Burma Research Institute

06/07/2026

"ခရီးသွားလာခွင့် ပိတ်ပင်ချက်က အခုထိ အသက်ဝင်နေဆဲပါ"

အမေရိကန်ပြည်ထောင်စုကို ရွှေ့ပြောင်းနေထိုင်ခွင့်နဲ့ ခရီးသွားလာခွင့်တွေကို လောလောဆယ် ခွင့်မပြုပါဘူး။ Burma Research Institute က အမေရိကန်ပြည်ထောင်စုကို ပိတ်ပင်ချက်ကို ရုပ်သိမ်းပေးဖို့ တိုက်တွန်းနေပါတယ်။

"The travel ban is still in effect"
Immigration to and travel to the United States are currently not permitted. The Burma Research Institute is urging the United States to lift the ban.

06/06/2026

ကမ္ဘာလုံးဆိုင်ရာ လူသားချင်းစာနာထောက်ထားမှု လိုအပ်ချက်များကို ဖြေရှင်းရန်အတွက် အမေရိကန်ပြည်ထောင်စုသည် ကက်သလစ် ကယ်ဆယ်ရေးဝန်ဆောင်မှုများအတွက် အမေရိကန်ဒေါ်လာ ၂၄၀ သန်းကျော် အကူအညီပေးမည်ဟု ကြေညာ
United States Announces More than $240 Million in Assistance to Catholic Relief Services to Address Global Humanitarian Needs

"CRS သည် ဤရန်ပုံငွေကို အသုံးပြု၍ မြန်မာနိုင်ငံအပါအဝင် လူသားချင်းစာနာထောက်ထားမှု လိုအပ်ချက်များစွာရှိသော နိုင်ငံများတွင် အစားအစာ၊ အာဟာရ၊ ကျန်းမာရေး၊ ရေနှင့် သန့်ရှင်းရေးနှင့် ခိုလှုံရာကဏ္ဍများအပါအဝင် ကဏ္ဍပေါင်းစုံ အကူအညီများ ပေးအပ်သွားမည်ဖြစ်သည်။

"CRS will use this funding to provide multi-sectoral assistance – across the food, nutrition, health, water and sanitation, and shelter sectors, among others – in countries with significant levels of humanitarian need, including Burma"

https://www.state.gov/releases/office-of-the-spokesperson/2026/06/united-states-announces-more-than-240-million-in-assistance-to-catholic-relief-services-to-address-global-humanitarian-needs?fbclid=IwY2xjawSQZqpleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEeT4I0e9LrUbKGvxaxfwAeSXM7p8K8RwrE0dIcF_0nUszhWw_HwKURVi5Lhuc_aem_ZmFrZWR1bW15MTZieXRlcw

Today, the United States announced more than $240 million in humanitarian and disaster response assistance to Catholic Relief Services (CRS). State Department Bureau of Disaster and Humanitarian Response Senior Bureau Official Ryan Shrum made the announcement in Rome, Italy, alongside U.S. Ambassado...

06/05/2026

မြန်မာ့ဒီမိုကရေစီအရေးအတွက် ကူညီထောက် ပံ့ရန် အမေရိကန်အထက်လွှတ်တော်အမတ် မစ်ချစ်မက်ကောနယ်က အမေရိကန်နိုင်ငံခြားရေးဝန်ကြီးကို ဖိအားပေး၊ လက်တွေ့ကျသော လုပ်ဆောင်မှုများ ဆောင်ရွက်ရန် BRI တောင်းဆို

ရန်ကုန်၊ ဇွန် ၅

မြန်မာ့ဒီမိုကရေစီအရေးအတွက် ကူညီထောက် ပံ့ရန် အမေရိကန်အထက်လွှတ်တော်အမတ် မစ်ချစ်မက်ကောနယ်က အမေရိကန်နိုင်ငံခြားရေးဝန်ကြီး မာကိုရူဘီယို (Marco Rubio)ကို ဖိအားပေးသည်။

အမေရိကန်ပြည်ထောင်စုတွင် ဇွန်လ ၃ ရက်နေ့ ကျင်းပခဲ့သော အထက်လွှတ်တော် ဘတ်ဂျက်ကော် မတီ ကြားနာပွဲတွင် ရီပတ်ဘလစ်ကန် အထက်လွှတ်တော်အမတ် မစ်ချစ်မက်ကောနယ် (Mitch McConnell) က မြန်မာနိုင်ငံဆိုင်ရာ ဥပဒေ (Burma Act) အရ ပေးအပ်မည့် ရန်ပုံငွေများ ကြန့်ကြာနေမှုနှင့် ပတ် သက်၍ လည်း ကောင်း၊ အမေရိကန်အစိုးရ ၏ မူဝါဒများသည် မြန်မာ့ဒီမိုကရေစီလှုပ်ရှားမှုကို ထောက် ပံ့ကူညီရာမှ သွေဖည်ပြောင်းလဲသွားမည်ကို စိုးရိမ်ရမှုများနှင့် ပတ် သက်၍ လည်းကောင်း အမေရိကန်နိုင်ငံခြားရေးဝန်ကြီး မာကိုရူဘီယို (Marco Rubio) ကို မေး ခွန်းထုတ် ဖိအားပေးခဲ့သည်။

အမေရိကန်နိုင်ငံခြားရေးဝန်ကြီး ရူဘီယိုက တရုတ်အစိုးရ၏ ကျော ထောက်နောက်ခံပြုမှုကို ရရှိထားသော မြန်မာစစ်တပ်၏ ဆက်လက်ထိန်းချုပ်မှုထက် မြန်မာနိုင်ငံတွင် ဒီမိုကရေစီနည်းကျ အရပ်သားအုပ်ချုပ်ရေး ပေါ်ထွန်းလာရေးကို လက်ရှိအမေရိကန်အစိုးရအဖွဲ့အနေဖြင့် ထောက်ခံအားပေးကြောင်း အတည်ပြုပြောဆိုသည်။

ထို့အပြင် မြန်မာနိုင်ငံ၏ အနာဂတ်ကို ပုံဖော်ရာတွင် ကူညီပေးနိုင်မည့် ဒီမိုကရေစီမိတ်ဖက်အဖွဲ့အစည်း များကို ရှာဖွေ ဖော်ထုတ်နိုင်ရန် အမေရိကန်အစိုးရက လုပ်ဆောင်နေကြောင်း ဖြည့်စွက်ပြောကြားသည်။

