Shafii Islamic foundation

Call Directions

Shafii Islamic foundation Allah Akbar

NASIHA KWA MWANAMKE WA KIISLAMU 🌹Usikubali kamwe, ewe mwanamke wa Kiislamu, kubadili dini yako kwa sababu ya kuolewa na ...
03/09/2026

NASIHA KWA MWANAMKE WA KIISLAMU 🌹

Usikubali kamwe, ewe mwanamke wa Kiislamu, kubadili dini yako kwa sababu ya kuolewa na mwanaume ambaye si Muislamu. Ikiwa umepewa mtihani wa kuishi bila mume, vumilia na umtegemee Allah.

Allah Anasema

{ إِنَّ ٱلدِّينَ عِندَ ٱللَّهِ ٱلۡإِسۡلَٰمُۗ }

"Hakika dini ambayo Mwenyezi Mungu Aliwachagulia waja Wake na Akawatumiliza kwayo Mitume Wake na ambayo Hakubali isipokuwa hiyo ni Uislamu". [Surat Āli-ʿImrān: 19]

{ وَمَن يَبۡتَغِ غَيۡرَ ٱلۡإِسۡلَٰمِ دِينٗا فَلَن يُقۡبَلَ مِنۡهُ وَهُوَ فِي ٱلۡأٓخِرَةِ مِنَ ٱلۡخَٰسِرِينَ }

"Na anaye tafuta dini isiyo kuwa Uislamu haitakubaliwa kwake. Naye Akhera atakuwa katika wenye kukhasiri". [Surat Āli-ʿImrān: 85]

Kumbuka: kuishi bila mume ni bora kuliko kuishi bila Uislamu. Mume anaweza kupatikana au kukosekana, lakini Uislamu ndio msingi wa uokovu wako na maisha yako ya Akhera.

Usifanye ndoa iwe sababu ya kumpoteza Allah. Linda imani yako, vumilia mitihani, na mtegemee Allah, kwa sababu anayemcha Allah na kuvumilia kwa ajili Yake, Allah humfungulia njia na humruzuku kwa namna asiyotarajia.

Anasema Allah Mtukufu

وَمَن يَتَّقِ ٱللَّهَ يَجۡعَل لَّهُۥ مَخۡرَجٗا... وَيَرۡزُقۡهُ مِنۡ حَيۡثُ لَا يَحۡتَسِبُۚ وَمَن يَتَوَكَّلۡ عَلَى ٱللَّهِ فَهُوَ حَسۡبُهُۥٓۚ

"Na anaye mcha Mwenyezi Mungu humtengezea njia ya kutokea... Na humruzuku kwa namna asiyo tazamia. Na anaye mtegemea Mwenyezi Mungu Yeye humtosha."

Surat Talaq: 2-3

Dini yako ni bora kuliko ndoa yoyote. Uislamu wako ni amana; usiuuze kwa ajili ya mwanadamu.

Allah Awajaalie Subra Dada zetu, Aamin🤲

ITTAQI-LLĀH (Mche Allah)Sehemu ya 1Usiku ulikuwa mzito. Upepo wa baridi ulipuliza taratibu katika kijiji cha Mwangaza. W...
23/06/2026

ITTAQI-LLĀH (Mche Allah)
Sehemu ya 1
Usiku ulikuwa mzito. Upepo wa baridi ulipuliza taratibu katika kijiji cha Mwangaza. Watu wengi walikuwa wamelala, lakini kijana mmoja aliyeitwa Hamza alikuwa macho.
Aliketi nje ya nyumba yake akiwa ameshika simu mkononi. Macho yake yalionyesha mawazo mengi. Maisha yake yalikuwa yamebadilika sana katika miezi ya hivi karibuni. Alianza kupata pesa nyingi kwa muda mfupi, lakini hakuna aliyefahamu alizipataje.
Kila alipoulizwa, alitabasamu tu na kubadilisha mada.
Usiku huo, ujumbe uliingia kwenye simu yake.
"Kesho pesa zitakuwa tayari. Hakikisha unafika mapema."
Hamza alitabasamu na kufunga simu. Lakini kabla hajasimama, sauti ya mzee mmoja ilisikika nyuma yake.
"Hamza."
Aligeuka kwa haraka.
Alikuwa ni Sheikh Abdallah, imam wa msikiti wa kijiji hicho.
"Mzee, mbona upo huku usiku huu?" Hamza aliuliza.
Sheikh alimsogelea polepole kisha akakaa pembeni yake.
"Nimekuona kwa muda mrefu mwanangu. Kuna jambo linakutesa."
Hamza alicheka.
"Hakuna kitu."
Sheikh alimtazama kwa makini kisha akasema maneno manne tu:
"Ittaqi-llāh."
Tabasamu la Hamza lilipotea mara moja.
Kimya kikatawala kwa sekunde kadhaa.
Sheikh aliendelea:
"Kuna mambo ambayo watu wanaweza kuyaficha kwa wanadamu, lakini hawawezi kuyaficha kwa Allah."
Hamza alihisi moyo wake ukidunda kwa nguvu.
Je, Sheikh alijua siri yake?
Alitaka kuondoka, lakini miguu yake ilionekana kuwa mizito k**a mawe.
Na hapo ndipo safari ambayo ingebadilisha maisha yake ilianza...
Itaendelea...

