08/29/2024
Энэ ном миний уншсан ном болох "Ад үзэгдэх зориг"той үзэл санааны хувьд их төстэй бараг ижилхэн гэж хэлж болохуйц ном санагдлаа. Уншихад амархан практик жишээнүүдтэй учраас хүүхэдтэй хүмүүс нэг уншчихвал зүгээр ном. Товчхондоо:
- Магтаал нь хүүхдийн биеэ даасан зан чанарыг булаадаг. Аливаа зүйлийг өөрийн хүсэл сонирхолынхоо дагуу хийх биш магтуулахын тулд хийдэг болдог. Огт магтахгүй байна гэж байхгүй байх тиймээс зөв магтах, энэ нь
- Магтахдаа үйл явцад буюу хөдөлмөр болон хичээл зүтгээлийг нь үнэлэн магт эсвэл дэлгэрэнгүй магт гэсэн байсан. Энэ нь том хүмүүс болсон бидэнд хүртэл хэрэгтэй арга шиг санагдсан. Жишээ нь та албан тоот/ захиа бичсэн байлаа гэхэд даргадаа сайн болсон байна гэж ёс төдий магтуулах биш өгүүлбэр бүр нь уялдаа холбоо сайтай гаргах гэсэн санаагаа логик дараалалтай сайн бичсэн байна гэж магтуулах 2 өөр байдаг. Зөв магтаал цаашид улам сайжрах арга замыг зааж өгч байна.
- Нөхцөлгүйгээр хүүхдээ хайрлаж буйгаа мэдрүүлэх. Энэ нь эцэг эх бидний ихэнхдээ гаргадаг хүүхдийнхээ үйлдлийг удирдахын тулд хоолоо идсэний чинь дараа ингэж тоглоё, энийг хийхгүй бол жимс өгөхгүй гэх мэт нөхцөл тавьж хайрлаж буйгаа мэдрүүлэх гэдэг. Энэ нь хүүхдийг ирээдүйд чөлөөтэй сэтгэхэд нь саад болж эцэг эхийнхээ үгийг сонсож өөрийгөө баталгаажуулдаг хүүхэд болгодог байна. Уул нь юуг яаж ч хийсэн ээж аав нь үргэлж хайртай байх болно гэсэн итгэлийг өгөх байтал ирээдүйд өөрийгөө зөвхөн нөхцөлтэйгөөр хүлээн зөвшөөрдөг хүн болох хандлагатай байдаг. Тэгэхээр миний хэлснийг хийхгүй байсан ч гэсэн гарын мөнгөө өгдгөөрөө өгөөд бүх зүйл хэвээрээ байдаг байх.
- Хүүхдээсээ хүсэж шаарддаг зүйлээ дахин бодож үзэх. Хүүхэддээ итгэх болон хүүхэддээ бодит бус найдлага тавих хоёр асар зөрүүтэй. Хүүхдийнхээ нас биеийн онцлогийн харгалзан түүнд тохирсон найдлага тавих. 2 настай хүүхдээс 30 минут чив чимээгүй томоотой суу гэх нь өөрөө боломжгүй юм.
- Аль болох болохгүй бишээ гэдэг үгийг бага хэрэглэх, аливаа зүйлийн учир холбогдлыг нэгд нэгэнгүй тайлбарлаж өгдөг байх.
- Сонсох дадал дээр хүүхдийнхээ яриаг сонсоод асуудлыг өмнөөс нь шийдэж өгөх гэж сонсоод байдаг. Ингэвэл хүүхэд юмаа ярихаа болиод хаалттай болдог. Харин сэтгэл хөдлөлийг нь ойлгох гээд сонсвол намайг ойлгож байна гэдэг итгэл төрдөг ба тантай нээлттэй ярилцдаг болно. Хүүхэд томчуудад хүлээн зөвшөөрөгдөж байна гэж мэдэрвэл тантай бодлоо хуваалцдаг. Энэ нь хэлснийг нь
○ Давтан хэлэх
○ Хураангуйлж хэлэх
○ Асууж тодруулж хэлэх
○ Өөрөө хэлснийг нь хэлэх
Ер нь хүүхдээ сайн яриул хүүхэд яриан дундаа өөрөө шийдлээ олох болно. Та өмнөөс нь шийдвэр гаргах бас гаргуулах гэсний хэрэггүй. Сайн сонс.
- Хүүхдийг эцэг эхээс нь холдуулдаг 7 зуршил бол
○ Шүүмжлэх
○ Зэмлэх
○ Гомдоллох
○ Сүрдүүлэх
○ Шийтгэх
○ Шагнал өгч үйл хөдлөлийг удирдах
○ Үглэх
- Харин улам ойртуулдаг 7 зуршил нь
○ Дэмжих
○ Урам зориг өгөх
○ Сонсох
○ Итгэх
○ Хүндлэх
○ Ялгааг ярилцах
○ Хүлээн зөвшөөрөх
Энэ номын зохиолч нь Япон хүн бөгөөд Оксфордын их сургуулийг хүүхэд хөгжлийн чиглэлээр докторын зэрэг хамгаалсан Шимамүра Ханако юм. Энэ хүн төгсгөлд нь та хүүхдээ хүмүүжүүлэхдээ өөрийгөө хэт барьж хэт өөр хүн болох гэсний хэрэггүй ба өөрийнхөөрөө байгаад эдгээр зүйлсийг зах зухаас нь хэрэгжүүлэх гээд үзээрэй гэсэн байсан.
