Rays of Hope

04/07/2026

6, 9 August 1945, cikzialo takin khuapi 2 vutlevai a suah Khristian gam lianpi in bel tu'n zong vutlevai suah ngam tham ding hi. Tua ahih manin "Kha Siangtho in mi lungsimhei" cih la sa-in thu ngen lehang "Huhpa Kha Siangtho nasepna um in a muang ahi Khristiante lungsim hong heisak taktak ding hi."

02/05/2026

February 06, 2026

01/29/2026

12/17/2025

19 December 2025

08/01/2025

NA NGAIHSAK DIH VUA.

Limci i sak khatpeuh "GU" peuh na himawk hiam? Damna "mangbuhvui" kisamh hi hang.

04/23/2025

https://youtu.be/Pyp0p__SSHo?si=cCOpsZTsxJMGbxnF

Zomi Khristian te kiteenma Kiginkholh-holimna neih ding thupi leh kisam hi. Kiginkholhna holimna tawh kisai telgenna, hilhcianna laibu ahi "Gipzong leh Khuai...

12/19/2024

Lungngaihna 3: Hih Thu Bangci Pian Theih Ding?

Pasian in Zechariah kiangah a pai ahi Vantungmi Gabriel mah Nazareth khuami Mary kiangah sawl hi.

Zechariah kiangah a pai lai-in, Zechariah in "Hi thu bangci theih ding ka hi hiam?" ci-in thud**gkik hi. Tua bangin thu a dotkik manin John a suah d**g Zechariah pau theilo, khua zatheilo hi (Luka 1:62 ah "lim tawh d**g uh hi" ci hi).

Aizong, Mary in, "Hih thu bangci pian theih ding?" ci-in thu d**gkik hi. Tua bangin thu a dotkik hangin bangmah cih se loin kitel tak leh kician takin hilhcian sitset hi. Gabriel in Mary tungah bangmah tungsaklo hi.

Banghang?

1. Zechariah ahihleh Aaron' suan siampi nam hi-a, Jerusalem khua-ah a hunzui in siampi nasep sem dingin a pai zelzel khat ahi hi. Pasian' maipha ngah a nasempa ahi hi. Pasian' mite tang dingin siangtho pen munah lut-in biaknatau lui-in Pasian kiangah thu ngenngen kimlai, Pasian "awging" Gabriel tungtawnin a zak takteh "umlah" hi. Singthopen mun ahi Pasian' mai-ah a om laitakin a "umzo ding pen" leh a "sangzo ding pen" ahi ding kimlai "umlah" ahih manin thuhilhna a ngah hiding hi.

Tua banah Zechariah ii phatna la ngai lehang, Pasian kiang panin hotkhiatna a 'lam-et' zawh sawt tuak hi. Tua bangin 'lam-en' in a om kimlai, tua lametna hong tun ding takteh 'hi takpi mah ding maw' ci-in 'umlah' hi (Luka 1:20 ah 'a hun lai-in um lo na hih manin' ci hi). Tua hangin thuhilhna a ngah hiding hi.

Ahi zongin,

2. Mary ahihleh Galilee gam Nazareth khua-ah a teeng khat hilel hi. Biakpiakna a neih laitak zong hihtuaklo hi.

Numei hi lailai hi. Thuciamlui sungah Vantungmi pen numeite kiangah a kilaakna 2vei bang om a Hagar leh Samson ii Nu kiangah ahi hi (adang zong om kha thei ding, phawkpak hi). Tua zawh, Mary kiangah kilaak pan hi, kici thei phial ding hi.

Cihnopna ah "Vantungmi peuh mah pen numei ahi Mary in ama' kiangah kilaak dingin lamen dihdih lo ding" a cinuam ihi hi. Tua hangin thuhilhna ngahloin kipsakna a ngah hizaw ding hi.

Tua ahih manin;

A. Pasian' mai ah biakpiakna lui-in Pasian hong kamciamte lamen in i om hunciang "umlah" "muanglah" "sanglah" cih bang i hihloh nading cih pen i thungetna hisak ni.

B. Lametloh laitak, ginneih hetloh laitak in Pasian' awging i zakleh "lungdam takin san'zawh nading" i thungetna hisak ni.

