https://www.facebook.com/102254488713124/

Myanmar Poverty Relief, Fort Wayne, IN (2026)

12/06/2025

(၁။ ၁၉၅၈ မှာနေဝင်းကအာဏာသိမ်းပြီး ၁၉၆၀ မှာရွေးကောက်ပွဲလုပ်ပေးတယ်။ ဦးနုရဲ့ ပထစနိုင်တယ်။ ၁၉၆၂ မှာ အာဏာပြန်သိမ်းတယ်။
၂။ ၁၉၈၈ မှာအာဏာသိမ်းတယ်၊ ၁၉၉၀ မှာ ရွေးကောက်ပွဲလုပ်တယ်၊ NLD နိုင်တယ်။ ၁၉၉၃ မှာ အာဏာလွဲလို့မရဘူးဖွဲ့စည်းပုံဆွဲရဦးမယ်ဆိုပြီး အာဏာဆက်သိမ်းတယ်။
၃။ 2020မှာရွေးကောက်ပွဲလုပ်တယ်၊ NLD အနိုင်ရတယ်။ 2021မှာအာဏာပြန်သိမ်းတယ် ။
၄။ အခု ၂၀၂၅ မှာ ရွေးကောက်ပွဲလုပ်ဦးမယ်ဆိုတော့ ????????????????????????
နှစ်ပေါင်း(၇၀)လိမ်ခဲ့ကြတာကိုထပ်လိမ်ချင်ကြသေးတယ်။ရွေးကောက်ပွဲသခင်စိုး စကားငှားပြောရင် ဖါခေါင်းအိမ်ကဖါရောင်းနေတဲ့ရွေးကောက်ပွဲပဲ ..

CRD …

12/06/2025

ငါ့နေရာရောက်ရင်
မင်း စာနာလာမှာပါဆိုတဲ့
စကားလေးပဲ သုံးဖြစ်တော့တယ်
အခုချိန်
ဘယ်လောက်နာကျင်နေရတာပါလို့
ပြောနေလို့လဲ
ရီစရာပဲ ဖြစ်နေမှာ။
သူတို့မှ မခံစားဖူးသေးတာ။

SSY

07/24/2025

မြန်မာစစ်ကောင်စီကို ပြင်းထန်စွာ ပိတ်ဆို့အရေး
ယူမည့် ဥပဒေကြမ်း(၃)ခုကို အမေရိကန် လွှတ်
တော်ကော်မတီများက အတည်ပြု ။

ရန်ကုန်၊ ဇူလိုင် ၂၃

အမေရိကန်စံတော်ချိန် ဇူလိုင်(၂၂) ရက်နေ့
(မြန်မာစံတော်ချိန် ဇူလိုင်လ ၂၃ ရက်နေ့)တွင်
တစ်နေ့တည်း အတည်ပြုလိုက်ခြင်းဖြစ်သည်။

လက်ရှိ အမေရိကန်၏ ဒဏ်ခတ်ပိတ်ဆို့မှုများ
အပြင် မြန်မာစစ်ကောင်စီကို ထပ်မံ၍ ပစ်မှတ်
ထား ဦးတည်ပိတ်ဆို့အရေးယူမည့် ...

- - - မြန်မာစစ်ကောင်စီထံ ဘဏ္ဍာရန်ပုံငွေ
မရောက်ရှိရေး ဥပဒေကြမ်း(No Funds for
Burma Act -H.R.4423) ၊

- - - မြန်မာစစ်တပ်နှင့်ဆက်နွယ်နေသော စီးပွား
ရေးလုပ်ငန်းများကို ပိတ်ဆို့အရေးယူမည့် ဥပဒေ
ကြမ်း(BRAVE Burma Act -H.R.3190) ၊

- - - မြန်မာနိုင်ငံအတွင်း လူမျိုးတုံးသတ်ဖြတ်မှု
များနှင့် စစ်ရာဇဝတ်မှုများအတွက် မြန်မာစစ်တပ်
ကိုဒဏ်ခတ်မည့် ဥပဒေကြမ်း (Burma Genocide
Accountability and Protection Act)
တို့ကို အမေရိကန် ၊အောက်လွှတ်တော်ရေးရာ
ကော်မတီများက အတည်ပြုလိုက်ခြင်းဖြစ်သည် ။

အဆိုပါ ဥပဒေကြမ်း(၃)ခုသည် ဥပဒေအဖြစ် အ
သက်ဝင်လာရေးအတွက် အောက်လွှတ်တော်နှင့်
အထက်လွှတ်တော်တွင် ဆက်လက်တင်သွင်း ဆုံး
ဖြတ်အတည်ပြုရမည်ဖြစ်ပြီး လွှတ်တော်ရေးရာ
ကော်မတီများက ကန့်ကွက်သူမရှိဘဲ အတည်ပြု
ပြီးဖြစ်၍ ဥပဒေအဖြစ်အသက်ဝင်ရန် အလား
အလာအများဆုံးဖြစ်နေသည်ဟု သိရှိရသည် ။

အမေရိကန်လွှတ်တော်က မြန်မာပြည်သူများကို
ထောက်ခံအားပေးပြီး မြန်မာပြည်သူများ၏ ဒီမို
ကရေစီအရေး ၊တရားမျှတမှုရရှိရေး ၊လူသားချင်း
စာနာမှုနှင့် စစ်အုပ်စုလက်အောက်မှလွတ်မြောက်
ရေးတိုက်ပွဲဝင်နေသော မြန်မာပြည်သူများအတွက် တညီတညွတ်တည်း ရပ်တည်လျက်ရှိနေသည်ကို
ဆက်လက်ပြသနေသည်ဟု မြန်မာ့အရေးကျွမ်း
ကျင်သူတချို့က သုံးသပ်သည် ။

BRAVE Burma Act (H.R.3190)သည် စစ်ကောင်
စီနှင့် ဆက်စပ်နေသော နိုင်ငံပိုင်လုပ်ငန်းများ ၊မြန်
မာ့စီးပွားရေးဘဏ်နှင့် လေယာဉ်ဆီထောက်ပံ့သူ
နိုင်ငံခြားကုမ္ပဏီများကို ပိတ်ဆို့မှုများတိုးမြှင့်ခြင်း ၊
စစ်တပ်မှ အာဏာသိမ်းထားသမျှကာလပတ်လုံး
မြန်မာနိုင်ငံ၏ IMF(နိုင်ငံတကာ ငွေကြေးဆိုင်ရာ
အရင်းအမြစ်ရုံး) မဲပေးပိုင်ခွင့်တိုးမြှင့်မှုကို တားဆီး
ခြင်းနှင့် စစ်ကောင်စီ၏ စီးပွားရေးပံ့ပိုးသူများအ
ပေါ် အမေရိကန်မှ ဖိအားမြှင့်တင်ခြင်းတို့ ပါဝင်
ကြောင်း သိရှိရသည် ။

