Karanle Community in Uganda

Karanle Community in Uganda Bartaan waa bogga rasmiga ah ee Karanle Community in Uganda

WAR-SAXAAFADEEDBeesha Karanle ee Dalka Uganda, wuxuu si adag u cambaareynayaa tallaabada lagu hor istaagay garsooraha So...
09/06/2026

WAR-SAXAAFADEED

Beesha Karanle ee Dalka Uganda, wuxuu si adag u cambaareynayaa tallaabada lagu hor istaagay garsooraha Soomaaliyeed ee caalamiga ah, Omar Abdulkadir Artan, kaas oo laga celiyay garoonka diyaaradaha ee Miami isaga oo haystay fiise sax ah isla markaana loo xulay inuu ka mid noqdo garsoorayaasha Koobka Adduunka 2026. Sida ay wararku sheegayaan, Artan ayaa loo diiday gelitaanka Mareykanka inkastoo uu ka mid ahaa garsoorayaasha FIFA u magacawday tartanka.

Beesha karanle wuxuu aaminsan yahay in Omar Artan uu yahay astaan qaran oo matalaysa Soomaaliya, Afrika iyo guud ahaan garsoorka kubadda cagta. Guulihiisa iyo magacaabistiisa Koobka Adduunka waxay ahayd taariikh cusub oo Soomaaliya u qormeysa, maadaama uu noqday garsoorihii ugu horreeyay ee Soomaaliyeed ee loo xulo tartankan weyn.

Waxaan u aragnaa dhacdadan mid dhaawacaysa qiyamka sinnaanta, cadaaladda iyo fursadda siman oo ay kubadda cagtu ku dhisan tahay. Beesha karanle wuxuu garab istaag buuxa u muujinayaa Omar Artan, waxaana ugu baaqeynaa FIFA iyo hay’adaha ay khusayso inay si degdeg ah u xalliyaan arrintan si uu u helo xuquuqdiisa shaqo iyo ka qeybgalka Koobka Adduunka.

Ugu dambeyn, Beesha karanle wuxuu ku faanayaa guulaha iyo horumarka ay gaareen bahda garsoorka Soomaaliyeed, waxaana adkeyneynaa in kartida, dadaalka iyo hufnaanta Omar Artan aysan marnaba istaagi doonin.

“Waxaan garab taaganahay Omar Artan.”

08 Juun 2026
Kampala , Uganda 🇺🇬🇸🇴

Guddoomiyaha Dhallinyarada Beesha Karanle ee Dalka Uganda 🇺🇬 Mudane Mohamed Sancade ayaa hambalyo iyo bogaadin u diray...
15/05/2026

Guddoomiyaha Dhallinyarada Beesha Karanle ee Dalka Uganda 🇺🇬 Mudane Mohamed Sancade ayaa hambalyo iyo bogaadin u diray dhammaan dhallinyarada Soomaaliyeed Gaar ahaan dhalinyarada Uganda ku Nool ee wax ka barato Dalkaas 🇺🇬munaasabadda qiimaha badan ee 15-ka May, oo ku beegan xuska Maalinka Dhallinyarada Soomaaliyeed.

Guddoomiyuhu wuxuu sheegay in maalintani ay astaan u tahay halgankii iyo waddaniyaddii ay muujiyeen dhallinyaradii gobannimo-doonka ahayd ee SYL, kuwaas oo door weyn ka qaatay xaqiijinta xorriyadda iyo midnimada shacabka Soomaaliyeed.

Gudoomiyaha dhalinyarada ayaa Kula Dardaarmay inay sii xoojiyaan doorkooda ku aaddan horumarka Waxbarashada ee ku joogan dalkaas
Si Ee Ugu qeyb Noqdan dhalinyarada u so baxday Dalka ee ka mid noqdan kubii u horseedi lahaa guulaha soo socdo.
Ardayda Beesha oo isku duuban waxaan u rajeynyna guul aan dhamaad leheyn
#15 may 2026
dhalinyarada somaliyeed

Wabillahi Towfiiq
===========—𝐃𝐇𝐀𝐌𝐌𝐀𝐀𝐃—===========

Hambalyo, Ugaas Cabdirisaaq Ugaas Cabdullaahi Ugaas Xaashi, Ugaaska Guud ee Beesha Murursade.Maanta waa maalin taariikhi...
25/04/2026

Hambalyo, Ugaas Cabdirisaaq Ugaas Cabdullaahi Ugaas Xaashi, Ugaaska Guud ee Beesha Murursade.

Maanta waa maalin taariikhi ah oo muujinaysa kalsoonida, karaamada, iyo maamuuska ay kuu hibeeyeen bulshada aad matalayso, waa maalin xambaarsan farriin qoto dheer oo ku aaddan hoggaan, dhaqan, iyo midnimo.

Mansabkan maanta laguu duubay waa mid soo jireen ah oo leh sal adag, kana soo gudbay jiilal badan, waxaa horey u soo hayay aabbahaa iyo awooweyaasha oo ahaa haldoor ku suntanaa sharaf, sumcad, iyo hoggaan hufan oo ay bulshada Soomaaliyeed ku xasuusato wanaag. Waxaan hubnaa in aad ku taagnaan doonto jidkii ay mareen, adigoo sii xoojin doona kaalintii ay kaga jireen bulshada dhexdeeda.

Mas’uuliyadda weyn ee maanta laguu igmaday, annaguna aan markhaati ka nahay, waa mid u baahan xikmad, dulqaad, iyo aragti fog. Waxaan Alle ka baryeynaa in uu kugu garab galo gudashadeeda, kuna waafajiyo xaqa iyo caddaaladda, si aad u noqoto hoggaamiye dhaqan oo mideeya dadka uu matalayo iyo guud ahaan ummadda Soomaaliyeed.

Dhaqanka Soomaaliyeed wuxuu ku dhisan yahay qiyam sugan oo ay ka mid yihiin deeqsinimada, geesinimada, caddaaladda, iyo ilaalinta midnimada. Marka sifooyinkaas ay ku kulmaan hoggaamiyaha, waxa ka dhasha haybad iyo karaamo lagu ixtiraamo, taas oo ka dhigaysa mid bulshada inteeda kale uga tilmaaman hanuun iyo hoggaan.

Ugaas Cabdirisaaq, waxaan Alle ka rajaynaynaa in uu kaa dhigo hoggaamiye mideeya bulshada, ilaaliya dhaqanka, kana shaqeeya wanaagga, nabadda, iyo horumarka. Waxaan sidoo kale u rajaynayaa in uu noqdo tusaale wanaagsan oo ay ku daydaan jiilasha soo koraya.

Waxaa lagama maarmaan ah in la xoojiyo xiriirka ka dhexeeya hoggaanka dhaqanka iyo dowladnimada casriga ah, si loo dhiso bulsho ku dhisan iskaashi, kalsooni, iyo wadajir. Hoggaanka dhaqanku wuxuu door muhiim ah ka qaataa nabadaynta, xalinta khilaafaadka, iyo ilaalinta jiritaanka bulshada.
Karanle Community in Uganda Guul iyo gobanimo

Address

Kampala

Website

Alerts

Be the first to know and let us send you an email when Karanle Community in Uganda posts news and promotions. Your email address will not be used for any other purpose, and you can unsubscribe at any time.

Shortcuts

Share

Category