Gonja vuje

16/08/2026

HABARI KATIKA PICHA | HISTORIA YETU, WATU WETU

Pichani ni jengo la Vuje Dispensary, kituo cha afya binafsi kilichoanzishwa na marehemu Dr. Zinyangwa (Mungu amrehemu), ambaye kwa miaka mingi alitoa huduma muhimu za afya kwa jamii yetu ya Vuje na vitongoji vyake.

Kwa kipindi kirefu, dispensary hii ilikuwa sehemu muhimu ya maisha ya wananchi wetu. Watu wengi walipata matibabu na msaada wa kiafya kupitia huduma na juhudi za Dr. Zinyangwa. Alikuwa zaidi ya mtoa huduma; alikuwa sehemu ya jamii na mtu aliyegusa maisha ya wengi.

Tangu alipotuacha na kutangulia mbele ya haki, mwendelezo wa huduma katika kituo hiki haujawa k**a ilivyokuwa hapo awali. Hili ni jambo linalotukumbusha mchango mkubwa aliouacha na pengo ambalo hadi leo linaonekana.

Hakika, pengo la Dr. Zinyangwa halijapata mrithi.
Alikuwa mtu wa pekee, mwenye mchango mkubwa kwa jamii yetu A true legend of Vuje.

Leo tunapopita na kuliona jengo hili, tusione tu kuta na jengo; tuone historia, tuone huduma, tuone moyo wa kujitolea na tukumbuke maisha yaliyoguswa.

🕊️ Mungu amlaze mahali pema peponi na amrehemu kwa wema wake wote.

🌹 Leo hii, tunakumbuka maua yake.

📷 Credit: kutoka Maktaba ya Ombenijr

-AK

11/08/2026

HABARI KATIKA PICHA | WATU WETU, HISTORIA YETU

Kutoka kushoto kwenda kulia katika picha ni viongozi na waelimishaji waliotoa mchango mkubwa katika kujenga jamii yetu ya Gonja Vuje, hususan katika nyanja za imani, malezi na elimu.

Sheikh Rashid Kasidi mmoja wa viongozi wa dini waliotumikia na kuijenga jamii yetu kwa muda mrefu. Tangu alipohamia katika jamii ya Gonja Vuje mwaka 1994, Sheikh Rashid amekuwa akitoa mafundisho ya dini, nasaha na malezi ya kiimani, akiwasaidia wanajamii wengi kukua katika misingi ya dini na maadili mema.

Kwa miaka yote hiyo, amekuwa sehemu muhimu ya historia na maendeleo ya jamii yetu. Mchango wake hauwezi kupuuzwa, kwani kizazi baada ya kizazi kimeendelea kunufaika na elimu, nasaha na hekima zake.

Pongezi kubwa kwako Sheikh Rashid Kasidi kwa miaka mingi ya utumishi na kujitolea kwa ajili ya jamii yetu. Leo hii wewe si mgeni tena, bali ni sehemu ya familia na historia ya Gonja Vuje.

Anayefuatia upande wa kulia ni Mwalimu Goodluck Sechuma, mmoja wa walimu wakongwe na wenye mchango mkubwa katika kukuza elimu na malezi ya vijana ndani ya jamii yetu.

Kwa miaka mingi, vijana wengi wamepita mikononi mwake na kunufaika na elimu, malezi na mwongozo wake. Wengi wao wamefanikiwa kielimu na katika maisha, jambo linaloonesha wazi alama kubwa ambayo Mwalimu Goodluck ameiacha katika kizazi chetu.

Hawa ni miongoni mwa watu muhimu katika historia ya Gonja Vuje watu ambao walitumia muda, maarifa na nguvu zao kuhakikisha jamii yetu inajengwa kiimani, kielimu na kimaadili.

Tunawashukuru kwa dhati kwa yote mliyoyatoa kwa ajili ya jamii yetu. Mchango wenu ni sehemu ya urithi ambao utaendelea kukumbukwa na vizazi vijavyo.

Mwenyezi Mungu awajalie afya njema, maisha marefu na awalipe kwa kila jema mlilolifanya katika kuijenga jamii yetu. Aendelee kuibariki Gonja Vuje na kuwalinda watu wake wote.

-AK

05/07/2026

Tutakukumbuka daima, Mzee Jamlola. Ucheshi wako, upendo wako na moyo wako wa kuwafanya watu watabasamu vitaendelea kuishi katika kumbukumbu zetu. Mwenyezi Mungu akurehemu na akulaze mahali pema peponi. Inna lillahi wa inna ilayhi raji’un.

-AK

05/07/2026

Kwa masikitiko makubwa tumepokea taarifa za kufariki Dunia kwa Mzee wetu Shabani Omari Koshuma, Maarufu kwa jina la Jamlola.

Tunamuomba Mwenyezi Mungu amsamehe makosa yake, amlaze mahali pema peponi, na ampe mapumziko ya milele.

Hakika huu ni msiba mzito kwa wana Gonja Vuje na wote waliobahatika kumfahamu. Mzee Jamlola alikuwa mtu wa furaha, mcheshi, mwenye busara na aliyependa kuishi vizuri na kila mtu. Alikuwa kipenzi cha wengi, hasa vijana, ambao walifurahia utani wake na ukarimu wake kila walipokutana naye. Ameacha kumbukumbu nzuri ambazo zitaendelea kuishi mioyoni mwa wengi.