Burma Genocide Accountability and Protection
Act (Burma GAP Act)သည် ရိုဟင်ဂျာဒုက္ခသည်များ
နှင့် နိုင်ငံတွင်း နေရပ်စွန့်ခွာရွှေ့ပြောင်းနေထိုင်သူ ဒုက္ခ
သည်များအတွက် လူသားချင်းစာနာထောက်ထားမှု
အကူအညီများပေးခြင်း ၊လူမျိုးတုံးသတ်ဖြတ်မှုနှင့်
ရာဇဝတ်မှုများအတွက် တရားမျှတမှုနှင့် ပြစ်ဒဏ်ပေး
မှုဆောင်ရွက်ခြင်း ၊ရိုဟင်ဂျာအပါအဝင် လူမျိုးစုအား
လုံးပါဝင်သည့် ဖက်ဒရယ်ဒီမိုကရေစီ အသွင်ကူး
ပြောင်းရေးကိုပံ့ပိုးခြင်းတို့ ပါဝင်သည်ဟုသိရှိရသည် ။

No Funds for Burma Act (H.R.4423)မှာမူ စစ်
ကောင်စီကို ကမ္ဘာ့ဘဏ်မှ ငွေကြေးထောက်ပံ့မှုအသစ်
ပိတ်ပင်ခြင်း ၊နိုင်ငံတကာ ငွေကြေးအဖွဲ့အစည်းများမှ
စစ်ကောင်စီသို့ ငွေလွှဲပြောင်းမှုများကို ပိတ်ဆို့အရေး
ယူခြင်း တို့ပါဝင်သည် ။

Crd : Khit Thit Media .

06/26/2025

ကျွန်မက ၁၉၆၆ ဖွားမို့၊ ဒါတွေကိုမှီလိုက်တဲ့ ရှေ့မှီနောက်မှီိသူတယောက်မို့ အဲဒါတွေဟာ တကယ့်အမှန်တရားတွေလို့ပြောလို့ရပါတယ်

၁၉၃၀ မှ ၁၉၈၀ ကာလ တွင်မွေးဖွားသောသူများ၊ (မြေးလုပ်သူက အဖိုးကိုမေးတယ်) -

အဖိုးတို့လက်ထက်တုန်းက..
- ကွန်ပျူတာလည်း မရှိ
- ဒရုဏ်းလည်း မရှိ
- Bitcoin လည်း မရှိ
- အင်တာနက်/ဝိုင်ဖိုင်လည်း မရှိ
- တီဗီလည်း မရှိ
- အဲကွန်းလည်း မရှိ
- ဟန်းဖုန်းလည် မရှိ
ဘယ်လိုများ အချိန်တွေကုန်အောင်နေခဲ့ကြလဲ။
ပျင်းစရာကြီး။

အဖိုးလုပ်သူကလည်း ပြန်ပြောတယ် -

မြေးတို့ ခုခေတ်အသက်ရှင်နေကြတာ
- ဂရုဏာ မရှိ
- ကိုင်းရှိုင်းမှု မရှိ
- လေးစားမှု မရှိ
- အကျင့်စရိုက်ကောင်း မရှိ
- ပညာရေး အေလးမထား
- လူ့ကျင့်ဝတ် မရှိ
- ကြင်နာညှာတာမှု မရှိ
- အရှက်တရား မရှိ
- ကျိုးနွံမှု မရှိ
- ရိုးသားမှု မရှိ
- သစ်စာတရား မရှိ
ဘယ်လိုများ နေထိုင်ကြသလဲ။

တကယ်တော့
၁၉၃၀ ကနေ ၁၉၈၀ ကြား မွေးဖွါးသူတွေကမှ
အကောင်းဆုံးဘဝကို ပိုင်ဆိုင်ထားကြတာပါ။

*စက်ဘီးစီးဆော့ကစားကြတာ
ဘယ်သူမှ helmetဦးထုပ်မဆောင်းဘူး
*ကျောင်းဆင်းလို့ အိမ်စာလုပ်ပြီးရင်
လမ်းပေါ်မှာကစားကြတာ နေဝင်တဲ့အထိပဲ။
*တကယ့်သူငယ်ချင်းတွေနဲ့ပဲ ကစားတာ
အွန်လိုင်းက မမြင်ရတဲ့သူငယ်ချင်းတွေ မဟုတ်ဘူး။
*ရေငတ်တဲ့အခါ ဘုံဘိုင်ရေ စမ်းရေ
အကုန်သောက်တယ်၊ ရေသန့်ဘူး မလိုဘူး။
*ဇွန်းအတူတူ ပန်းကန်အတူတူ ရေခွက်အတူတူ
သူငယ်ချင်းတွေ မျှသုံးခဲ့ကြတာ၊
ဘယ်သူမှ ဖျားတယ် နာတယ် ရောဂါကူးတယ် မရှိဘူး။
*နေ့တိုင်း ထမင်းအဝစားတယ် ပေါင်မုန့်အဝစားတယ်၊
အဝလွန်တယ် ဆိုတာ မရှိခဲ့ပါဘူး။
*ဖိနပ်မပါခြေဗလာနဲ့ ပြေးလွှားကြတာပဲ၊
ဘာဖြစ်တယ် ညာဖြစ်တယ် မကြားဖူးပေါင်။
*ကျန်းမာဖို့ ဖြည့်စွက်စာ မစားခဲ့ဖူးဘူး။
*ကိုယ့်အရုပ် ကိုယ်လုပ် ကစားခဲ့ကြတယ်။
*မိဘတှေက ငွေကြေး မချမ်းသာကြဘူး၊
ဒါပေမဲ့ မေတ္တာချမ်းသာကြတယ်။
*ဆဲလ်ဖုန်း ဒီဗီဒီ Play station, Xbox, Video game,
အင်တာနက် ကွန်ပျူတာတွေ မရှိဘူး
သူငယ်ချင်းအစစ်တွေပဲ ရှိတယ်။
*မဖိတ်လည်း သူငယ်ချင်းအိမ် သွားလည်လို့ ရတယ်၊
သူငယ်ချင်းအိမ်မှာ ဆော့လို့ရတယ်၊ စားလို့ရတယ်၊
ညအိပ်လို့ရတယ်။
*အဖြူအမည်းဓါတ်ပုံပဲ ရှိခဲ့ပေမဲ့
ဓါတ်ပုံထဲက အတိတ်တွေက အရောင်စုံလှတယ်။
*သူငယ်ချင်းတွေက တယောက်နဲ့တယောက်
စည်းလုံးကြတယ်၊ နားလည်မှုရှိကြတယ်။
ဘာလို့လဲ ဆိုတော့ မိဖဆိုဆုံးမမှုကို နားထောင်ခဲ့တဲ့
နောက်ဆုံးမျိုးဆက်တွေမို့ပါ။

