የአማራ ማህበር በዳላስ -AAD

03/11/2026

ታላቅ የስብሰባ ጥሪ

በዳላስ ቴክሳስ !
***

02/13/2026

በአብይ አህመድ አሊ የሚመራው የኦሮሙማ ወራሪ ሀይል ንፁሀንን ኢላማ ያደረግ የድሮን ጥቃት አካሄደ::

የአብይ አህመድ አገዛዝ በደቡብ ጎንደር ዞን ዋና ከተማ በሆነችው በደብረታቦር ከተማ February 11,2026 በሲቪሎች ላይ በድጋሚ በርካታ የድሮን እና የከባድ መሳሪያ ጥቃቶችን ፈጽሟል::
በዚሁ ቀን በከተማው መሃል በህፃናት ላይ ጉዳት ከማድረሱም በላይ ፣ የመኖሪያ ሰፈሮችን፣ ትምህርት ቤቶችን፣ የጤና ተቋማትን፣ የግለሰብ ቤቶችን እና የንግድ ቦታዎችን ኢላማ ያደረገ እንደሆነ ከተፈፀመው ውድመት መረዳት ይቻላል::

በቅርብ ሳምንታት ብቻ፣ በአማራ ክልል ውስጥ በደርዘን የሚቆጠሩ ተመሳሳይ የድሮን ጥቃቶች በመቶዎች የሚቆጠሩ የሲቪል አካባቢዎችን አውድመዋል፣ በመቶዎች የሚቆጠሩ ሰዎችን ሕይወት ቀጥፈዋል ፣ ስፍር ቁጥር የሌላቸው የጉዳቱ ሰለባ ሆነዋል::

በአብይ አህመድ የሚመራው የኦሮሙማው/ብልፅግና ወራሪ ሀይል በአማራ ህዝብ ላይ ከባድ የጦር መሳሪያዎችን በመጠቀም ስልታዊ የሆነ የጦርነት ወንጀሎችን እየፈፀመ መሆኑን ያሳያል::

01/23/2026

የአማራ ማህበር በዳላስ አንድ ወጥ የአማራ ፋኖ ብሔራዊ ንቅናቄ (አፋብን) መመስረቱን አስመልክቶ የወጣ የደስታና የድጋፍ መግለጫ
*****

የአማራ ፋኖ ብሔራዊ ንቅናቄ (አፋብን) አንድ የጋራ ድርጅት በመፍጠራቸው ለመላው የአማራ ህልውና ትግል ታጋዮች በውጭም በሀገር ቤት ያላችሁ የትግሉ ደጋፊወች እንኳን ደስ አላችሁ እንኳን ደስ አለን።

ራሱን ብልፅግና እያለ የሚጠራው የአብይ አህመድ አገዛዝ የአማራ ሕዝብ ከሌሎች አጋሮቹ ጋር በመሆን ለዓመታት ባደረገው ተጋድሎ
እና በከፈለው መስዋዕትነት፣ በ2010 ዓ.ም. ስልጣን በችሮታ ከተቆናጠጠበት ጊዜ ጀምሮ ላለፉት ሰባት ዓመታት ሕወሃት መራሹ መንግስት የጀመረውን ስልታዊ የአማራን ዘር ማጽዳት ተግባር፤ በግልፅ እና በተፋፋመ ሁኔታ እንዳስቀጠለው ይታወቃል።

ይህንንም ተከትሎ ሕግ እና መንግሥት አክባሪው የአማራ ሕዝብ ጥያቄዎቹን በሰላማዊ የትግል መስመር በሰልፍ ሲጠይቅ ቆይቶ
ጥያቄው ሊመለስ ይቅርና የዘር ፍጅቱ በመባባሱ፣ እንዲሁም አገዛዙ ልዩ ኃይሉን በትኖ አማራን ትጥቅ ለማስፈታት ያለ የሌለ ሠራዊቱን በአማራ ክልል በማሰማራቱ የአማራ ሕዝብ ሰልፉን ትቶና ሰይፉን አንስቶ በያለበት በመደራጀት በአንድ በኩል ጨፍጫፊውን ሠራዊት ሲመክት በሌላ በኩል ደግሞ ከሥር ጀምሮ አደረጃጀቶችን እየፈጠረ፣ ድርጅቶቹንም ከታች ወደላይ በብቃት እያሳደገ እና ወደ አንድ እያመጣ ቆይቶ፣ እስከ ቅርብ ጊዜ ወደ ሁለት አደረጃጀቶች መምጣቱ ይታወሳል።

