Mongolian Buddhist Community in Chicago

07/29/2026

07/13/2026

Гэгээн багш, суут бөх хоёрын шүтэн бишрэгчид дэвэн дэлхийгээс Монгол руу зочилж Монголын хөгжилд буянаа, мөнгөө үлдээж байна.

Хурай хурай хурай

06/18/2026

Ажаа гэгээн багшийн намтарыг уншиж байна.
Энэ удаагийн намтар ном нь "Алтан бумбын алдуурал" нэртэй зузаан ном байна.

Сонирхолтой түүх.

Өмнө нь гарсан намтар нь" Цагийг билэгдэгч наран чөлөө" нэртэй ном байсан мөн маш сонирхолтой ном байлаа.

Та бүхэн Ажаа багшийн намтарыг олж авч уншаарай.

Үнэн түүхийг өгүүлсэн, ухаарал хайрласан сайхан номууд шүү.

АНУ Чикаго хот

06/10/2026

Бүгд амлав

Наро банчэн гэгээн багшийн Америкийн Монгол сүсэгтнүүд болон, бурханы шашинтай Америкчуудын урилагаар хүрэлцэн ирсэн номын их аян Чикаго хотод өндөрлөж байна.

Бурхан багшийн үнэн сургаал бидний амьдралд хэзээ ч хуучрашгүй үнэ цэнтэйг дахин сануулав.

Бие биенээ хайрлан хүндлэх, Бодь сэтгэлтэй байх, тусалж чадахгүй бол бусдад хор хүргэхгүй байх гэдгийг гэгээн багш дахин дахин сануулсаар байлаа.

Бид хоорондоо эвтэй байж, нэгнээ муулахгүй амьдрах нь чухал.

Алив та нар бурхан ном хуврагын өмнө бусдыг муулахгүй гэж ам аваач тэхүү хэмээн мишээхэд бүгд толгой дохин зөвшөөрсөн юм.

За ажлын өдрүүдэд хүн муулахгүй байж чадахгүй бол амралтын өдөр ядаж муулахгүй гэж амлах уу гэв.

Нийтээрээ нээрээ ч тэгдэг юм билүү гэсэн аятай зөвшөөрч багшийг дуурайн амлацгаав.

Бид насан туршдаа бусдыг муулахгүй, чадвал үргэлж муулахгүй, чадахгүй бол амралтын өдрөөр муулахгүй гэсэн тангараг тавив.

Үүний дараа за та нар бие биенээ сайн хараад ав.
Хяналттай тийм үү гэхэд сөрөг сэтгэлийн нэг гэмийг дарж, эерэг сэтгэлийн нэг эрдэмийг олсон бүгд баяртай байлаа.

Бид бүгд сайн хичээж байгаа ч гариг эрхсийн нөлөөгөөр саад гарч болно.

Жишээ нь сарны нөлөө тэнгис далайг цалгиулж чадна.
Хэрэв гадна талд саад барцад байгаа бол тэрийг засч болдог хэмээсэн юм.

Ховор засал болох улайссан арилдаар адислаж галын ном, галын тарниар хамгаалалт хийж өгсөн нь олон түмний сүсэг бишрэлийн далайг цалгиулж байв.

Дадар дадар шувуу
Далан дээрээ тамгатай
Далай ламын шавь нар
Газар бүхэнд хүндтэй
хэмээн ардын уран зохиолч Ш. Сүрэнжав гуай үргэлж иш татдагсан.

Тэр адил дээрхийн гэгээн 14-р Далай багшийн тодруулсан залуу гэгээн багш, даян дэлхийд бодь, нинжин сэтгэлийн үүднээс шашин амьтны тусыг үйлдээрэй гэсэн далай багшийн зарлигийг өөрийн биеийг үл ажран ийнхүү биелүүлж явна. Монгол Naropa багшдаа гүн талархая.
Naro Banchen Khutagt San

Номын арвин үйлс арван зүгтээ дэлгэрэх болтугай.

АНУ, Чикаго хот

06/09/26

06/07/2026

Гэгээн багшийн "Галын ном" өнөөдөр Чикаго хотод болно

Дүрэлзсэн гал дотор зүүн зүгээс морилон ирэх галын тэнгэрийг залан дуудаж сан даллага уншдаг энэхүү номыг гэгээн багш амьтны тусын тулд уншиж засал болгодог.

Тарнийн ёсны энэ нарийн зан үйл нь нэгдүгээрт илбэ биш юм.
"Лам ламын таалал өөр" хэмээн манай монголчууд хэлдэг.

Гэгээн хүн ямар ном буяны тус амьтанд хүргэхийг тэдний хурц билэг ухаан, зөн мэдэл нь таалан болгоодог ажгуу.

Багшийн энэхүү өвөрмөц заслын зан үйл нь нэр төр, ашиг алдарын тухайд огт биш юм.