ထပ်ပြောရမယ်ဆိုရင် အဲဒီမျိုးဆက်တွေက
သားသမီးတွေရဲ့တုန့်ပြန်စကား/ရင်ဖွင့်သံကို
ပထမဆုံးနားထောင်ခဲ့တဲ့ မိဘတွေပါဘဲ။

တကယ်တော့ ငါတို့ဟာ မိဘစကားကိုနားထောင်သည့်နောက်
ဆုံးမျိုးဆက်ဖြစ်ခဲ့ပါတယ်။

to original writer

06/21/2025

မြင်ရတာစိတ်အတော်မချမ်းသာစရာ 😢

05/12/2025

"လူ့တန်ဖိုး"💚
;;;;;;;;;;;;;;;;;;;;;;;;;;;;;;;;;;;;;;;;;;;;;;;

ပညာတွေတတ်ပြီး
အကောင်းအဆိုးကို မခွဲခြားနိုင်ရင်
အလကားပါပဲ

ငွေကြေးချမ်းသာပြီး
အတ္တတွေကြီးကာ ကိုယ့်အိတ်ထဲပဲထည့်ဖို့
ကြိုးစားနေရင်လည်း အလကားပါပဲ

အတွေးအခေါ် ဘယ်လောက်မြင့်မြင့်
စာနာနားလည်ပေးတတ်တဲ့ နှလုံံးသားမရှိရင် အလကားပါပဲ။

ရုပ်ရည် ဘယ်လောက်ချောချော
လူတစ်ယောက်ကို လူလို့မမြင်တတ်ရင်
အလကားပါပဲ။

အသိပညာ ဘယ်လောက်ရှိရှိ
တစ်ခြားသူပြောတဲ့စကားကိုတန်ဖိုးမထားတတ်ရင်
အလကားပါပဲ။

အလုပ်တွေဘယ်လောက်ပဲကြိုးစားကြိုးစား
ရိုးသားမှု မရှိရင် အလကားပါပဲ။

ဘယ်လောက်ပဲ တော်နေပါစေ
ကိုယ်ချင်းစာစိတ်မရှိရင် အလကားပါပဲ။

ဘယ်လောက်ပဲ လူကောင်းတစ်ယောက်လို ကြွေးကြော်နေပါစေ
သူများမျက်ရည်ပါတဲ့ ထမင်းကိုစားနေရင် အလကားပါပဲ။

အမှန်တရားကို
ဘယ်လောက်ပဲလက်ခံတယ်ပြောပြော
ကိုယ်မှားနေတာကို ထောက်ပြဆွေးနွေးတာ
မကြိုက်ရင် အလကားပါပဲ။

တကယ်တော့
လူ့တန်ဖိုးဆိုတာ ထက်မြက်တဲ့
ခေါင်း မဟုတ်ပါဘူး။

တခြားသူတွေအပေါ်
ကြင်နာတတ်တဲ့ နှလုံးသား....

ဂရုစိုက်နားထောင်ပေးတတ်တဲ့
စာနာတတ်တဲ့ နား.....

ပေးကမ်းကူညီတတ်တဲ့
လက်တစ်စုံ......

အကောင်းမြင်တတ်ပြီး
အမြင်ကြည်လင်တဲ့ မျက်စိနဲ့.....

အပြောချိုပြီး
မုသားနည်းတဲ့ ပါးစပ်တို့ပဲ ဖြစ်ပါတယ်။

ဘာလို့လဲဆိုတော့.....

လူတော်တွေ ဘယ်လောက်များများ
လူကောင်းဆိုတာ မရှိခဲ့ရင်
အမှန်တရားတွေ ပျောက်ကွယ်လာပြီး
လူ့ပတ်ဝန်းကျင်လည်း ငြိမ်းချမ်းမှု သာယာမှုတွေ ပျောက်ဆုံးလာပါလိမ့်မယ်။

#ဘဝအတွတ်စာဖတ်ပါ
#လေးစားစွာဖြင့်_ပြန်လည်မျှဝေပါသည်

05/10/2025

အမျိုးသမီးများသတိထားကြပါ။ ဖြစ်သွားပြီးမှဆို မလွယ်ဘူး မိန်းကလေးများ သထိထားရန်ကူးယူတင်ပြလိုက်သည်။

အမျိုးသမီး တစ်ဦးက ဓာတ်ဆီဆိုင်မှာ ဓာတ်ဆီ ဖြည့်နေတုန်း သပ်သပ် ရပ်ရပ်၀တ်စား ထားတဲ့ ယောက်ျားတစ်ဦးက သူ့ကိုယ်သူ ကုမ္ပဏီ အရောင်း ကိုယ်စားလှယ် အဖြစ်နဲ့ သူမကို ရည်ရည်မွန်မွန် မိတ်ဆက်ရင်း ပစ္စည်းဝယ်ဖို့ လိုအပ်ရင် ဆက်သွယ်ဖို့ လိပ်စာကဒ်ကို ပေးခဲ့တယ်။

သူမကလဲ သဘောရိုးနဲ့လို့ ထင်မှတ်ပြီး ယဉ်ကျေးမှု အနေနဲ့ လိပ်စာကဒ်ကို လက်ခံပြီး ကားပေါ်ပြန်တက်လို့ မောင်းထွက် ခဲ့တယ်။

တချိန်တည်းမှာပဲ အဲဒီယောက်ျားဟာ တခြားလူရည်သန့်ယောက်ျား တစ်ဦးမောင်းတဲ့ ကားပေါ် တက်သွားပါတယ်။

ဓာတ်ဆီဆိုင်ထဲကနေ ကားမောင်း ထွက်လာတဲ့ သူမဟာ သူမရဲ့ ကားနောက် ကနေ စောစောက ယောက်ျားက တချိန်တည်းမှာပဲ နောက်ယောင်ခံ ကားမောင်း လိုက်လာတာကို နောက်ကြည့်မှန်က တဆင့် မြင်လိုက်တယ်။

အဲဒီအချိန်မှာပဲ သူမဟာ တအားခေါင်းကိုက်လာပြီး အသက်ရှူလို့ မရဖြစ်လာခဲ့တယ်။

သူမဟာ ကားပြတင်းပေါက်ကို ဖွင့်ဖို့ ကြိုးစားရင်းနဲ့ အနံ့ဟာ သူမရဲ့ လက်ကလာတာ ဖြစ်ကြောင်း သတိထားမိ လိုက်တယ်။