እነዚህም የአማራ ፋኖ ብሔራዊ ኃይል (አፋብኃ) እና የአማራ ፋኖ ሕዝባዊ ድርጅት (አፋህድ) የተሰኙ ድርጅቶች በፈታኝ ሁኔታዎች
ውስጥ ከአንድ ዓመት በላይ ወደ እንድ ድርጅት ለመምጣት ከሰሩ በኋላ፣ በብዙ ተግዳሮቶች ውስጥ አልፈው በመጨረሻም ጥር 09
ቀን 2018 ዓ.ም. አስከፊውን የብልጽግና አገዛዝ ሥርዓት ደምስሶ ስልጣን በመረከብ የአማራን ሕዝብ ኅልውና ጥያቄ ለመመለስ፥
አልፎም ከሌሎች ኢትዮጵያውያን ጋር በስምምነት እና በመከባበር ላይ የተመሰረተ የሀገረ ኢትዮጵያን መንግሥት ለመመስረት
በቁርጠኝነት የተነሳ አንድ ወጥ ግዙፍ የአማራ ድርጅት - የአማራ ፋኖ ብሔራዊ ንቅናቄ (አፋብን) -አምጠው ወልደዋል።

ይህም አማራዊ የትግል ድርጅት የአማራን ህዝብ ላለፉት 50 አመታት እየደረሰበት ያለውን ሁለንተናዊ የዘር ማጥፋት ጭፍጨፋ
በማስቆም ከሌላው የኢትዮጵያ ህዝብ ጋር በሰላም እንዲኖር በተወለደበትና ባቀናው አገሩ በሰላም ወጥቶ ገብቶ ነግዶ አርሶ ልጆቹን አስተምሮና በወግ በማዕረግ ድሮ በእፎይታ እንዲኖር የሚያደርግ የትግል ድርጅት ነው ብለን ሙሉ ተስፋ እና እምነት አለን።

ስለዚህም የዳላስ አማራ ማኅበርም የአማራ ፋኖ ብሔራዊ ንቅናቄ (አፋብን) መመሥረት ድጋፉን ሲገልፅ በታላቅ ደስታ እና ተስፋ ነው። ማኅበሩ ከሁሉም በፊት የአማራ ኅልውና የሚረጋገጥበት ተስፋ እውን እንዲሆን ከዚህ ቀደም ለአማራ ፋኖ ሲያደርግ የነበረውን ሁለንተናዊ ድጋፍ በተጠየቀበት ጊዜ ሁሉ ለአፋብን በተጠናከረ ሁኔታ የሚቀጥልበት መሆኑን ሲገልጽ በታላቅ ደስታ ነው።እንዲሁም የአማራ ፋኖ ብሔራዊ ንቅናቄ (አፋብን) እንድ ዓይን ብሌናችን ለመጠበቅ ቃል እንጋባለን ።

ኅልውናችን በተባበረ ክንዳችን!
ዐምሓራ ያሸንፋል!!

የዳላስ ዐምሓራ ማኅበር፡

01/17/2026

የአማራ ፋኖ ብሔራዊ ንቅናቄ ምስረታን አስመልክቶ የተሰጠ መግለጫ

ጥር 09 2018

እነሆ ዛሬ ጥር 09 ቀን 2018 ዓ.ም ኢትዮጵያን እና ቀጠናውን የሚያተራምሰው የብልፅግና ቡድን እስትንፋስ የሚፈልቅበትን ሸለቆ የሚዘጋ ታሪካዊ ውሳኔ ወስነናል። ጓዶቻችን ለከፈሉት መስዋዕትነት የሚመጥን ተልዕኮን መከወን ግዴታችን የሆነ እኛ የአማራ ፋኖ አደረጃጀቶች አመራሮች የአብይ አህመድ የስልጣን እድሜ የሚበቅልበትን ንቃቃት በፍፁም ወንድማማችነት እና አንድነት ደፍነነዋል። የአማራ ትግል አንድ ይሆን ዘንድ የአማራ ፋኖ ብሔራዊ ኃይል እና የአማራ ፋኖ ህዝባዊ ድርጅት አመራሮች ድፍረትን፣ ሆደ ሰፊነትን፣ ቆራጥነትን እና ለህዝብ መታመንን በሚጠይቀው ታሪካዊ ውሳኔያችን የፋኖን አንድነት እውን ማድረግ ችለናል። ለመላው የአማራ ህዝብ እንዲሁም ለመላው ኢትዮጲያውያን እንኳን ደስ ያላችሁ እንኳን ደስ ያለን‼ አንድ መሪ፣ አንድ ድርጅት ሰይመናል።
አሁን ወደ ስትራቴጅካዊ ግባችን የሚወስደን ምእራፍ ወለል ብሎ ተከፍቷል። ሜዳውም ፈረሱም በእጃችን ሆኗል።
እንደ ብዙዎቹ ነባር የዓለም ስልጣኔወች ሁሉ ለረጅም ዘመናት በታሪካዊ መሰናክሎች ያልተደናቀፈ ቅብብሎሽ ያለው የግርማዊ ትላንት የታሪክ ባለቤት የሆነው የአማራ ሕዝብ እንዲሁም ሀገራችን ኢትዮጵያ ከመቶዎች ለሚበልጡ ዓመታት በተለይም ከመካከለኛው ዘመን ጀምሮ የስልጣኔ ግጭት በወለደው የትውልዶች ጦርነት እየተፈተኑ ይገኛሉ። በዘመናዊው ታሪካችን በቀጥታ አማራን ዒላማ ያደረገው ተከታታይ ዘመቻ በውስጣዊ ድክመቶቻችን ታግዞ ሁሉንም ህዝቦች በተገቢው መልኩ አሳታፊ ባልሆኑ የአሸናፊዎች ስርአት ሀገራችን ያልተረጋጋና እና የመፍረስ ስጋት ያለባት ሀገረ መንግስት ሲያደርግ ህዝባችንንም ለከፋ የመጥፋት (ህልውና) አደጋ አጋልጦታል። ይህንን በራሳችን ወገኖች ኢትዮጵያዊያን ባለቤትነትና ቅጥረኝነት የሚመራ ውስብስብ ሀገራዊ እና ህዝባዊ አደጋ ለመረዳት እና የጋራ መግባባት ለመፍጠር ብሎም መፍትሔ ለማበጀት ብዙ ማገዶ ፈጅቷል።

