Far Western Nepalese Society , Maryland, USA

10/26/2026

10/25/2026

यहाँहरू सबैलाई नमस्कार! 🙏

आज आयोजना हुने दशैं–तिहार भेटघाट तथा शुभकामना आदान–प्रदान कार्यक्रममा नेपालका लोकप्रिय लोकदोहोरी गायक श्री कुलेन्द्र विश्वकर्माज्यूको उपस्थिति रहने जानकारी गराउन पाउँदा खुसी लागेको छ।

उहाँको सांगीतिक प्रस्तुतिसँगै रमाइलो गर्न र कार्यक्रमलाई सफल बनाउन यहाँहरू सबैलाई सपरिवार उपस्थित भइदिनुहुन हार्दिक अनुरोध गर्दछु।

केदार विक्रम शाही
कार्यवाहक सचिव
सुदूरपश्चिम नेपाली समाज, मेरिल्यान्ड, अमेरिका

10/24/2026

सुदूरपश्चिम नेपाली समाज, मेरिल्यान्डद्वारा भोलि आयोजित दशैं–तिहार भेटघाट तथा शुभकामना आदान–प्रदान कार्यक्रममा यहाँहरू सबैलाई सपरिवार हार्दिक निमन्त्रणा गर्दछौँ।

आपसी सद्भाव र आत्मीयता साट्दै चाडपर्वको खुसी सँगै मनाउन यहाँहरूको गरिमामय उपस्थितिका लागि हार्दिक अनुरोध गर्दछौँ।

10/17/2026

विजया दशमी २०८३ को हार्दिक मंगलमय शुभकामना! 🌺

सुदूरपश्चिम नेपाली समाज मेरिल्याण्ड परिवारको तर्फबाट सम्पूर्ण नेपाली दाजुभाइ तथा दिदीबहिनीहरूमा सुख, शान्ति, सुस्वास्थ्य र समृद्धिको हार्दिक शुभकामना व्यक्त गर्दछौं।

दशैंले टाढा रहेका मनहरूलाई जोडोस्, सम्बन्धमा आत्मीयता थपोस् र हरेक घरमा खुसी ल्याओस्। हामीबीचको एकता र आपसी सद्भाव अझ प्रगाढ बनोस्। 🙏

सुदूरपश्चिम नेपाली समाज परिवार
मेरिल्याण्ड, अमेरिका

10/15/2026

हार्दिक बधाई तथा शुभकामना! 💐💐💐💐

सुदूरपश्चिम नेपाली समाज मेरिल्याण्डका कार्यसमिति सदस्य तथा कार्यवाहक सचिव श्री केदार बिक्रम शाही ज्यू बाल्टिमोर सिटीको Mayor’s Office of Immigrant Affairs (MIMA) अन्तर्गत Asian American and Pacific Islander (AAPI) सल्लाहकारमा चयन हुनुभएकोमा हार्दिक बधाई!

यस भूमिकामा उहाँले नेपाली समुदायलगायत AAPI समुदायका समस्या र आवश्यकताबारे City Office लाई सुझाव दिने, City का सेवा तथा सुविधाबारे समुदायलाई जानकारी दिने र भाषा तथा संस्कृतिका कारण सेवा लिन कठिनाइ हुनेहरूको आवाज उठाउने काम गर्नुहुनेछ।

उहाँको समाजसेवाप्रतिको लगनशीलतामा हामी गर्व गर्दछौं र उहाँको सफल कार्यकालको हार्दिक मङ्गलमय शुभकामना!!!

यज्ञ बहादुर राना
अध्यक्ष
सुदूरपश्चिम नेपाली समाज, मेरिल्याण्ड, अमेरिका

09/27/2026

सुदूरपश्चिम नेपाली समाज मेरिल्याण्ड अमेरिकाको कार्यसमिति सदस्य श्री रक्षा बनियाँज्यू तथा यस समाजका सक्रिय सदस्य श्री पुष्प बिक्रम देउवा ज्यू NRNA Maryland Chapter को सदस्य पदमा मनोनित हुनुभएकोमा हार्दिक बधाई तथा सफल कार्यकालको शुभकामना व्यक्त गर्दछौँ।
समाजसेवा, सामुदायिक एकता र नेपाली समुदायको हितमा यहॅाहरुको अनुभव, सक्रियता र योगदानले थप ऊर्जा प्रदान गर्ने विश्वास लिएका छौँ।
हार्दिक बधाई तथा सफल कार्यकालको शुभकामना! 🎉🙏