စောစောက ယောက်ျား လှမ်းပေးတဲ့ ကဒ်ကိုလက်ခံ ကိုင်မိတဲ့ လက်ဆီက လာတဲ့အနံ့ပါ။

ရုတ်တရက် ပတ်၀န်းကျင်ကို ပြန်ငဲ့ ကြည့်မိတဲ့အခါ ကဒ်ပေးတဲ့ ယောက်ျားရဲ့ကားက သူမကားရဲ့နောက် တည့်တည့် ရောက်နေပါပြီ။

ဒါနဲ့ လူနဲ့ကား စည်ကားရာဆီကို သွားတဲ့ ကားလမ်းကြောကို အမြန်ဆုံး ရွေးမောင်းရင်း ကားဟွန်းကို ထပ်ခါ တလဲလဲ နှိပ်နေခဲ့ ရတယ်။ သူမရဲ့ ကားကို လူတွေ သတိထားမိပြီး အကူအညီ ရလိုရငြားပေါ့။

အဲဒီတော့မှ သူမရဲ့ ကားနောက်က လိုက်နေတဲ့ ယောက်ျားတွေရဲ့ ကားက တခြားကိုမောင်းပြေး ပါတော့တယ်။

သူတို့ရန်က လွတ်ခဲ့ပေမယ့် သူမ ကတော့ မိနစ် တော်တော်ကြာကြာ ခေါင်းမူးခေါင်းကိုက် ဖြစ်ပြီးနောက် ကားပြူ တင်းပေါက်တွေက တိုး၀င်လာတဲ့ လေတွေကြောင့် အသက် ပြန်ရှူနိုင် ခဲ့ပါတယ်။ လိပ်စာကဒ် ပေါ်မှာ ဘာပါလဲ သိလား…။

လူတဖက်သား ဆီက တခုခု ခိုးယူဖို့ ဒါမှမဟုတ် အဲဒီလူဆီက တစုံတခု အမြတ်ထုတ်ဖို့ ကြိုးစားရာမှာ သူတို့ ရည်ရွယ်ထားတဲ့ သားကောင် သို့မဟုတ် အနစ်နာ ခံရမယ့် သူက ဘာမှ ပြန်မတုံ့ပြန် နိုင်အောင် မသမာ သူတွေက ‘BURUNDANGA’ လို့ခေါ်တဲ့ ဆေးကို သုံးတတ်ကြတယ်။

အဲဒီဆေး ဟာ မုဒိမ်းကောင်တွေက မိန်းကလေးတွေကို မကျူးလွန်မီ မိန်းကလေးတွေ ထွက်မပြေးနိုင်၊ မလှုပ်ရှားနိုင်အောင် ကျွေးလေ့ရှိတဲ့ ဆေးထက် လေးဆပို ပြင်းပါတယ်။
ပိုဆိုးတာက ဒီဆေးက ပါးစပ်ထဲ ၀င်အောင် ခတ်စရာ မလိုပဲ လိပ်စာကဒ်လို ရိုးရှင်းတဲ့ စာရွက် အပိုင်းအစ တစ်ခုကနေ အနံ့အဖြစ်နဲ့ ကူးလွယ်၊ အသုံးချရ လွယ်ကူနေပါတယ်။
ဒီလို လုပ်ရပ်မျိုးထဲမှာ ကိုယ့် အိမ်တံခါး လာခေါက်ပြီး သတင်းစာ ဝေတာ၊လက်ကမ်း ကြော်ငြာစာရွက် ဝေပေးတာ၊ လူရှင်းပြီး ချောင်ကျတဲ့ စားသောက်ဆိုင်တွေမှာ tissue box လာချတာက စလို့ ပုံစံ မျိုးစုံနဲ့ချဉ်းကပ်လာနိုင်တာတွေ အများကြီး ရှိပါတယ်။
ကျေးဇူးပြုပြီး ဒီသတင်းကို သင် အလေးထား ဂရုစိုက်သူ တွေဆီကို လက်ဆင့် ကမ်းပေးပါ။ မသမာသူတွေရဲ့ မာယာကျော့ကွင်းတွေကို အပြစ်မဲ့သူတွေ ရှောင်ရှားနိုင်ကြပါစေ။

Credit – ပျိုမေတို့သိစေဖို့ မှ ပြန်လည်မျှဝေပါသည်။

(ပုံကတော့ ကျော်မသွားအောင် ပါရှင့် )

04/19/2025

ချာလီ ချက်ပလင် အသက် 88နှစ်အထိနေသွားခဲ့တယ်

ဘဝနဲ့ပတ်သက်လို့ စကားလေးခွန်းကို
ဘဝအတွက်လက်တွေ့ အသုံးချဖို့ထားခဲ့တယ်

1. #ဒီကမ္ဘာကြီးထဲမှာ
#ဘယ်အရာမှ_အစဉ်ထာဝရ_မတည်မြဲပါဘူး
#ငါတို့ရဲ့ပြသာနာတွေအပါအဝင်ပေါ့

2. #ငါဟာမိုးရေတွေထဲမှာ လမ်းလျှောက်ရတာကြိုက်တယ် အဲဒါမှလူတွေက #ငါ့ရဲ့မျက်ရည်တွေကိုမမြင်နိုင်မှာပေါ့

3. #ဘဝမှာတန်ဖိုးအမဲ့ဆုံးနေ့ရက်တွေဆိုတာ
#ငါတို့အားရပါးရ_မရီနိုင်တဲ့နေ့ရက်တွေပေါ့

4. ကမ္ဘာပေါ်က အကောင်းဆုံးဆရာဝန် 6ယောက်
1)နေရောင်ခြည်
2)အနားယူခြင်း
3)အားကစားလုပ်ခြင်း
4)အစားအသောက်ဆင်ခြင်ခြင်း
5)ကိုယ့်ရဲ့တန်ဖိုးကို ကိုယ်တိုင်သိခြင်း
6)သူငယ်ချင်းမိတ်ဆွေ

အဲဒီအရာတွေသာ မင်းဘဝအသက်ရှင်နေသရွေ့
မင့်အသုံးချတတ်မယ်ဆိုရင် မင်းဘဝဟာ
ကျန်းမာပျော်ရွှင်ပြီး အရာရာကိုမေ့လျှော့သွားမှာပါ

-မင်းဟာဖိုးလမင်းကြီးကိုကြည့်ရင် လမင်းကြီးရဲ့
လှပတဲ့အလှတရားနဲ့ သူရဲ့အေးချမ်းမှု့ကို ခံစားရမှာပါ

-မင်းဟာနေမင်းကြီးကိုကြည့်ရင် နေမင်းကြီးရဲ့
ရဲရင့်တဲ့သတ္တိနဲ့ တောက်ပတဲ့သူ့ရဲ့စွမ်းအင်တွေကိုရလိုက်သလို ခံစားရမှာပါ

မင်းဟာမှန်ကိုကြည့်ရင် ကြည်လင်တဲ့သူ့ရဲ့ရောင်ပြန်ဟတ်မှု့နဲ့
မှန်ကန်တဲ့တုန့်ပြန်မှု့ကို ခံစားရမှာပါ

