Anjita foundation

26/09/2026

🌱 ANJITA YASHIRIKI MKUTANO WA KITAIFA WA TATHMINI YA PROGRAMU YA MALEZI, MAKUZI NA MAENDELEO YA AWALI YA MTOTO

📍 Dodoma | 23–25 Septemba 2026

Anjita Child Development Foundation imeshiriki Mkutano wa Nusu Mwaka wa Tathmini ya Utekelezaji wa Programu Jumuishi ya Taifa ya Malezi, Makuzi na Maendeleo ya Awali ya Mtoto jijini Dodoma, ukiwakutanisha wadau kutoka Wizara za Kisekta, Ofisi ya Waziri Mkuu – TAMISEMI, Waganga Wakuu wa Mikoa, Maafisa Maendeleo ya Jamii, Maafisa Ustawi wa Jamii, Maafisa Lishe, Maafisa Mipango pamoja na wadau mbalimbali.

Mgeni rasmi alikuwa Mheshimiwa Dkt. Dorothy Gwajima, Waziri wa Maendeleo ya Jamii, Jinsia, Wanawake na Makundi Maalum, alisisitiza umuhimu wa kuwekeza katika mtoto tangu hatua za awali za maisha, akieleza kuwa malezi ya mtoto yanahitaji maandalizi, uwajibikaji na ushirikiano wa wazazi, familia, jamii na wadau wote.

Dkt. Gwajima pia alisisitiza umuhimu wa kuhakikisha vipaumbele na bajeti vinaendana na mahitaji halisi ya watoto, ili kuimarisha huduma za malezi, makuzi, ulinzi na maendeleo ya mtoto nchini.

Aidha, alibainisha kuwa malezi duni na ukosefu wa uangalizi wa kutosha vinaweza kuwaweka watoto katika mazingira hatarishi, hivyo jamii inapaswa kuchukua jukumu la pamoja katika kujenga mazingira salama na yenye mwelekeo chanya kwa mtoto.

🤝 ANJITA Child Development Foundation k**a mdau mkubwa wa masuala ya Mtoto inaendelea kushirikiana na Serikali na wadau mbalimbali katika kuimarisha utekelezaji wa Programu Jumuishi ya Taifa ya Malezi, Makuzi na Maendeleo ya Awali ya Mtoto, kwa kuhakikisha ajenda ya mtoto inaendelea kuwa sehemu muhimu ya mipango ya maendeleo katika ngazi ya taifa, mikoa na jamii.

❤️ Mtoto wa leo ndiye rasilimali ya Tanzania ya kesho. Tuwekeze kwake sasa!

Tanzania ChildDevelopment InvestInChildren

17/09/2026

ANJITA YASHIRIKI MKUTANO WA MTAKUWA MKOA WA PWANI

Mkutano wa MTAKUWA Mkoa wa Pwani umefanyika tarehe 15 Septemba 2026, ukihusisha viongozi wa Serikali, wadau wa maendeleo na taasisi mbalimbali zinazoshiriki katika utekelezaji wa mpango huo.

Mgeni rasmi katika mkutano huo, ambaye ni Kaimu Katibu Tawala wa Mkoa wa Pwani, Dkt. Kusirye Urio, alisisitiza umuhimu wa Serikali, wadau na jamii kwa ujumla kufanya kazi kwa kushirikiana katika kutekeleza shughuli zilizopo kwenye mpango huo. Aidha, alizielekeza idara husika kuhakikisha zinasimamia na kufuatilia utekelezaji wa shughuli zote zilizopo katika mpango ili kufikia matokeo yaliyokusudiwa.

Mkutano huo, Serikali iliwasilisha taarifa za utekelezaji kutoka katika idara husika, pamoja na kujadili mafanikio, changamoto na hatua zinazohitajika ili kuimarisha utekelezaji wa MTAKUWA katika Mkoa wa Pwani.

Katika mkutano huo, taasisi ya Anjita Child Development Foundation kupitia Mkurugenzi wa Taasisi, Bi. Janeth C. Malela, ilieleza kuhusu Programu Jumuishi ya Kitaifa ya Malezi, Makuzi na Maendeleo ya Awali ya Mtoto (MMAM), pamoja na matokeo chanya ya utekelezaji wa programu hiyo katika Mkoa wa Pwani, ikiwemo kuwepo kwa mifumo ya ukusanyaji na ufuatiliaji wa taarifa za shughuli za malezi, kuongezeka kwa uelewa wa jamii kuhusu umuhimu wa malezi, kuimarika kwa ushirikiano baina ya idara na idara pamoja na wadau, wadau kuingeza nguvu ya kuleta miradi ya Malezi na Makuzi na kuimarika kwa ushiriki wa jamii katika kusaidia malezi, makuzi na maendeleo ya awali ya mtoto.

Mkutano uliazimia kuendelea kutoa elimu kwa jamii kuhusu ushiriki katika mpango wa chakula shuleni; kuimarisha elimu kuhusu malezi, makuzi na maendeleo ya awali ya mtoto; kuongeza nguvu katika ufuatiliaji wa utekelezaji wa MTAKUWA; kutoa elimu kwa jamii kuhusu kuwa na mtazamo chanya katika kuwapokea wafungwa waliomaliza vifungo vyao; pamoja na kuendelea kutoa elimu kuhusu namna ya kuzuia ukatili kwa makundi yote katika jamii.