Hih thu bangci pian ding?

"Pasian a dingin a piang theilo na khat beek a om kei hi" (Luka 1:37 ZSV)

Thungetna:

Pa Pasian aw, 'hih thu bangci pian ding' 'hih thu hi thei mah ding maw' cih dotnate in Na hihtheihna leh Na sepzawhnate ciangtan kha pahpah hi. Tua bang hunciang meidawi in kalsuankhia ngam loin ka opcip thei zel uh hi. Hong hehpih inla, "Pasian a dingin a piang theilo omlo" hong ci zo sak in. Tua hileh meidawina panin paikhia in ka mainawt ngam dinguh hi. Tua bangin ka mainawt ngam uh ciang bekin na min kong thangsak zo pan dinguh hi. Hong hehpih in, Pa Pasian aw. Amen.

12/18/2024

Lungngaihna 2: Min a Kivawh Pasian'zia

"Ama min John hiding hi." (Luka 1:63 TDB)

Min phuak cih pen mikim neih ahi hi. Tua bangin min phuahna khatpeuh i neih takteh min phuakpa/nu pen min piakna a ngahpa/nu, min piakna angah vanh te sangin lianzaw hi, cihna ahi hi.

Gentehna: Tonzang panin moh minthang ahi "nuhthial khuhkheu moh"; Mawtawpeisia tawh a kibawl khedap minthang ahi "Tualzang Khedap"; Zogam ah apple minthang khat ahi "Kam Nang apple" cih te a kipan min vawhtawm vive ahi hi.

Ahi zongin thutuampi khat ah, mihingte'n amau sangin a vanglianzaw, a thahatzawte zong minvawh in minpia uh hi. Tua bangin minvawh minpiakna ah a liatzawk hangin, a hatzawk hangin minpia theilo ding, minvawh theilo ding cihna ahihlohlam hong lak hi.

Tua ahih manin Lai Siangtho sungah mite'n zong Pasian pen min tuamtuam na pia in na minvawh uh a, na pahtawi uh hi. Tua bangin minvawhna, minpiakna a neih uh takteh Pasian pen neuzaw cihna hi zenzenlo hi.

Hagar in ta a neih ding ciangin vantungmi in 'Ismael' na phuak ding hi, ci hi. A khiatna pen "Pasian in na thuak nateng mu hi" a cihnopna ahi hi. Tuikhuk a muh takteh a lungdamlua ahih manin tua tuikhuk pen 'Beer-lahai-roi' ci-in minvawh hi. Akhiatna pen 'kei hong mu Pasian hilai ah ka mu hi' cihna ahi hi. (Piancilna 16:1-16)

Zechariah leh Elizabeth zong lungdam lua mahmah uh ahih manun a tapa min "John" phuak uh hi (Luka 1:60-63). A minbul pen "Yohanna" cih hi a "Pasian hong hehpihna lian mahmah hi" cihnopna ahi hi. Zechariah a pau theih ciangin "Yonhanna" a khiatna kicing takin phatna la hibangin phuak hi;

"I Pasian lungnem mahmah a,
hehpihna hong nei hi.
Eite tungah hotkhiatna khuavak
hong taangsak ding a,
sih ding lauhuaina sungah
a om mi khempeuh tungah
vantung khuavak hong taangsak ding a,
nopsakna lampi ah hong kha ding hi. (Luka 1:78-79)"

Zomi Khristiante sungah zong Pasian pen min tuamtuam i phuah hi.

Pasian pen "hong keem, hong liah, hong dal, hong hung" Pasian ahih manin "Khawm Sian Hung (Sianhung)"

Pasian pen a "kicing" Pasian ahih manin "Sian Kicing"

Pasian pen "a-hoih" Pasian ahih manin "Man Sian Hoih (Sianhoih)"

Pasian pen "thupha hong pia, hong khuatuah, hong khuasuah" ahih manin "Nang Van Siam (Vansiam)"

Pasian pen "hong len, hong kha, hong pi" Pasian ahih manin "Man Sian Len (Sianlen)"

Pasian pen "hong lamsang" Pasian ahih manin "Isaac Lapsang", cih bangin i phuak hi.

