀመጫህ የእሳት መንኰራኵር ይሁን መኖሪያህም በጨለማ ውስጥ ይሁን ሲሉ ረገሙት።
፴፩. ይህንንም ካሉት በኋላ የቤቱ ዙሪያ በእሳት የታጠረ በውስጡም እሳት የሚነድበት ሆኖ ወደ ተዘጋጀለት ቤት በዚያ ይኖር ዘንድ ገባ ዕመቀ ዕመቃት መንጸፈ ደይን ወረደ።
፴፪. እሱ ግን በልቡ እግዚአብሔር እንደኔ ያለ ፍጡር አያገኝም ስለሆነም መልሶ እንደ ቀድሞው አገልጋዩ ያደርገኛል። ከቀድሞ የተፈጥሮ ጓደኞቼ ከሆኑ መላእክትም ሁሉ ጋራ ሥራዬን እቀጥላለሁ። ከአብ ከወልድ ከመንፈስ ቅዱስ ጋር እተካከላለሁ። ለአብ ምስጋና አቀርባለሁ ከእሱም ጋር ነግሼ እኖራለሁ። ስለዚህም እርሱ አብ ያከብረኛል ወልድም ከአእላፍ መላእክቶቹ ጋር መጥቶ ይቀበለኛል። ከእሱም ጋር እኖራለሁ። የአብን የዙፋን መጋረጃ ገልጬ እገባና በቀኙ ያስቀምጠኛል። ከዚያም በሱ ላይ እሠለጥናለሁ። ከወልድ ራስ ላይ ዘውድን እነጥቃለሁ። ከመንፈስ ቅዱስም ላይ የብርሃን አክሊል ወስጄ እቀዳጅና ለዚያች ከማዕርጌ ላይ ያዋረደችኝና እጅግ አስፈሪ ለሆነችው ዙፋን ባለቤት እሆናለሁ።
፴፫. ከዚያም የቀድሞ ሥልጣኔን በእጄ ከአደረግሁ በኋላ ከኔ አፈንግጠው መመሪያየን ሳይቀበሉ የቀሩትንና በእኔ ሥልጣን ላይ የተቀመጡትን ጠላቶቼን ሁሉ በቁጥጥሬ ሥር አውላቸዋለሁ በማለት ታበየ።
፴፬. ይህንንም በልቡ ሐሳብ በሚልበት ጊዜ ይህ ዲያብሎስ ትሉ ወደ ማያንቀላፋበት ጢሱ እሳቱ ወደ ማይጠፋበት በሲኦል የረግረግ ጨለማ በድንገት ተወርውሮ ሰጠመ (ሠረገ)።
፴፭. እንደዚሁም ሁሉ ጠላቶቼ በሲኦል መካከል ባለ ጨለማ ውስጥ ይጣሉ እኔ አገልጋያችሁ . . . በእናንተ በአብ በወልድ በመንፈስ ቅዱስ ተማፅኛለሁና እስከ ዘላለሙ አሜን።

