Kirat Rai Society Of America Texas Chapter

08/27/2026

🇳🇵 नेपालमा भएको प्राकृतिक विपत्तिप्रति गहिरो दुःख तथा ऐक्यबद्धता l
नेपालमा हालै आएको बाढी, पहिरो लगायतका प्राकृतिक विपत्तिका कारण भएको जनधनको क्षतिले हामी सबै नेपालीलाई अत्यन्त दुःखी र मर्माहत बनाएको छ। यस विषम परिस्थितिमा विपत्तिबाट प्रभावित सम्पूर्ण परिवार तथा समुदायप्रति किरात राई सोसाइटी अफ अमेरिका (KRSA), टेक्सास च्याप्टर गहिरो दुःख, चिन्ता तथा ऐक्यबद्धता व्यक्त गर्दछ।
यस प्राकृतिक विपत्तिका कारण अमूल्य जीवन गुमाउनुहुने सम्पूर्णप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा हार्दिक समवेदना प्रकट गर्दछौँ। बेपत्ता हुनुभएकाहरूको यथाशीघ्र सकुशल उद्धार होस्, घाइतेहरूको शीघ्र स्वास्थ्यलाभ होस् तथा प्रभावित सम्पूर्ण परिवारले आवश्यक राहत र सहयोग प्राप्त गर्न सकून् भन्ने हार्दिक कामना गर्दछौँ।
यस्तो दुःखद् घडीमा नेपाल तथा विश्वका विभिन्न स्थानमा रहनुभएका सम्पूर्ण नेपाली दाजुभाइ तथा दिदीबहिनीहरूलाई एकता, सहकार्य र मानवीय भावनाका साथ विपत्तिमा परेका नेपालीहरूको साथमा उभिन हार्दिक अपिल गर्दछौँ।
हामी सबैको सामूहिक प्रयास, सहयोग र सद्भावले पीडित परिवारलाई केही हदसम्म भए पनि राहत र आशाको अनुभूति गराउन सक्नेछ। त्यसैले आफ्नो क्षमता र सामर्थ्यअनुसार उद्धार, राहत तथा पुनःस्थापनाका कार्यमा सहयोग पुर्‍याउन सम्पूर्णमा विनम्र अनुरोध गर्दछौँ।
प्रदीप राई
अध्यक्ष
किरात राई सोसाइटी अफ अमेरिका (KRSA)
टेक्सास

08/15/2026

🩸 रक्तदान कार्यक्रमको हार्दिक निमन्त्रणा 🩸किरात राई सोसाइटी अफ अमेरिका (KRSA) २२औं स्थापना दिवसको अवसरमा टेक्सास च्याप्टरद्वरा आयोजना गरिएको पाँचौं वार्षिक रक्तदान कार्यक्रममा यहाँहरू सम्पूर्ण महानुभावहरूलाई हार्दिक निमन्त्रणा गर्दछौं।📍 स्थान: नेपाली मन्दिर, युलिस (Nepali Mandir, Euless - 1212 Royal Pkwy, Euless, TX 76040)⏰ समय: बिहान ११:०० बजे देखि दिउँसो ३:०० बजे सम्म🗓️ अपोइन्टमेन्ट बुक गर्नका लागि:रक्तदान गर्न इच्छुक महानुभावहरूले तल दिइएको आधिकारिक लिङ्कमा क्लिक गरेर आफ्नो समय (Appointment) सुरक्षित गर्नुहोला:🔗 greatpartners.org📞 थप जानकारीका लागि सम्पर्क व्यक्तिहरू
972-670-4929 :देलिन्द्र राई
682-553-9202 :ज्योति राज राई
571-274-4262 :दिपेन्द्र राई
469-313-4152 :प्रदिप राई
682-451-8001 :मैना राई
नोट : रक्तदान गर्न आउँदा आफ्नो परिचय पत्र (Driver's License, State ID, वा Passport) साथमा लिएर आउनुहोला।