ယုံကြည်လိုက်စမ်းပါ
အားလုံးသောငါတို့တစ်တွေဟာ ခရီးသွားတွေပါပဲ

ဘဝဆိုတဲ့ခရီးလမ်းမှာ
#ဒီနေ့အတွက်အကောင်းဆုံး_လျှောက်လှမ်းလိုက်စမ်းပါ

မနက်ဖြန်ဆိုတာ
ရှိလားမရှိဘူးလားဆိုတာ ဘယ်သူမှမသိပါဘူး😌
ငလျှင်ကြောင့်လမ်းပေါ်ထွက်နေကြ /ထွက်အိပ်ကြရတဲ့
Mdy သူ/သားတို့ရေ
မိုးလေပြင်းတွေကြား
ကြံ့ကြံ့ခံ ဖြတ်ကျော်နိူင်ကြပါစေရှင်

May

Credit... Original Uploader

04/10/2025

- သူတို့ကပြိုမကျသေးဘူး -

သေမှုသေခင်းထဲ
ကိုယ့်နာမည်မပါသေးသရွေ့
ကိုယ်တို့ဟာ
ကုန်းပေါ်မှာ အသက်ရှူနေရတဲ့
အကြေးခွံမဲ့ ငါးတွေပါပဲ
အချစ်ရယ် သူတို့ကပြိုမကျသေးဘူး
ကိုယ်တို့က ပိနေပြီ။

ကျည်ဆန်ခွံနဲ့တည်တဲ့ ဘုရားကိုကြောက်ရ
အလှူငွေနဲ့တည်တဲ့ ဘုရားကိုကြောက်ရနဲ့
ကိုယ်တို့ဟာ
သာမန် လှည်းကျင်းခံရတဲ့
မီးရှို့ခါနီး သစ်ရွက်တွေပါပဲ
အချစ်ရယ် သူတို့ကပြိုမကျသေးဘူး
ကိုယ်တို့က ပိနေပြီ။

တံခါးတွေအားလုံးပိတ်သွားလေ
ကမ္ဘာကြီးက ကိုယ်တို့ကို ပိုစိုးရိမ်လာလေ
ကိုယ်တို့ဟာ
မီးတောင်ချော်ရည်တွေကိုစောင့်နေရတဲ့
ခေတ်သစ်ပွန်ပေမြို့သားတွေပါပဲ
အချစ်ရယ် သူတို့ကပြိုမကျသေးဘူး
ကိုယ်တို့က ပိနေပြီ။

အကောင်းတွေက မရှိတော့ဘူး
အလောင်းတွေပဲ ရှိတော့တယ်
ကိုယ်တို့ဟာ
လူသားစစ်ကြောင်း
ငရဲမီးနဲ့ အစမ်းသပ်ခံရသူတွေပါပဲ
အချစ်ရယ် သူတို့ကပြိုမကျသေးဘူး
ကိုယ်တို့က ပိနေပြီ။

အချစ်ရယ် သူတို့ကပြိုမကျသေးဘူး
ကိုယ်တို့က ပိနေပြီ
အချစ်ရယ် သူတို့ကပြိုမကျသေးဘူး
ကိုယ်တို့က ပိနေပြီ။ ။

◾️အန်နိုလာ
19 March 2025

03/19/2025

အဆုံးထိပျက်စီးတော့မယ့် လူတစ်ယောက်ကို
ဘယ်သူမှ ကယ်တင်ပေးလို့ မရပါဘူး။

သူဟာ အမှားတွေကို မှားမှန်းမသိ၊ မှားမှန်းလက်မခံ၊
ရပ်သင့်တဲ့အချိန်မှာလည်း မရပ်၊ အမှားတွေ ဆက်လုပ်ပြီး
အရာရာ သူများတွေအပေါ် အပြစ်တင်တတ်ပါတယ်။
ကောင်းစေချင်လို့ ပြောတဲ့သူတွေကို မုန်းတီးတယ်။
မှန်စေချင်လို့ ဆုံးမတဲ့သူတွေကို ရန်သူလုပ်တယ်။

အဆုံးထိ ဆိုးယုတ်တော့ဖို့၊ မှားယွင်းတော့ဖို့အတွက်
ဘေးနားကလူကောင်းတွေ ထွက်သွားပေးရတယ်။
စစ်မှန်စွာချစ်ပေးတဲ့သူတွေ နှုတ်ဆက်ပေးရတယ်။
အထိန်းအကွပ်ဖြစ်စေတဲ့သူတွေ ရှောင်ခွါပေးရတယ်။

လမ်းမှားကို ညွှန်ပြမယ့်သူတွေပဲ ကျန်ခဲ့တယ်။
အတူတူ ဆိုးယုတ်မယ့်သူတွေပဲ ကျန်ခဲ့တယ်။
အဲ့ဒါဟာ အမေ၊ အဖေလည်း ဖြစ်နိုင်တယ်။
မောင်နှမ၊ ဆွေမျိုး၊ သူငယ်ချင်းလည်း ဖြစ်နိုင်တယ်။
အတူတူပျက်စီးကြမယ့်သူတွေပေါ့။

အမှားကို မှားမှန်းမသိခြင်းရဲ့ အဆုံးသတ်၊
မကောင်းတာတွေ ဆက်လုပ်နေခြင်းရဲ့ အဆုံးသတ်၊
လူကောင်းလူမှန်တွေကို အဝေးရောက်စေတဲ့ အဆုံးသတ်ဟာ
ပျက်စီးခြင်း၊ ရှုံးနိမ့်ခြင်းနဲ့ ပူလောင်ခြင်းတွေပဲ။

တချို့က အဆုံးသတ်ရောက်သွားတဲ့အခါ
အမြင်မှန်ရပြီး ရပ်တန့်သွားကြတယ်။
အရာရာကို အသစ်ကပြန်စဖို့ ကြိုးစားကြတယ်။

တချို့ကတော့ အဆုံးသတ်ရောက်သွားတာတောင်
လူတွေက ငါ့အပေါ်မကောင်းဘူး …
ကံတရားကြီးက ငါ့အပေါ်မတရားဘူး … ဆိုပြီး
မကျေနပ်ခြင်းတွေ ဆက်ဖြစ်ကြတယ်။

ကိုယ်ဘာတွေမှားခဲ့လဲ ..?
သူတစ်ပါးကို မနာလိုဖြစ်ခဲ့မိလား ..?
လူနှစ်ဦးကြား ဂုန်းချောသွေးခွဲခဲ့မိလား ..?
မဟုတ်မမှန်တဲ့အတင်းအဖျင်းတွေ ပြောခဲ့မိလား ..?
ကူညီသလိုနဲ့ ချောက်ချခဲ့မိလား ..?
ဖြူစင်ယောင်ဆောင်ပြီး ဆိုးယုတ်ခဲ့မိလား ..?
မရှိတဲ့ဂုဏ်အတုတွေနဲ့ ဘဝင်မြင့်ခဲ့မိလား ..?
ဖောက်ပြန်ခြင်းတွေ လုပ်ခဲ့မိလား ..?