ሰይፈ ሥላሴ ዘዘወትር

፩. አንድ አምላክ በሚሆን በአብ በወልድ በመንፈስ ቅዱስ ስም አምናለሁ እማጸናለሁ።
፪. የዓለም ገዥ ሥሉስ ቅዱስ ሆይ፥ በወዳጃችሁ በአብርሃም ቤት እንደገባችሁ ከናንተ ዘንድ የሚሰጠውን የሰማዕትነት አክሊል እቀዳጅ ዘንድ ተድላ ደስታ ካለበት ገነት አግቡኝ።
፫. ኃጢአቴን በይቅርታ ቃል ደምስሳችሁ ነፍሴን ከሚቃወሟት አጋንንት አድኗት።
፬. አብ ወልድ መንፈስ ቅዱስ ሆይ፥ በእውነት ስማችሁን እጠራ ዘንድ ከወደቅሁበት አንሡኝ በቸርነታችሁም ከሩቅ ጥቀሱኝ ከቀትር ጋኔን ከድንገተኛ መጋኛ ትጠብቁኝ ዘንድ እማፀናለሁ።
፭. አብ ወልድ መንፈስ ቅዱስ ሆይ፥ የምስጋና ፍሬ እንዳፈራና ከአንደበቴም የጸሎት እሸት አበረክትላችሁ ዘንድ በልቡናዬ እርሻ ላይ መልካሙን ፍሬ ትዘሩ ዘንድ እማፀናለሁ።
፮. አብ ወልድ መንፈስ ቅዱስ ሆይ፥ ኃያሉ ስማችሁ የሚጋፉኝን ይጋፋቸው ዘንድ የሚቃወሙኝንም እንዲቃወማቸውና ፈርኦንን በነቢዩ በሙሴ ምክንያት እንዳሰጠመው ያሰጥማቸው ዘንድ በእናንተ እማፀናለሁ።
፯. አብ ወልድ መንፈስ ቅዱስ ሆይ፥ በአርያም ባለው ጽርሐ መንግሥታችሁ እማፀናለሁ ስለ ዕዝራና ሄኖክም ሲባል ገነትን ስለጐበኛችሁ እኔን ባሪያችሁን በቸርነታችሁ ጐብኙኝ።
፰. አብ ወልድ መንፈስ ቅዱስ ሆይ፥ በስማችሁ ብዙ ተአምራትን ያደረገና ኮከበ ክብር የተባለ የሰማዕታት አለቃ በሚሆን በኃያሉ በቅዱስ ጊዮርጊስ ላይ ለመፍረድ በልዳ ሀገር የተሰበሰቡትን ፸ (ሰብዓ) ነገሥታትን ደምስሳችሁ እንዳጠፋችኋቸው የኔንም ጠላቶች ትደመስሱልኝ ዘንድ እማፀናለሁ።
፱. ጠላቶቾ የሆኑ ሁሉ በመለኮታዊ ሰይፍ ይ*ጨ*ፍ*ጨ*ፉ ነበልባላዊ በሚሆን ቃላችሁና ሥልጣናችሁ ይንደዱ ይቃጠሉ በሲኦል የጨለማ አዘቅት ውስጥ ይዝቀጡ ወይም ይስጠሙ ሐዘን ከላያቸው አይራቅ ትካዜም ከልባቸው አይጥፋ።
፲. ጠላቶቼ እኔ ከምድረ ገጽ ላይ እንድጠፋ በፈለጉ ጊዜ እነሱን ራሳቸውን እንደ ቃየልና ይሁዳ በዱርና በበረሃ በታትኗቸውና ሲቅበዘበዙ ይኑሩ።
፲፩. አዳምና ሔዋን ከገነት በመውጣታቸው እንዳለቀሱ ጠላቶቼንም የጨርቅ መቀነቻ አስታጥቋቸውና ሲያለቅሱ ይኑሩ።
፲፪. በኔም ላይ ጥፋትን እንዳያመጡብኝ ጥልቅ በሆነ በእሳት ባሕር አስጥሟቸው።
፲፫. አሁንም እነሆ ጠላቶቼ በእሾህና አሜካላ በተታታ ወጥመድ ውስጥ ይግቡ።
፲፬. ልዩ ሦስት አብ ወልድ መንፈስ ቅዱስ ሆይ፥ ለእኔ ለባሪያችሁ ፍጹም ይቅርታን ታደርጉልኝ ዘንድ እማልዳለሁ።
፲፭. ጠላቶቼ ግን በፊታቸው ከፍርሃት በስተቀር በፍጹም ደስታን አያግኙ።
፲፮. ወንጀለኞች እንደሚታሠሩ እጅ እግራቸውን በእሳት ሠንሠለት እሠሯቸው እንጂ።
፲፯. ዳግመኛም ቀድሞ አዳም ከነ ልጆቹ በሲኦል ጨለማ እንደተከበበ እነሱንም የመከራ ጨለማ ይክበባቸው።
፲፰. ጠላቶቼን በውሾች ማደሪያ አሳድሯቸው የምታስፈራዋን ያችን የእሳት ባሕር አታሻግሯቸው።
፲፱. በእሳት ቀስት (ፍላፃ) ንደፏቸው ልዩ ልዩ ደዌና መቅሠፍት ይታዘዝባቸው የምሕረት ዝናም (ጠል) አይውረድላቸው የሕይወት ቃል አትመልሱላቸው።
፳. ልዩ ሦስት አብ ወልድ መንፈስ ቅዱስ ሆይ፥ ጽንዕት በሆነች መለኮታዊት እጃችሁ ትባርኩኝና መላእክትም ሁሉ በክንፋቸው በእኔ ላይ ይረቡ ዘንድ እማፀናለሁ።
፳፩. ነፍሴ ወይም ሰውነቴ በእናንተ ዘንድ የተጠማች እንዳትሆን ከዐራቱ አፍላጋት በሚፈስ ውሀ አርኳት (አጠጧት)።
፳፪. ነፍሴ ወይም ሰውነቴ በፊታችሁ የተራበች ሆና እንዳትገኝ የሕይወት ኅብስት መግቧት።
፳፫. የነፍስና የሥጋ ገዥ አብ ወልድ መንፈስ ቅዱስ ሆይ፥ የምስጋና ፍሬ አቀርብላችሁ ዘንድ ጾምና ጸሎት ወዳድ እንድታደርጉኝ እማጸናለሁ።
፳፬. ከነቢያትና ከሐዋርያት ጋር መኖሪያዬን በገነት አድርጉልኝ ከዕለት እኪት ከዘመን መንሱት ሠውሩኝ።
፳፭. እኔ በደለኛ የምሆን አገልጋያችሁ . . . ከድንገተኛ ሞት እድን ዘንድ ልዩ ሦስት በሚሆን ስማችሁ እማፀናለሁ ነፍሴንና ሥጋዬንም አደራ አስጠብቃለሁ። በዚያም ጊዜ ምሕረት ይደረግልኝ አሜን።
፳፮. ዳግመኛም በሁሉ ላይ ሥልጣን ባለው በእግዚአብሔር አብ ስም ዕውቀትን በሚገልጽ በልጁ በኢየሱስ ክርስቶስ እና ያዘኑትን በሚያረጋጋ እውነተኛ አዳኝ በሚሆን በመንፈስ ቅዱስ ስም እማፀናለሁ።
፳፯. በአካል ሦስት ሲሆን በመለኮት ግን አንድ አምላክ በሚሆን እማፀናለሁ።
፳፰. በየጊዜውና በየሰዓቱ እንግዳ ለሚሆንና ለማይጠገበው በአብ በወልድ በመንፈስ ቅዱስ ስም ፍቅር እማፀናለሁ።
፳፱. በማይጠፋ በማያረጅና በማያልፍ በአብ በወልድ በመንፈስ ቅዱስ አነዋወር እማፀናለሁ።
፴. ተነግሮ በማያልቅ በአብ በወልድ በመንፈስ ቅዱስ የጌትነት ምስጋና እማፀናለሁ።
፴፩. ዓለሙን ሁሉ ለይኩን ብሎ በአንዲት ቃል በፈጠረ በአብ በወልድ በመንፈስ ቅዱስ አምላካዊ ጥበብ እማፀናለሁ።
፴፪. በግልጽና በሥውር ያለውን ዓለም በሙሉ በአጸና በአብ በወልድ በመንፈስ ቅዱስ አምላካዊ ኃይል እማፀናለሁ።
፴፫. ለመግደልና ለማዳን በሚችል በአብና በወልድ በመንፈስ ቅዱስ አምላካዊ ፍርድ እማፀናለሁ።
፴፬. ከምድረ ገጽ ጸብን ክርክርን በሚሽር በሚያጠፋና በሚደመስስ በአብ በወልድ በመንፈስ ቅዱስ አምላካዊ ቃል እማፀናለሁ።
፴፭. በሚያደኸይና በሚያበለጽግ በአብ በወልድ በመንፈስ ቅዱስ አምላካዊ መንግሥት ወይም ሥልጣን እማፀናለሁ።
፴፮. እጅግ በሚያስፈራና ነፍስና ሥጋን በሚያስደነግጥ በአብ በወልድ በመንፈስ ቅዱስ ግርማ እማፀናለሁ።
፴፯. ከአፉ በሚወጣ የእሳት ሰይፍ የጠላትን ወጥመድ (አሽክላ) የሚቆራርጥ በመለኮት በአብ በወልድ በመንፈስ ቅዱስ እማፀናለሁ።
፴፰. አሌፍ፣ ቤት፣ ጋሜል፣ ዳሌጥ፣ ሄ፣ ዋው፣ ዛይ፣ ሔት፣ ጤት፣ ዮድ፣ ካፍ፣ ላሜድ፣ ሜም፣ ኖን፣ ሳምኬት፣ ዔ፣ ፌ፣ ጻዴ፣ ቆፍ፣ ሬስ፣ ሳን፣ ታው በሚባል (ሉ) በአብ በወልድ በመንፈስ ቅዱስ ስም እያመንኩ አቤቱ አምላኬ ሆይ፥ ልመናዬ ወዳንተ ትቀርብ ዘንድ እማፀናለሁ።
፴፱. የመምጣቱ ዜና በነቢያት አንደበት በተነገረና ከቅድስት ድንግል ማርያም በቤተልሔም በተወለደ ጌታ እማፀናለሁ።
፵. ዳግመኛም በማየ ዮርዳኖስ በተጠመቀውና የጌትነቱ ክብር በደብረ ታቦር በተገለጸው አምላክ እማፀናለሁ።
፵፩. ሀገሩ ኢየሩሳሌም ሰማያዊት ተብላ በምትጠራውና ማደሪያውን በአርያም መሠወሪያውንም የእሳት መጋረጃ ባደረገ በጌታችንና በመድኃኒታችን በኢየሱስ ክርስቶስ እማፀናለሁ።
፵፪. በለበሰው ሥጋ በተሰቀለበት በመካነ ስቅለቱ በቀራንዮ በመካነ መቃብሩ በጎልጎታ ከሙታን ተለይቶ በሦስተኛው ቀን በመነሣቱ በዐርባኛው ቀን ወደ ሰማይ በማረጉና ይህን ዓለም ለማሳለፍ ዳግመኛ በመምጣቱ እማፀናለሁ።
፵፫. ለአዳምና ለልጆቹ ለዘሩም ሁሉ መድኃኒት ይሆን ዘንድ ከሰማይ በወረደ በቅዱስ ሥጋውና በክቡር ደሙ እማፀናለሁ።
፵፬. በዚህ ሁሉ በተጠሩትና ባልተጠሩት አምላካዊና የመማፀኛ ስሞች እናንት ርኵሳን አጋንንት እኵያንና መሠርያን ሰብዓዊ ፍጥረቶች ሁሉ በየጊዜውና በየሰዓቱ የእግዚአብሔር አገልጋዩ ከምሆን ከኔ ዘንድ እንዳትቀርቡ የተወገዛችሁ ሁኑ እስከ ዘለዓለሙ ድረስ አሜን።
፵፭. የአምላካችን የጌታችንና የመድኃኒታችን የኢየሱስ ክርስቶስ አባት እግዚአብሔር አብ ይክበር ይመስገን አሜን።
፵፮. ተቀዳሚ ተከታይ የሌለው የአብ የባሕርይ አንድ ልጁ የሚሆን እግዚአብሔር ወልድም ይክበር ይመስገን አሜን።
፵፯. የአብና የወልድ የባሕርይ ሕይወታቸው የሚሆን እግዚአብሔር መንፈስ ቅዱስም ይክበር ይመስገን አሜን።
፵፰. አብ የባሕርይ አምላክ ነው የጌትነቱም ዙፋን ከወልድ ከመንፈስ ቅዱስ ጋር ትክክል ነው።
፵፱. ወልድ የባሕርይ አምላክ ነው የጌትነቱም ዙፋን ከአብ ከመንፈስ ቅዱስ ጋር ትክክል ነው።
፶. መንፈስ ቅዱስም የባሕርይ አምላክ ነው የጌትነቱ ዙፋንም ከአብ ከወልድ ጋር ትክክል ነው።
፶፩. እንግዲህ በአንድ የጌትነት ዙፋን ላይ የአካል ሦስትነትና የመለኮት አንድነት እንዳለ እናምናለን።
፶፪. ለማይጠቀለል ለሥላሴ አንድነት ምስጋና ይገባል።
፶፫. ለማይከፋፈል ለሥላሴ ሦስትነት ምስጋና ይገባል።
፶፬. የዝርውነት ባሕርይ ለሌለው ለሥላሴ ሐሳብ ምስጋና ይገባል።
፶፭. ለማይመረመር ለሥላሴ አነዋወር ምስጋና ይገባል።
፶፮. ሰማይና ምድር ለማይወስኑት ለአካለ ሥላሴ ምስጋና ይገባል።
፶፯. ተመራምሮ ለማይደረስበት ለሥላሴ ቅድምና ምስጋና ይገባል።
፶፰. ኅልፈት ውላጤ ለሌለበት ለሥላሴ መንግሥት ምስጋና ይገባል።
፶፱. ልዩ ተጨማሪ ስም ለማያስፈልገው (ለማይስማማው) ለሥላሴ ምስጋና ይገባል።
፷. ከፍጹም ሦስትነት ወደ ዐራተኛነት ከፍ ለማይል ፍጹም የስም ሦስትነት ምስጋና ይገባል።
፷፩. ከፍጹም የገጽ ሦስትነት ወደ ሁለተኝነት ገጽ ዝቅ ለማይል የገጽ ሦስትነት ምስጋና ይገባል።
፷፪. ለማይወሰን ለሥላሴ ቸርነት ምስጋና ይገባል።
፷፫. ልዩ ሦስት ለሚሆኑ ለአብ ለወልድ ለመንፈስ ቅዱስ ምስጋና ይገባል።
፷፬. በልዩ የነደ እሳት ነፀብራቅ ለተከበበችና ሁሉ በሁሉ ሙሉ ለሆነች ሥላሴነት ምስጋና ይገባል። ዛሬም ዘወትርም ለዘላለሙ አሜን።

👉 “ሕዝብህን በክንድህ አዳንሃቸው” መዝ. 76 (77)፥15

10/16/2026

"በዘመን የቀደሙ ሰዎችን አስተውሉ በእግዚአብሔር አምኖ ያፈረ ማነው？ እወቁ እሱን በመፍራት መከራውን የታገሠ በመከራ እንደ ጣለው የቀረ ማነው? ለምኖትስ ቸል ያለው ማናው ?"
መጽሐፈ ሲራክ. ፪-፲

On October 16 (Tekemt 6) the departure of Abune Pentalewon, one of the Nine Saints, is commemorated. May his prayer be w...
10/16/2026

On October 16 (Tekemt 6) the departure of Abune Pentalewon, one of the Nine Saints, is commemorated. May his prayer be with us all.

👉“And he saith unto me, Write, Blessed are they which are called unto the marriage supper of the Lamb.” Rev. 19:9

👉“only ye shall not go very far away: intreat for me” Exod. 8:28

👉“seeing we also are compassed about with so great a cloud of witnesses” Heb.12:1

👉“the righteous shall compass me about; for Thou shalt deal bountifully with me” Ps. 142:7

👉“I saw the dwelling place of the righteous and the resting place of the saints. There, my eyes beheld their dwelling with the angels and their resting place with the saints. They entreat for the children of men, they intercede for them, and they pray for them.” Enoch 9:21-23

👉“I was in the spirit . . . And every creature which is in heaven, and on the earth, and under the earth, and such as are in the sea, and all that are in them, heard I saying” Rev. 4:2-5:13

👉“Even now, O ye saints of heaven, the souls of men cry unto you, beseeching you to bear their cause before God.” Enoch 2:30

"Then shall the kingdom of heaven be likened unto ten virgins, which took their lamps, and went forth to meet the bridegroom. And five of them were wise, and five were foolish. They that were foolish took their lamps, and took no oil with them: But the wise took oil in their vessels with their lamps. While the bridegroom tarried, they all slumbered and slept. And at midnight there was a cry made, Behold, the bridegroom cometh; go ye out to meet him . . . the bridegroom came; and they that were ready went in with him to the marriage: and the door was shut. Afterward came also the other virgins, saying, Lord, Lord, open to us. But he answered and said, Verily I say unto you, I know you not. Watch therefore, for ye know neither the day nor the hour wherein the Son of man cometh." Matt. 25:1-13

