Gonja vuje

17/03/2026

Habari wana Gonja vuje,

Ni rasmi sasa tumefikisha followers zaidi ya 10,000 (10K+) Tunatoa shukrani za dhati kwa wote mliotuunga mkono kwa like, share, na comment kwenye kurasa yetu pendwa ya nyumbani.

Tunaendelea kuwakaribisha wote wenye maudhui au makala yanayoendana na kurasa yetu wasisite kuyawasilisha kwetu kupitia email: [email protected] au inbox hapa ukurasa wetu. Tutayapokea kwa mikono miwili, kuyachapisha, na kutoa credit stahiki kwa mhusika, kadiri itakavyompendeza.

Asanteni sana kwa ushirikiano wenu mkubwa. 🙏
-AK

07/03/2026

07/03/2026

Fahari ya Msitu wa Shengena

Video hii inakuonyesha mimea mbalimbali ya msitu wa Shengena inayotumika k**a tiba na dawa asili. Wana Gonja vuje wanajivunia kuwa sehemu ya msitu huu wa kipekee, wakilinda na kuhifadhi urithi huu wa asili.
-AK



🎥 Credit: Boniface Sechuma (Mseli)

07/03/2026

Picha za matukio zinaonesha ujio wa wadau wa elimu katika Shule ya Sekondari Vuje, ambapo walitembelea shule na kutoa zawadi kwa wanafunzi wanaofanya vizuri darasani k**a njia ya kuwapongeza na kuwahamasisha kuendelea kufanya bidii katika masomo yao. Tukio hili linaonyesha umuhimu wa ushirikiano kati ya jamii na shule katika kukuza elimu na kuwatia moyo wanafunzi kufikia malengo yao ya kitaaluma.
-AK

📸 Credit: Mwalimu Sifuni Ngelula.

07/03/2026

Habari katika picha hizi ni kikao cha wazazi kilichowakutanisha pamoja na viongozi wa Tarafa, Kata na Kijiji kujadili maendeleo ya elimu. Katika kikao hicho alikuwepo Diwani wa Viti Maalum Tarafa ya Gonja, Mtendaji wa Kata ya Vuje, wakiwa pamoja na mwenyeji wao Mkuu wa Shule ya Sekondari Vuje, Mwalimu Bruno Soka.

Kwa pamoja wamejadiliana na kuweka mikakati ya kuendelea kuijenga na kuiboresha shule yetu ili iwe na mazingira bora ya kujifunzia kwa wanafunzi.
-AK

📸 Credit: Mwalimu Sifuni Ngelula.

06/03/2026

Historia ya Shule ya Msingi Vuje

Shule ya Msingi Vuje ni miongoni mwa taasisi za Elimu zenye historia ndefu na thamani kubwa katika eneo la Gonja vuje. Mwanzo wake ulitokana na jitihada na maono ya jamii ya wakati huo, iliyotambua umuhimu wa elimu kwa vizazi vijavyo.

Inasemekana kwamba shule hii ilianzia katika eneo la Mrungu, lililoko katikati ya mlima, mahali palipokuwa na mazingira tulivu na mazuri kwa kujifunza na kukusanyika kwa jamii. Mwanzo wa shule hii ulihusishwa kwa karibu na juhudi za Waislamu wa eneo hilo, hasa baada ya kuwasili kwa Shekh Jabiri kutoka Lamu, (Kenya) aliyelenga kueneza elimu pamoja na maadili mema ya kijamii na kidini.

Kupitia juhudi hizo na mshik**ano wa wakazi wa eneo hilo, wazo la kuanzisha shule lilipata nguvu. Hatimaye, Shule ya Msingi Vuje ikaanzishwa na kujengwa kwa mchango wa Waislamu wa Wilaya ya Same, wakati huo ambapo wilaya hiyo ilikuwa bado ni moja. Katika kipindi hicho, Mar. Mzee Selemani Rashidi Kinenekejo alihudumu kwa heshima kubwa k**a mkaguzi wa shule za Kiislamu Wilaya ya Same, akihakikisha elimu ilitolewa kwa viwango vinavyofaa na kuimarisha mashule ya wakati huo.

Lengo kuu lilikuwa kuwapa watoto wa eneo hilo fursa ya kupata elimu ya msingi, kuwajengea maarifa, nidhamu, na misingi ya maisha bora. Tangu wakati huo, shule hii imekuwa kitovu cha malezi na elimu kwa vizazi vingi vilivyopitia hapo, na baadaye kutoa mchango mkubwa katika jamii na taifa kwa ujumla.

Hadi leo, Shule ya Msingi Vuje inaendelea kubeba kumbukumbu na urithi wa historia hiyo adhimu historia ya mshik**ano, juhudi za jamii, na dhamira ya kuona elimu ikikua na kuendelea katika Gonja Vuje.

Chanzo: Mbaruku Yasini Kinenekejo

-AK

Je, wewe una kumbukumbu gani kuhusu Shule ya Msingi Vuje au historia yake? Karibu ushiriki nasi kwenye maoni.

02/03/2026

Utajiri wa Asili 🌿🌳

Katika video hii, tukio linafanyika ndani ya msitu mkubwa wa Shengena uliopo Gonja, Same, Mkoa wa Kilimanjaro. Ni mandhari ya kuvutia yenye uoto wa asili unaopendeza, miti mirefu na hewa safi ya milimani inayoonesha uzuri halisi wa mazingira ya asili. Hakika, tumebarikiwa kuwa na hazina hii ya kipekee.

Ndani ya video, Sifuni Mchome (K**a anavyoonekana kwenye video hii) ndiye anayeonesha na kuelezea kwa ufasaha uoto wa asili pamoja na aina mbalimbali za dawa za mitishamba zinazopatikana ndani ya msitu huu. Kwa kuwa anaifahamu vyema historia na siri za msitu wa Shengena, maelezo yake yanaonesha uzoefu na maarifa ya kina yaliyorithishwa kizazi hadi kizazi.

Video inaonesha namna msitu huu ulivyo muhimu kwa jamii inayouzunguka si tu k**a kivutio cha asili bali pia k**a chanzo cha tiba, elimu ya mazingira na utambulisho wa eneo la Gonja, Same.

Kwa hakika, Shengena ni fahari ya Mkoa wa Kilimanjaro na baraka kubwa kwa watu wake.

-AK

🎥 credit: Boniface Sechuma (Mseli).

02/03/2026

Huyu mzee anaitwa Togolani Salum, maarufu k**a Magoma Moto. Asili yake ni Gonja vuje - Mgambo, na ni mtu anayejulikana kwa uchangamfu na mapenzi yake makubwa kwa burudani. Anapopata nafasi ya kuserebuka, hasa kwenye muziki, huonekana akifurahia kwa moyo wote bila kujali umri. (Jambo linalomfanya apendwe na wengi)

Ni mwana chama kindakindaki wa Simba Sports Club, maarufu k**a Mwana Msimbazi, Na amekuwa akionesha mapenzi yake kwa klabu hiyo kwa miaka mingi. Uaminifu wake kwa timu na uwepo wake kwenye matukio mbalimbali ya kijamii vimemfanya ajulikane zaidi k**a shabiki wa kweli.

Mzee Togolani Salum amekuwa maarufu sana mitaa ya Kinondoni Makaburini tangu miaka ya 80’s.

-AK

27/02/2026

Vuje – Mabwe ya Mbee

📸 -AK