စတဲ့ စတဲ့ အမှားတွေကို မဆင်ခြင်နိုင်ဘဲ
ကိုယ်သာလျှင် အမှန်၊
ကိုယ့်ဘက်မပါတဲ့လူတိုင်းဟာ အမှား၊
ပူလောင် ရှုံးနိမ့် ပျက်စီးရသမျှဟာ
တခြားသူတွေရဲ့ အပြစ်ကြောင့် ဆိုပြီး
ဆက်လက် မှားယွင်းနေသရွေ့
ဆက်လက် ပူလောင် ရှုံးနိမ့် ပျက်စီးရဦးမှာပါပဲ။

ကျွန်တော်တို့အားလုံးဟာ ရှင်သန်နေသရွေ့ကတော့
အမှားနဲ့ အပြစ်တွေ လုပ်နေမိမှာပါပဲ။
စိတ်ဆိုးစိတ်ညစ်တွေ ပေါ်ထွက်နေမှာပါပဲ။
ဆိုးမိ၊ မိုက်မိတာတွေ ရှိနေမှာပါပဲ။

ဒါပေမယ့် ရပ်တန့်သင့်တဲ့အချိန်မှာ ရပ်တန့်ရပါမယ်။
ကိုယ့်ဘေးကလူတွေ ပြောဆိုထောက်ပြလာပြီဆို
အမှားလုပ်နေမိလားဆိုတာ ဆင်ခြင်ကြည့်ရပါမယ်။
အမှားလုပ်နေမိတာဟုတ်ရင် လက်ခံပြင်ဆင်ရပါမယ်။
ဒါမှ ပူလောင် ရှုံးနိမ့် ပျက်စီးခြင်းတွေ ကင်းဝေးပါလိမ့်မယ်။

ကိုယ်ဟာ ကိုယ့်ဘဝရဲ့ Idol ပါပဲ။
အမှားတွေလုပ်မိတဲ့အခါ အချိန်မီအမှန်မြင်နိုင်တဲ့ …
မကောင်းမှုတွေလုပ်မိတဲ့အခါ အချိန်မီရပ်တန့်နိုင်တဲ့ …
လူကောင်းလူမှန်တွေကို အနားမှာထားနိုင်တဲ့ …
Idol များ ဖြစ်နိုင်ကြပါစေ။

Crd

03/19/2025

ဖတ်ရတာ တန်ဖိုးရှိလို့ ပါ 😇

အနီးဆုံး လူကပဲ ကိုယ်ကို ဒုက္ခပေးနိင်တာပါ.

အဲဒီနေ့ကပေါ့..ပဲခူး ရိုးမတောင်ခြေ
ဖဒိုမြို့မှာနေတဲ့ ကျွန်တော့်ကိုရန်ကုန်မှာနေတဲ့ မိတ်ဆွေတစ်ယောက်ကပျားရည်စစ်စစ်
တစ်ပုလင်းလောက် လိုချင်တယ်ဆိုပြီး
လူကြုံ မှာတယ်။

အမှန်တော့ ဖဒိုမှာလည်း ပျားရည်စစ်စစ်
ရှားပါတယ်
သစ်ခုတ်၊ဝါးခုတ်ရင်း
အမဲလိုက်တဲ့ လူတချို့ဆီကမှ
ရံဖန်ရံခါ ပျားရည်စစ်စစ် ရတတ်တာမို့
တောင်ပေါ်က ကရင်လူမျိုး
အသိတစ်ယောက်ဆီ ပျားရည်သွားမှာ ရတာပေါ့။

အခန့်သင့်တယ်ပြောရမလား မသိ
အဲဒီလူဆီမှာ မနေ့ကမှ ဖွတ်လာတဲ့
ပျားရည်ပုလင်းတစ်ချို့ ရလိုက်တယ်။

ဂျီတစ်ကောင်နောက်လိုက်ရင်း
ပျားအုံအသေးတစ်အုံတွေ့လို့ မီးခိုးမှိုင်းတိုက်ပြီး
ပျားရည်ဖွတ်ခဲ့ကြောင်း သူကပြောပြတယ်။

''ဝမ်းသာလိုက်တာဗျာ..
မြို့ကလူတွေက တောကနေ ပျားရည်မှာတိုင်း
အစစ်ရမယ် ထင်တတ်ကြတယ်..
ကျွန်တော့်မှာ တာဝန်ကြီးသဗျာ..
အတီးတို့ဆီကရမှ ပေးမယ်ဆိုပြီးတွေးထားတာ
ခုတော့ ရေကန်အသင့် ကြာအသင့်ပဲ..''

ပျားရည်ဝယ်ပြီး အိမ်ပြန်မယ်အလုပ်မှာ
အချိန်အခါမဟုတ် မိုးရွာချတာနဲ့
မုဆိုးကြီးအိမ်မှာပဲ မိုးခိုရင်း ဝင်ထိုင်ရတာပေါ့။

ဂျီသားမီးဖုတ်နေတဲ့ သူက တောအရက်လေး
သောက်သွားပါလားလို့ ဧည့်ခံတာနဲ့
ကျွန်တော်လည်း
ဘုရားလည်းဖူးရင်း လိပ်ဥတူးဆိုသလို
တစ်ခွက်တစ်ဖလား ဝင်မော့တယ်။

အရက်လေးသောက် ၊ ဂျီသားလေး မြုံ့ရင်း
တောအကြောင်း တောင်အကြောင်း
သူ့ အတွေ့အကြုံတွေအကြောင်း
စကားပြောကြရာက ပျားဖွတ်တဲ့ဆီ
စကားစ ရောက်သွားတယ်။

''အတီးရေ...
ကျွန်တော် လွန်ခဲ့တစ်လလောက်က
အသိတစ်ယောက်အိမ်ကို သွားလည်တုန်း
သူတို့သရက်ပင်အောက်မှာ ပျားတုတ်ခံရတာ
ထွက်ပြေးလည်း မလွတ်ဘူးဗျာ..
သုံးလေးချက် အတုတ်ခံလိုက်ရတာ
အီစလံဝေ သွားတာပဲ..
အတီးတို့ ပျားဖွတ်တဲ့အခါ ပျားအုံကို
မီးခိုးမှိုင်းတိုက်တော့
ပျားတွေ ထွက်မတုတ်ဘူးလားဗျ..''