ጥቅምት 6 ከ9ኙ ቅዱሳን አንዱ የነበሩት የአቡነ ጰንጠሌዎን የዕረፍታቸው መታሰቢያ ነው። በረከታቸው ይደርብን።👉“እርሱም፦ ወደ በጉ ሰርግ እራት የተጠሩ ብፁዓን ናቸው ብለህ ጻፍ አለኝ” ራእይ...
10/16/2026

ጥቅምት 6 ከ9ኙ ቅዱሳን አንዱ የነበሩት የአቡነ ጰንጠሌዎን የዕረፍታቸው መታሰቢያ ነው። በረከታቸው ይደርብን።

👉“እርሱም፦ ወደ በጉ ሰርግ እራት የተጠሩ ብፁዓን ናቸው ብለህ ጻፍ አለኝ” ራእይ 19፥9

👉“ነገር ግን ርቃችሁ አትሂዱ፥ ጸልዩልኝ አለ” ዘጸ. 8፥28

👉“እነዚህን የሚያህሉ ምስክሮች እንደ ደመና በዙሪያችን ካሉልን” ዕብ. 12፥1

👉“ዋጋዬን እስክትሰጠኝ ድረስ ጻድቃን እኔን ይጠብቃሉ” መዝ. 141 (142)፥7

👉“የጻድቃንን ማደሪያቸውንና የቅዱሳንን ማረፊያቸውን አየሁ። በዚያም ዐይኖቼ ከመላእክት ጋራ ማደሪያቸውን፥ ከቅዱሳንም ጋር ማረፊያቸውን አዩ። ስለ ሰው ልጆች ይለምናሉ፥ ይማልዳሉ፥ ይጸልያሉም።” መጽሐፈ ሄኖክ 9፥21-23

👉“በመንፈስ ነበርሁ . . . በሰማይና በምድርም ከምድርም በታች በባሕርም ላይ ያለ ፍጥረት ሁሉ በእነርሱም ውስጥ ያለ ሁሉ . . . ሰማሁ” ራእይ 4፥2-5፥13

👉"አሁንም የሰማይ ቅዱሳን ሆይ፥ የሰዎች ነፍሳት ፍርድን ወደ እግዚአብሔር አግቡልን እያሉ እናንተን ይማጠናሉ።" መጽ. ሄኖ. 2፥30

የማቴዎስ ወንጌል 25
1 በዚያን ጊዜ መንግሥተ ሰማያት መብራታቸውን ይዘው ሙሽራውን ሊቀበሉ የወጡ አሥር ቆነጃጅትን ትመስላለች።

2 ከእነርሱም አምስቱ ሰነፎች አምስቱም ልባሞች ነበሩ።

3 ሰነፎቹ መብራታቸውን ይዘው ከእነርሱ ጋር ዘይት አልያዙምና፤

4 ልባሞቹ ግን ከመብራታቸው ጋር በማሰሮአቸው ዘይት ያዙ።

5 ሙሽራውም በዘገየ ጊዜ ሁሉ እንቅልፍ እንቅልፍ አላቸውና ተኙ።

6 እኩል ሌሊትም ሲሆን፦ እነሆ፥ ሙሽራው ይመጣል፥ ትቀበሉት ዘንድ ውጡ የሚል ውካታ ሆነ።

7 በዚያን ጊዜ እነዚያ ቆነጃጅት ሁሉ ተነሡና መብራታቸውን አዘጋጁ።

8 ሰነፎቹም ልባሞቹን፦ መብራታችን ሊጠፋብን ነው፤ ከዘይታችሁ ስጡን አሉአቸው።

9 ልባሞቹ ግን መልሰው፦ ምናልባት ለእኛና ለእናንተ ባይበቃስ፤ ይልቅስ ወደሚሸጡት ሄዳችሁ ለራሳችሁ ግዙ አሉአቸው።

10 ሊገዙም በሄዱ ጊዜ ሙሽራው መጣ፥ ተዘጋጅተው የነበሩትም ከእርሱ ጋር ወደ ሰርግ ገቡ፥ ደጁም ተዘጋ።

11 በኋላም ደግሞ የቀሩቱ ቈነጃጅት መጡና፦ ጌታ ሆይ ጌታ ሆይ፥ ክፈትልን አሉ።

12 እርሱ ግን መልሶ፦ እውነት እላችኋለሁ፥ አላውቃችሁም አለ።

13 ቀኒቱንና ሰዓቲቱን አታውቁምና እንግዲህ ንቁ።

👉 “leave me not to mine oppressors” Ps. 118 (119):121
10/15/2026

👉 “leave me not to mine oppressors” Ps. 118 (119):121

የዐርብ ሰይፈ ሥላሴ (መቅድሙና የዘወትሩ ከበታች ተካቷል)አንድ አምላክ በሚሆን በአብ በወልድ በመንፈስ ቅዱስ ስም አምናለሁ አሜን።፩. እምነቴ በአምላኬ በእግዚአብሔር ላይ ነው የአብርሃም የይ...
10/15/2026

የዐርብ ሰይፈ ሥላሴ (መቅድሙና የዘወትሩ ከበታች ተካቷል)