የአማራ ሕዝብ ራሱን በመዘንጋትና ሀገሩን በማስቀደም እየኖረ በራሱም ሆነ በሀገሩ ላይ የተፈጠረውን ታላቅ ተቃርኖ በጊዜው ባለመረዳቱ ራሱን ያገኘው ሀገሩን ተነጥቆ ሀገር አልባ ሆኖ እንዲሁም መንግስት መር በሆነ የዘር ማጥፋት በከፋ የመጥፋት አደጋ ውስጥ ሆኖ ነው። በእርግጥ አማራው በመጥፋት ላይ ያለ ህዝብ ነው። ይህንን ህዝባዊ አደጋ ለመቀልበስ ብሎም ሁለንተናዊ ህዝባዊ ጥቅሞቹን ለማስከበርና አዲስ ስልጣኔ ለመገንባት አዲስ አማራዊ አብዮት በማካሄድ ላይ እንገኛለን። የዚህ ህዝባዊ ቁጣ መነሻ ምክንያት የህልውና አደጋው ቢሆንም አደጋውን ከመቀልበስ ባሻገር ግዙፍ ራዕይ የቀነበበ ህዝባዊና ሀገራዊ እንዲሁም ቀጠናዊና ዓለም አቀፋዊ መሻቶችን ቀርጿል።
የአዲሱ የአማራ ልሂቅ ራስ ጠል ዕሳቤ እና ባህል፣ የህዝባችን ፖለቲካዊ ድብታ እና ራስን ማግለል፣ በጥገኝነት በራስ ህዝብ ላይ የመቆመር ዝንባሌ፣ ያልተደራጀ እና የማይተመማን ፖለቲካዊ ማህበረሰብ መፈጠር፣ በጠላት ፍላጎት ልክ የተቀረጹ መጥፎ ኤሊቶች የስልጣን ወንበር ይዘው አማራን እንዳይደራጅ መከልከል/መከላከል እንደ ህዝብ የመጥፋትን ስጋት ላስከተለ የህልውና አደጋ አጋልጠውናል።
ይህን የገጠመንን እንደ ህዝብ የመጥፋት አደጋ ለመቀልበስ ስንነሳ ብሎም ለብዙ አስርት አመታት ያጣነውን በራስ ሀሳብ መደራጀት ማስመለስ ተከትሎ ከመጥፋት ለመዳን የሚያስችለንን ትግል ማድረግ ችለናል። ትግሉም ስደተኛውን ፖለቲካችንን ህዝባዊ በሆነ ዕሳቤ እና አደረጃጀት መሬት ላይ በመተከሉም ሊጸና ችሏል።
እንደ ማህበረሰብ ያጋጠመን ውስጣዊ የመበስበስ አደጋ ትግሉ በተፈለገው ፍጥነት እንዳያድግ እና ወደ ስትራቴጂካዊ አሸናፊነት እንዳያመራ በእጅጉ ፈትነውናል፡፡ ጠላቶቻችን በየጊዜው የተቃርኖ ቅኝትን ወደ ውስጥ በማስረግ ብሔራዊ አንድነታችንን ፈትነውታል። ይሁንና አዲሱ ትውልድ በፍጹም ብሔራዊ ቁጭት በመነሳት ይህን ፈተና በጀግንነት ተጋፍጦታል። አሸንፏልም። በዚህም ከውድቀት የሚነሳበትን እና ከልዩነት ግርዶሽ ወደ በብሔራዊ አንድነት በመሻገር ህዝባዊ አሸናፊነት የሚያረጋግጥበትን ብሔራዊ ንቃት ተጠቅሞ የአደረጃጀት አንድነትን በትግል ለማሳካት ችሏል።
ባለፉት ጊዜያት ባልተማከለ አደረጃጀት በቁርጠኝነት በተከፈለው የህይወት መስዋዕትነት የተገኙ ድሎች የአገዛዙ የስልጣን ምንጭ የሆነውን የመከላከያ ሰራዊት በማፈራረስ አገዛዙን ተራ የአራት ኪሎ ሸማቂ እንዲሆን አድርገነዋል፡፡ ትግሉ ያልተማከለ አደረጃጀት ስልትን መጠቀሙ ተለዋዋጭ እና ለአገዛዙ እንዳይመች በማድረግ በአጭር ጊዜ አገዛዙን በማያንሰራራበት ደረጃ ማዳከም ተችሏል፡፡ የአገዛዙን ጀነራሎች የጦር አዛዥነታቸውን እረስተው ምላሳቸው ብቻ የቀራቸው ተራ ካድሪዎች አድርገናቸዋል፡፡ የትግሉ መጀመሪያው ምዕራፍ በድል በመጠናቀቁ የአገዛዙ ሰራዊት በመፈራረሱ ፋኖ ወደ ተተኪ ሰራዊትነት ማደግ ስላለበት እና ፖለቲካውን አደራጅቶ መምራት በማስፈለጉ አንድ የፋኖ አደረጃጀት ለመፍጠር በተደጋጋሚ ጥረቶች ተደርገዋል፡፡ በሂደቱም የትግሉ የዕድገት ደረጃ የራሱን ድርሻ የሚወስድ ቢሆንም ነባር የተቃርኖ ቅኝቶች እና ሰራጊ የፍላጎት ቡድኖች ጣልቃ ገብነት እና መርዛማ የጠላት እጆች ዋና ፈተናዎች ነበሩ፡፡ እነዚህን ውስጣዊ እና ውጫዊ ችግሮችን ተቋቁመን በዚህ የተባረከ ቀን ዛሬ የአንድነት ሪቫን ተቆርጧል።ፋኖ አንድ ሆኗል።