Burma Research Institute - BRI ဥက္ကဋ္ဌနှင့် အမှုဆောင်အရာရှိချုပ် Zo Tum Hmung က “အထက်လွှတ်တော်အမတ် မက်ကောနယ်ဟာ မြန်မာနိုင်ငံရဲ့ ဒီမိုကရေစီရေးနဲ့ လူ့အခွင့်အရေးအတွက် အမြဲတမ်း ပြတ်ပြတ်သားသား ထောက်ခံအားပေးခဲ့သူဖြစ်လို့ သူ့ရဲ့ ခေါင်းဆောင်မှုအပေါ် ကျေးဇူးတင်ပါတယ်။ ပါတီနှစ်ရပ်လုံးက ပူးပေါင်းတင်သွင်းတဲ့ BRAVE Burma Act ဥပဒေကြမ်းအပေါ် သူ့ရဲ့ ထောက်ခံမှုဟာ ပြည်သူတွေရဲ့ လွတ်မြောက်ရေးတိုက်ပွဲအတွက် ဆက်လက်ရပ်တည်ပေးနေတာကို ပြသနေတာဖြစ်ပြီး၊ BRI အနေနဲ့လည်း ဒါကို ထောက်ခံပါတယ်” ဟု ပြောကြားသည်။

မြန်မာနိုင်ငံတွင် ဒီမိုကရေစီ ပေါ်ထွန်းရေးကို အမေရိကန်အစိုးရက ပိုမိုလိုလားကြောင်း အမေရိကန်နိုင်ငံခြားရေးဝန်ကြီး ရူဘီယို၏ အတည်ပြုချက်ကို ကြိုဆိုကြောင်း၊ သို့ရာတွင် အမေရိကန်အစိုးရအနေဖြင့် မြန်မာ့ ဒီမိုကရေစီအရေးအတွက် ပြတ်သားသည့် လုပ်ဆောင်ချက်များကို သက်သေပြရန် လိုအပ်ကြောင်း BRI ဥက္ကဋ္ဌက တိုက်တွန်းသည်။

ယင်းအပြင် BRI အဖွဲ့အနေဖြင့် အမေရိကန်အစိုးရထံသို့ တောင်းဆိုချက် ၄ ချက် တင်ပြလိုက်ပြီး ဖက်ဒရယ်ဒီမိုကရက်တစ်ပြည်ထောင်စု ပေါ်ထွန်းရေး ဦးဆောင်ကောင်စီ (Steering Council for the Emergence of a Federal Democratic Union - SCEF) ကို တရားဝင်အသိအမှတ်ပြု၍ ထိတွေ့ဆက်ဆံရန်၊ နယူးယောက်ဘဏ်တွင် ထိန်း သိမ်းထားသော မြန်မာနိုင်ငံဆိုင်ရာ ရန်ပုံငွေ အမေရိကန်ဒေါ်လာ ၁ ဘီလျံခန့်နှင့် ယင်းမှ တိုးပွားလာသည့် အတိုးနှုန်းများနှင့်တကွ SCEF ထံသို့ လွှဲပြောင်းပေးရန်၊ ဘဏ္ဍာရေးနှစ် ၂၀၂၆ အတွက် သတ်မှတ်ထားသော မြန်မာနိုင်ငံဆိုင်ရာ အကူအညီ ဒေါ်လာ ၁၂၁ သန်းကိုလည်း SCEF မှတစ်ဆင့် အကောင်အထည်ဖော်ရန် တောင်းဆိုထားသည်။

ထို့အပြင် မြန်မာစစ်တပ်က တိုင်းရင်းသားများနှင့် ခရစ်ယာန်ဘာသာရေး လူနည်းစုများအပေါ် ကျူး လွန်ခဲ့သည့် ရက်စက်ကြမ်းကြုတ်မှုများကို လူသားမျိုးနွယ်အပေါ် ဆန့်ကျင်သည့် ရာဇဝတ်မှုများနှင့် စစ်ရာဇဝတ်မှုများ ဖြစ်ကြောင်း တရားဝင် သတ်မှတ်ကြေညာရန်၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ခရစ်ယာန်သိုးထိန်းများနှင့် နိုင်ငံရေးအကျဉ်းသားအားလုံးကို ချက်ချင်းနှင့် အခြွင်းချက်မရှိ ပြန်လွှတ်ပေးရန် တောင်းဆိုရန် BRI က တင်ပြထားသည်။

06/05/2026

McConnell presses U.S. Secretary Rubio on Burma; Rubio reaffirms support for democracy, but action must be taken: BRI

Read more: https://eng.mizzima.com/2026/06/05/34878

At a Senate Appropriations hearing in the U.S. on Wednesday, Senator Mitch McConnell (R-KY) questioned U.S. Secretary of State Marco Rubio about delays in Burma Act funding and concerns that U.S. policy is shifting away from supporting Burma's democratic movement, according to the Burma Research Institute (BRI) 4 June.

Secretary Rubio responded by reaffirming the Administration's support for democratic civilian rule in Burma over continued military control backed by Beijing. He also said the Administration is working to identify democratic partners who can help shape Burma's future.

06/05/2026

မြန်မာ့ ဒီမိုကရေစီအရေးအတွက် လက်တွေ့ကျတဲ့ လုပ်ဆောင်မှုတွေပြသဖို့အမေရိကန်ကိုBRI တိုက်
တွန်း

ဇွန်-၅၊၂၀၂၆။People's Spring

မြန်မာ့ဒီမိုကရေစီအရေးနဲ့ပတ်သက်လို့ ပိုပြီး ထိရောက် အားကောင်းတဲ့ လက်တွေ့ လုပ်ဆောင်မှုတွေ ပြသပေးဖို့ အမေရိကန်အစိုးရကို Burma Research Institute (BRI)ကတိုက်တွန်းလိုက်ပါတယ်။

ဇွန်လ ၃ ရက်နေ့တုန်းက အမေရိကန် လွှတ်တော် ကြားနာမှု အစီအစဉ်မှာ အထက်လွှတ်တော်အမတ် မစ်ချ်မက်ကော်နဲလ်က မြန်မာ့ ဒီမိုကရေစီရေးကို အကူအညီပေးဖို့ရည်ရွယ်ထားတဲ့ဘားမားအက်
ဥပဒေပြဋ္ဌာန်းချက်တွေအတိုင်းရန်ပုံငွေတွေ ထောက်ပံ့ဖို့ နှောင့်နှေးနေတာနဲ့ ပတ်သက်ပြီး နိုင်
ငံခြားရေး ဝန်ကြီး မာကို ရူဘီရိုကို မေးခွန်းထုတ်
ခဲ့ပါတယ်။ ပြီးတော့မြန်မာ့ ဒီမိုကရေစီအရေး လှုပ်ရှားမှုမှာ အမေရိကန်ရဲ့ အားပေး ထောက်ခံမှု လျော့ကျလာသလားဆိုတဲ့ သူ့ရဲ့ စိုးရိမ်စိတ်ကိုလည်း အသိပေးခဲ့ပါတယ်။

