http://www.freedomforburma.org/

Freedom for Burma, Chicago, IL (2026)

02/12/2026

ဖြေရှင်းဖို့ ပြင်ဆင်ထားကြတော့ပေါ့။

မန္တလေးမှာတော့ ပြိုကျပျက်စီးတဲ့ ဗလီတွေ တနှစ်ပြည့်တော့မဲ့ အခု အချိန်ထိ ပြန်လည်ဆောက်လုပ်ခွင့်မရသေးဘူး။
ဆောက်ခွင့်ရဖို့ ရပ်ကွက် ရဲစခန်း ထွေ/အုပ်အဆင့်ဆင့်
ခရိုင်/တိုင်း သာသနာရေး နေရာစုံမှာလျှောက်ထားတိုင်း
ဂျင်နိုဆိုက်ရဲ့ သက်သေခံဖြစ်တဲ့ (လွပ်လပ်ရေးမရမှီက)မူလပုံစံအတိုင်း ဆောက်လုပ်ခွင့်ပြုပါရန် ဆိုတဲ့ စာသားက မပါမနေရ ပြဌာန်း ထားတယ်။

ငလျှင်ဒဏ် အတူတူခံရပြီး ပြိုကျ ပျက်စီးတဲ့ အခြားဘာသာရေးအဆောက်အဦးတွေတော့ ချက်ချင်း မြေရှင်းပြီး ဘာခွင့်ပြုချက်မှမလိုပဲ ဆောက်တာ ပြီးသွားကြပြီ။

စည်ပင်သာယာက ဗလီဆောက်ခွင့်ပြုဖို့ တင်ပြတာကို မန္တလေးတိုင်း ဝန်ကြီးချုပ် မျိုးအောင် က ဗလီကိစ္စ ဘယ်ကောင်မှ ရှာမရှည်ကြနု့ဆို ပိတ်ထားတယ်။

ခွင့်ပြုမိန့်ကျချိန်မှာလည်း နိုင်ငံတကာက လှူဒါန်း ထားတဲ့ အထဲက ဘယ်ပစ္စည်းတွေကိုမပေးပဲချန်မလဲ၊ ဘယ်ပစ္စည်းတွေက ရသင့်တာထက် ဘယ်လောက်လျှော့ပေးမလဲ
ဆိုတာကလည်းစေါင့်ကြည့်ရမဲ့ကိစ္စပေါ့။

မပူကြပါနဲ့ ။
ဘယ်ကိစ္စမှ ICC အမှုတွဲက လွတ်မှာမဟုတ်ဘူး။

စစ်ကိုင်းနဲ့ မန္တလေးရဲ့ ဂျင်နိုဆိုက် အင်စတီကျူးရှင်းအတွင်းကကိစ္စများအပြီး ရှမ်းပြည်နယ်ထဲ နည်းနည်း ကြည့်ရအောင်။

နောင်ချိုကို TNLA သိမ်းတော့ TNLA ထဲက အဖွဲ့ဝင်တွေ မိမိသက်ဆိုင်ရာ ဘာသာရေး အဆောက်အဦးများကိုသွားကြတယ်။

TNLA ဗုဒ္ဓဘာသာဝင်တွေသွားခဲ့တဲ့ ဘုရား ကျောင်းကန်တွေအပိတ်အခံရပေမဲ့ TNLA တွေတက်ခဲ့လို့ဆိုပြီး မြို့မှာ ရှိတဲ့ တစ်လုံးထည်းသောဗလီ ကိုပိတ်လိုက်တယ်။

TNLA နဲ့ဆက်သွယ်ပါတယ် ဆိုပြီး ဂေါပကလူကြီး တွေခေါ်ပြီး တစ်ဦးကို သိန်း ၅၀၀ တောင်းလိုက် သိန်း၁၀၀၀ တောင်းလိုက်လုပ်ကြတယ်။

