TFA Khmer

08/31/2026

តំណាងអ្នកដឹកជញ្ជូនតាមអ៊ែប គ្រោងជួបចរចាជាមួយក្រុមហ៊ុន និងក្រសួងជាថ្មី
---
តំណាងក្រុមអ្នកដឹកជញ្ជូនតាមថ្នាលបច្ចេកវិទ្យា គ្រោងនឹងជួបចរចាជាមួយតំណាងក្រុមហ៊ុន និងមន្ត្រីក្រសួងការងារ និងបណ្ដុះបណ្ដាល វិជ្ជាជីវៈ នាពេលខាងមុខទៀត ដើម្បីពិភាក្សាលើចំណុចសេសសល់ ដែលមិនទាន់ឯកភាពគ្នា។ គម្រោងជួបគ្នានេះ ក្រោយពីការចរចាអស់ជាច្រើនម៉ោង គឺចាប់ពីម៉ោង២រសៀល រហូតដល់ម៉ោង ៩យប់ កាលពីថ្ងៃទី២៨ ខែសីហា ភាគីក្រុមហ៊ុន នៅមិនទាន់ឯកភាពលើចំណុចស្នើសុំការបញ្ចុះតម្លៃកម្រៃជើងសារ៕
---
#ទូរទស្សន៍អាស៊ីសេរី #កម្ពុជា #អ្នករត់កង់បី #សេដ្ឋកិច្ចក្រៅប្រព័ន្ធ

08/31/2026

ពលរដ្ឋខ្មែរនៅជប៉ុនធ្វើបាតុកម្ម ទាមទារឱ្យលោក ហ៊ុន ម៉ាណែត យកករណីថៃឈ្លានពានកម្ពុជាប្តឹងទៅ ICC និង ICJ
---
ពលរដ្ឋខ្មែរនៅជប៉ុន បានធ្វើបាតុកម្មកាលពីថ្ងៃអាទិត្យដើម្បីរំលឹកខួប១ឆ្នាំ ដែលយោធាថៃឈ្លានពានខ្មែរ។ អ្នកតវ៉ា ក៏បានទាមឲ្យរដ្ឋាភិបាលក្រុងភ្នំពេញប្តឹងថៃទៅតុលាការអន្តរជាតិ និងដោះលែងអ្នកទោសនយោបាយរួមទាំងដោះស្រាយបញ្ហាឆបោកតាមអនឡាញ។

សូមស្តាប់បទសម្ភាសន៍រវាងលោក ថា ថៃ និងប្រធានបណ្តាញយុវជនកម្ពុជាសកលប្រចាំប្រទេសជប៉ុន អ្នកស្រី ម៉ូរី បូរ៉ា ដូចតទៅ៖
---
#ទូរទស្សន៍អាស៊ីសេរី #កម្ពុជា #ថៃ #ជម្លោះព្រំដែន

08/31/2026

រដ្ឋាភិបាល​កម្ពុជា​អំពាវនាវ​ឱ្យ​ដោះស្រាយ​ជម្លោះព្រំដែន​ជាមួយ​ថៃ​តាមច្បាប់​អន្តរជាតិ
---
កម្ពុជា​បាន​អំពាវនាវ​ឱ្យ​មាន​ការអនុវត្ត​ពេញលេញ​នូវ​កិច្ចព្រមព្រៀង​ដែល​មាន​ស្រាប់​ជាមួយ​ថៃ ដើម្បី​ដោះស្រាយ​ជម្លោះព្រំដែន​ដោយ​សន្តិវិធី ខណៈ​ប្រជាពលរដ្ឋ​កម្ពុ​ជាជាង ២​ម៉ឺន​នាក់ ដែល​បាន​ភៀសខ្លួន​ដោយសារ​ជម្លោះ នៅ​មិនទាន់​អាច​វិលត្រឡប់​ទៅ​លំនៅឋាន​របស់​ខ្លួន​វិញ​បាន​។ មន្ត្រី​បក្សប្រឆាំង យល់ថា ការ​អំពាវនាវ​ដដែលៗ​របស់​រដ្ឋាភិបាល​កម្ពុជា មិន​មាន​ប្រយោជន៍​ឡើយ ប្រសិនបើ​គ្មាន​វិធានការ​ទប់ស្កាត់​ជាក់ស្តែង​ទេ​នោះ។

#ទូរទស្សន៍អាស៊ីសេរី #កម្ពុជា #ព្រំដែនខ្មែរថៃ #ហ៊ុនម៉ាណែត

មន្ត្រី​បក្សប្រឆាំង យល់ថា ការ​អំពាវនាវ​ដដែលៗ​របស់​រដ្ឋាភិបាល​កម្ពុជា មិន​មាន​ប្រយោជន៍​ឡើយ ប្រសិនបើ​គ្ម.....