ရူဘီရိုကမြန်မာနိုင်ငံမှာတရုတ်ကကျောထောက်
နောက်ခံ ပေးထားတဲ့ စစ်တပ် အုပ်ချုပ်နေတဲ့အ
စား အရပ်သား ဒီမိုကရေစီ အစိုးရတစ်ရပ် အာ
ဏာရလာတာကို ပိုမိုလိုလားကြောင်း၊ အမေရိကန် အစိုးရဟာ မြန်မာ့ အနာဂတ်ကို ပုံဖော် ပြောင်းလဲနိုင်မယ့် ဒီမိုကရေစီ မိတ်ဖက်တွေကို ရှာဖွေနေကြောင်း တုံ့ပြန် ဖြေကြားသွားပါတယ်။

BRIရဲ့ ဥက္ကဋ္ဌနဲ့ အမှုဆောင်ချုပ်ဖြစ်တဲ့ ဇိုတွမ်မှုန်ကတော့ မြန်မာ့ ဒီမိုကရေစီနဲ့ လူ့အခွင့်အရေး ကိစ္စတွေမှာ နှစ်ရှည်လများ တက်တက်ကြွကြွ အာရုံ
စိုက်ထားပေးခဲ့တဲ့ မစ်ချ်ကော်နဲလ်ကို ကျေးဇူးတင်ကြောင်း၊ ပြီးတော့ မြန်မာ့ ဒီမိုကရေစီကို အမေရိကန် အစိုးရ ဆက်လက် အားပေး ထောက်ခံနေမယ်ဆိုတဲ့ ရူဘီရိုရဲ့ သဘောထားကိုလည်း ကြိုဆိုကြောင်း ပြောကြားခဲ့ပါတယ်။

ဒါပေမဲ့ သူကအမေရိကန် အစိုးရ အနေနဲ့ စကား
လုံးတွေနဲ့အညီ လေးနက်တဲ့ လက်တွေ့ လုပ်ဆောင်မှုတွေကိုလည်း အာရုံစိုက်ပေးဖို့လိုကြောင်း ထောက်ပြခဲ့ပါတယ်။ ၂၀၂၁ ခုနှစ်မှာ မင်းအောင်
လှိုင် ဦးဆောင်တဲ့ စစ်တပ်က အာဏာသိမ်းခဲ့ပြီးချိန် ကတည်းက ဆုတ်ယုတ် ကျဆင်းသွားတဲ့ မြန်မာ့ဒီမိုကရေစီ ရုန်းကန်မှုတွေဟာပိုပြီး အားကောင်း
တဲ့ ထောက်ပံ့မှုတွေ လိုအပ်နေကြောင်း ဇိုတွမ်မှုန်က ဆိုပါတယ်။

ဒါ့အပြင် မတ်လ ၃၀ ရက်နေ့မှာ ဖွဲ့စည်းခဲ့တဲ့ ဖက်ဒရယ် ဒီမိုကရေစီ ပြည်ထောင်စု ပေါ်ထွန်းရေး ဦး
ဆောင်ကောင်စီ (SCEF)ကို အသိအမှတ်ပြုပြီး ပူးပေါင်း အလုပ်လုပ်ဖို့ အမေရိကန် အစိုးရကို BRIက အကြံပြု တောင်းဆိုခဲ့ပါတယ်။ SCEFမှာတော့ အမျိုးသား ညီညွတ်ရေး အစိုး (NUG)၊ ပြည်ထောင်စုလွှတ်တော် ကိုယ်စားပြုကော်မတီ (CRPH)၊ ကချင် လွတ်လပ်ရေးအဖွဲ့ (KIO)၊ ကရင် အမျိုးသား အစည်းအရုံး (KNU)၊ ချင်းအမျိုးသား တပ်ဦး (CNF)၊ ကရင်နီ အမျိုးသား တိုးတက်ရေးပါတီ (KNPP)တို့ ဖွဲ့စည်း ပါဝင်ပါတယ်။

မြန်မာနိုင်ငံမှာ အာဏာသိမ်းမှု ဖြစ်ပွားခဲ့တဲ့နောက် အမေရိကန် အစိုးရက ထိန်းချုပ်ထားတဲ့ မြန်မာပိုင် နိုင်ငံခြားငွေကြေး ဒေါ်လာ ၁ ဘီလီယံနဲ့ ဆက်စပ် အတိုးနှုန်းတွေကိုလည်း SCEFကို လွှဲပေးဖို့ BRI
က ထည့်သွင်း တိုက်တွန်းခဲ့ပါတယ်။ ဒါ့အပြင် ၂၀၂၆ ဘဏ္ဍာရေးနှစ်မှာ မြန်မာအတွက် အကူ
အညီပေးဖို့ ခွဲတမ်းသတ်မှတ်ထားတဲ့ ဒေါ်လာ ၁၂၁ သန်းကိုလည်း SCEFကနေ ခွဲဝေပေးဖို့၊ တိုင်း
ရင်းသားတွေနဲ့ လူနည်းစု ခရစ်ယာန်တွေအပေါ် စစ်တပ်က ရက်စက်ကြမ်းကြုတ်တဲ့ လုပ်ရပ်တွေနဲ့ ပတ်သက်ပြီး စစ်ရာဇဝတ်မှု၊ လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေအဖြစ် သတ်
မှတ်ပေးဖို့၊ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ခရစ်ယာန် ဓမ္မဆရာတွေနဲ့ တခြား မတရား ဖမ်းဆီးခံထားရတဲ့ နိုင်ငံရေး အကျဉ်းသားတွေအားလုံး အမြန်ဆုံး လွတ်
မြောက်လာအောင် ဖိအားပေးဖို့လည်း BRIက တောင်းဆိုထားပါတယ်။

BRIဟာ အမေရိကန်နိုင်ငံ၊ မေရီလန်းပြည်နယ်မှာ အခြေစိုက်ပြီး မြန်မာနိုင်ငံရဲ့ ဘာသာရေး လွတ်
လပ်ခွင့်၊ လူ့အခွင့်အရေး၊ ဒုက္ခသည်အရေး၊ စစ်ရှောင်အရေးတွေမှာ ပါဝင်နေတဲ့ တက်ကြွလှုပ်
ရှားမှုနဲ့ သုတေသန အဖွဲ့အစည်း တစ်ခုဖြစ်ပါတယ်။ ပြီးတော့ အမေရိကန် အခြေစိုက်ချင်းလူ့အဖွဲ့အစည်းကိုလည်း အကူအညီတွေ ပေးနေပါတယ်။

ကိုးကား- BRI

(အ​မေရီကန်နိုင်ငံခြား​ရေးဝန်ကြီး မာကိုရူဘီရို။
ဓါတ်ပုံ-AP)

06/05/2026

https://www.facebook.com/share/p/1EdRHmEkwQ/

မြန်မာ့ ဒီမိုကရေစီအရေးအတွက် လက်တွေ့ကျတဲ့ လုပ်ဆောင်မှုတွေပြသဖို့အမေရိကန်ကိုBRI တိုက်
တွန်း