08/09/2026

🌎🌿 अन्तर्राष्ट्रिय आदिवासी जनजाति दिवसको हार्दिक शुभकामना 🌿🌎
किरात राई सोसाइटी अफ अमेरिका (KRSA) Texas Chapter को तर्फबाट अन्तर्राष्ट्रिय आदिवासी जनजाति दिवसको पावन अवसरमा विश्वभर छरिएर रहनुभएका सम्पूर्ण आदिवासी जनजाति समुदायमा हार्दिक शुभकामना तथा सम्मान व्यक्त गर्दछौँ। 🙏
हाम्रो पहिचान, भाषा, संस्कृति, परम्परा, मौलिक ज्ञान र सभ्यता मानव सभ्यताका अमूल्य सम्पदा हुन्। विविध जाति, भाषा, संस्कृति र परम्पराले हाम्रो समाजलाई अझ समृद्ध र सुन्दर बनाएको छ।
विविधतामा एकता, समानतामा सम्मान र सहअस्तित्वमा समृद्धि भन्ने भावनाका साथ सबै समुदायबीच आपसी सम्मान, सद्भाव, सहकार्य र भाइचाराको सम्बन्ध अझ मजबुत बनाऔँ।
कुनै पनि समुदाय ठूलो वा सानो होइन—सबैको पहिचान, संस्कृति, अधिकार र अस्तित्व समान रूपमा सम्मानित हुनुपर्छ। एक–अर्काको विविधतालाई सम्मान गर्दै हातेमालो गरेर अघि बढ्नु नै समावेशी, शान्तिपूर्ण र समृद्ध समाज निर्माणको आधार हो।
🌿 विविधता हाम्रो पहिचान हो,
सद्भाव हाम्रो शक्ति हो,
एकता हाम्रो साझा भविष्य हो। 🌿
🙏 सम्पूर्ण आदिवासी जनजाति समुदायमा
अन्तर्राष्ट्रिय आदिवासी जनजाति दिवसको हार्दिक मंगलमय शुभकामना!
— किरात राई सोसाइटी अफ अमेरिका (KRSA)
Texas Chapter

07/20/2026

हार्दिक बधाई तथा सफल कार्यकालको शुभकामना!
किरात राई सोसाइटी अफ अमेरिका (KRSA) का वरिष्ठ उपाध्यक्ष, KRSA टेक्सास च्याप्टरका निवर्तमान अध्यक्ष (IPP), तथा नेपाली समाज टेक्सासका उपाध्यक्ष आदरणीय श्री दिलिप राईज्यूलाई अमेरिकास्थित नेपाल आदिवासी जनजाति महासंघ (FIPNA) Texas Chapter को अध्यक्ष जस्तो उच्च, सम्मानित तथा गरिमामय पदमा सर्वसम्मत रूपमा निर्वाचित हुनु भएकोमा हार्दिक बधाई तथा सफल कार्यकालको हार्दिक शुभकामना व्यक्त गर्दछु साथै, किरात राई सोसाइटी अफ अमेरिका (KRSA) का केन्द्रीय सदस्य आदरणीय श्री दीपेन्द्र राईज्यूलाई FIPNA Texas Chapter को कार्यकारी सदस्य पदमा सर्वसम्मत रूपमा मनोनीत हुनु भएकोमा हार्दिक बधाई तथा सफल कार्यकालको हार्दिक शुभकामना व्यक्त गर्दछु।
तपाईंहरू दुवैको सक्षम, समर्पित र दूरदर्शी नेतृत्व तथा सक्रिय भूमिकाले FIPNA Texas Chapter लाई अझ सुदृढ, एकताबद्ध र प्रभावकारी बनाउँदै अमेरिकामा रहेका सम्पूर्ण नेपाली आदिवासी जनजाति समुदायको हक, हित, पहिचान, भाषा, कला, संस्कृति तथा समृद्धिको संरक्षण, प्रवर्द्धन र अधिकार स्थापनामा महत्वपूर्ण योगदान पुर्‍याउनेछ भन्ने पूर्ण विश्वास लिएको छु।
तपाईंहरू दुवैलाई पुनः एकपटक हार्दिक बधाई तथा सफल, उपलब्धिमूलक र गौरवमय कार्यकालको हार्दिक शुभकामना।
प्रदीप राई
अध्यक्ष
किरात राई सोसाइटी अफ अमेरिका (KRSA), टेक्सास च्याप्टर

05/27/2026

भावपूर्ण श्रद्धाञ्जली l

05/27/2026

दिवंगत आत्माप्रति भावपूर्ण श्रद्धाञ्जली l 💐💐

05/19/2026

उभौली साकेला २०२६ डालस टेक्सास l

05/15/2026

किरात राईहरूको महान चाड उभौली साकेला २०२६ को लागि आर्थिक सहयोग गर्नु भएकोमा आदरणीय योगेन्द्र चुदाल ज्यूलाई हार्दिक धन्यवाद तथा आभार व्यक्त गर्दछौं । हजुरको अमूल्य सहयोगले हाम्रो संस्कार, संस्कृति र सामुदायिक एकतालाई अझ मजबुत बनाउन ठूलो योगदान पुगेको छ ।
Dallas Metroplex क्षेत्रमा घर किनबेच, नयाँ home purchase, investment property वा commercial real estate सम्बन्धी भरपर्दो सेवा खोजिरहनु भएको छ भने VASTU Realty का Realtor Yogendra Chudal नेपाली समुदायका विश्वासिलो, इमानदार तथा अनुभवी professional हुनुहुन्छ ।
“Buy • Sell • Invest” सम्बन्धी उत्कृष्ट मार्गदर्शन र friendly सेवाका लागि उहाँसँग निर्धक्क सम्पर्क गर्नुहोला ।
📞 Cell: (469) 473-5002
📧 [email protected]
नेपाली समुदायको आफ्नै भरोसायोग्य Realtor — योगेन्द्र चुदाल ज्यूलाई साथ र समर्थन गरौं । 🙏

05/13/2026