Tua aihleh 2025 gal-et kawmin 2024 sung hong ompih hong tonpih Pasian, a min ding bang na vawh sawm, na phuah sawm a le?

Ke'n pawh, "ka lu hong phong in, a kamciamte hong phonglokik" Pasian ahih manin "SIANPHONG" ka ci hi.

Thungetna:

Pa Pasian aw,

Tamveipi mah thanem in, maizum in ka puuk hun a om sam hangin hong hici koihdak loin hong phongto na hih manin ka lungdam mahmah hi. Tua bek hilo in kei adingin nong piak na kamciamte zong hong phawksakin hong phonglokik na hih manin ka lungdam mahmah hi. Tua mah bangin hih ka laisuan a sim te sungah lamet bei maizum in a lu a phongzolo khatpeuh a omleh Pa Pasian aw amaute lu na phong ta in. Amen!

12/17/2024

Lungngaihna 1: Pasian' kiang pan AWGING

"...Zechariah aw, lau kei in.... Kei pen Pasian' mai-a a dingpa Gabriel ka hi hi. Nang hong hopihin hih Lungdamna Thu a ko dingin kei hong kisawl hi..." Luke 1:13-19 (TDB2024)

Israel mite lametna bei-in khualmial bangin a mialbikbek laitak Pasian in ama' AWGING ahi Lungdamna Thu a taangko dingin Gabriel sawl hi. Tua AWGING ahi Lungdamna Thu pen thuthak hilo a, Kamsang Isaiah tungtawnin a pulaksa leh Kamsang Malakhi tungtawnin a genkholhsa thute a phonglokik hizaw hi.

Tua bangin photlawhkikna ah Pasian in Siampi Zechariah leh a zi Elizabeth na teel hi.

A ki-phonglokik Lungdamna Thu in banghiam cihleh;

"Ka mite hehnem un, hehnem un, na Pasian un ci hi...AWGING khat in, 'Gamlak ah T**A' lampi sial unla...lam lianpi khat a tangin bawl un....Topa PASIAN hong pai a, vangliatna tawh hong uk ding hi (Isaiah 40:1-11 TDB)" cih ahi hi.

"Amah pen Kamsang Elijah mah bangin thahatna leh vangliatna tawh Pasian mai ah hong mapai ding hi (Malakhi 4:5-6; Luke 1:17 TDB)."

1. Pasian kiang panin "AWGING" in Lungdamna Thu hi-a, tua Lungdamna Thu in bang ahiam cihleh; "Pasian in ama' mite adingin a taangkosa thute phonglokik" cihna ahi hi.

Tua mah bangin Lungdambawl hunsungah lungngaih dingin i deih thu in; "i mimal nuntakna sungah Pasian in Ama' kammal tungtawnin hong ciamsa 'awging-te' phonglokik nuam hi. Ahi zongin, ihihna khempeuh pen biakpiakna biaknatau ah a kihal paknamtui bangin bawlin Pasian' kiang zuan lehang Pasian 'awging-te' hong kiphonglokik ding hi.

2. Biaknatau bangin i kiluina-ah Pasianin "phawksak" hong neihleh "na cih bangin hi ta hen" ci-in san'ding ahi hi. Tua bangin ahihkeileh Zechariah bangin "awging-te" hong taksuah masiah i kiim i paam in "a pau theilo, a ham theilo, khuaza theilo" bangin hong koih, hong puaseh kha dinguh hi.

Thungetna: Pasian aw, cinglo taaklopi mah ka hihna bangbang tawh biakna in kong kilui hi. Hong sanginla, na 'awging-te' hong zasak in. Ka mangngilhsa, ka mangngilhkhak nong kamciamte hong phonglokik inla na 'awging-te' hong taksuak sak in. Amen!

10/31/2024

Reformation Day 1517 October 31

Martin Luther nailed 95 theses on the wall of All Saints' Church in Wittenberg, Germany.

"Leitung na khel nopleh laikung la inla, laigelh in." Martin Luther

08/25/2024

From Covenant Nation (Genesis & Exodus) to Covenant People (Isaiah, Jeremiah) to the People of God (Epistles of Paul & Epistles of Peter)