ကျွန်တော်က မေးလိုက်တော့ သူက ရယ်ပြီး
''ပုဆိုးခြုံလိုက်ရင် လုံတာပဲလေ..''လို့
ခပ်နောက်နောက် ပြန်ဖြေတယ်။

ပြီးတော့မှ အရက်ကို တစ်ငုံသောက်
ပျစ်ခနဲ တံတွေးကိုထွေးလိုက်ပြီး
ဂျီသားတစ်ဖက်ကို ကောက်ဝါးလိုက်ရင်းမှ
သူက စကားဆက်ပြောတယ်။

''တကယ်ပဲ ပုဆိုးခြုံပြီး ပျားဖွတ်တာကွ..
ပ်ားသဘာဝကို ငါ့တူက မသိလို့..
သူတို့ ပ်ားအုံကို လူက လာထိတဲ့အခါ
ပျားတွေက ထွက်ပြီး အရင် စူးစမ်းတယ်..
အဲဒီအခါ လူက ကြောက်လို့ ထွက်ပြေးရော..
အဲဒါမှ ရန်သူဆိုတာ ကျိန်းသေလို့
အဲဒီလူကို ပိုမဲပြီးလိုက်တုတ်တာ..

မင်းစိတ် ရဲဖို့ပဲလိုတယ်..
သစ်ပင်အောက်တည့်တည့်ကို
ပုဆိုးခြုံလေးခြုံပြီး အသာလေးကပ်သွား..
ပြီးရင် အရေးအကြီးဆုံးက
ခန္ဓာကိုယ်ကို သစ်ပင်နဲ့ထိနေပစေ..
ဒါဆိုရင် ပျားတွေက အဲဒီလူကို
ရန်သူလို့မထင်တော့ဘူးကွ..
သူတို့တည်မှီရာ သစ်ပင်က သစ်ကိုင်း
တစ်ခုလို့ပဲ ထင်သွားတတ်ကြတယ်။

ပျားတွေဟာ
မီးခိုးမှိုင်းကြောင့် အဝေးမှာ ရန်သူလိုက်ရှာ
နေတုန်း အနီးဆုံးမှာရှိနေတဲ့ ငါက
အေးအေးဆေးဆေး ပျားဖွတ်တော့တာပဲ..
သူတို့ကို ဖြိုချတဲ့ ရန်သူဟာ
သူတို့နဲ့ အနီးဆုံးမှာ ငြိမ်နေတဲ့
သူတို့နဲ့ တစ်သားထဲ သစ်ပင်လို့ထင်နေတဲ့
ပုဆိုးခြုံထဲကလူလို့ မထင်ကြရှာဘူး..
ဟဲဟဲဟဲ...''

''....အို.....'''

ခဏအကြာမှာ မိုးစဲသွားပြီဖြစ်လို့
ကျွန်တော်လည်း သူ့ကို
နှုတ်ဆက်ပြီး အိမ်ပြန်လာခဲ့တယ်။

''သူတို့ကို ဖြိုချတဲ့ ရန်သူဟာ
သူတို့နဲ့ အနီးဆုံးမှာ ငြိမ်နေတဲ့ ၊
သူတို့နဲ့ တစ်သားထဲ သစ်ပင်လို့ထင်နေတဲ့
ပုဆိုးခြုံထဲက လူလို့မထင်ကြရှာဘူး..''ဆိုတဲ့
စကားသံကို နားထဲမှာ ပြန်ကြားနေရင်း
ရင်ထဲမှာအတွေးတွေ အုံ့အုံ့ပျံ့ပျံ့
ဝင်လာတယ်။

လိုချင်တာ တစ်ခုခုရှိလို့ ကိုယ့်အနားကို
မိတ်ဆွေအရေခြုံပြီး ကပ်လာကြတဲ့
လူတစ်ချို့အကြောင်း..။

အိုး...သိပ်ဖော်ရွေတာပဲ..
ကိုယ့်ကို သိပ်ပြီး နားလည်မှုရှိတာပဲ..
ကိုယ့်အပေါ် သိပ်ပြီး ဂရုစိုက်ပြတာပဲ..
သူတို့လောက်ကောင်းတဲ့သူ
ကမ္ဘာပေါ်မှာ မရှိတော့သလို
ဟန်ဆောင်ကောင်းတဲ့ ပျားဖွတ်သမားလို
လူတွေ လူတွေ..။

နှစ်ကိုယ့်တစ်စိတ်လိုမျိုး ကိုယ်အစစအရာရာ
ယုံကြည်သွားခါမှ သူတို့လိုချင်တာရဖို့
မီးခိုးမှိုင်းတိုက်ပြီး ကိုယ့်ကို
ပျက်ဆီးရာ ပျက်ဆီးကြောင်း ကြံကြပါလေရော..

ကိုယ့်မှာတော့ ရန်သူကို
ဟိုး..... အဝေးမှာလိုက်ရှာလို့..
ပုဆိုးခြုံထဲကပျားဖွတ်သမားကို ကိုယ့်အပင်က
သစ်ကိုင်း ထင်နေတဲ့ ပျားလို
အနီးမှာရှိနေတဲ့လူကို မိတ်ဆွေရင်းလို့
ထင်မိနေဆဲ..ယုံကြည်နေဆဲ..

လိုချင်တာ ရသွားတဲ့အချိန်(သို့မဟုတ်)
ကိုယ်လည်း ပျက်စီးနိမ့်ကျသွားတဲ့
အခါကျတော့ သူတို့လို လူမျိုးတွေဟာ
ကိုယ့်ကို ရှိတယ်တောင် မထင်..
လှည့်တောင် မကြည့်..
လမ်းတွေ့ရင်တောင် မမြင်ယောင်ဆောင်
ရှောင်ဖယ်သွားတတ်ကြတဲ့
ပျားဖွတ်သမားလို မိတ်ဆွေအရေခြုံထားတဲ့
လူတချို့ အကြောင်းတွေးမိပြီး
မချိပြုံး ပြုံးမိတယ်။
......................။

ရက်အနည်းငယ်အကြာမှာတော့ လမ်းကြုံတာနဲ့
ပျားရည်ပုလင်းလေးကို သေသေချာချာ
ထုတ်ပိုးပြီး ရန်ကုန်ကိုယူလာခဲ့ပါတယ်
မှာထားတဲ့မိတ်ဆွေကို ပျားရည်ပေးတော့
သူက ကျေးဇူးတင်ကြောင်း
အထပ်ထပ်ပြောရှာတယ်။

''အဖေ့အတွက် ဆေးဖော်ဖို့ လိုနေတာဗျာ..
ကျေးဇူးနော် ကိုစိုးထိုက်ရေ..''

