12/09/2025
9 Dhjetor 2024–Dita e ZHGËNJIMIT të Madh!
Një thirrje publike, nga zemra, për të gjithë ata që duan të dëgjojnë…
Pas më shumë se 15 viteve punë të ndershme, sakrificash të panumërta, orëve të pafundta vullnetare dhe veprimtarish që bashkuan komunitetin si kurrë më parë — një fondacion që u ngrit me dashuri dhe përkushtim, që mbante emrin Albanian Heritage Foundation of Tampa Bay,u përvetësua padrejtësisht vjet me 9 Dhjetor.
Jo nga armiqtë tanë.
Jo nga të huajt.
Por nga tre anëtarë të bordit — tre persona që i kishim quajtur miq dhe ishim si një familje.
Sot, ata nuk përdorin më emrin tonë, nuk e respektojnë historinë dhe nuk kujtojnë asnjë nga sakrificat që i çuan deri aty.
E kanë hedhur në një cep, të harruar, si diçka pa vlerë — dhe vazhdojnë ta mbajnë peng, me pa të drejtë.
E kanë zëvendësuar me një tjetër organizatë, që quhet “Besa” — një emër që tingëllon bukur, por që drejtohet nga të pabesët.
Hodhën poshtë gjithçka që u ndërtua bashkë:
Festivalet ku përfaqësonim Shqipërinë me krenari nga Jacksonwille, Naples, St Pete apo Sarasota;
Grupi i valleve “Shqiponjat”, që la gjurmë dhe frymëzoi brez pas brezi;
Harruat të gjitha instruktoret e valleve, shumica nëna me fëmijë të vegjël, që kurrë nuk kërkuan shpërblim;
Festivalin SPPIF, ku përfaqësoheshim si një familje e madhe shqiptare, ndersa sivjet shkuat vetëm 3 veta - TURP;
Piknikun e “Ditës së Verës” ku mblidheshim me komunitetin pa donatorë, vetëm me dashuri dhe vullnetarizëm;
Harruan eventin “Run for Albania”🇦🇱 , që mblidhte çdo fund nëntori dhjetëra të rinj me flamurin shqiptar në Clearwater Beach;
A ju kujtohet shkolla e parë shqipe që hapëm të gjithë së bashku. Mësueset e para që i kemi vlerësuar thjesht me “çertifikata mirenjohje”, por edhe fëmijëve u kemi dhenë simbolikisht Dëftesat e fundvitit.
Aktivitetet e organizates së grave, poetëve dhe shoqatës së biznesit, që bëheshin me shpirt dhe i kemi ndihmuar pa kushte;
A ju kujtohet Festivali Folklorik i Verës, ku erdhen grupe valltarësh nga Kanadaja dhe SHBA, ku ftuam edhe mbretëreshën e valles shqiptare, të paharruarën Lili Cingu — dhe e realizuam të gjithë bashkë.
Gjithçka që u ndërtua me pasion, vullnet dhe shpirt shqiptar.
Dhe tani?
Përçatë komunitetin dhe sillen sikur s’ka ndodhur asgjë.
Në vend që të festonim 15-vjetorin e krijimit, mblidhemi të përçarë, në grupe të vogla, dhe hidhet baltë mbi njerëzit që kanë punuar më shumë se kushdo.
A i harruat dasmat, ditëlindjet apo “baby shower” që i organizonim të gjithë….
A e harruat që ngrinim flamurin shqiptar para Bashkisë së Clearwater me gjithë komunitetin?
A harruar kur në eventet tona merrnin pjesë Kongresmen, Ambasador, ministra apo Kryetaret e Bashkive ?
A shikoni ndonjëherë fotografinë e Bordit, kur ishim të gjithë bashkë - a skuqeni ndopak ?!
Friksuat, i bletë dhe shantazhuat shumë nga ish miqtë tanë…
A ndiheni ndopak fajtorë për atë që keni bërë?
A shikoni se sa njerëz keni përçare, poshtë e lart, që nuk dinë çfarë “krahu” të marrin sepse janë të dizinformuar dhe nuk kuptojnë çfarë po ndodh?
Dhe ndërkohë...
Ju zotëroni katër shoqata, që për ironi quhen - jo fitimprurëse. Mblidheni, festoni “fitoren” e rradhës, qeshni dhe madje edhe talleni “me ne që s’na ecin punët”…
Po jemi Shqiptar more të mjerë dhe ngrejmë të njëjtin Flamur 🇦🇱
Keni qenë të ftuarit e nderit gjithmonë në familjet tona, kemi ndarë festat, gëzimet, dhimbjet, tryezat dhe traditat.
Keni një vit që me statuse ironike jeni hedhur në sulm dhe përpiqeni me mish e me shpirt te sabotoni gjithçka që ka iniciativën ose suportin tonë….
Nuk latë fjalë pa përçare, nuk latë të mirë që na keni bërë pa e përmendur me ironi.
Dhe sigurisht e dini mirë sa shqiptarë kemi ndihmuar dhe vazhdojmë të ndihmojmë — pa shpërblim!
A e dini se do takohemi sërish?
Në gëzime apo në hidhërime, jeta do na përballë prapë - por kini kurajon dhe na shikoni në sy!!
Ju u prekët nga reagimi ynë, por ish*t ju që deshët të përvetësonit gjithçka, - në fakt fjala më e përshtatshme është “grabitje ditën për diell”
Vallë kaq të pasur u bëtë sa hodhët poshtë miqësinë e viteve?
Kaq xhelozi paskeni pasur në shpirtat tuaj — të zaptuar nga djalli?
E mbushët komunitetin me fjalë dhe e keni në majë të gojës “ I hoqëm se nuk punuan”
Po kush jeni ju o të mjerë…?!
Mendoni se do krijoni histori te re ?
Po, histori turpi !
Por mos harroni:
Mos kujtoni se beteja morale dhe ligjore ka përfunduar.
Mos kujtoni se mund të na hiqni me një të fshirë të lapsit.
Ju mund të keni emrin — por kurrë nuk do keni shpirtin.
Tradita nuk është një pronë. Është një BESË…dhe besa nuk mund të ndërtohet me të pabesë.
Bile edhe në këtë emër me djallëzi kanë vjedhur gjysmën e emrit…
“ALBANIAN HERITAGE “
Zëri ynë nuk do shuhet. Kujtesa nuk vdes. Drejtësia ecën ngadalë, por gjithmonë , ashtu sikurse Zoti - vonon, por nuk harron!
Ne jemi ende këtu. Të zhgënjyer… por kurrë të thyer.
Dikush edhe na këshillon të krijojmë një Fondacion tjetër, por ajo që na dhëmb më shumë është historia dhe sakrificat ndër vite…
Komentet do i deaktivizojmë për të mos thelluar më tepër përçarjen !
🛑 Ky është vetëm fillimi.
Gëzuar Festat e Fundvitit!
Zoti bekoftë me shëndet dhe mbarësi çdo familje shqiptare!