ဆရာ ကျနော်တို့ ဥပုဒ်လနီးလို့ ဗလီလေး လို့စကားစလိုက်ရင် စကားအဆုံးမခံပဲ ဗလီကိစ္စဆို ဘာမှ လာမပြောနဲ့လို့တုန့်ပြန်ပါတယ်။

ဒါလားမျှတကြသူတွေ။
ဒါလား ဂျင်နိုဆိုက် ရည်ရွယ်ချက်မရှိတာ။

ခင်ဗျားတို့အားလုံး တာဝန်ယူရမယ်။
တာဝန်ခံရမယ်။

နိုင်အဏ္ဏဝါ

02/06/2026

အခု တစ်မျိုး ဖြစ်ပြန်ပြီ၊

02/01/2026

ကျွန်စိတ်များ၏ အကျိုးဆက်
~~~~~~~~~~~
ဦးဌေးလွင်ဦး
{CRM ခေါင်းဆောင်}
( Jan 31, 2026 )

01/30/2026

ခါတော်မှီ ပွက်လောရိုက်မှုများ
~~~~~~~~~
ဦးဌေးလွင်ဦး
{CRM ခေါင်းဆောင်}
( Jan 24, 2026 )

01/28/2026

India ဇာတ်နိမ့် ဇာတ်ပျက် တစ်ကောင် ရဲ့ မှတ်တမ်း၊

ဒါ IIMM မှာ မှတ်တမ်းတင်မယ်။

နိုင်အဏ္ဏဝါ

01/28/2026

စနေမောင်မောင် Genocide ရာဇဝတ်ကောင် ဗမာ မဟာ လူမျိုးကြီး မင်းပြေးမလွတ် စေရဘူး၊

01/23/2026

နားထောင်ကြည့်

01/23/2026

ဘွဲ့လွန်ဖြေရန်ပြင်ထားပါ
————————————-
ရိုဟင်ဂျာကိစ္စ ICJ မှာ ပွဲကောင်းလာတော့မှ အသံတွေ စီခနဲ ပြန်ထွက်လာတယ် _ “ ရိုဟင်ဂျာဆိုတာ ရှိ / မရှိ ၊ တိုင်းရင်းသား ဟုတ် / မဟုတ် “ ။ ဒါတွေက မူလတန်းမေးခွန်းတွေ ဖြစ်သွားပီ ။ အခု ရိုဟင်ဂျာကိစ္စနဲ့ပတ်သတ်တဲ့ ICJ မေးခွန်းတွေက တက္ကသိုလ်အဆင့်မေးခွန်းတွေ ။ တက္ကသိုလ်တက်နေတဲ့လူက မူလတန်းမေးခွန်းတွေကို အကြိမ်ကြိမ်အဖန်ဖန် ပြန်ဖြေနေစရာမလိုဘူး ။

ICJ ကနေ ဘွဲ့ပေးလိမ့်မယ် _ မြန်မာ = လူမျိုးတုန်းသတ်ဖြတ်မှုကျူးလွန်သောနိုင်ငံ ။ ရိုဟင်ဂျာ = ကျူးလွန်ခံရသောလူမျိုး ။

ဒီဘွဲ့အတွက် ရင်ထဲမှာ တကယ်ခံစားရတယ် ။ ကျနော်ကိုယ်တိုင်က ရိုဟင်ဂျာတဝက် ၊ ဗမာအစိတ်သား ၊ အိန္ဒိယအစိတ်သား ။ နှစ်ဖက်လုံးနဲ့ အမျိုးတော်တယ်ဗျာ ။ ကျနော် မှတ်ပုံတင်လုပ်တော့ အဖေ့ဘက်ကအမျိုး ဗုဒ္ဓဘာသာဘုန်းကြီးကိုယ်တိုင် လိုက်ကူညီခဲ့တာတွေရှိတယ် ။ ကျနော်ကိုယ်တိုင် မှတ်ပုံတင်လုပ်တော့မှ “ ဟ ! ငါ့အမျိုးအရင်းထဲမှာ ဗုဒ္ဓဘာသာတွေ ရှိနေပါလား “ ဆိုတာ သိတာ ။
ဆိုတော့ မြန်မာဗုဒ္ဓဘာသာတိုင်း ရက်စက်နေတာမဟုတ်ဘူးဆိုတာလည်း ကျနော် သိတယ် ။