ဇွန်-၅၊၂၀၂၆။People's Spring

မြန်မာ့ဒီမိုကရေစီအရေးနဲ့ပတ်သက်လို့ ပိုပြီး ထိရောက် အားကောင်းတဲ့ လက်တွေ့ လုပ်ဆောင်မှုတွေ ပြသပေးဖို့ အမေရိကန်အစိုးရကို Burma Research Institute (BRI)ကတိုက်တွန်းလိုက်ပါတယ်။

ဇွန်လ ၃ ရက်နေ့တုန်းက အမေရိကန် လွှတ်တော် ကြားနာမှု အစီအစဉ်မှာ အထက်လွှတ်တော်အမတ် မစ်ချ်မက်ကော်နဲလ်က မြန်မာ့ ဒီမိုကရေစီရေးကို အကူအညီပေးဖို့ရည်ရွယ်ထားတဲ့ဘားမားအက်
ဥပဒေပြဋ္ဌာန်းချက်တွေအတိုင်းရန်ပုံငွေတွေ ထောက်ပံ့ဖို့ နှောင့်နှေးနေတာနဲ့ ပတ်သက်ပြီး နိုင်
ငံခြားရေး ဝန်ကြီး မာကို ရူဘီရိုကို မေးခွန်းထုတ်
ခဲ့ပါတယ်။ ပြီးတော့မြန်မာ့ ဒီမိုကရေစီအရေး လှုပ်ရှားမှုမှာ အမေရိကန်ရဲ့ အားပေး ထောက်ခံမှု လျော့ကျလာသလားဆိုတဲ့ သူ့ရဲ့ စိုးရိမ်စိတ်ကိုလည်း အသိပေးခဲ့ပါတယ်။

ရူဘီရိုကမြန်မာနိုင်ငံမှာတရုတ်ကကျောထောက်
နောက်ခံ ပေးထားတဲ့ စစ်တပ် အုပ်ချုပ်နေတဲ့အ
စား အရပ်သား ဒီမိုကရေစီ အစိုးရတစ်ရပ် အာ
ဏာရလာတာကို ပိုမိုလိုလားကြောင်း၊ အမေရိကန် အစိုးရဟာ မြန်မာ့ အနာဂတ်ကို ပုံဖော် ပြောင်းလဲနိုင်မယ့် ဒီမိုကရေစီ မိတ်ဖက်တွေကို ရှာဖွေနေကြောင်း တုံ့ပြန် ဖြေကြားသွားပါတယ်။

BRIရဲ့ ဥက္ကဋ္ဌနဲ့ အမှုဆောင်ချုပ်ဖြစ်တဲ့ ဇိုတွမ်မှုန်ကတော့ မြန်မာ့ ဒီမိုကရေစီနဲ့ လူ့အခွင့်အရေး ကိစ္စတွေမှာ နှစ်ရှည်လများ တက်တက်ကြွကြွ အာရုံ
စိုက်ထားပေးခဲ့တဲ့ မစ်ချ်ကော်နဲလ်ကို ကျေးဇူးတင်ကြောင်း၊ ပြီးတော့ မြန်မာ့ ဒီမိုကရေစီကို အမေရိကန် အစိုးရ ဆက်လက် အားပေး ထောက်ခံနေမယ်ဆိုတဲ့ ရူဘီရိုရဲ့ သဘောထားကိုလည်း ကြိုဆိုကြောင်း ပြောကြားခဲ့ပါတယ်။

ဒါပေမဲ့ သူကအမေရိကန် အစိုးရ အနေနဲ့ စကား
လုံးတွေနဲ့အညီ လေးနက်တဲ့ လက်တွေ့ လုပ်ဆောင်မှုတွေကိုလည်း အာရုံစိုက်ပေးဖို့လိုကြောင်း ထောက်ပြခဲ့ပါတယ်။ ၂၀၂၁ ခုနှစ်မှာ မင်းအောင်
လှိုင် ဦးဆောင်တဲ့ စစ်တပ်က အာဏာသိမ်းခဲ့ပြီးချိန် ကတည်းက ဆုတ်ယုတ် ကျဆင်းသွားတဲ့ မြန်မာ့ဒီမိုကရေစီ ရုန်းကန်မှုတွေဟာပိုပြီး အားကောင်း
တဲ့ ထောက်ပံ့မှုတွေ လိုအပ်နေကြောင်း ဇိုတွမ်မှုန်က ဆိုပါတယ်။

ဒါ့အပြင် မတ်လ ၃၀ ရက်နေ့မှာ ဖွဲ့စည်းခဲ့တဲ့ ဖက်ဒရယ် ဒီမိုကရေစီ ပြည်ထောင်စု ပေါ်ထွန်းရေး ဦး
ဆောင်ကောင်စီ (SCEF)ကို အသိအမှတ်ပြုပြီး ပူးပေါင်း အလုပ်လုပ်ဖို့ အမေရိကန် အစိုးရကို BRIက အကြံပြု တောင်းဆိုခဲ့ပါတယ်။ SCEFမှာတော့ အမျိုးသား ညီညွတ်ရေး အစိုး (NUG)၊ ပြည်ထောင်စုလွှတ်တော် ကိုယ်စားပြုကော်မတီ (CRPH)၊ ကချင် လွတ်လပ်ရေးအဖွဲ့ (KIO)၊ ကရင် အမျိုးသား အစည်းအရုံး (KNU)၊ ချင်းအမျိုးသား တပ်ဦး (CNF)၊ ကရင်နီ အမျိုးသား တိုးတက်ရေးပါတီ (KNPP)တို့ ဖွဲ့စည်း ပါဝင်ပါတယ်။

မြန်မာနိုင်ငံမှာ အာဏာသိမ်းမှု ဖြစ်ပွားခဲ့တဲ့နောက် အမေရိကန် အစိုးရက ထိန်းချုပ်ထားတဲ့ မြန်မာပိုင် နိုင်ငံခြားငွေကြေး ဒေါ်လာ ၁ ဘီလီယံနဲ့ ဆက်စပ် အတိုးနှုန်းတွေကိုလည်း SCEFကို လွှဲပေးဖို့ BRI
က ထည့်သွင်း တိုက်တွန်းခဲ့ပါတယ်။ ဒါ့အပြင် ၂၀၂၆ ဘဏ္ဍာရေးနှစ်မှာ မြန်မာအတွက် အကူ
အညီပေးဖို့ ခွဲတမ်းသတ်မှတ်ထားတဲ့ ဒေါ်လာ ၁၂၁ သန်းကိုလည်း SCEFကနေ ခွဲဝေပေးဖို့၊ တိုင်း
ရင်းသားတွေနဲ့ လူနည်းစု ခရစ်ယာန်တွေအပေါ် စစ်တပ်က ရက်စက်ကြမ်းကြုတ်တဲ့ လုပ်ရပ်တွေနဲ့ ပတ်သက်ပြီး စစ်ရာဇဝတ်မှု၊ လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေအဖြစ် သတ်
မှတ်ပေးဖို့၊ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ခရစ်ယာန် ဓမ္မဆရာတွေနဲ့ တခြား မတရား ဖမ်းဆီးခံထားရတဲ့ နိုင်ငံရေး အကျဉ်းသားတွေအားလုံး အမြန်ဆုံး လွတ်
မြောက်လာအောင် ဖိအားပေးဖို့လည်း BRIက တောင်းဆိုထားပါတယ်။