አንድ አምላክ በሚሆን በአብ በወልድ በመንፈስ ቅዱስ ስም አምናለሁ አሜን።

፩. እምነቴ በአምላኬ በእግዚአብሔር ላይ ነው የአብርሃም የይስሐቅና የያዕቆብ አምላክ ሆይ በዚች ዕለትና በዚች ሌሊት ተስፋ የምትሆነኝን ነገር ግለጽልኝ።
፪. ክፉውንም ሁሉ ከእኔ አስወግድና ካንተ ዘንድ የሚገኝ ቸርነትህንና ባለሟልነትህን አድለኝ በማይጠቅመኝ ገንዘብ እጠራጠር ዘንድ አታድርግ ነገር ግን ሁል ጊዜ አመሰግንህ ዘንድ በፊትህም እንድቆም አድርገኝ እንጂ።
፫. አቤቱ ጾምና ጸሎቴን ትቀበል ዘንድ እለምንሃለሁ ቸርነትህን ከኔ አታርቅ በትእዛዝህም ጐዳና ምራኝ።
፬. አቤቱ ወዳጅህን አብርሃምን ባለሟልህን ይስሐቅን የአከበርከው ያዕቆብንም እንደ ባረክሃቸው እኔንም ባርከኝ አክብረኝ።
፭. ኃይልን ማሸነፍን ጽናትንም ስጠኝ አቤቱ ቸርነትህን ለግሠኝ አቤቱ የቀድሞውንና የአሁኑንም የኔን የባሪያህን ኃጢአት በቸርነትህና በይቅርታህ ይቅር በል።
፮. አሁንም በጠላቶቼ ላይ ኃይልንና ማሸነፍን አቀዳጀኝ ሰይጣናትንና አጋንንትንም ሁሉ ከኔ አርቃቸው አንተ መሐሪ ይቅር ባይ ነህና።
፯. ማረኝ ይቅርም በለኝ ስማኝ በአንተ ተማፅኛለሁ አደራ ተቀበለኝ አንተን ታምኛለሁ አቤቱ አንተን ፈልጌአለሁና አትጣለኝ።
፰. አቤቱ በቸርነትህና በይቅርታህ ከችግርና ከፈተና አድነኝ በክፉዎችና በኃጢአተኞች እጅ አሳልፈህ አትስጠኝ በመዓልትና በሌሊት በክንፈ ረድኤትህ ጥላ ሠውረኝ።
፱. አቤቱ የእናትና አባቴን በደላቸውን ይቅር በላቸው አንተ ልብ ያሰበውን ኩላሊት ያመላለሰውን የምትመረምርና የምታውቅ በጠቅላላውም ሁሉን ማድረግ የሚቻልህ ነህና።
፲. ለአንተ ክብር ምስጋና ይገባል ለዘላለሙ አሜን።
፲፩. የሥላሴን የጌትነታቸውን ክብር መናገር የሚችል ምን አንደበት ምንስ ከናፍር ነው?
፲፪. የሥላሴን ምሥጢር ማወቅ ወይም መተርጐም የሚችል ምን ልቡና ምንስ አእምሮ ነው?
፲፫. የሥላሴን ህልውና መርምሮ ለማወቅ የሚችል ምን ጥበብ ምንስ ፍልስፍና ነው?
፲፬. ሥላሴ በእሳት መጋረጃ ውስጥ የተሠወረ ነው።
፲፭. ሥላሴ ከልዑላኖች ይልቅ ልዑል ነው፤ ሥላሴ ምሕረት የሚቀዳበት የወንዞች ጥልቀት ነው።
፲፮. ሥላሴ የሕይወት መገኛ ሥላሴ ውኃ የማዳን ምንጭ ሥላሴ የቅድስና ውኃ ናቸው።
፲፯. ሥላሴ ዓለማትን የያዙ ሥላሴ ዓለማትን በቅጽበት ያቋቋሙ ሥላሴ በጠቅላላው ፍጥረታትን የፈጠሩ ናቸው።
፲፰. ሥላሴ አንድ አምላክ በመሆን ይመሰገናሉ ሥላሴ በማናቸውም ጊዜ የማይነዋወጽ የሃይማኖት መሠረት ናቸው።
፲፱. ሥላሴ ለደጋጐች ባልንጀራ ሥላሴ የማይበጠስ የማይቀደድ ጽኑዕ የንጹሓን ትጥቅ ናቸው።
፳. ለዚህ የሥላሴ መለኮትነት በመንበርከክ እሰግዳለሁ።
፳፩. በዚህ በሥላሴ ስም እጠጋለሁ አመልካለሁ ብወድቅ በሥላሴ እነሣለሁ ለመውደቅም ብፍገመገም ሥላሴ ይደግፉኛል።
፳፪. ብራብ በሥላሴ እጠግባለሁ ብጠማም በሥላሴ እረካለሁ።
፳፫. ድሀ ብሆን በሥላሴ እበለጽጋለሁ ብራቆት የሥላሴን የቸርነት መጐናጸፊያ እጐናጸፋለሁ።
፳፬. በደዌ ብያዝ በሥላሴ እድናለሁ ብቈስልም በሥላሴ እፈወሳለሁ።
፳፭. ብስጭት ቢደርስብኝ በሥላሴ እደሰታለሁ ሐዘን ቢያገኘኝም በሥላሴ እጽናናለሁ።
፳፮. ብታመም በሥላሴ ቸርነት እድናለሁ ብሞትም በሥላሴ ሕይወት እነሣለሁ።
፳፯. ሥላሴ የራሴ አክሊል ናቸው ሥላሴ የአንጻረ ገጽታየ ማማተቢያ ናቸው ሥላሴ የዐይኖቼ ብርሃን ናቸው።
፳፰. ሥላሴ የጆሮየ መስሚያ ሥላሴ የጉንጮቼ ወዝ ሥላሴ አፍ መክፈቻዬ ናቸው።
፳፱. ሥላሴ የከናፍሬን ያነጋገር አልጫነት የሚያጣፍጡ መለኮታዊ ጨው ናቸው።
፴. ሥላሴ የርስቴ ፈለማ ሥላሴ የነፍስና የሥጋዬ ጌጥ ወይም ሽልማት ናቸው።
፴፩. በምድርም በሰማይም ያለ ሥላሴ መጊያጊያጫ ወይም መመኪያ የለኝም።
፴፪. የበደል ሐሩር ቢያቃጥለኝ በሥላሴ እጠለላለሁ የኃጢአት ነፋስ ቢያጠወልገኝም በሥላሴ እለመልማለሁ።
፴፫. ጠላቶቼ ቢከቡኝ በሥላሴ እከላከላለሁ። ባላጋራዎቼም በኔ ላይ ተንኮልን ቢያሤሩ አልፈራቸውም የሥላሴ መለኮት ከኔ ጋር ነውና።
፴፬. ሥላሴ ከልጅነቴ ጀምሮ ተስፋዬ ናቸው። ሥላሴ የእርጅናዬ ዘመን ምርኩዜ ናቸው።
፴፭. የሥላሴ መለኮት ሰይፌ ነው፤ የሥላሴ መለኮት ጦሬ ወይም ቀስቴ ነው፤ የሥላሴ መለኮት ጋሻዬ ነው።
፴፮. የሥላሴ መለኮት ከጠላቶቼ ፊት መሸሸጊያዬ ነው።
፴፯. በሥላሴ መለኮት ጠላቴን ድል እነሣለሁ።
፴፰. ሥላሴ የሕይወቴ እንክብካቤ ናቸው፤ ሥላሴ የዓይኔ ብርሃን ናቸው።
፴፱. ሥላሴ በጨለማ ያበሩልኛል ሥላሴ የመድኃኒቴ ቀንድ ነው ፤ ሥላሴ የደረቴ ጌጥ ነው።
፵. ሥላሴ የአንገቴ ማተብ ነው ሥላሴ ከድካሜ ያፀናኛል ሥላሴ ኃይሌና መጠጊያዬ ነው።
፵፩. ሥላሴ መጠጊያ ቦታየ ሥላሴ መታመኛዬ ነው ከናቴ ማኅፀን ጀምሮ በሥላሴ ጸንቼ እኖራለሁ።
፵፪. ይህን ላደረገልኝ ለሥላሴ ምን ወሮታ እከፍላለሁ።
፵፫. በልዩ ችሎታው ለፈጠረኝ ለሥላሴ ምስጋና ይገባል።
፵፬. በቸርነቱ ለአሳደገኝ ለሥላሴ ምስጋና ይገባል።
፵፭. በመሐሪነቱ ጠብቆ እስከዚህች ሰዓት ላደረሰኝ ለሥላሴ ምስጋና ይገባል።
፵፮. በማዳን ችሎታው ላዳነኝ ሥላሴ ምስጋና ይገባል።
፵፭. እንደ በደሌ ላልፈረደብኝ ለሥላሴ ምስጋና ይገባል።
፵፰. ለጌታዬ ለሥላሴ ምስጋና ይገባል።
፵፱. ለንጉሤ ለሥላሴ ምስጋና ይገባል።
፶. ለአምላኬ ለሥላሴ ምስጋና ይገባል።
፶፩. ለአለቃዬ ለሥላሴ ምስጋና ይገባል።
፶፪. በልቡናዬ ብረክ ለሥላሴ እሰግዳለሁ።
፶፫. በሥላሴ ፊት ልመናዬን አቀርባለሁ።
፶፬. ለሥላሴ ሕመሜን እናገራለሁ።
፶፭. ሥላሴ በሕያዋን ምድር የምሄድበትን ጐዳና ያመለክተኛል።
፶፮. ዕድሌን አንተ ትወስናለህ እያልኩ ሥላሴን እማልዳለሁ።
፶፯. ሥላሴ ተመልከተኝ ቸልም አትበለኝ ምኞቴንም አታስቀርብኝ።
፶፰. ሥላሴ ለኔ ለባሪያህ ዘወትር የልመናየን ዋጋ ስጠኝ።
፶፱. ሥላሴ ከደስታህ ምንጭ አጠጣኝ።
፷. ሥላሴ በይቅርታህ ወይን አለምልመኝ (አርካኝ)።
፷፩. ሥላሴ በጽድቅህ ቅባት አውዛኝ።
፷፪. ሥላሴ እኔ ባሪያህን ከኃጢአቴ አንጻኝ እጠበኝም።
፷፫. በሥላሴነትህ እታመናለሁ በሦስትነትህም እመካለሁ።
፷፬. ቅድስት ስለምትሆን ሦስትነትህ ይቅር ትላቸው ትምራችም ዘንድ የአባቴንና የእናቴን የወንድሞቼንና የእኅቶቼን ሰውነት ሁሉ አደራ አስጠብቃለሁ።
፷፭. ዳግመኛም እኔን . . . ባሪያህን በሰላምና በጤንነት ታኖረኝ ዘንድ እማፀናለሁ።
፷፮. አዳራሹ ጽርሐ አርያም ለሆነ ለእግዚአብሔር ምስጋና ይገባል።
፷፯. መገኛው በአጸደ ትጉሃን ለሆነ ለእግዚአብሔር ምስጋና ይገባል።
፷፰. ማደሪያውን በኢዮር ሰማይ ላደረገ ለእግዚአብሔር ምስጋና ይገባል።
፷፱. የጽድቅ መብረቅና የሕይወት ነጐድጓድ ከዙፋኑና ከመንበሩ ሥር ለሚወጡ ለእግዚአብሔር ምስጋና ይገባል።
፸. መቅደሱን በተራራ ላይ ላደረገ ወይም ለሠራ ለእግዚአብሔር ምስጋና ይገባል።
፸፩. መቀመጫው የእሳት አትሮንስ ለሆነ ለእግዚአብሔር ምስጋና ይገባል።
፸፪. ቃሉ ለማይታበል ለእግዚአብሔር ምስጋና ይገባል።
፸፫. ድንኳኑን የብርሃን ያደረገ ለእግዚአብሔር ምስጋና ይገባል።
፸፬. አዳራሹን በውሃ ለታታ ለእግዚአብሔር ምስጋና ይገባል።
፸፭. ድንኳኑን የእሳት ላደረገ ለእግዚአብሔር ምስጋና ይገባል።