18/05/2026

*Siku 10 za mwanzo wa Dhulhijjah ni katika masiku yenye fadhila kubwa sana katika Uislamu. Allah ameapa kwa masiku hayo:*

*> “Naapa kwa alfajiri. Na masiku kumi.”*
( Suratul Fajr 89:1–2 )

Wanachuoni wengi wamesema “masiku kumi” ni siku 10 za Dhulhijjah.

*Mtume ﷺ amesema*:

*> “Hakuna masiku ambayo matendo mema yanapendwa zaidi kwa Allah kuliko masiku haya kumi.”*
*Maswahaba wakauliza: “Hata jihadi katika njia ya Allah?”*
*Akasema: “Hata jihadi, isipokuwa mtu aliyetoka na nafsi yake na mali yake kisha hakurudi na chochote.”*
Imepokewa na Sahih al-Bukhari

Miongoni mwa mambo ya kufanya katika siku hizi:

Kufunga, hasa siku ya Arafa

Kuswali na kuzidisha sunna

Kusoma Qur’an

Kutoa sadaka

Kufanya dhikri nyingi:

Takbir: Allahu Akbar

Tahmid: Alhamdulillah

Tahlil: La ilaha illa Allah

Kutubia kwa Allah

*Fadhila ya siku ya Arafa:*

*Mtume ﷺ amesema:*

*> “Kufunga siku ya Arafa, ninatarajia kwa Allah kuwa hufuta madhambi ya mwaka uliopita na mwaka unaofuata.”*
*Imepokewa na Sahih Muslim*

*Na katika siku hizo ipo siku kubwa ya Eid al-Adha pamoja na ibada ya Hija kwa walioko Makkah.*

Du’a Hii Inaweza Kukufanya Uwe Miongoni mwa Watu wa Peponi 🤍Kuna du’a moja…yenye nguvu sana…inayoweza kubadili mwisho wa...
16/04/2026

Du’a Hii Inaweza Kukufanya Uwe Miongoni mwa Watu wa Peponi 🤍

Kuna du’a moja…
yenye nguvu sana…
inayoweza kubadili mwisho wa maisha yako.

Siyo kwa sababu ya urefu wake…
bali ni kwa sababu ya unyenyekevu na ikhlasi yake.

🤲🏻 Du’a Yenyewe (Sayyidul Istighfar):

اللَّهُمَّ أَنْتَ رَبِّي، لاَ إِلَهَ إِلاَّ أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَىَّ وَأَبُوءُ لَكَ بِذَنْبِي، فَاغْفِرْ لِي، فَإِنَّهُ لاَ يَغْفِرُ الذُّنوُبَ إِلاَّ أَنْتَ

Allahumma anta Rabbi la ilaha illa anta, khalaqtani wa ana ‘abduka, wa ana ‘ala ‘ahdika wa wa‘dika mastata‘tu, a‘udhu bika min sharri ma sana‘tu, abu’u laka bini‘matika ‘alayya, wa abu’u bidhanbi faghfir li, fa innahu la yaghfiru adh-dhunuba illa anta.

Maana yake:

Ewe Allah, Wewe Ndiye Mola wangu,
hapana mola anayestahiki kuabudiwa kwa haki ila Wewe.

Umeniumba mimi, na mimi ni mja Wako,
nami niko juu ya agano Lako na ahadi Yako kwa kadiri ya uwezo wangu.

Najikinga Kwako kutokana na shari ya yale niliyoyafanya.
Nakiri neema Zako juu yangu, na nakuungama madhambi yangu.

Basi ninasamehe, kwani hakuna anayesamehe madhambi ila Wewe.

✨ Ahadi Yake:

Mtume ﷺ amesema:
“Mtu atakayeisoma (du’a hii) wakati wa mchana kwa kuwa na yakini nayo, kisha akafa siku hiyo kabla ya jioni, atakuwa miongoni mwa watu wa Peponi; na atakayeisoma usiku kwa kuwa na yakini nayo, kisha akafa kabla ya asubuhi, atakuwa miongoni mwa watu wa Peponi.”

(Sahih al-Bukhari 6306)

🕊️ Tafakari: Hebu fikiria… du’a moja pekee… inayoweza kukuhakikishia nafasi Peponi. Kinachohitajika tu… ni unyofu wa moyo (ikhlasi).