ဒါပေမဲ့ မြန်မာပြည်ဟာ လူမျိုးတုန်းသတ်ဖြတ်မှုကျူးလွန်သောနိုင်ငံလို့ ဘွဲ့တံဆိပ်တပ်ခံရမယ် ။ ဒီဘွဲ့နောက်ပိုင်းမှာ ဘွဲ့လွန်မေးခွန်းတွေလည်း မြန်မာပြည်ဟာ ဖြေပေးရတော့မယ် ။

ဂုဏ်သိက္ခာသပ်သပ် မကသော
——————————————-
“ ICJ ဆုံးဖြတ်ချက်ဟာ ဂုဏ်သိက္ခာထိခိုက်ရုံလောက်ပါကွာ “ လို့ ခပ်ပေါ့ပေါ့ တွေးကြသူတွေ ရှိမယ် ။ ဂုဏ်သိက္ခာပိုင်းထက်ပိုတဲ့ စီးပွါးရေးဆိုင်ရာ သက်ရောက်မှုတွေပါ ရှိလာပါလိမ့်မယ် ။ အသိသာဆုံးပြောရရင် နစ်နာသူတွေကို လျော်ကြေးပေးဖို့ မြန်မာနိုင်ငံမှာ တာဝန်ရှိလာပါလိမ့်မယ် ။ မူလနစ်နာသူရိုဟင်ဂျာတွေ ၊ ထပ်ဆင့်နစ်နာရသူ ဘင်္ဂလားဒေ့ရှ်နဲ့ မလေးရှားနိုင်ငံတို့ကို မြန်မာနိုင်ငံက လျော်ကြေးပေးရပါလိမ့်မယ် ။ တချီတခါတည်း ပေးရုံနဲ့ မပီးပြတ်ပဲ ဆယ်စုနှစ်ပေါင်းများစွာချီပီး လျော်ကြေးပေးရပါလိမ့်မယ် ။
ဥပမာ _ ၁၉၈၂ နိုင်ငံသားဥပဒေသည် နာဇီနျူရင်ဘတ်ဥပဒေကဲ့သို့ ရိုဟင်ဂျာတွေရဲ့ ဘဝ ကို ဖျက်ဆီးခဲ့သောကြောင့် ၁၉၈၂ ကနေ စပီး ဥပဒေအာဏာသက်ရောက်ရာကာလအထိတိုင် ပေးရပါလိမ့်မယ် ။ “ ငါတို့ အချုပ်အခြာအာဏာကွ “ ဆိုပီး ၁၉၈၂ ဥပဒေကို ဖျက်သိမ်းမပေးသရွေ့ လျော်ကြေးပေးရပါမယ် ။ မပေးဘူးကွာလို့ တင်းခံလို့ မရပါဘူး ၊ မြန်မာနိုင်ငံနဲ့ ကုန်သွယ်ဖက်နိုင်ငံတိုင်းက မြန်မာနိုင်ငံဆီသွားမဲ့ အကျိုးအမြတ်ရဲ့ ရာခိုင်နှုန်းတချို့ကို ရိုဟင်ဂျာတွေဆီ အရင်ခွဲဝေပေးပီးမှ မြန်မာနိုင်ငံဆီ ငွေလွှဲပေးပါလိမ့်မယ် ။ ဥပမာ _ မြန်မာက ဂျပန်ဆီ ရေထွက်ပစ္စည်းတင်ပို့လိုက်လို့ ဒေါ်လာ ၁၀ သန်း ရဖို့ ရှိတယ် ဆိုပါစို့ ၊ ဂျပန်ကိုယ်တိုင်က ရိုဟင်ဂျာတွေဆီ ဒေါ်လာ ၁ သန်း အရင် လွှဲပေးလိုက်ပါလိမ့်မယ် ၊ မြန်မာက ၉ သန်းပဲ ရပါလိမ့်မယ် ။ ဒီပုံစံက ဂျပန်နဲ့ မြန်မာကြား ၂ နိုင်ငံသဘောတူညီရုံနဲ့ ပြင်ဆင်ခွင့်မရှိတဲ့ နိုင်ငံတကာပြဌာန်းချက်ဖြစ်နေပါလိမ့်မယ် ။ နိုင်ငံတိုင်းက မြန်မာဆီကနေ ကုန်သွယ်မှုပြုတိုင်း ဒီပြဌာန်းချက်က အသက်ဝင်လာပါလိမ့်မယ် ။ ဒါက တကယ်ကို နားလည်လွယ်အောင်ရေးပြတဲ့ သဘောပါ ။ ကိစ္စတခုချင်းအလိုက် ဘဏ္ဍာရေးဆိုင်ရာ တရားစွဲဆို ဖြေရှင်းရမှုတွေ ဆက်တိုက်လာဖို့ ရှိနေပါတယ် ။