Tunatoa pole za dhati kwa familia, ndugu, jamaa, marafiki na wana Gonja Vuje wote waliofikwa na msiba huu. Mwenyezi Mungu awape subira, uvumilivu na nguvu katika kipindi hiki kigumu.

“Hakika sisi ni wa Mwenyezi Mungu, na hakika kwake Yeye tutarejea.”

Inna lillahi wa inna ilayhi raji’un.



— AK

17/03/2026

Habari wana Gonja vuje,

Ni rasmi sasa tumefikisha followers zaidi ya 10,000 (10K+) Tunatoa shukrani za dhati kwa wote mliotuunga mkono kwa like, share, na comment kwenye kurasa yetu pendwa ya nyumbani.

Tunaendelea kuwakaribisha wote wenye maudhui au makala yanayoendana na kurasa yetu wasisite kuyawasilisha kwetu kupitia email: [email protected] au inbox hapa ukurasa wetu. Tutayapokea kwa mikono miwili, kuyachapisha, na kutoa credit stahiki kwa mhusika, kadiri itakavyompendeza.

Asanteni sana kwa ushirikiano wenu mkubwa. 🙏
-AK

07/03/2026

07/03/2026

Fahari ya Msitu wa Shengena

Video hii inakuonyesha mimea mbalimbali ya msitu wa Shengena inayotumika k**a tiba na dawa asili. Wana Gonja vuje wanajivunia kuwa sehemu ya msitu huu wa kipekee, wakilinda na kuhifadhi urithi huu wa asili.
-AK



🎥 Credit: Boniface Sechuma (Mseli)

07/03/2026

Picha za matukio zinaonesha ujio wa wadau wa elimu katika Shule ya Sekondari Vuje, ambapo walitembelea shule na kutoa zawadi kwa wanafunzi wanaofanya vizuri darasani k**a njia ya kuwapongeza na kuwahamasisha kuendelea kufanya bidii katika masomo yao. Tukio hili linaonyesha umuhimu wa ushirikiano kati ya jamii na shule katika kukuza elimu na kuwatia moyo wanafunzi kufikia malengo yao ya kitaaluma.
-AK

📸 Credit: Mwalimu Sifuni Ngelula.

07/03/2026

Habari katika picha hizi ni kikao cha wazazi kilichowakutanisha pamoja na viongozi wa Tarafa, Kata na Kijiji kujadili maendeleo ya elimu. Katika kikao hicho alikuwepo Diwani wa Viti Maalum Tarafa ya Gonja, Mtendaji wa Kata ya Vuje, wakiwa pamoja na mwenyeji wao Mkuu wa Shule ya Sekondari Vuje, Mwalimu Bruno Soka.

Kwa pamoja wamejadiliana na kuweka mikakati ya kuendelea kuijenga na kuiboresha shule yetu ili iwe na mazingira bora ya kujifunzia kwa wanafunzi.
-AK

📸 Credit: Mwalimu Sifuni Ngelula.

06/03/2026

Historia ya Shule ya Msingi Vuje

Shule ya Msingi Vuje ni miongoni mwa taasisi za Elimu zenye historia ndefu na thamani kubwa katika eneo la Gonja vuje. Mwanzo wake ulitokana na jitihada na maono ya jamii ya wakati huo, iliyotambua umuhimu wa elimu kwa vizazi vijavyo.

Inasemekana kwamba shule hii ilianzia katika eneo la Mrungu, lililoko katikati ya mlima, mahali palipokuwa na mazingira tulivu na mazuri kwa kujifunza na kukusanyika kwa jamii. Mwanzo wa shule hii ulihusishwa kwa karibu na juhudi za Waislamu wa eneo hilo, hasa baada ya kuwasili kwa Shekh Jabiri kutoka Lamu, (Kenya) aliyelenga kueneza elimu pamoja na maadili mema ya kijamii na kidini.

Kupitia juhudi hizo na mshik**ano wa wakazi wa eneo hilo, wazo la kuanzisha shule lilipata nguvu. Hatimaye, Shule ya Msingi Vuje ikaanzishwa na kujengwa kwa mchango wa Waislamu wa Wilaya ya Same, wakati huo ambapo wilaya hiyo ilikuwa bado ni moja. Katika kipindi hicho, Mar. Mzee Selemani Rashidi Kinenekejo alihudumu kwa heshima kubwa k**a mkaguzi wa shule za Kiislamu Wilaya ya Same, akihakikisha elimu ilitolewa kwa viwango vinavyofaa na kuimarisha mashule ya wakati huo.

Lengo kuu lilikuwa kuwapa watoto wa eneo hilo fursa ya kupata elimu ya msingi, kuwajengea maarifa, nidhamu, na misingi ya maisha bora. Tangu wakati huo, shule hii imekuwa kitovu cha malezi na elimu kwa vizazi vingi vilivyopitia hapo, na baadaye kutoa mchango mkubwa katika jamii na taifa kwa ujumla.

Hadi leo, Shule ya Msingi Vuje inaendelea kubeba kumbukumbu na urithi wa historia hiyo adhimu historia ya mshik**ano, juhudi za jamii, na dhamira ya kuona elimu ikikua na kuendelea katika Gonja Vuje.

Chanzo: Mbaruku Yasini Kinenekejo

-AK

Je, wewe una kumbukumbu gani kuhusu Shule ya Msingi Vuje au historia yake? Karibu ushiriki nasi kwenye maoni.