፸፮. ኪሩቤልን አፍራሰ መንግሥቱ ላደረገ ለእግዚአብሔር ምስጋና ይገባል።
፸፯. መልእክተኞቹን በይቅርታ ደመና ለላከ ለእግዚአብሔር ምስጋና ይገባል።
፸፰. ሠረገላውን የነፋስ ባሕርይ ላደረገ ለእግዚአብሔር ምስጋና ይገባል።
፸፱. አመለካከቱ ምድርን ለሚያነዋውጣት ለእግዚአብሔር ምስጋና ይገባል።
፹. ድስሻው ምድርን ለሚያጤሳት ለእግዚአብሔር ምስጋና ይገባል።
፹፩. ፍርዱ ልቡናን ደስ ለሚያሰኝ ለእግዚአብሔር ምስጋና ይገባል።
፹፪. የቤቱን ጸፍጸፍ በበረድ ለሠራ ለእግዚአብሔር ምስጋና ይገባል።
፹፫. መጋረጃውን እሳት ላደረገ ለእግዚአብሔር ምስጋና ይገባል።
፹፬. የአካል ሦስትነቱ ለማይጐድል ለእግዚአብሔር ምስጋና ይገባል።
፹፭. የመለኮቱ አንድነት ለማይከፋፈል ለእግዚአብሔር ምስጋና ይገባል።
፹፮. በይቅርታው ብዛት መዓቱን ለሚሠውር ለእግዚአብሔር ምስጋና ይገባል።
፹፯. መቅሠፍቱን በምሕረቱ ለሚሸፍን ለእግዚአብሔር ምስጋና ይገባል።
፹፰. የቸርነቱ ክረምት በበጋነት ለማይለወጥ ለእግዚአብሔር ምስጋና ይገባል።
፹፱. መንግሥቱን መንግሥት ላልተቀደመው ለእግዚአብሔር ምስጋና ይገባል።
፺. የሌለበት ጊዜ ያልኖረ የማይኖርበት ጊዜ የማይኖር ለእግዚአብሔር ምስጋና ይገባል።
፺፩. የይቅርታው ምንጭ ለማይደርቅ ለእግዚአብሔር ምስጋና ይገባል።
፺፪. ብልጽግናው በድህነት ለማይለወጥ ለእግዚአብሔር ምስጋና ይገባል።
፺፫. ድምፁ ወይም ቃሉ የነፀብራቅ ባሕርይ ለሆነ ለእግዚአብሔር ምስጋና ይገባል።
፺፬. ልቡናው ለማይቀየም ለእግዚአብሔር ምስጋና ይገባል።
፺፭. ፍርዱ ለማይዛባ ለእግዚአብሔር ምስጋና ይገባል።
፺፮. በሱ ዘንድ አድልዎ የሌለ ለእግዚአብሔር ምስጋና ይገባል።
፺፯. ረቂቅ ባሕርዩ ሕፃናትን የሚያናግራቸው ለእግዚአብሔር ምስጋና ይገባል።
፺፰. በትእዛዝ ቃሉ ዓይንን ለሚያበራ ለእግዚአብሔር ምስጋና ይገ ባል።
፺፱. በኃጢአት የተዳደፉትን የሚያነፃ ለእግዚአብሔር ምስጋና ይገባል።
፻. ርኵሳንን ለሚቀድስ ለእግዚአብሔር ምስጋና ይገባል።
፻፩. የተረገሙትን የሚባርክ ለእግዚአብሔር ምስጋና ይገባል።
፻፪. ድውያንን ለሚፈውስ ለእግዚአብሔር ምስጋና ይገባል።
፻፫. የሐንካሳ ምርኩዝ ለሚሆን ለእግዚአብሔር ምስጋና ይገባል።
፻፬. የድኩማን ጽንዕ ለሚሆን ለእግዚአብሔር ምስጋና ይገባል።
፻፭. ለተጐሳቆሉትና ለከሱት መጠጊያ የሚሆን ለእግዚአብሔር ምስጋና ይገባል።
፻፮. ተስፋ ላጡ ተስፋ የሚሆናቸው ለእግዚአብሔር ምስጋና ይገባል።
፻፯. ብቸኞችን ለሚያረጋጋ ለእግዚአብሔር ምስጋና ይገባል።
፻፰. የዕውራን ብርሃናቸው የሚሆን ለእግዚአብሔር ምስጋና ይገባል።
፻፱. የወደቁትን ለሚያነሣ ለእግዚአብሔር ምስጋና ይገባል።
፻፲. የሰጠሙትን ለሚያመጥቅ ለእግዚአብሔር ምስጋና ይገባል።
፻፲፩. የጠፉትን ለሚፈልግ ለእግዚአብሔር ምስጋና ይገባል።
፻፲፪. ያዘኑትን ለሚያጽናና ለእግዚአብሔር ምስጋና ይገባል።
፻፲፫. የተከዙትን የሚያስደስት ለእግዚአብሔር ምስጋና ይገባል።
፻፲፬. ለመውደቅ የሚፍገመገሙትን የሚደግፍ ለእግዚአብሔር ምስጋና ይገባል።
፻፲፭. ትሑታንን ለሚያከብር ለእግዚአብሔር ምስጋና ይገባል።
፻፲፮. ትዕቢተኞችን ለሚያዋርድ ለእግዚአብሔር ምስጋና ይገባል።
፻፲፯. የአስማተኞችን መርዝ የሚያበርስ ለእግዚአብሔር ምስጋና ይገባል።
፻፲፰. የሤረኞችን ምክር የሚያከሽፍ ለእግዚአብሔር ምስጋና ይገባል።
፻፲፱. ሰነፎችን የሚያበረታታ ለእግዚአብሔር ምስጋና ይገባል።
፻፳. ስሕተተኞችን ስሕተታቸውን እንዲያርሙ የሚያደርግ ለእግዚአብሔር ምስጋና ይገባል።
፻፳፩. ለጐስቋሎች የሚራራ ለእግዚአብሔር ምስጋና ይገባል።
፻፳፪. የተኙትን ለሚያነቃ እግዚአብሔር ምስጋና ይገባል።
፻፳፫. ቸልተኞችን ለሚያነቃቃ እግዚአብሔር ምስጋና ይገባል።
፻፳፬. ዱዳዎችን እንዲናገሩ ለሚያደርግ ለእግዚአብሔር ምስጋና ይገባል።
፻፳፭. የደንቆሮዎችን ጆሮ እንዲሰማ የሚያደርግ ለእግዚአብሔር ምስጋና ይገባል።
፻፳፮. ችግረኞችን ለሚረዳ ለእግዚአብሔር ምስጋና ይገባል።
፻፳፯. ቂመኞችን የዋህ የሚያደርግ ለእግዚአብሔር ምስጋና ይገባል።
፻፳፰. ክፉዎችን የሚያራራ ለእግዚአብሔር ምስጋና ይገባል።
፻፳፱. የተጣሉትን የሚያስታርቅ ለእግዚአብሔር ምስጋና ይገባል።
፻፴. የተራቆቱትን የሚያለብስ ለእግዚአብሔር ምስጋና ይገባል።
፻፴፩. ለታረዙት ልብስ የሚሆን ለእግዚአብሔር ምስጋና ይገባል።
፻፴፪. የርኁባን ምግብ ለሚሆን ለእግዚአብሔር ምስጋና ይገባል።
፻፴፫. ለተጠሙ መጠጥ የሚሆን ለእግዚአብሔር ምስጋና ይገባል።
፻፴፬. የአረጋውያንን ዕድሜ ለሚያራዝም እግዚአብሔር ምስጋና ይገባል።
፻፴፭. ጐልማሶችን ለሚያገርም ለእግዚአብሔር ምስጋና ይገባል።
፻፴፮. ድኃ አደጐችን ለሚያሳድግ ለእግዚአብሔር ምስጋና ይገባል።
፻፴፯. ከከበሩ ይልቅ ለሚከብር ለእግዚአብሔር ምስጋና ይገባል።
፻፴፰. ከልዑላኖች ይልቅ ልዑል ለሚሆን እግዚአብሔር ምስጋና ይገባል።
፻፴፱. የገዥዎች ገዥ ለሚሆን ለእግዚአብሔር ምስጋና ይገባል።
፻፵. የነገሥታት ንጉሥ ለሚሆን ለእግዚአብሔር ምስጋና ይገባል።
፻፵፩. የጌቶች ጌታ ለሚሆን ለእግዚአብሔር ምስጋና ይገባል።
፻፵፪. የአማልክቶች አምላክ ለሚሆን ለእግዚአብሔር ምስጋና ይገባል።
፻፵፫. ፊቱ ለማይደምን ወይም ለማይጠቁር ለእግዚአብሔር ምስጋና ይገባል።
፻፵፬. ፍርዱ ለማይለወጥ ለእግዚአብሔር ምስጋና ይገባል።
፻፵፭. እሱ ቢሰጥ እንጂ ስጡኝ የማይል ለእግዚአብሔር ምስጋና ይገባል።
፻፵፮. እሱ ቢያበድር እንጂ አበድሩኝ ለማይል ለእግዚአብሔር ምስጋና ይገባል።
፻፵፯. እሱ ቢፈርድ እንጂ ሊፈርዱለት የማይፈልግ ለእግዚአብሔር ምስጋና ይገባል።
፻፵፰. እሱ ይቅር ቢል እንጂ ይቅር ሊሉት የማይቻል ለእግዚአብሔር ምስጋና ይገባል።
፻፵፱. እሱ ቢያጸድቅ እንጂ ሊያጸድቁት የማይቻል ለእግዚአብሔር ምስጋና ይገባል።
፻፶. እንደሱ ያለ ንጉሥ ለማይኖር ለእግዚአብሔር ምስጋና ይገባል።
፻፶፩. እሱ ቢወቅስ እንጂ ሊወቅሱት የማይቻል ለእግዚአብሔር ምስጋና ይገባል።
፻፶፪. እሱ ቢያይ እንጂ ሊያዩት የማይቻል ለእግዚአብሔር ምስጋና ይገባል።
፻፶፫. እሱ ቢገዛ እንጂ ሊገዙት የማይቻል ለእግዚአብሔር ምስጋና ይገባል።
፻፶፬. እሱ ቢችል እንጂ ለማይቻል ለእግዚአብሔር ምስጋና ይገባል።
፻፶፭. ከሱ በቀር ሌላ አምላክ ለሌለ ለእግዚአብሔር ምስጋና ይገባል።
፻፶፮· ፍለጋው ንጹሕ የሆነ ለእግዚአብሔር ምስጋና ይገባል።
፻፶፯. በምክሩ ለሚጠበብ እግዚአብሔር ምስጋና ይገባል።
፻፶፰. ምክሩንና ምሥጢሩን ሰውና መላእክት ተመራምረው ለማይደርሱበት ለእግዚአብሔር ምስጋና ይገባል።
፻፶፱. በሥራው የተደነቀ ለእግዚአብሔር ምስጋና ይገባል።
፻፷. ልዕልናው ሊነገር የማይቻልና ተነግሮም የማይፈጸም ለእግዚአብሔር ምስጋና ይገባል።
፻፷፩. ለእግዚአብሔር ምስጋና ይገባል ቃሉ እውነት ነገሩም የታመነ ነውና።
፻፷፪. ለዚህ ሥላሴ መለኮት በሰማይና በምድር በባሕርና በቀላያት ሁሉ ምስጋና ይገባል።
፻፷፫. ለፍጥረቱ ሁሉ ቸርነትንና ይቅርታን ያደርጋልና።
፻፷፬. ይቅርታቸውና ሀብተ ረድኤታቸው በወዳጃቸው . . . ላይ ዘላለሙ ይኑር አሜን።