တကယ်မျိုးချစ်စိတ်ရှိပါ
————————————-
ရိုဟင်ဂျာဖြစ်ဖြစ် ဗမာဖြစ်ဖြစ် ရခိုင်ပဲဖြစ်ဖြစ် ကိုယ့်အမျိုးကိုယ်တကယ်ချစ်ပါ ။ လုပ်စားမျိုးချစ်တွေ မလုပ်ပါနဲ့ ။
ကိုယ့်အမျိုးကိုယ်တကယ်ချစ်ရင် နှစ်ပေါင်းများစွာ ကိုယ့်လူမျိုးနစ်နာစေမဲ့ အလုပ်တွေ မလုပ်ဖို့ လိုပါတယ် ။

ရိုဟင်ဂျာတွေ ကိုယ့်လူမျိုးကိုယ်တကယ်ချစ်ရင် နိုင်ငံတကာကုန်သွယ်ရေးဥပဒေတွေ ၊ ဘဏ္ဍာရေးလုပ်ထုံးတွေ ၊ အမေရိကန်ဟောက်စ်လွှတ်တော်ဘဏ္ဍာရေးကော်မတီရဲ့ အရေးပါမှုတွေ ကိုလေ့လာပါ ။ နယ်စပ်မှာ သေနတ်စုတ်နည်းနည်းပါးပါးနဲ့ ဟန်ရေးမပြပါနဲ့ ။ ( စက်မှုအင်ဂျင်နီယာ ၊ လျှပ်စစ်အင်ဂျင်နီယာ ၊ ဓါတုအင်ဂျင်နီယာတွေ မပါပဲ ရေရှည်စစ်ပွဲတခုကို ဘယ်သူမှ တိုက်လို့မရဘူး ။ ကိုယ့်လူမျိုးကို စာအရင်တတ်အောင်လုပ် ၊ အရူးမထနဲ့ )

ဗမာတွေ ကိုယ့်လူမျိုးကိုယ်တကယ်ချစ်ရင် တခြားလူမျိုး တခြားဘာသာတွေကို သတ်ဖို့ လှုံ့ဆော်တာတွေရပ်ပီး ကိုယ့်လူမျိုးအချင်းချင်း သတ်ဖြတ်နေတာကို အရင်ရပ်ဖို့ လုပ်ကြပါ ။ ဝဋ်လိုက်တယ်ဆိုတဲ့စကားကို မဘသ ဆိုသူတွေ ပိုနားလည်မယ်ထင်ပါတယ် ။ ဒီအချိန်ထိတောင် နားမလည်သေးဘူးဆိုရင် ခင်ဗျားတို့ဟာ ဗုဒ္ဓဘာသာရဲ့အခြေခံ “ ကံ ကံ၏အကျိုး “ တောင် မသိပဲ ဗုဒ္ဓဘာသာကို ဘယ်လိုမျိုးစောင့်ရှောက်နေကြတာလဲ ?
ခင်ဗျားတို့ ရိုင်းစိုင်းဆဲဆိုဝါဒဖြန့်လို့ တိုင်းပြည်ဟာ နစ်နာသထက်နစ်နာဖို့ပဲ ရှိတယ် ။

