29/11/2022
*Question👇🏿👇🏿👇🏿*
Waliwo omuwalimu omu yasomesa n'agamba mbu abantu betulaba Nga abalogo 98% tebaba balogo mbu bakazesa magezi okufera.
Ekigambo ekyo kyeyayogera omuwalimu kiramulwa kitya oba obusiraamu bwogeraki ku nsonga eyo?
Mbu abantu abasiinga betulaba Nga abalogo era betulaba nti Ssibasiraamu mbu babeera basiraamu nyo mbu naye babeera bafere bufere Nga beeyiiya.
👆🏻 Bwatyo bweyagamba Owekitiibwa shk
*Skhk Muhammad Quraish Mazinga 👇🏿👇🏿👇🏿*:
Kigambo kikyamu nnyo
Ssi tteeka nti omuntu okukaafuwala alina okuba nga wa mazima mu kugenderera okukaafuwala
Wabula kasita yeebagala ekikaafuwaza mu bugenderevu nga takakiddwa, akaafuwala.
Omuntu singa obwavu bumuluma, ne yeefuula omusamize, ne yeewa ebitiibwa ebyeyawulidde Allah, ne bwaba mufere akaafuwala
Kasita agamba abantu nti ye amanyi ebyekwese, oba nti agaba oluzaalo, oba nti aleeta riziki, oba nti alina amaanyi agasika omukwano oba agaleeta abaguzi, oyo taba na njawulo ne fir'aun
Kubanga Fir'aun Allah yennyini yatutegeeza nti yali yeekaza bwekaza naye nga yeekakasa ye kennyini nti ebitiibwa bye yeewa tabirina
قال تعالى: "لقد علمت ما أنزل هؤلاء الا رب السموات والأرض بصائر وإني لأظنك يا فرعون مثبورا"
وقال تعالى:
"وجحدوا بها واستيقنتها أنفسهم ظلما وعلوا... "
Ekyokubeera nti yali mufere tekyamuggyako kuba nti yafuuka Imaamul Kaafiriin.
*Shk Abu Najiibah - Nuuh Uthman👇🏿👇🏿👇🏿*
Ewamu n'okuba nga omuweereza wa Abubakar (Allah amusiime) naye yali yamugamba nti mu kukagula nga tannasiramuka, naye tekyalobera Abubakari kwegoga bye yali alidde.
Ekirala ggwe aferera mu kuloga kimanyi nti gw'ofera yye aba akukkiririzaamu. Awo obukaafiiri we buva.
Ekisembayo, w'oferera kiba kitegeeza nti singa walina amajinni, waaligakozesezza. Kitegeeza omutima gubaamu obushiriku n'obukaafu.