ተአምር፦

፩. ይቅርታቸውና ሀብተ ረድኤታቸው በወዳጃቸው . . . ለዘላለሙ ይደርና የአብ የወልድና የመንፈስ ቅዱስ ተአምራታቸው ይህ ነው።
፪. አንጐት በሚባል አገር ብዙ ነጋዴዎች ነበሩ።
፫. እኒህ ነጋዴዎች ኢየሩሳሌም ወርደው በሥላሴ ሥዕል እነሆ እንዲህ ሲሉ ተማፀኑ።
፬. ከሄድንበት ሀገር ከጥልቅ ባሕር መስጠምና መርዘኛ ከሆነው ከአዞ መበላት ወይም መነከስ ድነን በሰላም ወደ ቤታችን ብንመለስ።
፭. እነሆ ከአተረፍነው ትርፍ ወርቅና ብሩን ግማሽ በግማሽ ለሥላሴ ቤተ ክርስቲያን እንሰጣለን ተባባሉ።
፮. ይህንንም ካሉ በኋላ ለንግድ ወደ ቅድስት ሀገር ኢየሩሳሌም ወረዱ።
፯. ወደ መርከቡ በገቡ ጊዜ የባሕሩ ማዐበል ፀጥ አለላቸውና የሰላም ጉዞ ሆኖላቸው ተጓዙ።
፰. በዚህ ጊዜ ከሀገሩ ሰዎች አንዱ እንዲህ አላቸው።
፱. ይህ ጥልቅ ባሕር ሳያሰጥማችሁ እንደምን ተሻገራችሁ ሰውን የሚውጥ አዞውስ እንዴት ሳያገኛችሁ ቀረ አላቸው።
፲. እኒህ ነጋዴዎችም በእምነታችን መሠረት በብዙ ወርቅ የሥላሴን መርከብ ተከራየን (ለሥላሴ ብጽዓት አደረግን።
፲፩. ወደ ሀገራችንም በሰላምና በደህንነት ብንመለስ ከገንዘባችን ሁሉ እኩሌታውን ለሥላሴ ቤተ ክርስቲያን ብጽዓት አድርገን እንሰጣለን ብለናል አሉት።
፲፪. ከጥቂት ቀን በኋላም እኒህ ነጋዴዎች ወደ ሀገራቸው ለመመለስ በተነሡ ጊዜ ከመካከላቸው አንዱ ነጋዴ ወንድሞቼ ሆይ ባሕሩን ተሻግረን እዚህ ለመድረስ አስቀድመን የተናገርነውን አንርሳ በማናውቀውም ሀገር ብዙ ወርቅና ብር አትርፈናልና ብፅዓታችንን ወይም ስእለታችንን እንዳንተው ሲል አሳሰባቸው።
፲፫. አሁንም ወንድሞቼ ሆይ በእውነት የምነግራችሁን ስሙኝ እንደ ሥዕለታችን ከገንዘባችን ካልሰጠን ዳግመኛ ለንግድ በምንሄድበት ጊዜ እሊህ ሦስቱ ሥላሴ ገንዘባችንን ሁሉ ያጠፉብናል አላቸው።
፲፬. እነሱ ግን እኛ አንድ ብር እንኳ አንሰጥም አንተ ግን ከፈለግህ ስጥ ለራስህም አንተ እራስህን እወቅ።
፲፭. እኛስ ነገርህን አንሰማም እንዳ ንተ ያለም መካሪ አንሻም በሥላሴ ስም ከቶ አልተማፀንምና አሉት።
፲፮. ይህም ነጋዴ ወንድሞቼ ሆይ የተናገራችሁትን ቃል እንዴት ታጥፋ ላችሁ ወይም እኮ ሰይጣን ኃላፊና ጠፊ በሚሆን በገንዘብ ፍቅር አታለላችሁ ይሆን አላቸው።
፲፯. ይህ በቅድስት ሥላሴ ፍቅር የተጠመደ ነጋዴም ይህን ተናግሮ ዝም አለ።
፲፰. ከዚህ በኋላ ወደ ሀገራቸው ይመለሱ ዘንድ በመርከብ ተሳፈሩ።
፲፱. በዚህ ጊዜ ከነፋሱ ኃይል የተነሣ መርከቡ ተነዋወጠ ሊያሰጥማቸውም ተቃረበ።
፳. በዚህ ጊዜ መርከቡ ተሠበረና ሰዎቹ በባሕር ውስጥ ሰጠሙ።
፳፩. ይህን ታማኝ ነጋዴ ግን ሥላሴ ከባሕር አውጥተው በባሕር ዳርቻ አስቀመጡት።
፳፪. ከጣፈጠ አነጋገርህ የተነሣ ታማኝ አገልጋይ አደረግንህ አሉት።
፳፫. እንግዲህ የአንተን ገንዘብ አንፈልግም እምነትህ ይበቃናል።
፳፬. እንዚህ ከሐዲዎች ጓደኞችህ ግን በጥልቅ ባሕር ውስጥ እንደሰጠሙ ተመልከት አስተውል አሉት።
፳፭. እንግዲህ አንተ ወደ ምድረ አንጐት ውረድና የሆነውን ነገር ሁሉ ለዘመዶቻቸውና ለቤተሰባቸው ሁሉ ንገር አሉት።
፳፮. ነጋዴውም እናንት የሀገር ታላላቅ አባቶች ሆይ እናንተ እነማን ናችሁ ስማችሁስ ማን ይባላል አላቸው።
፳፯. እነሱም እኛ ዓለሙን ሁሉ የፈጠርን ሥላሴ እንባላለን አሉት።
፳፰. ይህንንም ቃል ከአብና ከወልድ ከመንፈስ ቅዱስ አንደበት በሰማ ጊዜ ፈጽሞ ደስ አለው።
፳፱. የደረሰበትን ነገር ሁሉ ነጋዴዎቹም በከንቱ እንደጠፉና እሱ ግን ሥላሴን በማመን እንደዳነ ለአንጐት ሰዎች ነገራቸው።
፴. ይህን የሰሙ ሰዎች ሁሉ ስለ ነጋዴዎቹ የተደረገው ነገር ሁሉ እጅግ አስደናቂ ነው በማለት አደነቁ።
፴፩. በዚህ ጊዜ ይህ ነጋዴ ብሩንና ወርቁን ሁሉ ለድኆችና ለችግረኞች በሥላሴ ስም መፀወተ።
፴፪. ኃላፊና ጠፊ ከሚሆን ዓለም ድካም እስከ ዓረፈ ድረስ በየወሩ በ፯ ቀን ይልቁንም በጥርና በሐምሌ ወር የበዓላቸውን መታሰቢያ አብዝቶ ያደርግ ጀመር።
፴፫. ይቅረታቸውና ሀብተ ረድኤታቸው ከወዳጃቸው . . . ጋር ለዘለዓለሙ ይኑር አሜን።

***************

የሰይፈ ሥላሴ መቅድም

፩. ስቡሕ ወውዱስ እኩት ወቅዱስ እየተባለ በፍጹም ምስጋና የሚመሰገን፤ አንድ አምላክ በሚሆን በአብ በወልድ በመንፈስ ቅዱስ ስም በማመን የሥላሴን ጥንተ ህልውና የሚናገር መጽሐፍ ለመጻፍ (ለመጸለይ) እንጀምራለን ።
፪. ነገር ግን እግዚአብሔር በሰጠን የችሎታ መጠን ለመናገር እንሞክራለን እንጂ ጽፈንስ ለመጨረስ፤ ችሎታ አይኖረንም።
፫. የምስጋናቸውንስ ነገር ሰማይና ምድር ወረቀት ወይም ብራና ቢሆኑ ከፍጥረተ ዓለም እስከ ኅልቀተ ዓለም ያለው ርደተ ዝናም ቀለም ቢሆን ይልቁንም ዓለም በጠቅላላው ለዚህ ተግባር ቢውል ተጽፎ የሚያልቅ አይደለም ለዘለዓለሙ በእውነት።
፬. ሰማይና ምድር ከመፈጠራቸው አስቀድሞ ሥላሴ በብቸኝነት ክብራቸው በአካል ሦስት በመለኮትና በፈቃድ በባሕርይ በትእዛዝ ግን አንዳችም ልዩነት ሣይኖርባቸው የነበሩ ናቸው ።
፭. አብ ያለወልድና ያለመንፈስ ቅዱስ ለአንዲት ሰዓት ስንኳ ብቻውን የነበረበት ጊዜ የለም።
፮. ወልድም ያለ አብና ያለ መንፈስ ቅዱስ ለአንዲት ደቂቃ ስንኳ ብቻውን የነበረበት ጊዜ የለም።
፯. መንፈስ ቅዱስም ያለ አብና ያለ ወልድ ለአንዲት ሰኮንድ ስንኳ ብቻውን የነበረበት ጊዜ የለም።