በድጋሜ እንኳን ደስ ያለን‼
በዚህ የአደረጃጀት አንድነት የአማራ ትግል ነባር እና ብልሹ ራስ ጠል እና በታኝ ዕሳቤ እና አሰላለፎችን አሸንፏል። ጎታች ከሆኑ አሰላለፎች በመላቀቅ የውድቀትን ረግረግ በብሔራዊ ንቃቱ ተሻግሯል። በሠራዊቱ እና በደጀኑ ህዝብ ውስጥ ሲብሰለሰል የኖረውን ጥያቄ መልሷል፡፡ በአማራ አንድነት ላይ የነበሩ የተሳሳቱ እና አሉታዊ ምልከታዎችን አርሟል።
ዛሬ የአማራ ፋኖ ብሔራዊ ንቅናቄ (አፋብን)/ሲመሰረት በቀደሙ የአደረጃጀት አንድነት የማምጣት ሂደት ወቅት የታዩ ድክመቶች እና ክፍተቶችን በማረም እንዲሁም የሁሉንም ባለድርሻዎች ተሳትፎ እና ትምምን በመፍጠር ጭምር ነው። ይህ ውህድ ድርጅት የአላማ እና የአስተሳሰብ አንድነት ላይ የተመሠረተ ነው። በዚህም ድርጅታችን የሚመራበት ርዕዮተ አለም "የአማራ ብሔርተኝነት" ሲሆን ይህም የወቅቱን የህልውና ትግል ከማሸነፍ ጀምሮ በዘላቂነት የህዝቡን ህልውና እንዲሁም ማንነቱን በማረጋገጥ መብት እና ጥቅሞቹን ለማስከበር የምንታገልበት የአስተሳሰብ ቅኝት ይሆናል። የአማራ ብሔርተኝነት በራስ በቅነት ሁለንተናዊ ውስጣዊ አቅምን በመገንባት በሀገራዊ ዲሞክራሲያዊ አንድነት ማዕቀፍ ውስጥ የህዝባችንን ህልውና በማረጋገጥ መብት እና ጥቅሞቹን በማስጠበቅ የሌሎች ኢትዮጵያውያን የቡድን እና የግለሰብ መብቶች የሚከበርበት ስርዓት በማንበር በፍትሀዊ እና ሰላማዊ አብሮነት የሀገር ቀጣይነት ለማረጋገጥ የሚተጋ ነው።
በርካታ ቀናትን በወሰደ ጥልቅ ፖለቲካዊ ውይይቶች፣ ቅንነትን እና ወንድማማችነትን ያስቀደመው የድርጅት ምስረታ ሂደት በርካታ ምዕራፎችን ያለፈ ነው። የመግባቢያ ቃል ኪዳን ሰነድን በመፈራረም የተጀመረው ሂደት የድርጅቱን መመስረቻ ሰነድ (ሕገ ደንብ) በማፅደቅ እና ከፍተኛ አመራሩን በመሰየም በስኬት ተጠናቋል። በዚህም መሰረት
አርበኛ ዘመነ ካሴ የአማራ ፋኖ ብሔራዊ ንቅናቄ ሊቀመንበር፤ አርበኛ መከታው ማሞ ተቀዳሚ ምክትል ሊቀመንበር፤ አርበኛ ሐብቴ ወልዴ ምክትል ሊቀመንበር ለወታደራዊ ጉዳዮች፤ አርበኛ ሔኖክ አዲሴ ምክትል ሊቀመንበር ለፖለቲካዊ ጉዳዮች በማድረግ ሰይሟል።
እንዲሁም የአማራ ፋኖ ብሔራዊ ንቅናቄ ከታች ለተዘረዘሩት መምሪያዎች አመራሮችን መድቧል፦
ወታደራዊ አዛዥ ብርጋዴር ጀነራል ተፈራ ማሞ
ም/ወታደራዊ አዛዥ - አርበኛ ምሬ ወዳጆ
ም/አዛዥ ለወ/አስተዳደር - አርበኛ ዝናቡ ልንገረው
ወ/ስልጠና መምሪያ - አርበኛ ሳሙኤል ባለዕድል
ልዩ ዘመቻ - አርበኛ ድርሳን ብርሀኔ
ዘመቻ መምሪያ - አርበኛ ባዩ አለባቸው
ፖለቲካ መምሪያ - አርበኛ ጌታ አስራዳ
አደረጃጀት መምሪያ - አርበኛ ምንተስኖት ወንድአፈራሁ
ድርጅት ጽ/ቤት - አርበኛ አስቻለው በለጠ
የህዝብ ግንኙነት - አርበኛ አስረስ ማረ ዳምጤ
የህዝብ አስተዳደር መምሪያ - አርበኛ ዘመነ ምህረት
ፋይናንስ እና ግዢ አስተዳደር - አርበኛ አሻግሬ ባዬ
ፖሊሲ እና ስትራቴጂ - አርበኛ እስክንድር ነጋ
አጋርነት እና ትብብር - አርበኛ አበበ ፈንታው
የውጭ ጉዳይ መምሪያ - አርበኛ ብሩክ ስለሺ