BRIဟာ အမေရိကန်နိုင်ငံ၊ မေရီလန်းပြည်နယ်မှာ အခြေစိုက်ပြီး မြန်မာနိုင်ငံရဲ့ ဘာသာရေး လွတ်
လပ်ခွင့်၊ လူ့အခွင့်အရေး၊ ဒုက္ခသည်အရေး၊ စစ်ရှောင်အရေးတွေမှာ ပါဝင်နေတဲ့ တက်ကြွလှုပ်
ရှားမှုနဲ့ သုတေသန အဖွဲ့အစည်း တစ်ခုဖြစ်ပါတယ်။ ပြီးတော့ အမေရိကန် အခြေစိုက်ချင်းလူ့အဖွဲ့အစည်းကိုလည်း အကူအညီတွေ ပေးနေပါတယ်။

ကိုးကား- BRI

(အ​မေရီကန်နိုင်ငံခြား​ရေးဝန်ကြီး မာကိုရူဘီရို။
ဓါတ်ပုံ-AP)

06/05/2026

https://www.facebook.com/chinworldmedia/posts/1436912398471087

SCEF ကောင်စီကို အသိအမှတ်ပြုရန်နဲ့ မြန်မာနိုင်ငံပိုင် ရန်ပုံငွေ အမေရိကန်ဒေါ်လာ ၁ ဘီလီယံ လွှဲပြောင်းပေးရန် BRI တောင်းဆို

ဇွန်လ ၅ ရက်။

မြန်မာနိုင်ငံမှာ မကြာသေးမီက အမျိုးသားညီညွတ်ရေးအစိုးရ(NUG)နဲ့တိုင်းရင်းသားလက်နက်ကိုင်အဖွဲ့တချို့ပူးပေါင်းပြီး ဖွဲ့စည်းခဲ့တဲ့ ဖက်ဒရယ်ဒီမိုကရေစီပြည်ထောင်စု ပေါ်ထွန်းရေးဦးဆောင်ကောင်စီ (SCEF) ကို အမေရိကန်အစိုးရအနေနဲ့ တရားဝင်အသိအမှတ်ပြု ထိတွေ့ဆက်ဆံပေးဖို့နဲ့ ဖက်ဒရယ်ရီဆာ့ဗ်ဘဏ်မှာ ထိန်းသိမ်းထားတဲ့ မြန်မာနိုင်ငံပိုင် ရန်ပုံငွေ အမေရိကန်ဒေါ်လာ ၁ ဘီလီယံကို အဆိုပါ‌ကောင်စီထံ လွှဲပြောင်းပေးဖို့ ဗဟိုပြုတောင်းဆိုထားတဲ့ အထူးထုတ်ပြန်ချက်တစ်ရပ်ကို Burma Research Institute (BRI) အဖွဲ့က ဇွန်လ ၄ ရက်နေ့မှာ ထုတ်ပြန်လိုက်ပါတယ်။

အမေရိကန်ဆီနိတ်အသုံးစရိတ်ဆိုင်ရာ ကြားနာပွဲမှာ မြန်မာ့အရေးနဲ့ပတ်သက်ပြီး ဆီနိတ်တာ မစ်ချ်မက်ကောနယ်က နိုင်ငံခြားရေးဝန်ကြီး မာကိုရူဘီယိုကို ဖိအားပေးမေးမြန်းခဲ့ပြီးနောက်၊ အမေရိကန်အစိုးရရဲ့ ဒီမိုကရေစီလိုလားတဲ့ အာဘော်ကို လက်တွေ့ပြတ်သားတဲ့ လုပ်ဆောင်ချက်တွေနဲ့ သက်သေပြဖို့ BRI အဖွဲ့က ယခုလို တောင်းဆိုလိုက်တာ ဖြစ်ပါတယ်။

ပြီးခဲ့တဲ့ ဇွန်လ ၃ ရက်နေ့က ပြုလုပ်ခဲ့တဲ့ ဆီးနိတ်ကြားနာပွဲ၌ ဆီနိတ်တာ မစ်ချ်မက်ကောနယ် (R-KY) က နိုင်ငံခြားရေးဝန်ကြီး မာကိုရူဘီယိုအား မြန်မာနိုင်ငံဆိုင်ရာဥပဒေ (Burma Act) အရ ပေးအပ်မည့် ရန်ပုံငွေများ ကြန့်ကြာနေမှုနဲ့ အမေရိကန်ရဲ့ မူဝါဒလမ်းကြောင်း ပြောင်းလဲသွားမှာကို စိုးရိမ်ကြောင်း မေးမြန်းခဲ့ရာ၊ ဝန်ကြီးရူဘီယိုက ဘေဂျင်းကျောထောက်နောက်ခံပြု စစ်ကော်မရှင်ထက် ဒီမိုကရေစီနည်းကျ အရပ်သားအုပ်ချုပ်မှုကိုသာ အမေရိကန်က လိုလားကြောင်းနဲ့ ရှေ့ဆက်လုပ်ဆောင်မယ့် ဒီမိုကရေစီမိတ်ဖက်တွေကို ရှာဖွေနေကြောင်း ပြန်လည်ဖြေကြားခဲ့ပါတယ်။

အဆိုပါ ပြောကြားချက်အပေါ် BRI အဖွဲ့ရဲ့ ဥက္ကဋ္ဌနဲ့ အမှုဆောင်အရာရှိချုပ်ဖြစ်သူ ဇိုတုန်မှုန်က ဆီနိတ်တာ မက်ကောနယ်ရဲ့ ဦးဆောင်မှုကို ကျေးဇူးတင်ရှိကြောင်းနဲ့ BRAVE Burma Act အပေါ် ထောက်ခံမှုကို ကြိုဆိုကြောင်း ပြောကြားခဲ့သလို၊ ဝန်ကြီးရူဘီယိုရဲ့ ပြောကြားချက်ကိုလည်း ထောက်ခံခဲ့ပါတယ်။

ဒါ့အပြင် စစ်ကော်မရှင်က ပြည်သူ့အာဏာကို လုယူထားခြင်းဖြစ်လို့ အမေရိကန်အနေနဲ့ ပြတ်သားတဲ့ လက်တွေ့လုပ်ဆောင်ချက်တွေ ပြသဖို့ လိုအပ်နေပြီဖြစ်ကြောင်း ထောက်ပြခဲ့တာ ဖြစ်ပါတယ်။