ရခိုင်လူမျိုးတွေ ကိုယ့်အမျိုးကိုယ်ချစ်တယ် ဆိုရင် ခင်ဗျားတို့အားကိုးတဲ့ အာရက္ခတပ်တော်ကြီး အကြမ်းဖက်အဖွဲ့အဖြစ် တံဆိပ်အကပ်မခံရအောင် ခင်ဗျားတို့ ပါးစပ်ကလေးတွေ လက်ကလေးတွေကို ထိန်းလိုက်ပါ ။

သိရီလင်္ကာမှာ မြို့တော်ကိုလံဘိုအထိ လေယာဉ်နဲ့ ဗုံးတက်ကြဲနိုင်ခဲ့တဲ့ တမီလ်ကျားသူပုန်အဖွဲ့ဟာ အကြမ်းဖက်တံဆိပ်အကပ်ခံလိုက်ရလို့ ဖွတ်ဖွတ်ကြေအောင်ချေမှုန်းခံလိုက်ရတယ်ဆိုတာ မမေ့ပါနဲ့ ။ ကျားသူပုန်အဖွဲ့ရဲ့ ဘဏ္ဍာရေးစီးကြောင်းတွေ ဖြတ်တောက်ခံရပီး ချေမှုန်းခံလိုက်ရတာပါ ။ စိတ်ဝင်စားရင် လေ့လာကြည့်လိုက်ပါ ။

တိုင်းပြည်နာမည်ပါ ပျောက်သွားခဲ့
————————————————
ယူဂိုဆလာဗ်ပြည်ထောင်စုတပ်မတော်ဟာ လူမျိုးတုန်းသတ်ဖြတ်ခဲ့ပါတယ် လို့ ICJ က ဆုံးဖြတ်ချက်ချခဲ့တာကိုပဲ လေ့လာကြည့်ပါ ။ နစ်နာကြေးတွေ ပေးရမှာမို့ ဆက်ခံတဲ့ နိုင်ငံဖြစ်တဲ့ ဆားဘီးယားက ယူဂိုဆလားဗီးယားဆိုတဲ့ နာမည်တောင် ဆက်မသုံးတော့ပဲ ခေါင်းရှောင်ထွက်ပါတော့တယ် ။ လူမျိုးတူမွန်တီနီဂရိုးကလည်း ဆားဘီးယားနဲ့ပေါင်းပီး ယူဂိုဆလားဗီးယားပြည်ထောင်စုအဖြစ် ဆက်လက်ရပ်တည်ရာကနေ ခွဲထွက်ခဲ့ပါတယ် ။ လျော်ကြေးမပေးချင်တော့ ဘယ်သူကမှ ယူဂိုဆလားဗီးယားဆိုတဲ့ နာမည်ကို ဆက်မသုံးတော့ပါဘူး ။

ပြည်ထောင်စုသမ္မတမြန်မာနိုင်ငံတော်ဆိုတဲ့ နာမည်တော့ အပျောက်မခံချင်လောက်ဘူးလို့တော့ ထင်ပါတယ် ။