በዚህ ታሪካዊ እለት የአማራ ፋኖ ብሔራዊ ንቅናቄ ቀጣዮችን መልዕክቶች ያቀርባል።

፩) መልዕክት ለድርጅታችን ሠራዊት፦

ከፍተኛ መስዋዕትነት እየከፈልክበት ያለው ትግል ፍሬ እንዲያፈራ እና የተሟላ አሸናፊነት እንዲረጋገጥ የአደረጃጀት አንድነት የግድ እንደሆነ በተደጋጋሚ የተነሳው ሀሳብ ተገቢውን መልስ አግኝቶ የፋኖ አንድነት ተበስሯል። ይህ ትልቅ የምስራች የሚያስገኘውን ተጨማሪ አቅም በመጠቀም በጽናት እና ቁርጠኝነት ትግሉን እንድትቀጥል ጥሪ እናቀርባለን። በትግል ሂደት አዲሱ ትውልድ በብሔራዊ ቁጭት እና ንቃት ያገኘውን የአስተሳሰብ አቅም በመጠቀም ውስጣዊ ትግል የሚፈልጉ ነባር ዕክሎችን በዲሞክራሲያዊ መንገድ መታገል እንዲቀጥል እያሳሰብን የድርጅት ውህደትን ተከትሎ ለሚመጡ የመዋቅር እና የአሰራር ማሻሻያዎች ተገቢውን ምቹ ሁኔታ በመፍጠር በቅንነት መተባበር አስፈላጊ እንደሆነ እንገልፃለን። በተጨማሪም በየደረጃው ያለው መዋቅር ለቀጣይ ግዳጆች የሚያስፈልገው ወትሮ ዝግጁነት እንዲያረጋግጥ በጥብቅ እናሳስባለን።

፪) መልዕክት ለህዝባችን ፦

የትግሉ ደጀን የሆነው ህዝባችን በመድረኮች ሲያቀርብ ለነበረው የአንድነት ጥያቄ ምላሽ ማግኘቱን በድጋሚ እያበሰርን እስካሁን ትግሉን በባለቤትነት በመውሰድ በትዕግስት የድርሻውን ሀላፊነት ወስዶ የፈጸመውን ትልቅ ብሔራዊ ጀብድ የአንድነትን ጉልበት ተጠቅሞ አንደ አካባቢው ነባራዊ ሁኔታ አደረጃጀቶችን በመፍጠር ትግሉን አጠናክሮ እንዲቀጥል እናሳስባለን።

፫) መልዕክት ለአማራ ዲያስፖራ፦

በተለያዩ የአለም ክፍል የሚገኘው የአማራ ዲያስፖራ በትግሉ መጀመሪያ ወቅት ሲያደርገው የነበረው የነቃ ተሳትፎ በሂደት በተፈጠሩ የአመለካከት መዛነፎች እና ጣልቃ ገብነቶች በተለይም የአደረጃጀት አንድነት ባለመምጣቱ ምክንያት በነበረው ግለት አለመቀጠሉን እና አቅሙን ተጠቅሞ ትግሉን በሚገባው መልክ ማገዝ አለመቻሉን አስተውለናል። ሆኖም ሠራዊቱ ፣ ህዝቡ እና አብዛኛው ዲያስፖራው በጉጉት ሲጠብቀው የቆየው የፋኖ አንድነት ተጠናቆ ውህድ ድርጅት ለመመስረት በቅቷል። በዚህም እንኳን ደስ ያላችሁ እያልን ለቀጣዩ የትግል ምዕራፍ ከእናንተ የሚጠበቀውን ድጋፍ ለማድረግ እንዲያስችል በራስ ተነሳሽነት የአደረጃጀት አንድነት ከመፍጠር በተጨማሪም ትግሉን አስመልክቶ ከድርጅታችን የሚሰጡ አቅጣጫ እና መመሪያዎችን በቅንነት እንድትተገብሩ ከወዲሁ እናሳስባለን።