Хүмүүн бидний гадаад, дотоод барцад, үй олон саадыг арилган, час улаан болж улайссан галт илдээр адислаж хамгаалж өгдөг онцгой засал юм.

Багш улайссан арилдаар адислаж явах зуур, бүх бурхадын хүч чадлыг өөртөө хураасан гал бадруулагч Очирваань бурханы тарнийг нийтээр уншицгаадаг.

Мөн амьтан бүхний билэг ухааныг мунхагын нойрноос сэрээж галт илдээр адислагч Манзушир бурханы магтаалыг уншиж залбирдаг билээ.

Зарим нь үүнийг иог гэж боддог.
Зарим нь үүнийг илбэ юм уу гэнэ.

Энэ зан үйл нь нууц ч нийтийн тусад ил хийж болдог шашны зан үйл.

За юутай ч атугай багшийн номонд суугч ерөөлт шавь нар бол азтай буянтай байна.

Багшийн олон төрлийн эрдэм чадлыг тоолж биширч барашгүй.

Гэгээн багш бээр асрал энэрлийн сэтгэлээр бусдад хандаж, уур уцаараа дарж, сайхан сэтгэлээ хөгжүүлээрэй.
Бид бүгд үйл нисваанисийн эрхэнд амьдарч яваа.
Оюун сэтгэлээ хянаж өөрийнхөө ухааныг жолоодож сурах хэрэгтэй.

Буруу сэтгэл, нисваанисаар өөрийнхөө сэтгэлийг жолоодуулж болохгүй хэмээн захиж явна.

Нэг гадаад хүн энэ чадлыг та яаж олсон бэ, таны хэл түлэгдэхгүй байна, таны гар хайрагдахгүй байна хэмээн бишрэн асуухад
юмс өөрийн мөн чанараасаа бүтээгүй нь харагдаж байгаа.

Тарнийн бясалгалын хүчээр энэ нь боломжтой болдог хэмээн айлдсан юм.

Түмэн олны сэтгэл чанга зарчимтай, бие чанга эрүүл байх болтугай.

АНУ, Чикаго хот

06/05/2026

Гэгээн багш Ганди бол бодьсадва

Махатма Ганди нэг удаа галт тэргэнд сууж байхдаа өрөөсөн гутлаа гээсэн байна.
Тэр даруй нөгөө гутлаа тайлаад шидсэн байна.
Олсон хүн хосоор нь өмсөг дээ.

Мөн нэгэн тэмцэлийн үеэр цагдаа Гандийгийн толгойд өшгилжээ.

Тэр даруй Ганди босч ирээд цагдаад таны хөл зүгээр үү гэжээ.
Ичсэн цагдаа хожим нь цагдаагаа больсон гэдэг.

Тэрээр Энэтхэгийн тусгаар тогтнолыг авсаны дараа Английн томчууд бид нөмрөгнөөс өөр зэвсэггүй гуйлгачинд ялагдчихлаа гэж үү гэж дуу алдсан гэдэг.

Гэгээн багшийн жишээнээс

06/05/2026

06/05/2026

Наро банчэн гэгээн багш Чикагод

Сүсэгтэн олны заллага хүсэлтийн дагуу гэгээн багш Чикаго хотод морилон ирлээ.

Багшийн номын зар

☸️ 2026 оны 6-р сарын 6-ны Бямба гарагийн 10.00 цагт
Үйлсийг түргэн бүтээгч Ногоон Дарь-Эх Бурханы ном айлдна.

☸️ 2026 оны 6-р сарын 7-ны Ням гарагийн 10.00 цагт
Барцад саадыг арилган ариутгах Галын засал хийнэ.

📍Hilton Chicago/Northbrook
2855 Milwaukee ave Northbrook IL 60061

Та бүхэн сэтгэл амирлуулах дээдийн номын айлдвар сонсоорой.

Номын айлдвар үнэ төлбөргүй!

Түмэн олны арван цагаан буян арвижих болтугай!

06/05/2026

Бодь сэтгэл дүүрсэн газар бодь гөрөөс өөрөө ирдэг юм байна

06/03/2026

Наро банчэн гэгээн багш Чикагод

Сүсэгтэн олны заллага хүсэлтийн дагуу гэгээн багш Чикаго хотод морилон ирлээ.

Багшийн номын зар

☸️ 2026 оны 6-р сарын 6-ны Бямба гарагийн 10.00 цагт
Үйлсийг түргэн бүтээгч Ногоон Дарь-Эх Бурханы ном айлдна.

☸️ 2026 оны 6-р сарын 7-ны Ням гарагийн 10.00 цагт
Барцад саадыг арилган ариутгах Галын засал хийнэ.

📍Hilton Chicago/Northbrook
2855 Milwaukee ave Northbrook IL 60061

Та бүхэн сэтгэл амирлуулах дээдийн номын айлдвар сонсоорой.

Номын айлдвар үнэ төлбөргүй!

Түмэн олны арван цагаан буян арвижих болтугай!