፰. ለአብ ከወልድና ከመንፈስ ቅዱስ የተለየ ልዩ ፈቃድና እዘዝ የለውም።
፱. ለወልድም ከአብና ከመንፈሰ ቅዱስ የተለየ ልዩ ሥልጣንና ክሂል የለውም።
፲. ለመንፈስ ቅዱስም ከአብና ከወልድ የተለየ ምንም ዓይነት ሥልጣን የለውም።
፲፩. በማደህየትና በማበልፀግ በማዋረድና በማክበር ፍጹም ልዩነት የለባቸውም።
፲፪. በአንድነት በሦስትነት ይሰገዳሉ ይመለካሉ፤ ሁሉንም በየነገዱ በመፍጠር ትክክል ናቸው እንጂ ጉድለት ወይም ሕፀፅ ያሣዩበት ጊዜ የለም።
፲፫. እንደዚሁም ለአብ ወልድ መንፈስ ቅዱስ በአንድ ቃል ሰውን በአርአያችንና በምሳሌያችን እንፍጠር አሉ።
፲፬. እነሆ በመጀመሪያዪቱ ቀን በዕለተ እሑድ ስምንት ፍጥረታትን ማለት ሰማይንና ምድርን ጨለማንና ብርሃንን ነፋስንና እሳትን ውሀን መላእክትን ፈጥረው መላእክትን ግን በመቶ ነገድ ከፈሏቸው የመላእክትም ሁሉ አለቃቸው ሳጥናኤል (ዲያብሎስ) ነበረ።
፲፭. ከዚህ በኋላ መላእክትን በሙሉ ጨለማ ጋረዳቸው ሸፈናቸው።
፲፮. በዚህን ጊዜ መላእክት እርስ በራሳቸው ማን ፈጠረን ጌታችን ማነው በማንስ እናመልካለን ተባባሉ።
፲፯. ትምክህተኛው ወይም ሰይጣኑ መልአክም ይህን ቃል ሰምቶ ግራ ቀኝ ቢመለከት ከሌሎቹ የእርሱ ማዕርግ በልጦ ስለአገኘው እነሆ አምላካችሁና ፈጣሪያችሁ ገዥአችሁም እኔ ነኝ ሲል በድፍረት ተናገረ።
፲፰. ከዚህ በኋላ መልአኩ ቅዱስ ገብርኤል ከመከካላቸው ተነሥቶ ቆመና እናንት ማኅበረ መላእክት ሆይ፥ አምላካችንን እስክናውቅ ወይም እስክናገኘው ድረስ በእምነታችን ጸንተን መቆየት አለብን እንጂ በዚህ በሐሰተኛና በተንኮለኛ መልአክ አነጋገር ተወናብዳችሁ እንዳታምኑ ሲል በታላቅ ቃል አሰምቶ ተናገረ።
፲፱. በዚህም ጊዜ ኪሩቤልና ሱራፌል ዙፋኑን እንደ ተሸከሙ የሥላሴ ብርሃነ መለኮት ተገለጠ አንፀባረቀ በዓለሙ ሁሉ ላይም ብርሃን ይሁን አለ።
፳. ከዚህም በኋላ የዲያብሎስ የገዥነት ሥልጣኑ ተሽሮ እጅ እግሩን በእሳት ሠንሠለት ታሠረ።
፳፩. የተጐናጸፈውን ብርሃን ገፈው የጨለማ ጨርቅ አለበሱት የእሳት ነጐድጓድ አወረዱበት በልቡናው ፍርሃትን አሳደሩበት በዚህም ዘለዓለማዊው የሥላሴ መንግሥት በመላእክት ሁሉ ዘንድ ታወቀ ተረዳ።
፳፪. መላእክትንም ከነሱ ይለዩት ዘንድ አዘዝዋቸውና እነሱም ከመካከላቸው አውግዘው ለዩት።
፳፫. ሥሉስ ቅዱስም አንተ ርጉም ከኛ ራቅ መኖሪያህም በመንጸፈ ደይን ይሁን በማለት አስወገዱት።
፳፬. ይህ ርጉም መልአክም ጌቶቼ ከቶ ምሕረት የላችሁምን አላቸው።
፳፭. አብ ወልድ መንፈስ ቅዱስም በእርግጥ አንተን ለመሰለ ሁሉ ምሕረት የለንም አሉት።
፳፮. በዚህ ጊዜ ይህ ርጉም መልአክ ጌቶቼ ሆይ፥ ከነዚህ ሁሉ የተፈጥሮ ጓደኞቼ ነገደ መላእክት ተለይቼ ስሄድ አላሳዝናችሁምን ሲል በማሳዘን ጮኾ ተናገረ።
፳፯. አብ ወልድ መንፈስ ቅዱስም በማይቻልህ የአምላክነትን ባሕርይ ለመፈታተንና የማታልፈውን መንግሥታችንን ለመገልበጥ ያደረግኸው ሙከራና ድፍረት አያሳፍርህምን ይልቁንም በቃልህ አምነውበት አንተን የተከተሉ ሁሉ አብረውህ ከአንተ ጋር ይሂዱ አሉት።
፳፰. ቀጥሎም በልዩ አስተሳሰብህ አምላካዊ መንግሥትን ስትሻ ተገኝተሃልና መኖሪያህ ዕመቀ ዕመቃት ይሁን ቅዱስ ስማችን በተጠራበት ቦታ ሁሉ አትድረስ አሉት።
፳፱. ወገኖችህ መላእክት በጠላትነት ይነሱብህ በአለት ድንጋይ (ዕብነ ሩካም) በእሳት መንዶ እራስ እራስክን ይቀጥቅጡህ አሉት።
፴. ዳግመኛም ምግብህ የእሳት አሎሎ (ኮረት) መጠጥህ የእሳት ፍላት ይሁን መዘዋወሪያህ (መመላለሻህ) መንጸፈ ደይን ይሁን መቀመጫህ የእሳት መንኰራኵር ይሁን መኖሪያህም በጨለማ ውስጥ ይሁን ሲሉ ረገሙት።
፴፩. ይህንንም ካሉት በኋላ የቤቱ ዙሪያ በእሳት የታጠረ በውስጡም እሳት የሚነድበት ሆኖ ወደ ተዘጋጀለት ቤት በዚያ ይኖር ዘንድ ገባ ዕመቀ ዕመቃት መንጸፈ ደይን ወረደ።
፴፪. እሱ ግን በልቡ እግዚአብሔር እንደኔ ያለ ፍጡር አያገኝም ስለሆነም መልሶ እንደ ቀድሞው አገልጋዩ ያደርገኛል። ከቀድሞ የተፈጥሮ ጓደኞቼ ከሆኑ መላእክትም ሁሉ ጋራ ሥራዬን እቀጥላለሁ። ከአብ ከወልድ ከመንፈስ ቅዱስ ጋር እተካከላለሁ። ለአብ ምስጋና አቀርባለሁ ከእሱም ጋር ነግሼ እኖራለሁ። ስለዚህም እርሱ አብ ያከብረኛል ወልድም ከአእላፍ መላእክቶቹ ጋር መጥቶ ይቀበለኛል። ከእሱም ጋር እኖራለሁ። የአብን የዙፋን መጋረጃ ገልጬ እገባና በቀኙ ያስቀምጠኛል። ከዚያም በሱ ላይ እሠለጥናለሁ። ከወልድ ራስ ላይ ዘውድን እነጥቃለሁ። ከመንፈስ ቅዱስም ላይ የብርሃን አክሊል ወስጄ እቀዳጅና ለዚያች ከማዕርጌ ላይ ያዋረደችኝና እጅግ አስፈሪ ለሆነችው ዙፋን ባለቤት እሆናለሁ።
፴፫. ከዚያም የቀድሞ ሥልጣኔን በእጄ ከአደረግሁ በኋላ ከኔ አፈንግጠው መመሪያየን ሳይቀበሉ የቀሩትንና በእኔ ሥልጣን ላይ የተቀመጡትን ጠላቶቼን ሁሉ በቁጥጥሬ ሥር አውላቸዋለሁ በማለት ታበየ።
፴፬. ይህንንም በልቡ ሐሳብ በሚልበት ጊዜ ይህ ዲያብሎስ ትሉ ወደ ማያንቀላፋበት ጢሱ እሳቱ ወደ ማይጠፋበት በሲኦል የረግረግ ጨለማ በድንገት ተወርውሮ ሰጠመ (ሠረገ)።
፴፭. እንደዚሁም ሁሉ ጠላቶቼ በሲኦል መካከል ባለ ጨለማ ውስጥ ይጣሉ እኔ አገልጋያችሁ . . . በእናንተ በአብ በወልድ በመንፈስ ቅዱስ ተማፅኛለሁና እስከ ዘላለሙ አሜን።