፬) መልዕክት በጸረ አገዛዝ የትግል መስመር ላሉ ብሔራዊ የትግል ሀይሎች እና የማህበረሰብ ክፍል፦

ሃገራችን አሁን ባለችበት ነባራዊ ሁኔታ በይፋ የዘር ፍጅት ያልታወጀበት እና የህልውና አደጋ ያላንዣበበት ኢትዮጲያዊ ወገን አለ ብለን አናምንም። ሁሉም ህዝብ ህልውናው አደጋ ውስጥ ነው። ኢትዮጲያ የገደል ጠርዝ ላይ ናት። በመሆኑም የፋኖ ትግል ለአማራ ህዝብ ህልውናና ለሌሎች ኢትዮጲያውያን ወገኖችም ጭምር ፖለቲካዊ መዳን ወሳኝ መፍትሄ ያዘለ ነው። የአማራ ድል ለጉራጌውም፥ ለትግሬውም፥ ለኦሮሞውም፥ ለጉምዙም፥ ለአፋሩም፥ ለሶማሌውም፥ ለወላይታውም፥ ለሲዳማውም፥ ለጋሞው እና ለሌሎችም ህዝቦች ድል ነው። በመሆኑም ሁሉም የፖለቲካ ቡድኖች እና ልሂቃን በጋራ በመቆም ለጋራ እጣ ፋንታ መታገል ይኖርባቸዋል። የዳር ተመልካች መሆን ለወረፋ ጥቃትና ጥፋት ይዳርጋልና።
አብይ የአፍሪካ ቀንድ ሹል ቀንድ ነው። ሁሉንም እየወጋ ሁሉንም እያደማ ነው። ሁሉንም የቀጠናው ህዝቦች ቤት በእጁም በእግሩም እየረበሼ ነው። ስለሆነም ዘር አጥፊውን የአብይ አህመድ አገዛዝ ለማስወገድ ኢትዮጲያውያን ወገኖች ብቻ ሳይሆኑ የቀጠናው ሃይሎች መተባበር አለባቸው። ይህን አገዛዝ ለማስወገድና ቀጠናውን ለማረጋጋት የሚደረጉ ትብብሮች በሙሉ ልክ ናቸው። የቀጠናው ህዝቦች ረፍትና ልማት ይሻሉ።ይገባቼውማል።
አረመኔው አገዛዝ የሚከተለው ከፋፍሎ የማጥቃት እና የማስጠቃት ስልት ጊዚያዊ የስልጣን ዕፎይታ የፈጠረለት ቢሆንም ይህንን በመገንዘብ በትብብር አገዛዙን በማስወገድ ላይ የታዩ መግባባቶችን ማሳደግ እና የአገዛዙን ዕድሜ ማሳጠር አስፈላጊ ነው። ለዚህም የፋኖ አንድነት የፈጠረውን ተጨማሪ አቅም እና ዕድል እንዲሁም በእስካሁኑ ሂደት በጸረ አገዛዝ ትግል አስፈላጊነት ላይ የታዩ መግባባቶች የተሟላ በማቀናጀት የዘር ማጥፋት ጦርነት ከመመከት ወደ ስትራቴጂካዊ ማጥቃት በመቀየር አገዛዙን ለማስወገድ እንድንሰራ ጥሪ እናቀርባለን።