ပျားရည်ပုလင်းလေးကို ဗီရိုထဲ
သိမ်းဆည်းပြီးနောက် အဲဒီမိတ်ဆွေက
ကျွန်တော့်ကိုစကားဆက်ပြောတယ်။

''အဖေ့ကိုပျားရည်နဲ့ဆေးဖော်တာ
မပြောရဲဘူးဗျ..
ပျားရည်ဆိုတာ အသိုက်အမြုံပျက်ပြီးမှ
ရလာတာမို့ မသုံးချင်ဘူးတဲ့လေ..
ဘယ်တတ်နိုင်မလဲဗျာ..
စိတ်တော့မကောင်းဘူးပေါ့.
ပျားတွေခမျာလည်း အဖိုးတန်ပျားရည်ကြောင့်
အသိုက်အမြုံပျက်ရရှာတာ သဘာဝပဲလေ..''

''ဗျာ...''

အမှတ်မထင် ပြောလိုက်တဲ့
မိတ်ဆွေရဲ့ စကားအဆုံးမှာ ကျွန်တော့်စိတ်ထဲ အတွေးတွေ ထပ်ဝင်လာပါလေရော။

အောင်မြင်မှု ဆိုတဲ့ ပျားရည်တွေ၊
ကျော်ကြားမှု ဆိုတဲ့ ပျားရည်တွေ၊
ရာထူးအာဏာဆိုတဲ့ ပျားရည်တွေ၊
ချမ်းသာမှု ဆိုတဲ့ ပျားရည်တွေ..
ဘဝတစ်လျှောက်လုံး
ကိုယ်ကြိုးစား ပမ်းစား တည်ဆောက်ထားတဲ့
သိပ်ချိုမြိန်ပါတဲ့ဆိုတဲ့ အဲဒီအရာတွေက
တစ်ခါတစ်လေမှာလည်း ကိုယ့်ကိုပြန်ပြီး
ဒုက္ခပေးနိုင်ပါလား..။

ကိုယ့်ကိုဖြိုချမယ့် သူတွေကို
လက်ယပ်ခေါ်နေတဲ့ ပျားရည်လို
ဂုဏ်ပကာသနတွေ ဖြစ်နေနိုင်ပါလား..။

အတွေးတွေ များနေစဉ်မှာပဲ
မိတ်ဆွေက ''ပျားရည်ဖိုး ဘယ်လောက်လဲ''
လို့ ကျွန်တော့်ကို မေးတယ်။

''အခကြေးငွေ မပေးပါနဲ့ဗျာ..
ဒီပျားရည်ပုလင်းလေးက
ကျွန်တော့်ကို အတွေးတွေအများကြီး
ပေးခဲ့တယ်..''လို့ သူ့ကိုပြောခဲ့ပါတယ်။

ကိုယ့်အနားကို ပုဆိုးခြုံပြီး ဝင်လာမယ့်
ပျားဖွတ်သမားလို
မိတ်ဆွေတုတွေ အကြောင်းရော..
အောင်မြင်မှု ကျော်ကြားမှု ချမ်းသာမှု
စတဲ့ ကိုယ်တည်ဆောက်ထားတဲ့
အရာတွေဟာလည်း
တစ်ခါတစ်လေမှာ ကိုယ့်ကို ဒုက္ခပေးနိုင်မယ့်
ပျားရည်တွေဖြစ်နိုင်တဲ့ အကြောင်းတွေရော
ဆင်ခြင်တွေးတောရင်း
အိမ်ကို ပြန်လာခဲ့ပါတော့တယ်။

Credit to original ........

03/19/2025

ဘဝမှာ -
[ No.1 ] ပိုက်ဆံစုပါ ။
[ No.2 ] တတ်နိုင်သမျှ ပေးကမ်းပါ ။
[ No.3 ] စိတ်ဓာတ်ကို အဆင့်အတန်းမြင့်မြင့်ထားပါ ။

[ No.4 ] အပေါင်းအသင်းကောင်း များများပေါင်းပါ ။

[ No.5 ] အကောင်းမြင်စိတ် မွေးနိုင်အောင်လုပ်ပါ ။

[ No.6 ] လူတွေရဲ့ ကဲ့ရဲ့မှုကို သိပ်အလေးမထားပါနဲ့ ။

[ No.7 ] အရာအားလုံးဟာ ကိုယ်နဲ့ဆိုင်နေတာ မဟုတ်ပါဘူး
မဖြစ်သေးတာကိုတွေးပြီး မစိုးရိမ်ပါနဲ့ ။
လက်ရှိကာလကို အကောင်းဆုံးနေပါ ။

[ No.8 ] စည်းကမ်းရှိပါ ၊ သပ်သပ်ရပ်ရပ် ဝတ်ဆင်ပါ ။

[ No.9 ] စာများများဖတ်ပါ ။
{ ပိုက်ဆံမရပေမယ့် နှိုင်းလို့မရတဲ့ပညာတွေရပါတယ် }

[ No.10 ] ကိုယ်ထူးချွန်တဲ့အလုပ်ကနေ အောင်မြင်အောင်လုပ်ပါ ။

[ No.11 ] အလုပ်တစ်ခုကို တစိုက်မတ်မတ်လုပ်ပါ ။
အောင်မြင်မှုက အနှေးနဲ့အမြန် ရောက်ပါလိမ့်မယ် ။

[No.12 ] ကျေးဇူးရှိဖူးရင် ကျေးဇူးတရားမမေ့ပါနဲ့ ။

[ No.13 ] ကိုယ်ယုံကြည်ရာ ကိုးကွယ်ပါ ။
ယုံယုံကြည်ကြည် ကိုးကွယ်ပါ ။
{ အကျိုးကျေးဇူးကို တစ်နေ့ခံစားရပါလိမ့်မယ် }

[ No.14 ] ကံကိုမယုံပါနဲ့ ။
{ ကံဆိုတာအလုပ်ပါ ။ အလုပ်ကောင်းရင်ကံကောင်းမယ် }

[ No.15 ] ကိုယ့်ကိုယ်ကို ယုံကြည်မှုအပြည့်ရှိပါ ။
ကိုယ့်ကိုယ်ကိုသာ အားကိုးပါ ။ ။

{ အကောင်းကိုလက်ခံနိုင်သလို
အဆိုးကိုလည်းခံနိုင်အောင် ကြိုးစားပါ } 🚩

#ခွန်အားရှိသောစာတ်ိုများ
#ဘဝအတွတ်စာဖတ်ပါ
#ဆရာအောင်သင်းစာပေ
#လေးစားစွာဖြင့်_ပြန်လည်မျှဝေပါသည်

Myanmar Poverty Relief

12/06/2025

12/06/2025

07/24/2025

06/26/2025

06/21/2025

05/12/2025

05/10/2025

04/19/2025

04/10/2025

03/19/2025

03/19/2025

03/19/2025

Address

Website

Alerts

Contact The Organization

Shortcuts

Share

Category