ሰይፈ ሥላሴ ዘዘወትር

፩. አንድ አምላክ በሚሆን በአብ በወልድ በመንፈስ ቅዱስ ስም አምናለሁ እማጸናለሁ።
፪. የዓለም ገዥ ሥሉስ ቅዱስ ሆይ፥ በወዳጃችሁ በአብርሃም ቤት እንደገባችሁ ከናንተ ዘንድ የሚሰጠውን የሰማዕትነት አክሊል እቀዳጅ ዘንድ ተድላ ደስታ ካለበት ገነት አግቡኝ።
፫. ኃጢአቴን በይቅርታ ቃል ደምስሳችሁ ነፍሴን ከሚቃወሟት አጋንንት አድኗት።
፬. አብ ወልድ መንፈስ ቅዱስ ሆይ፥ በእውነት ስማችሁን እጠራ ዘንድ ከወደቅሁበት አንሡኝ በቸርነታችሁም ከሩቅ ጥቀሱኝ ከቀትር ጋኔን ከድንገተኛ መጋኛ ትጠብቁኝ ዘንድ እማፀናለሁ።
፭. አብ ወልድ መንፈስ ቅዱስ ሆይ፥ የምስጋና ፍሬ እንዳፈራና ከአንደበቴም የጸሎት እሸት አበረክትላችሁ ዘንድ በልቡናዬ እርሻ ላይ መልካሙን ፍሬ ትዘሩ ዘንድ እማፀናለሁ።
፮. አብ ወልድ መንፈስ ቅዱስ ሆይ፥ ኃያሉ ስማችሁ የሚጋፉኝን ይጋፋቸው ዘንድ የሚቃወሙኝንም እንዲቃወማቸውና ፈርኦንን በነቢዩ በሙሴ ምክንያት እንዳሰጠመው ያሰጥማቸው ዘንድ በእናንተ እማፀናለሁ።
፯. አብ ወልድ መንፈስ ቅዱስ ሆይ፥ በአርያም ባለው ጽርሐ መንግሥታችሁ እማፀናለሁ ስለ ዕዝራና ሄኖክም ሲባል ገነትን ስለጐበኛችሁ እኔን ባሪያችሁን በቸርነታችሁ ጐብኙኝ።
፰. አብ ወልድ መንፈስ ቅዱስ ሆይ፥ በስማችሁ ብዙ ተአምራትን ያደረገና ኮከበ ክብር የተባለ የሰማዕታት አለቃ በሚሆን በኃያሉ በቅዱስ ጊዮርጊስ ላይ ለመፍረድ በልዳ ሀገር የተሰበሰቡትን ፸ (ሰብዓ) ነገሥታትን ደምስሳችሁ እንዳጠፋችኋቸው የኔንም ጠላቶች ትደመስሱልኝ ዘንድ እማፀናለሁ።
፱. ጠላቶቾ የሆኑ ሁሉ በመለኮታዊ ሰይፍ ይ*ጨ*ፍ*ጨ*ፉ ነበልባላዊ በሚሆን ቃላችሁና ሥልጣናችሁ ይንደዱ ይቃጠሉ በሲኦል የጨለማ አዘቅት ውስጥ ይዝቀጡ ወይም ይስጠሙ ሐዘን ከላያቸው አይራቅ ትካዜም ከልባቸው አይጥፋ።
፲. ጠላቶቼ እኔ ከምድረ ገጽ ላይ እንድጠፋ በፈለጉ ጊዜ እነሱን ራሳቸውን እንደ ቃየልና ይሁዳ በዱርና በበረሃ በታትኗቸውና ሲቅበዘበዙ ይኑሩ።
፲፩. አዳምና ሔዋን ከገነት በመውጣታቸው እንዳለቀሱ ጠላቶቼንም የጨርቅ መቀነቻ አስታጥቋቸውና ሲያለቅሱ ይኑሩ።
፲፪. በኔም ላይ ጥፋትን እንዳያመጡብኝ ጥልቅ በሆነ በእሳት ባሕር አስጥሟቸው።
፲፫. አሁንም እነሆ ጠላቶቼ በእሾህና አሜካላ በተታታ ወጥመድ ውስጥ ይግቡ።
፲፬. ልዩ ሦስት አብ ወልድ መንፈስ ቅዱስ ሆይ፥ ለእኔ ለባሪያችሁ ፍጹም ይቅርታን ታደርጉልኝ ዘንድ እማልዳለሁ።
፲፭. ጠላቶቼ ግን በፊታቸው ከፍርሃት በስተቀር በፍጹም ደስታን አያግኙ።
፲፮. ወንጀለኞች እንደሚታሠሩ እጅ እግራቸውን በእሳት ሠንሠለት እሠሯቸው እንጂ።
፲፯. ዳግመኛም ቀድሞ አዳም ከነ ልጆቹ በሲኦል ጨለማ እንደተከበበ እነሱንም የመከራ ጨለማ ይክበባቸው።
፲፰. ጠላቶቼን በውሾች ማደሪያ አሳድሯቸው የምታስፈራዋን ያችን የእሳት ባሕር አታሻግሯቸው።
፲፱. በእሳት ቀስት (ፍላፃ) ንደፏቸው ልዩ ልዩ ደዌና መቅሠፍት ይታዘዝባቸው የምሕረት ዝናም (ጠል) አይውረድላቸው የሕይወት ቃል አትመልሱላቸው።
፳. ልዩ ሦስት አብ ወልድ መንፈስ ቅዱስ ሆይ፥ ጽንዕት በሆነች መለኮታዊት እጃችሁ ትባርኩኝና መላእክትም ሁሉ በክንፋቸው በእኔ ላይ ይረቡ ዘንድ እማፀናለሁ።
፳፩. ነፍሴ ወይም ሰውነቴ በእናንተ ዘንድ የተጠማች እንዳትሆን ከዐራቱ አፍላጋት በሚፈስ ውሀ አርኳት (አጠጧት)።
፳፪. ነፍሴ ወይም ሰውነቴ በፊታችሁ የተራበች ሆና እንዳትገኝ የሕይወት ኅብስት መግቧት።
፳፫. የነፍስና የሥጋ ገዥ አብ ወልድ መንፈስ ቅዱስ ሆይ፥ የምስጋና ፍሬ አቀርብላችሁ ዘንድ ጾምና ጸሎት ወዳድ እንድታደርጉኝ እማጸናለሁ።
፳፬. ከነቢያትና ከሐዋርያት ጋር መኖሪያዬን በገነት አድርጉልኝ ከዕለት እኪት ከዘመን መንሱት ሠውሩኝ።
፳፭. እኔ በደለኛ የምሆን አገልጋያችሁ . . . ከድንገተኛ ሞት እድን ዘንድ ልዩ ሦስት በሚሆን ስማችሁ እማፀናለሁ ነፍሴንና ሥጋዬንም አደራ አስጠብቃለሁ። በዚያም ጊዜ ምሕረት ይደረግልኝ አሜን።
፳፮. ዳግመኛም በሁሉ ላይ ሥልጣን ባለው በእግዚአብሔር አብ ስም ዕውቀትን በሚገልጽ በልጁ በኢየሱስ ክርስቶስ እና ያዘኑትን በሚያረጋጋ እውነተኛ አዳኝ በሚሆን በመንፈስ ቅዱስ ስም እማፀናለሁ።
፳፯. በአካል ሦስት ሲሆን በመለኮት ግን አንድ አምላክ በሚሆን እማፀናለሁ።
፳፰. በየጊዜውና በየሰዓቱ እንግዳ ለሚሆንና ለማይጠገበው በአብ በወልድ በመንፈስ ቅዱስ ስም ፍቅር እማፀናለሁ።
፳፱. በማይጠፋ በማያረጅና በማያልፍ በአብ በወልድ በመንፈስ ቅዱስ አነዋወር እማፀናለሁ።
፴. ተነግሮ በማያልቅ በአብ በወልድ በመንፈስ ቅዱስ የጌትነት ምስጋና እማፀናለሁ።
፴፩. ዓለሙን ሁሉ ለይኩን ብሎ በአንዲት ቃል በፈጠረ በአብ በወልድ በመንፈስ ቅዱስ አምላካዊ ጥበብ እማፀናለሁ።
፴፪. በግልጽና በሥውር ያለውን ዓለም በሙሉ በአጸና በአብ በወልድ በመንፈስ ቅዱስ አምላካዊ ኃይል እማፀናለሁ።
፴፫. ለመግደልና ለማዳን በሚችል በአብና በወልድ በመንፈስ ቅዱስ አምላካዊ ፍርድ እማፀናለሁ።
፴፬. ከምድረ ገጽ ጸብን ክርክርን በሚሽር በሚያጠፋና በሚደመስስ በአብ በወልድ በመንፈስ ቅዱስ አምላካዊ ቃል እማፀናለሁ።
፴፭. በሚያደኸይና በሚያበለጽግ በአብ በወልድ በመንፈስ ቅዱስ አምላካዊ መንግሥት ወይም ሥልጣን እማፀናለሁ።
፴፮. እጅግ በሚያስፈራና ነፍስና ሥጋን በሚያስደነግጥ በአብ በወልድ በመንፈስ ቅዱስ ግርማ እማፀናለሁ።
፴፯. ከአፉ በሚወጣ የእሳት ሰይፍ የጠላትን ወጥመድ (አሽክላ) የሚቆራርጥ በመለኮት በአብ በወልድ በመንፈስ ቅዱስ እማፀናለሁ።
፴፰. አሌፍ፣ ቤት፣ ጋሜል፣ ዳሌጥ፣ ሄ፣ ዋው፣ ዛይ፣ ሔት፣ ጤት፣ ዮድ፣ ካፍ፣ ላሜድ፣ ሜም፣ ኖን፣ ሳምኬት፣ ዔ፣ ፌ፣ ጻዴ፣ ቆፍ፣ ሬስ፣ ሳን፣ ታው በሚባል (ሉ) በአብ በወልድ በመንፈስ ቅዱስ ስም እያመንኩ አቤቱ አምላኬ ሆይ፥ ልመናዬ ወዳንተ ትቀርብ ዘንድ እማፀናለሁ።
፴፱. የመምጣቱ ዜና በነቢያት አንደበት በተነገረና ከቅድስት ድንግል ማርያም በቤተልሔም በተወለደ ጌታ እማፀናለሁ።
፵. ዳግመኛም በማየ ዮርዳኖስ በተጠመቀውና የጌትነቱ ክብር በደብረ ታቦር በተገለጸው አምላክ እማፀናለሁ።
፵፩. ሀገሩ ኢየሩሳሌም ሰማያዊት ተብላ በምትጠራውና ማደሪያውን በአርያም መሠወሪያውንም የእሳት መጋረጃ ባደረገ በጌታችንና በመድኃኒታችን በኢየሱስ ክርስቶስ እማፀናለሁ።
፵፪. በለበሰው ሥጋ በተሰቀለበት በመካነ ስቅለቱ በቀራንዮ በመካነ መቃብሩ በጎልጎታ ከሙታን ተለይቶ በሦስተኛው ቀን በመነሣቱ በዐርባኛው ቀን ወደ ሰማይ በማረጉና ይህን ዓለም ለማሳለፍ ዳግመኛ በመምጣቱ እማፀናለሁ።
፵፫. ለአዳምና ለልጆቹ ለዘሩም ሁሉ መድኃኒት ይሆን ዘንድ ከሰማይ በወረደ በቅዱስ ሥጋውና በክቡር ደሙ እማፀናለሁ።
፵፬. በዚህ ሁሉ በተጠሩትና ባልተጠሩት አምላካዊና የመማፀኛ ስሞች እናንት ርኵሳን አጋንንት እኵያንና መሠርያን ሰብዓዊ ፍጥረቶች ሁሉ በየጊዜውና በየሰዓቱ የእግዚአብሔር አገልጋዩ ከምሆን ከኔ ዘንድ እንዳትቀርቡ የተወገዛችሁ ሁኑ እስከ ዘለዓለሙ ድረስ አሜን።
፵፭. የአምላካችን የጌታችንና የመድኃኒታችን የኢየሱስ ክርስቶስ አባት እግዚአብሔር አብ ይክበር ይመስገን አሜን።
፵፮. ተቀዳሚ ተከታይ የሌለው የአብ የባሕርይ አንድ ልጁ የሚሆን እግዚአብሔር ወልድም ይክበር ይመስገን አሜን።
፵፯. የአብና የወልድ የባሕርይ ሕይወታቸው የሚሆን እግዚአብሔር መንፈስ ቅዱስም ይክበር ይመስገን አሜን።
፵፰. አብ የባሕርይ አምላክ ነው የጌትነቱም ዙፋን ከወልድ ከመንፈስ ቅዱስ ጋር ትክክል ነው።
፵፱. ወልድ የባሕርይ አምላክ ነው የጌትነቱም ዙፋን ከአብ ከመንፈስ ቅዱስ ጋር ትክክል ነው።
፶. መንፈስ ቅዱስም የባሕርይ አምላክ ነው የጌትነቱ ዙፋንም ከአብ ከወልድ ጋር ትክክል ነው።
፶፩. እንግዲህ በአንድ የጌትነት ዙፋን ላይ የአካል ሦስትነትና የመለኮት አንድነት እንዳለ እናምናለን።
፶፪. ለማይጠቀለል ለሥላሴ አንድነት ምስጋና ይገባል።
፶፫. ለማይከፋፈል ለሥላሴ ሦስትነት ምስጋና ይገባል።
፶፬. የዝርውነት ባሕርይ ለሌለው ለሥላሴ ሐሳብ ምስጋና ይገባል።
፶፭. ለማይመረመር ለሥላሴ አነዋወር ምስጋና ይገባል።
፶፮. ሰማይና ምድር ለማይወስኑት ለአካለ ሥላሴ ምስጋና ይገባል።
፶፯. ተመራምሮ ለማይደረስበት ለሥላሴ ቅድምና ምስጋና ይገባል።
፶፰. ኅልፈት ውላጤ ለሌለበት ለሥላሴ መንግሥት ምስጋና ይገባል።
፶፱. ልዩ ተጨማሪ ስም ለማያስፈልገው (ለማይስማማው) ለሥላሴ ምስጋና ይገባል።
፷. ከፍጹም ሦስትነት ወደ ዐራተኛነት ከፍ ለማይል ፍጹም የስም ሦስትነት ምስጋና ይገባል።
፷፩. ከፍጹም የገጽ ሦስትነት ወደ ሁለተኝነት ገጽ ዝቅ ለማይል የገጽ ሦስትነት ምስጋና ይገባል።
፷፪. ለማይወሰን ለሥላሴ ቸርነት ምስጋና ይገባል።
፷፫. ልዩ ሦስት ለሚሆኑ ለአብ ለወልድ ለመንፈስ ቅዱስ ምስጋና ይገባል።
፷፬. በልዩ የነደ እሳት ነፀብራቅ ለተከበበችና ሁሉ በሁሉ ሙሉ ለሆነች ሥላሴነት ምስጋና ይገባል። ዛሬም ዘወትርም ለዘላለሙ አሜን።

👉 “ለሚያስጨንቁኝ አሳልፈህ አትስጠኝ” መዝ. 118 (119)፥121

Address

Lancaster, PA

Website

Alerts

Be the first to know and let us send you an email when Ermiyas Girma posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Ermiyas Girma:

Shortcuts

Share