Wajue watu wa aina saba ambao wanaruhusiwa kutokufungwa mwezi mtukufu wa Ramadhan1- MGONJWAWanachuoni wanakubali kwamba ...
17/02/2026

Wajue watu wa aina saba ambao wanaruhusiwa kutokufungwa mwezi mtukufu wa Ramadhan

1- MGONJWA

Wanachuoni wanakubali kwamba inajuzu kwa mgonjwa kutofunga. Msingi wa hilo ni Aayah ambayo Mwenyezi Mungu Anasema

"Lakini ikiwa mmoja wenu ni mgonjwa au yuko safarini, basi ijumuishwe katika siku nyengine." [al-Baqarah 2:184]

2- MSAFIRI

Kuruhusiwa kutofunga haimaanishi kwamba k**a unaweza kufunga basi usifunge ila k**a unaona unaweza kufunga basi funga na ukiikosa funga utailipa baadaye kuisha kwa ramadhani.

3- WAZEE

Na ama wale wanaoweza kufunga kwa shida, (kwa mfano, mzee), wana hiari ya kufunga au) kulisha Miskin (kila siku)" (al-Baqarah 2:184).

Ibn Abbas (radhi za Allah ziwe juu yake) amesema kuwa Aya hii haijabatilisha kufunga, na inawahusu wazee na vikongwe wasioweza kufunga, hivyo basi kwakuwa hawatoweza funga basi kwa kila siku wamlishe masikini mmoja.

4- WALIOKUMBWA NA JANGA LA NJAA.

Wale ambao nchi zao zina patwa majanga ya njaa au mtu anashikwa na njaa kali kiasi kwamba anashindwa vumilia basi ulamaa wameona kwamba aache na ale chakula kwa kiasi chochote anachoweza.

5- WASIOFIKIA BALEGHE

Mtu huyu hajafikia umri wa kuanza kufanya ibada ila ni vizuri zaidi akajifunza ikiwa atataka.

6- MJAMZITO NA ANAYENYONYESHA

Ikiwa mjamzito anakhofia madhara makubwa kwa mtoto wake na ANAYENYONYESHA pia basi anaruhusiwa kuacha funga yake.

7- WENYE HEDHI NA NIFAASI

Nifaasi ni damu ya uzazi inayotoka baada ya kujifungua.
Hedhi ni damu ya mwezi kwa Mwanamke.

MALIPO YA FUNGA
Watu hawa wanaruhusiwa kuacha kufunga lakini pia wanahitaji kupata fadhila za mwezi mtukufu wa ramadhani sasa watapataje fadhila hizi? Kuna njia mbili ya kupata fadhila.

1- Kulipa funga walizokosa ikiwa alikuwa mgonjwa au Mjamzito nk... Basi atalazimika kulipa funga zake alizokosa.

2- Ikiwa hawezi lipa tokana na ugonjwa wake au hali yake basi atamlisha masikini mmoja kwa kila siku ya Funga.

*NASAHA MUHIMU*Haifai kwa Muislamu kusherehekea mwaka mpya wa Kikiristo (Miladi) kwa namna yoyote ile — iwe kwa maneno, ...
31/12/2025

*NASAHA MUHIMU*

Haifai kwa Muislamu kusherehekea mwaka mpya wa Kikiristo (Miladi) kwa namna yoyote ile — iwe kwa maneno, matendo, mapambo, fataki, au hata kuwatakia watu “Heri ya Mwaka Mpya.”

➡️ Hili ni *kujifananisha na makafiri*, jambo ambalo Mtume ﷺ alilikataza vikali: *"Atakayejifananisha na watu basi ni katika wao."* (Abu Dawud)

➡️ Aidha, ni *kuadhimisha sherehe zisizo za Kiislamu*, jambo ambalo linakatazwa kisheria, kwani Waislamu tuna idi zetu mbili tu: *Idi Al-Fitri* na *Idi Al-Adh-ha.*

➡️ Ni *kukufuru neema ya uongofu* kwa kuiga desturi za watu waliokengeuka na kutoamini.

➡️ Pia, kusherehekea mwaka mpya kunaambatana na *michezo, uchafu, ulevi, na mambo ya mchecheto* ambayo hayaendani na heshima ya Muislamu.

*USHAURI:*
➡️ Tumia muda huu kwa kufanya *muhasaba* (kujichunguza), kufanya toba, kuomba dua, na kuazimia kuwa Muislamu bora zaidi.
➡️ Kumbuka kuwa mwaka ukibadilika si sababu ya kusherehekea, bali ni *kukumbuka kuwa muda unakwenda na mauti yanakaribia*.

*ALLAH ATUPE UONGOFU NA ISTIQAMA.*
*Baarakallahu fikum.*

Address

Tabora
Igombe

Telephone

+255653426020

Website

Alerts

Be the first to know and let us send you an email when Shafii Islamic foundation posts news and promotions. Your email address will not be used for any other purpose, and you can unsubscribe at any time.

Shortcuts

Share

Category