፭) መልዕክት ለአለምአቀፉ ማህበረሰብ ፦

አብይ አህመድ መሩ የብልጽግና አገዛዝ ስልጣን ከያዘበት ጊዜ ጀምሮ ላሉት ወደ ስምንት ለሚጠጉ አመታት በህዝቦች ላይ ከፍተኛ እልቂት መፈጸሙ እንደሚታወቅ እሙን ነው። አገዛዙ ሀገሪቱን የማያባራ ጦርነት ውስጥ በማስገባት በሁሉም ክልሎች ከፍተኛ ሰብአዊ ውድመት፣ ኢኮኖሚያዊ ድቀት እና ማህበራዊ ቀውስን አስከትሏል። ይህ አገዛዝ ጸረ ህዝብ በመሆኑ ችግሩ የማይታከም፣ ከስህተቱ የማይማር እና አንዳች ተአማኒነት ያልታየበትም ነው። የአገዛዙ የጦረኝነት ባህሪ ከኢትዮጵያ ውስጣዊ ችግርነት አልፎ ቀጠናዊ ሰላም እና መረጋጋት ላይ ተጨባጭ አደጋ ከፈጠረ ውሎ አድሯል። አገዛዙ በአማራ ህዝብ ላይ ያወጀው የዘር ማጥፋት ጦርነት እና የተከሰተው የህልውና አደጋ ጦርነቱን ከመቀልበስ ውጭ ሌላ አማራጭ ባለመኖሩ ፋኖ በህዝባዊ የትግል መስመር አገዛዙን ላለፉት 30 ወራት እየታገለም ይገኛል። ከፋኖም በተጨማሪ ሌሎች ጸረ አገዛዝ ብሔራዊ ሀይሎች በዚህ ህዝባዊ የትግል መስመር ውስጥ የህዝባቸውን ህልውና ለማረጋገጥ በትግል ላይ ይገኛሉ።
ይህን ህዝባዊ፣ ሀገራዊ ብሎም ቀጠናዊ አደጋ ማስወገድ እና የህዝብን ደህንነት ማረጋገጥ ብሎም ተራዛሚ ቀጠናዊ ጦርነቶችን ማስወገድ አለምአቀፉ ማህበረሰብ ትኩረት የሚሰጠው ጉዳይ እንደሆነም እናምናለን። ከዚህም በመነሳት ጸረ ህዝብ እና ጸረ ሰላም ለሆነው የብልጽግና ሀይል የሚደረገውን ድጋፍ በማቆም እንዲሁም አስፈላጊውን ጫና በማድረግ የአገዛዙን የጥፋት አቅም በማሳጣት እንድትተባበሩ ጥሪ እናቀርባለን። በተጨማሪም የፋኖን እና የሌሎችን የጸረ አገዛዝ ትግል የሚያደርጉ ሀይሎችን ትብብር በተቻለው አቅም እንድትደግፉ ጥሪ እናቀርባለን። የዕርዳታ ድርጅቶችም በጦርነቱ ለተጎዳው ህዝባችን አስፈላጊውን ሰብአዊ እርዳታ እንዲደርስለት የሚቻለውን እንድታደርጉ ጥሪ እያቀረብን በእኛ በኩል አስፈላጊውን ትብብር እንደምናደርግ ልናሳውቅ እንወዳለን።

፮) መልዕክት ለመለዮ ለባሹና ሚሊሻ

የአገዛዙ የስልጣን ምንጭ ህዝብ ሳይሆን የመለዮ ለባሾች ደም እንደሆነ ለእናንተ የተሰወረ አይደለም፡፡ አገዛዙ የስልጣን እድሜውን እስካራዘመለት ድረስ ለህይዎታችሁ ደንታ የሌለው መሆኑም ከእናንተ የተሰወረ አይደለም፡፡ የፋኖ ትግል ሁሉም ኢትዮጵያዊ ተከብሮ የሚኖርባት ሀገር መገንባት፣ የእናንተ መለዮ ለባሾች ደህንነት እና ክብር ተጠብቆ ሀገራችሁን እንድታገለግሉ የምትከፍሉት የህይወት መስዋዕትነትም ትርጉም እንዲኖረው ማድረግ ነው፡፡ ሞታችሁ ለሀገራችሁ ሳይሆን ለአንድ በሰው ደም ለማይጠረቃ አገዛዝ መሆኑን ተረድታችሁ ወደ ፋኖ ትግል እንድትቀላቀሉ ጥሪ እያቀረብን ሙሉ መዋቅራችን ከመቼውም ጊዜ በተለዬ እናንተን ለመቀበል ዝግጁ መሆኑን እናረጋግጣለን፡፡

የአማራ ፋኖ ብሔራዊ ንቅናቄ ለድርጅታችን ሞስረታ ስኬት ለተጉ ሁሉ የላቅ ክብር ያለው መሆኑን እየገለጽን በተለይም ፦

1) ለመላው የአማራ ህዝብና ለሃገር ወዳድ ኢትዮጲያውያን፤ ለማይቋረጠው ልባዊ ድጋፋችሁና ለምክራችሁ፥ ለግሳፂያችሁ እናመሰግናለን። ልፋታችሁ ይህን አንድነት ወልዷል።

2) ለመላው ፋኖ አባላት፤ ለፍፁም ንፁህ ጓዳዊ ግፊታችሁ እና አንድነት ናፋቂነታችሁ እናመሰግናለን። የእናንተ የቀን ከሌት ጉትጎታና ውትወታ ባይኖር ሰንፈን የምንዝል አንታጣም ነበር። ደማችሁም ግፊታችሁም አንድነቱን ወልዷል።

3) ለመላው የሁለቱ ድርጅቶች አመራሮች፤ በተለይ በዚህኛው የአንድነት ሂደት ላሳያችሁት አመራርና ቁርጠኝነት ከፍተኛ ምስጋና ይገባችኋል።
በተለይ የአንድነት ሂደቱን ያሳለጣችሁ የሁለቱ ድርጅቶች የቴክኒካል ኮሚቴ አባላት እጅግ ታላቅ ክብር ይገባችኋል። ያሳያችሁት የአመራር ብቃት፥ ጥበብና መፍትሄ አፍላቂነት ልዩ ነበር።

4) ሂደቱን ለታዘቡ ሽማግሌዎች፤ በልኡል አስፋወሰን አስራተ ካሳ የሚመራው አምባሳደር ብ/መስቀል ነጋ እና ሻለቃ ዳዊት ወልደጊዮርጊስን ጨምሮ ሰባት አባላትን ያካታተው የታዛቢወች ቡድን ሂደቱን በገለልተኛነት በመከታተል ፣ ቴክኒካል ኮሚቴው በጠየቃቸው ጊዜ ሁሉ የመፈትሔ ሀሳብ በማቅረብ ላደረጉት አስተዋጽኦ ታላቅ ምስጋና እናቀርባለን።