“ ယူဂိုဆလားဗီးယားဆိုတာ ၁၉၉၀ လောက်က ဖြစ်စဉ်တွေပါကွာ ၊ ကမ္ဘာကြီးက အများကြီးပြောင်းလဲသွားပီ “ လို့ တွေးသူအတွက် ဖတ်ရမဲ့ သင်ခန်းစာကတော့ ၂၀၂၅ အတွင်း ဆူဒန်က RSF အဖွဲ့ရဲ့ ဘဏ္ဍာငွေတွေ သိမ်းဆည်းခံရမှုကို လေ့လာကြည့်ပါ ။ RSF အဖွဲ့ လက်ရှိကျူးလွန်တာတွေ အတွက် သိမ်းဆည်းတာမဟုတ် ၊ RSF အဖွဲ့ ဂျန်ဂျာဝီဒ်ဘဝတုန်းက ကျူးလွန်ခဲ့တဲ့ ဒါဖာလူမျိုးတုန်းသတ်ဖြတ်မှုအတွက် သိမ်းဆည်းတာပါ ။ ယူအေအီးဘဏ်မှာ အပ်ထားတဲ့ RSF ရဲ့ ငွေတွေကို သိမ်းဆည်းတာပါ ။ ယူအေအီးဆိုတာ အရှေ့အလယ်ပိုင်းရဲ့ စင်ကာပူလေ ။

အခု ICJ ကိစ္စ ပြောတုန်း ICC ကိစ္စလည်း နည်းနည်းထည့်ပြောဦးမယ် ။ ICC က ဝရမ်းထုတ်လည်း ဘယ်သူက ဝင်ဖမ်းပေးမှာလဲ တို့ ဘာတို့ ဥာဏ်တိမ်စကားပြောတဲ့သူတွေ မှတ်ထား _ လူကို ဖမ်းမရရင် ငွေကို ဖမ်းပစ်လိုက်လို့ရတယ် ။ ICC ရဲ့ နောက်ဆက်တွဲ ပရိုတိုကောလ်တွေကို သေချာလေ့လာကြည့် ။ ICC မှာ ရှိတဲ့ တပွဲတိုးသဘောတူညီချက်ဆိုတာ ဘာလဲ ရှင်းအောင်ဖတ်ကြည့် ။ အဘ တယောက်ချင်းစီရဲ့ ထိုင်းမှာ သွားဖွက်တဲ့ငွေတောင် မလွတ်စေရဘူး ။

ရိုဟင်တွေလည်း တခါလာ အေ ကနေ ဇက် အထိ ပေါတောတော အဖွဲ့တွေ ဖွဲ့လိုက် ၊ အရည်မရ အဖတ်မရ ကြေငြာချက်တွေ ထုတ်လိုက် ၊ နယ်စပ်မှာ ဗျောက်ဖောက်ဖို့ မြှောက်ပေးလိုက် နဲ့ အချိန်ဖြုန်းမဲ့အစား ဒါတွေကို စနစ်တကျ လေ့လာထားပါ ။

Kyawhlaoo

01/19/2026

"ဖွတ်မရ ဓားမ ဆုံး"
~~~~~~~~
ဦဌေးလွင်ဦး
{ CRM ခေါင်းဆောင် }
(Jan 19 ,2026)

01/17/2026

ရိုဟင်ဂျာလူမျိုးတုံးသတ်ဖြတ်မှုကို ဆက်လုပ်မည်ဟု ကြံ့ခိုင်ရေးပါတီနှင့်စစ်တပ်၏မဟာမိတ်ပါတီဖြစ်သည့် မတူကွဲပြားခြင်းနှင့် ငြိမ်းချမ်းရေးပါတီ (Peace and Diversity Party)၏ ဥက္ကဋ္ဌဟောင်းနှင့် လက်ရှိနာယက ဦးနေမျိုးဝေက ကြေညာလိုက်သည်။

ရိုဟင်ဂျာများကို “ပစ်သတ်၊ သတ်ပစ်၊ ပစ်မြှုပ်၊ မြှုပ်ပစ်” ဆိုသည့် ၎င်း၏ ယခင် ပြောဆိုချက်များကို အပြည်ပြည်ဆိုင်ရာ တရားရုံး ICJ က လူမျိုးတုံးသတ်ဖြတ်မှု သက်သေအဖြစ် ကြားနာနေသည်။

Freedom for Burma

02/12/2026

02/06/2026

02/01/2026

01/30/2026

01/28/2026

01/28/2026

01/23/2026

01/23/2026

01/19/2026

01/17/2026

Address

Telephone

Website

Alerts

Contact The Organization

Shortcuts

Share

Category