08/31/2026

មាតិកាព័ត៌មានយប់ថ្ងៃច័ន្ទ ទី៣១ ខែសីហា ឆ្នាំ២០២៦
១. អតីតមន្ត្រីជាន់ខ្ពស់ក្រសួងការបរទេសលោក ថូ សំណាង និងបក្ខពួក ២នាក់ លួចទិដ្ឋាការជាង ១ម៉ឺនសន្លឹកលក់ឱ្យក្រុមឆបោកអនឡាញបានលុយប្រមាណ ៣លានដុល្លារ
២. សមាជិកគណបក្សកម្លាំងជាតិ២នាក់ទៀត ត្រូវបានសមត្ថកិច្ចចាប់ខ្លួន
៣. ដំណាំជាច្រើនរបស់ពលរដ្ឋ នៅខេត្តប៉ៃលិន និងស្រុកសំឡូតខេត្តបាត់បង់ រងការបំភ្លេចបំផ្លាញ ដោយសារ ទឹកជន់លិច
៤. យោធាថៃចេញលិខិតតវ៉ា ក្រោយកាសែតបារាំងចុះផ្សាយដោយរំលេចថា «ថៃឈ្លានពានកម្ពុជា»...រួមនឹងព័ត៌មានសំខាន់ៗមួយចំនួនទៀត!

08/31/2026

លោក ថូ សំណាង និងបក្ខពួកលួច​ទិដ្ឋាការ​ជាង ១ម៉ឺនសន្លឹកលក់ឱ្យក្រុមឆបោកអនឡាញ បានលុយ ៣លានដុល្លារលម្អិតនៅយប់ថ្ងៃទី៣១ សីហា

08/31/2026

អាឡិច៖ កាត់បន្ថយក្រសួងអាចជាសញ្ញាវិបត្តិថវិការដ្ឋ
---
ស្ថាបនិកចលនាមាតាធម្មជាតិ លោក អាឡិច ហ្គន់សាឡេស ដេវិតសុន (Alejandro Gonzalez Davidson) មើលឃើញថា ការកាត់បន្ថយចំនួនក្រសួង ឬមន្ត្រីមួយចំនួន អាចជាសញ្ញាបង្ហាញពីវិបត្តិថវិការដ្ឋ និងសម្ពាធសេដ្ឋកិច្ចកាន់តែខ្លាំង។ លោករិះគន់ការដឹកនាំបច្ចុប្បន្នថា កំពុងធ្វើឱ្យប្រទេសប្រឈមបញ្ហាសេដ្ឋកិច្ច បំណុល និងការបាត់បង់ធនធានធម្មជាតិ ខណៈលោកនៅតែដាក់ក្តីសង្ឃឹមលើយុវជនជំនាន់ក្រោយ ថាអាចក្លាយជាកម្លាំងសំខាន់ក្នុងការផ្លាស់ប្តូរសង្គមតាមវិធីអហិង្សា។
---
#ទូរទស្សន៍អាស៊ីសេរី #កម្ពុជា #ហ៊ុនសែន #របបផ្តាច់ការ ​ #ត្រកូលហ៊ុន

08/31/2026

ពលរដ្ឋ​ចាញ់បោក​ក្រុមហ៊ុន​អ្នកស្រី ឡេង ចាន់ណា ថា អ្នកដឹកនាំ​ប្រទេស​មិន​ជំរុញ​ជាក់លាក់​ទេ ទើប​ពុំ​មាន​ដំណោះស្រាយ
---
ពលរដ្ឋ​ចាញ់បោក​ក្រុមហ៊ុន​អ្នកស្រី ឡេង ចាន់ណា ថា ដំណោះស្រាយ​របស់​មេធាវី​រដ្ឋាភិបាល និង តុលាការ​ខេត្តសៀមរាប ៣​ឆ្នាំ​ហើយ បាន​លទ្ធផល ត្រឹមតែ​ពាក្យ «​រង់ចាំ​»​។ សង្គម​ស៊ីវិល​ថា តុលាការ គួរ​កំណត់ពេល​ឱ្យ​បាន​ជាក់លាក់ ក្នុង​ការ​បញ្ចប់​សំណុំរឿង ដើម្បី​ផ្ដល់​ដំណោះស្រាយ​យុត្តិធម៌​ជូន​ជនរងគ្រោះ។

ក្រុម​តំណាង​ពលរដ្ឋ ដែល​ចាញ់បោក​ក្រុមហ៊ុន​អតីត​ឧកញ៉ា ឡេង ចាន់ណា បាន​បន្ទោស​តុលាការ និង​មេធាវី​រដ្ឋាភិបាល​ថា ឆ្លើយ​ដោះសា​ឱ្យ​តែ​រួចខ្លួន​នៅពេល​ពលរដ្ឋ​រងគ្រោះ ទៅ​សួរនាំ​ច្រើនដង អំពី​ដំណើរ​ការ​រក​ដំណោះស្រាយ។

#ទូរទស្សន៍អាស៊ីសេរី #ហ៊ុនម៉ាណែត #ឡេងចាន់ណា #កម្ពុជា #ក្រុមហ៊ុនបោកប្រាស់ #ឡេងណាវ៉ាត្រា

សង្គម​ស៊ីវិល​ថា តុលាការ គួរ​កំណត់ពេល​ឱ្យ​បាន​ជាក់លាក់ ក្នុង​ការ​បញ្ចប់​សំណុំរឿង ដើម្បី​ផ្ដល់​ដំណោះស្រា.....