ထို့ကြောင့် BRI အဖွဲ့အနေနဲ့ အမေရိကန်အစိုးရထံ အချိတ်အဆက်မိမိနဲ့ ဆက်လက်တောင်းဆိုရာမှာ ၂၀၂၆ ခုနှစ်၊ မတ်လ ၃၀ ရက်နေ့က ဖွဲ့စည်းခဲ့တဲ့ SCEF ကောင်စီကို တရားဝင်အသိအမှတ်ပြု ထိတွေ့ဆက်ဆံပေးဖို့ အလေးအနက် တိုက်တွန်းထားပါတယ်။

၎င်းအပြင် နယူးယောက် ဖက်ဒရယ်ရီဆာ့ဗ်ဘဏ်မှာ ထိန်းသိမ်းထားတဲ့ မြန်မာနိုင်ငံပိုင် ရန်ပုံငွေ အမေရိကန်ဒေါ်လာ ၁ ဘီလီယံနီးပါးကို အတိုးနှုန်းတွေနဲ့တကွ SCEF ထံ လွှဲပြောင်းပေးရန်နဲ့ ၂၀၂၆ ဘဏ္ဍာနှစ် ကူညီထောက်ပံ့မှု ဒေါ်လာ ၁၂၁ သန်းကိုလည်း အဆိုပါကောင်စီကတစ်ဆင့် အကောင်အထည်ဖော်ဖို့ တောင်းဆိုထားပါတယ်။

တစ်ပြိုင်နက်တည်းမှာပင် ခရစ်ယာန်လူနည်းစုတွေအပေါ် စစ်ကော်မရှင်က ကျူးလွန်တဲ့ ရက်စက်မှုတွေကို လူသားမျိုးနွယ်အပေါ် ကျူးလွန်တဲ့ ရာဇဝတ်မှုနဲ့ စစ်ရာဇဝတ်မှုအဖြစ် တရားဝင်သတ်မှတ်ပေးရန်နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ခရစ်ယာန်သင်းအုပ်ဆရာများနှင့် နိုင်ငံရေးအကျဉ်းသားအားလုံးကို ချက်ချင်းလွှတ်ပေးဖို့ အမေရိကန်အစိုးရက ဖိအားပေးတောင်းဆိုသွားရန်လည်း ထည့်သွင်းတိုက်တွန်းထားပါတယ်။

အမေရိကန်အစိုးရထံ တရားဝင်အသိအမှတ်ပြုဖို့ တောင်းဆိုခြင်းခံထားရတဲ့ အဆိုပါ ဖက်ဒရယ်ဒီမိုကရေစီပြည်ထောင်စု ပေါ်ထွန်းရေးဦးဆောင်ကောင်စီ (SCEF) ကို ပြီးခဲ့တဲ့ ၂၀၂၆ ခုနှစ်၊ မတ်လ ၃၀ ရက်နေ့က ဖွဲ့စည်းခဲ့တာ ဖြစ်ပါတယ်။

စစ်ကော်မရှင်ကို တော်လှန်တိုက်ခိုက်နေတဲ့ တိုင်းရင်းသားလက်နက်ကိုင်တော်လှန်ရေးအဖွဲ့အစည်းများ (EROs)၊ အမျိုးသားညီညွတ်ရေးအစိုးရ (NUG)၊ ကာကွယ်ရေးတပ်ဖွဲ့များ၊ အရပ်ဘက်အဖွဲ့အစည်းများနှင့် အမျိုးသမီး/လူငယ် အစုအဖွဲ့များအပါအဝင် အင်အားစု အစုအဖွဲ့ ၇ ခုဖြင့် စုစည်းကာ အကူးအပြောင်းကာလ ဦးဆောင်မှု ယန္တရားတစ်ရပ်အဖြစ် ဖွဲ့စည်းခဲ့ခြင်း ဖြစ်ပါတယ်။

သို့သော်လည်း မကြာသေးမီက SCEF ကောင်စီအတွင်း သဘောထားကွဲလွဲမှုအချို့ ထွက်ပေါ်လာခဲ့ပြီး ကောင်စီရဲ့ "အမျိုးသမီးကိုယ်စားပြု မဏ္ဍိုင် ဖွဲ့စည်းရေး ကော်မတီ (ယာယီ)" ထံမှ မြန်မာအမျိုးသမီး လွှတ်တော် ကိုယ်စားလှယ်များကွန်ရက် (MWPN) နုတ်ထွက်သွားတဲ့ လျှို့ဝှက်စာတစ်စောင် ပေါက်ကြားလာခဲ့ပါတယ်။

မေလ ၂၅ ရက်နေ့စွဲနဲ့ တင်ပြထားတဲ့ အဆိုပါနုတ်ထွက်စာအရ MWPN အနေနဲ့ လုပ်ငန်းကော်မတီတွေမှာ ပါဝင်ဆောင်ရွက်ဖို့ ကိုယ်စားလှယ် တင်သွင်းထားမှုတွေကိုလည်း ပြန်လည်ရုပ်သိမ်းလိုက်ကြောင်း သိရပါတယ်။

MWPN က အချက် ၅ ချက်နဲ့ နုတ်ထွက်ရခြင်း အကြောင်းရင်းကို ထောက်ပြထားပြီး အဓိကအချက်ကတော့ ကောင်စီအတွင်းရှိ အစုအဖွဲ့ ၇ ခုအကြား တန်းတူညီမျှမှု မရှိဘဲ အဖွဲ့အစည်းတစ်ခုတည်းကိုသာ သီးခြားအခွင့်အရေး ပေးနေခြင်းကြောင့် ဖြစ်တယ်လို့ ဆိုပါတယ်။

သို့သော်လည်း MWPN အနေနဲ့ SCEF ကောင်စီ ပေါ်ပေါက်လာခြင်းအပေါ် ဆက်လက်ထောက်ခံ ကြိုဆိုထားပြီး၊ အနာဂတ်မှာ အမျိုးသမီးကဏ္ဍ ပိုမိုအားကောင်းလာစေရေးအတွက် အမျိုးသမီးမဏ္ဍိုင်တစ်ရပ် ပေါ်ထွန်းရေးမှာ ဆက်လက်ပူးပေါင်းဆောင်ရွက်သွားမယ်လို့ ထုတ်ပြန်ထားတဲ့အတွက် တော်လှန်ရေးအစုအဖွဲ့တွေအကြား ညှိနှိုင်းမှုတွေ ဆက်လက်လုပ်ဆောင်ရမယ့် အခြေအနေ ဖြစ်နေပါတယ်။