16/09/2026

Anjita Child Development Foundation inaungana na wadau wote wa Malezi, Makuzi na Maendeleo ya Awali ya Mtoto kuwakaribisha katika Mkutano Mkuu wa Nusu Mwaka wa Tathmini ya Utekelezaji wa Programu Jumuishi ya Taifa ya Malezi, Makuzi na Maendeleo ya Awali ya Mtoto, jijini Dodoma.

12/08/2026

🌱👶🏽 PWANI YATATHMINI UTEKELEZAJI WA PROGRAMU JUMUISHI YA MALEZI, MAKUZI NA MAENDELEO YA AWALI YA MTOTO (PJT-MMAM) 👶🏽🌱

Tarehe 11 Agosti 2026, Ofisi ya Mkuu wa Mkoa wa Pwani kwa kushirikiana na Anjita Child Development Foundation ilifanya kikao kazi cha mapitio na tathmini ya utekelezaji wa PJT-MMAM kwa kipindi cha Aprili–Agosti 2026.

📍 Kikao hicho kilifanyika katika ukumbi wa Halmashauri ya Manispaa ya Kibaha, kikiongozwa na Mgeni Rasmi, Kaimu Katibu Tawala wa Mkoa, Dkt. Kusirye Ukio.

🤝 Kikao kiliwakutanisha wadau mbalimbali, wakiwemo wataalamu kutoka serikalini, waandishi wa habari, wawakilishi wa wazazi, mashirika yasiyo ya kiserikali na taasisi binafsi.

📊 Katika kikao hicho, Afisa Ustawi wa Jamii wa Mkoa, Bi. Lidya Mafole, aliwasilisha hali ya utekelezaji wa MMAM kwa kutumia takwimu zilizopo kwenye Scorecards.

🔎 Kati ya viashiria 14 vilivyopo kwenye Scorecard, baadhi ya maeneo yaliyobainika kuhitaji jitihada zaidi katika eneo la ulinzi na usalama ni uingizaji wa vyeti vya kuzaliwa vya watoto chini ya miaka 5 kwenye mfumo, pamoja na uwiano wa kaya zenye vifaa/sehemu zinazofanya kazi za kunawia mikono. Hivyo, jitihada za pamoja zinahitajika katika kuimarisha huduma hizo.

👏 Bi. Mafole aliwapongeza wataalamu kwa usimamizi mzuri wa utekelezaji, kwani kwa ujumla Mkoa wa Pwani unaendelea kufanya vizuri katika viashiria vingine vilivyobaki.

🏡 Mkurugenzi wa ANJITA, Bi. Janeth Malela, alitumia fursa hiyo kutoa mrejesho kuhusu maendeleo ya utekelezaji wa Mradi wa Malezi Centre, unaolenga kujenga vituo viwili (2) vya kijamii katika Mkoa wa Pwani. Kwa sasa, mradi upo katika hatua ya uhamasishaji na ukusanyaji wa rasilimali.

💡 Katika hotuba yake, Kaimu Mganga Mkuu wa Mkoa alisisitiza umuhimu wa kusimamia kwa ufanisi shughuli za MMAM na kuweka mikakati chanya ya kuhakikisha kila kiashiria katika Scorecards kinafanyiwa kazi ipasavyo.

💚 ANJITA itaendelea kushirikiana na Serikali na wadau mbalimbali katika kuwekeza na kuimarisha programu za Malezi, Makuzi na Maendeleo ya Awali ya Mtoto (MMAM), kwa mustakabali bora wa watoto wa Pwani.

ANJITA MaleziBora UwekezajiKwaMtoto NurturingCare I

09/08/2026

07/08/2026

13/07/2026

💙 20 Young Mothers Receive Business Loans Through Anjita Child Development Foundation, Swisscontact and Mkombozi Commercial Bank Plc Partnership 🤝💼

🌟 A significant milestone was achieved under the EmpowerHer Through Skills Project as 20 graduated Young Mothers in tailoring and hairdressing participated in a financial access and business development visit to Mkombozi Bank Plc – Tegeta Branch. The visit held in 11th July, 2026 and aimed to strengthen financial inclusion and connect young women entrepreneurs with affordable financial services to grow their businesses.

🏦 The Branch Manager Ms.Suzane Marandu warmly welcomed the ANJITA team and the Young Mothers before providing an overview of Mkombozi Bank's financial products and services designed to support entrepreneurs, small businesses, and growing enterprises. She also emphasized the importance of using business loans responsibly as a strategic tool for expanding businesses, increasing productivity, creating employment opportunities, and improving household incomes.

👩🏽‍💼 During the meeting, the Managing Director of Anjita Child Development Foundation presented the achievements of the EmpowerHer Through Skills Project, highlighting how the project has equipped 300 Young Mothers with vocational skills in tailoring, food processing and preservation, wesving knitting and handcrsftd, batiki and hairdressing, enabling them to establish and manage sustainable businesses that have improved their incomes and livelihoods.

🎉 As a major outcome of the visit, 20 Young Mothers successfully received business loans from Mkombozi Bank to strengthen and expand their tailoring and hairdressing enterprises, marking an important step toward economic empowerment and financial independence. 💪🏽✨

🙏 ANJITA extends its sincere appreciation to Swisscontact and Mkombozi Bank for partnering in empowering young women through access to finance and creating opportunities for sustainable entrepreneurship. 🤝💙

ANJITA

10/07/2026