08/31/2026

អតិថិជន ហួយ​វ័ន​ផេ ចោទ​រដ្ឋាភិបាល​ថា ឃុបឃិត​ជាមួយ​លោក ហ៊ុន តូ កេងប្រវ័ញ្ច​លុយ​ពួកគាត់
---
ក្រុម​អតិថិជន​ក្រុមហ៊ុន ហួយ​វ័ន ផេ (Huione Pay) ចោទប្រកាន់​រដ្ឋាភិបាល​លោក ហ៊ុន ម៉ា​ណែ​ត ថា កំពុង​ឃុបឃិត​ជាមួយ​សាច់ញាតិ និង​បក្សពួក​របស់​ខ្លួន​គឺ​លោក ហ៊ុន តូ ដើម្បី​កេងប្រវ័ញ្ច​លុយ​ញើស​ឈាម​របស់​ពួកគាត់​ដែល​រកបាន​ដោយ​លំបាក។ ជនរងគ្រោះ​ភាគច្រើន​ជា​ជន​ជាតិចិន និង​ខ្មែរ​ក៏បាន​បន្ត​ចេញ​តវ៉ា​ដោយ​សន្តិវិធី​នៅ​ខាងមុខ​ស្ថានទូត​ចិន ដោយ​នាំគ្នា​ស្រែក​ទាមទារ​ឱ្យ​រដ្ឋាភិបាល​គោរព​ច្បាប់ និង​បញ្ឈប់​ការ​គេចវេះ​ដោះស្រាយ​លុយ​ជនរងគ្រោះ​ដែល​លោក ហ៊ុន តូ បាន​បង្កក។

#ទូរទស្សន៍អាស៊ីសេរី #កម្ពុជា #ហ៊ុនម៉ាណែត #ហ៊ុនតូ #ហួយវ័នផេ

08/31/2026

អ្នកឃ្លាំមើល​ថា អំពើពុករលួយ​ជា​ប្រព័ន្ធ​ក្នុង​ស្ថាប័ន​រដ្ឋ​ជាហេតុ​ឲ្យ​មន្ត្រី​ថ្នាក់ក្រោម​ហ៊ាន​បើកដៃ​ឲ្យ​ជនល្មើស​រត់​គេច​ខ្លួន
---
អ្នកឃ្លាំមើល​ថា អំពើពុករលួយ​ជា​ប្រព័ន្ធ​ក្នុង​ស្ថាប័នរដ្ឋ និង​ប្រព័ន្ធ​យុត្តិធម៌ ជាហេតុ​នាំ​ឲ្យ​មន្ត្រី​ថ្នាក់ក្រោម​ហ៊ាន​បើកដៃ​ឲ្យ​ជនល្មើស​រត់គេច​ខ្លួន​បាន​យ៉ាង​ងាយ​។ ការ​លើកឡើង​នេះ គឺ​ក្រោយ​ពេល​សាលាដំបូង​ខេត្តកោះកុង សម្រេច​ឃុំខ្លួន​នគរបាល​៣​នាក់ និង​អ្នកបកប្រែ​ម្នាក់ ដែល​គប់គិត​ឲ្យ​ជនល្មើស​ជា​ជនជាតិ​ចិន​២​នាក់ ពាក់ព័ន្ធ​បទល្មើស​ឆបោក​តាម​អនឡាញ (Online Scams ) លួច​រត់​ចេញពី​ស្នងការដ្ឋាន​នគរបាល​ខេត្តកោះកុង។

#ទូរទស្សន៍អាស៊ីសេរី #កម្ពុជា #ឆបោកតាមអនឡាញ #ចិន

ការ​លើកឡើង​នេះ គឺ​ក្រោយ​ពេល​សាលាដំបូង​ខេត្តកោះកុង សម្រេច​ឃុំខ្លួន​នគរបាល​៣​នាក់ និង​អ្នកបកប្រែ​ម្នាក់ .....

08/30/2026

ហេតុអ្វីបានជារដ្ឋាភិបាលមិនបង្រួមក្រសួង និងស្ថាប័នរដ្ឋ?
---
លោក សេង វណ្ណលី លើកឡើងថា កម្ពុជាមានរចនាសម្ព័ន្ធរដ្ឋាភិបាល «ខ្លួនតូច ក្បាលធំ» បើធៀបនឹងចំនួនប្រជាជនប្រមាណ ១៧ លាននាក់ ដោយមានក្រសួង ស្ថាប័ន និងតំណែងមន្ត្រីជាច្រើន។ ការលើកឡើងនេះ ធ្វើឡើង ខណៈលោក ហ៊ុន ម៉ាណែត បញ្ជាក់ថា រដ្ឋាភិបាលលោកមិនមានផែនការកាត់បន្ថយ ឬបង្រួមក្រសួង និងស្ថាប័នរដ្ឋទេ ដោយសារកម្ពុជាមានបរិបទ និងស្ថានភាពខុសពីប្រទេសដទៃ។
---
#ទូរទស្សន៍អាស៊ីសេរី #កម្ពុជា #នយោបាយ