ဒီသတင်းကို ထုတ်ပြန်ခဲ့တဲ့ Burma Research Institute (BRI) အဖွဲ့ဟာ အမေရိကန်ပြည်ထောင်စု၊ မေရီလန်းပြည်နယ်မှာ အခြေစိုက်ပြီး မြန်မာနိုင်ငံအတွင်း ကိုးကွယ်ယုံကြည်မှုဆိုင်ရာ လွတ်လပ်ခွင့်၊ လူ့အခွင့်အရေးနဲ့ ဒုက္ခသည်များအရေးကို အဓိက သုတေသနပြု စည်းရုံးလှုံ့ဆော်ပေးနေတဲ့ အဖွဲ့အစည်းတစ်ခု ဖြစ်ပါတယ်။

Website Link

https://chinworld.org/2026/06/scef-%e1%80%80%e1%80%b1%e1%80%ac%e1%80%84%e1%80%ba%e1%80%85%e1%80%ae%e1%80%80%e1%80%ad%e1%80%af-%e1%80%a1%e1%80%9e%e1%80%ad%e1%80%a1%e1%80%99%e1%80%be%e1%80%90%e1%80%ba%e1%80%95%e1%80%bc%e1%80%af/

Telegram Link

https://t.me/realchinworldmedia/10336

06/04/2026

အာဏာသိမ်း မြန်မာစစ်တပ်က ရက်စက်ကြမ်းကြုတ်လွန်းပြီး တရုတ်နိုင်ငံက အလွန်ဩဇာကြီးမားစွာ ထိန်း ချုပ်နေသဖြင့် ယင်းအခြေအနေကို ပြောင်းလဲရန် အမေရိကန်က နည်းလမ်းရှာဖွေနေဟု အမေရိကန်နိုင်ငံခြားရေးဝန်ကြီး ပြောဆို

ရန်ကုန်၊ ဇွန် ၄

မြန်မာနိုင်ငံမှ အာဏာသိမ်းစစ်တပ်က ရက်စက်ကြမ်းကြုတ်လွန်းပြီး မြန်မာစစ်တပ်ကို တရုတ်နိုင်ငံကလည်း အလွန်ဩဇာကြီးမားစွာ ထိန်းချုပ်နေသဖြင့် အဆိုပါ အခြေအနေကို ပြောင်းလဲရန် အမေရိကန်က နည်းလမ်းရှာဖွေနေကြောင်း အမေရိကန်နိုင်ငံခြားရေးဝန်ကြီးမာကို ရူဘီယိုက ထုတ်ဖော်ပြောဆိုသည်။

ယနေ့ အမေရိကန်အထက်လွှတ်တော်၏ အစိုးရဘတ်ဂျက်ဆိုင်ရာ ကြားနာပွဲတွင် အမေရိကန်အထက် လွှတ် တော်အမတ် မစ်ချ် မက်ကောနယ်၏ မြန်မာ့ဒီမိုကရေစီအရေးနှင့် ပတ်သက်ပြီး မေးမြန်းချက်အပေါ် အမေရိကန်နိုင်ငံခြားရေးဝန်ကြီး မာကို ရူဘီယိုက အထက်ပါအတိုင်း ပြန်လည် ဖြေကြားခဲ့ခြင်းဖြစ်သည်။

အမေရိကန်အထက်လွှတ်တော် အမတ် မစ်ချ် မက်ကောနယ်က အမေရိကန်နိုင်ငံခြားရေးဝန်ကြီးဌာနအနေဖြင့် မြန်မာ့အရေးအက်ဥပဒေ (Burma Act) ကို အကောင်အထည်ဖော်ရန် ရန်ပုံငွေ သုံးစွဲရန် ငြင်းဆန်နေခြင်း၊ တရုတ်ကျောထောက်နောက်ခံပြု မြန်မာစစ်တပ်အပေါ် ခိုင်မာသည့်ဗျူဟာ မတွေ့ရခြင်းတို့ကြောင့် အမေရိကန်နိုင်ငံခြားရေးဝန်ကြီးကို ယင်းကဲ့သို့ မေးခွန်းထုတ်ခဲ့ခြင်းဖြစ်သည်။

အထက်လွှတ်တော်အမတ် မစ်ချ် မက်ကောနယ်က - "ပြီးခဲ့တဲ့နှစ် ဘတ်ဂျက်ဆိုင်ရာ ကြားနာပွဲတုန်းက ဗမာနိုင်ငံအပေါ် တရုတ်ရဲ့ သြဇာလွှမ်းမိုးမှုကို တုံ့ပြန်ဖို့ အစိုးရအဖွဲ့ရဲ့ အစီအစဉ်အကြောင်း ခင်ဗျားကို ကျွန်တော် မေးခဲ့ပါတယ်။ တစ်နှစ်ကြာပြီးတဲ့အထိ ဒီကိစ္စနဲ့ပတ်သက်လို့ ခိုင်မာရေရာတဲ့ ဗျူဟာတစ်ခုကို ကျွန်တော် မတွေ့ရသေးပါဘူး။ နိုင်ငံခြားရေးဝန်ကြီးဌာနဟာ ဗမာ့အရေးအက်ဥပဒေကို အကောင်အထည်ဖော်ဖို့ ရန်ပုံငွေတွေ သုံးစွဲဖို့ အကြိမ်ကြိမ် ငြင်းဆန်ခဲ့သလို၊ တရုတ်ကျောထောက်နောက်ခံပြု စစ်ကောင်စီအပေါ် ထားရှိတဲ့ မူဝါဒကိုလည်း လျှော့ချပျော့ပျောင်းပစ်ခဲ့ပါတယ်။ အဲဒီတော့ နိုင်ငံခြားရေးဝန်ကြီးဌာနအနေနဲ့ ဗမာနိုင်ငံကို တရုတ်ကျော ထောက်နောက်ခံပြု စစ်ကောင်စီက အုပ်ချုပ်တာနဲ့ တရားဝင်ရွေးကောက်ခံ အရပ်သားခေါင်းဆောင်တွေက အုပ်ချုပ်တာ နှစ်ခုထဲက ဘယ်အရာကို ပိုပြီးလိုလားသလဲ။ ဒါမှမဟုတ် ဗမာနိုင်ငံအပေါ် ထားရှိတဲ့ မူဝါဒဟာ အခြေခံတန်ဖိုးတွေနဲ့ တည်ငြိမ်တဲ့ ရလဒ်တွေအပေါ်မှာ ဘာမှဂရုမစိုက်ဘဲ လျစ်လျူရှုထားတာလား" ဟု မေးခွန်းထုတ်သည်။