በመጨረሻም ድርጅቱን ለማዋለድ ከተከፈለው መስዋዕትነት ባልተናነሰ ድርጅቱን በዘላቂነት ለማጽናት የሚገጥሙ ፈተናዎችን ለማሸነፍ ከላይ የተጠቀሳችሁ እና ሌሎች ባለድርሻ አካላት ገንቢ ሚና እንድትጫወጡ ታሪካዊ ጥሪ እናቀርባለን።

11/17/2025

⚡️ℹ️ : Statement from the Federation of Amharas in North America (FANA): War Crimes and Genocide Under Prime Minister Abiy Ahmed Demand Independent International Investigation

📆 November 15, 2025

EMAIL: [email protected] WEBSITE : FANAAMHARA.ORGRef # FANA_2025_00193 DATE NOVEMBER 15,2025For immediate release15 November 2025Subject: War Crimes and Genocide Under Prime Minister Abiy Ahmed Demand Independent International InvestigationFANA- Federation of Amharas in North America issue...

11/15/2025

የአማራ ማህበራት ሕብረት በሰሜን አሜሪካ (ፋና) ከአማራ ሚዲያ ካውንስል ጋር የተዘጋጀ በኢትዮጵያ የዘር ማጥፋት ጥቃት ሰለባ የሆኑትን ለመዘከር መጪው ቅዳሜ ኅዳር 6 ቀን 2018 የድረ ገጽ የሻማ ማብራት ዝግጅት ያካሂዳል። ዝግጅቱ በዋና ዋና የሚዲያ ቻናሎች በቀጥታ ይተላለፋል።

⚡️📢 : Tomorrow the Federation of Amharas in North America (FANA) in partnership with the Amhara Media Council will be hosting a virtual candlelight vigil event to commemorate recent victims of genocidal violence in Ethiopia. The event will be streamed live on major media channels.

11/04/2025

የአማራ ማህበር በዳላስ በፉሽቱ አብይ አህመድ ወታደሮች በግፍ የተገደሉት እህቶቻችንን ለማሰብ የሻማ ማብራት እና የጸሎት ፕሮግራም November 15/2025 ጀምሮ በዳላስ ቴክሳስ 204 S Cottonwood Dr, Richardson, TX 75080
ስለሚካሄድ በቦታው እንድትገኙ ጥሪአችንን እናቀርባለን !

10/26/2025

Amhara Diaspora Organizations Urge United Nations to Investigate Atrocities Against Amhara Civilians and Prisoners of War in Ethiopia.

10/17/2025

የአገዛዙ የአረመኔ ተግባር ዛሬም ቀጥሏል!

የአማራ ፋኖ ብሔራዊ ኃይል ምስራቅ አማራ ቀጠና ምኒልክ ዕዝ በራያ ግንባር እየተደረጉ ባሉ ተጋድሎዎች መካከል በጮቢ በር ግንባር ተጋድሎ እያደረገች የተሰዋችው የምስራቅ አማራ ኮር 1 ሐውጃኖ ክፍለጦር 3ኛ ሻለቃ አባል ፋኒት ትግስት ወዳጅ ይመር በፋሽስቱ አገዛዝ ሰራዊት አስከሬኗን አንደኛው ጡቷን ቆርጦ በዚህ መልክ ጥሏት ሂዷል።

አገዛዙ ዛሬም የዓለም አቀፍ ሕግን በጣሰ መልኩ የተማረኩ ምርኮኞቹን በተለይ የሴቶቹን ጡት እየቆረጠ እንደሚገኝ ዓለም አቀፉ ማህበረሰብ ሊያውቅልን ይገባል።

የአብይ አህመድ አገዛዝ በሕዝባችን ላይ መጠነ ሰፊ ወረራ ከፍቶ ይገኛል። ይሄን መጠነ ሰፊ ወረራ የአማራ ሕዝብ እንዲወጣ ጥሪ እናቀርባለን።

ህልውናችን በተባበረ ክንዳችን!
የአፋብኃ ምስራቅ አማራ ቀጠና ምኒልክ ዕዝ
ጥቅምት 7 ቀን 2018 ዓ.ም

10/16/2025

Local sources have informed DNE Africa that Ethiopian government troops allegedly abducted, mutilated, and killed a Fano member named Balam in Gojam, Amhara region. Reports indicate that her breast was severed and a tattoo reading "Amhara" was removed from her arm before her body was left on the roadside.

This incident follows Fano's handover of severely injured ENDF captives to the International Red Cross earlier this week.

09/10/2025

🌼እንኳን ለ2018 ዓ.ም. አዲስ ዓመት በሰላም አደረሳችሁ!

***
አደሱ አመት ዐማራው የመከራ ቀንበር የተጫነበትን ሥርዓት አስወግዶ ጨቋኞቹን በፍትሕ አደባባይ የምንቆምበት ዘመን ይሁንልን ።

ትግላችን ይቀጥላል

መልካም በዓል!