အမေရိကန်နိုင်ငံခြားရေးဝန်ကြီးက အမေရိကန်အနေဖြင့် မြန်မာနိုင်ငံအပေါ် လျှစ်လျူရှုမထားကြောင်း၊သို့ရာတွင် မြန်မာနိုင်ငံမှ အာဏာသိမ်းစစ်တပ်က ရက်စက်ကြမ်းကြုတ်လွန်းသည့်အပြင် တရုတ်နိုင်ငံကလည်း အဆိုပါစနစ်တစ်ခုလုံးအပေါ် အလွန်ကြီးမားသည့် သြဇာအာဏာ ထိန်းချုပ်မှုကို ရယူထားသောကြောင့် အမေရိကန်အနေဖြင့် အဆိုပါ အခြေအနေကို ပြောင်းလဲပစ်နိုင်မည့် ဆန်းသစ်ဖန်တီးမှုရှိသည့် နည်းလမ်းများကို ဆက်လက်ရှာဖွေနေကြောင်း ပြောဆိုသည်။

အမေရိကန်နိုင်ငံခြားရေးဝန်ကြီး မာကို ရူဘီယိုက အမေရိကန်၏ မူဝါဒများသည် ကမ္ဘာ့ဘယ်နေရာတွင်မဆို မြန်မာ့အရေးကို လျစ်လျူရှုထားမည် မဟုတ်ကြောင်းနှင့် ရွေးချယ်ခွင့်ရှိပါက အမေရိကန်နှင့် မိတ်ဆွေမဖြစ်သည့် ပြည်ပအာဏာစက်အောက်က အစိုးရမျိုးထက် ဒီမိုကရေစီနည်းကျ ရွေးကောက်ခံအစိုးရမျိုးနှင့်သာ ဆက်ဆံရန် ပိုမိုအများကြီး လိုလားကြောင်း တုံ့ပြန်ပြောကြားသည်။

သို့သော်လည်း မြန်မာနိုင်ငံ၏ စိန်ခေါ်မှုမှာ လက်ရှိအာဏာရထားသည့် အုပ်စိုးသူအဖွဲ့သည် ၎င်းတို့အုပ်ချုပ်ပုံတွင် ရက်စက်ကြမ်းကြုတ်လွန်းခြင်းကြောင့်ရော၊ ၎င်းတို့အပေါ် တရုတ်၏ သြဇာလွှမ်းမိုးမှုနှင့် ထိန်းချုပ်မှုပမာဏက ကြီးမားလွန်းခြင်းကြောင့်ရော ဖြေရှင်းရန် တော်တော်ခက်ခဲသည့် ကိစ္စတစ်ခု ဖြစ်နေကြောင်း ၎င်းက ဆက်လက်ပြောဆိုသည်။

"မြန်မာနိုင်ငံရဲ့ စိန်ခေါ်မှုကတော့ ရှင်းရှင်းပြောရရင် တရုတ်ဟာ အဲဒီက စနစ်တစ်ခုလုံးအပေါ် အလွန်ကြီးမားတဲ့ သြဇာအာဏာ ထိန်းချုပ်မှုကို ရယူထားတာပါပဲ။ ကျွန်တော်တို့အနေနဲ့ ဗမာနိုင်ငံတွင်းက အင်အားစုတွေနဲ့ အနည်း ဆုံး ဆက်ဆံရေးတစ်ခုခု ရရှိနိုင်ဖို့အတွက် ဖန်တီးမှုရှိတဲ့ နည်းလမ်းတွေကို ရှာဖွေခဲ့သလို၊ ဆက်ပြီးတော့လည်း ရှာဖွေနေဆဲ ဖြစ်ပါတယ်။ ဒါပေမဲ့ ဒါက ဖြေရှင်းရ တော်တော်ခက်ခဲတဲ့ ကိစ္စတစ်ခု ဖြစ်နေပါတယ်၊ ဘာလို့လဲဆိုတော့ လက်ရှိအာဏာရထားတဲ့ အုပ်စိုးသူအဖွဲ့ရဲ့ အုပ်ချုပ်ပုံက ရက်စက်ကြမ်းကြုတ်လွန်းတာကြောင့်ရော၊သူတို့အပေါ် တရုတ်ရဲ့ သြဇာလွှမ်းမိုးမှုနဲ့ ထိန်းချုပ်မှုပမာဏက ကြီးမားလွန်းတာကြောင့်ရော ဖြစ်ပါတယ်" ဟု အမေရိကန်နိုင်ငံခြားရေးဝန်ကြီးက ပြောဆိုသည်။

အမေရိကန်အနေဖြင့် မြန်မာနိုင်ငံတွင် အပြောင်းအလဲတစ်ခုခု ဖန်တီးပေးနိုင်မည့် အခွင့်အရေးရှိသူများနှင့် အနည်းဆုံး ဆက်ဆံရေးတစ်ခုခု ရရှိအောင် လမ်းစရှာဖွေနိုင်ရန်အတွက် ဆန်းသစ်ပြီး ဖန်တီးမှုရှိသည့် နည်းလမ်းများကို ဆက်လက် ရှာဖွေနေဆဲဖြစ်ကြောင်း နိုင်ငံခြားရေးဝန်ကြီးက ထည့်သွင်းပြောကြားသည်။

"ဒါကြောင့် ဒီအခြေအနေကို ပြောင်းလဲပစ်နိုင်ဖို့ အခွင့်အလမ်းတွေကို ကျွန်တော် တို့ ဆက်ပြီး ရှာဖွေနေပါတယ်။ ဒါဟာ ကလေးက တစ်လှမ်းချင်းစီ လမ်းလျှောက်သလို ဖြည်းဖြည်းချင်း ဖြစ်နိုင်သလို၊ ရုတ်တရက် အပြောင်း အလဲကြီး ဖြစ်သွားတာမျိုးလည်း ဖြစ်နိုင်ပါတယ်။ သမိုင်းက ဘယ်အချိန်မှာ ထူးခြားတဲ့ လမ်းစနဲ့ အခွင့်အလမ်းတွေကို ပေးမလဲဆိုတာ ဘယ်သူမှ ကြိုမသိနိုင်ပါဘူး"ဟု အမေရိကန်နိုင်ငံခြားရေးဝန်ကြီးက ထုတ်ဖော်ပြောဆိုသည်။

အမေရိကန်အထက်လွှတ်တော် အမတ် မစ်ချ် မက်ကောနယ်သည် မြန်မာ နိုင်ငံ၏ ဒီမိုကရေစီအရေးအတွက် နှစ်ပေါင်းများစွာ တစ်စိုက်မတ်မတ် လုပ် ဆောင်နေသော အမေရိကန်အထက်လွှတ်တော်အမတ်တစ်ဦးဖြစ်သည်။

05/29/2026

https://www.facebook.com/share/v/18YHLHNAwv/?mibextid=wwXIfr

05/29/2026

https://www.youtube.com/watch?v=fi2sahA0bP8

စစ်ခေါင်းဆောင်ကို အိန္ဒိယဝန်ကြီးချုပ် မိုဒီက အသိအမှတ်ပြု ဖိတ်ကြားတာ...