Tanzania Scouts Association - TSA

14/10/2026

SKAUTI MKUU WA TANZANIA KATIKA KILELE CHA MBIO ZA MWENGE WA UHURU 2026 🇹🇿

Skauti Mkuu wa Tanzania, Mhe. Rashid Kassim Mchatta (LT), ameshiriki katika sherehe za kilele cha Mbio za Mwenge wa Uhuru na kumbukizi ya Baba wa Taifa, Hayati Mwalimu Julius Kambarage Nyerere, zilizofanyika katika Viwanja vya Nelson Mandela, Sumbawanga, Mkoa wa Rukwa.
Tukio hili muhimu linaendelea kutukumbusha misingi ya uzalendo, umoja, uadilifu na uwajibikaji katika kujenga Tanzania yenye maendeleo endelevu. Skauti Tanzania inaendelea kuwa mstari wa mbele katika kulea vijana wenye maadili mema, uzalendo na utayari wa kulitumikia taifa kwa vitendo

Rashid K. Mchatta

14/10/2026

Katika kikao cha mapitio ya mradi wa Matendo ya Kibinadamu jijini Dodoma, Jeshi la Zimamoto na Uokoaji liliweza kutoa elimu kuhusu namna ya kukabiliana na dharura.

Aidha, Shirika la Msalaba Mwekundu (Red Cross) pamoja na wadau wengine walipata fursa ya kujadili masuala mbalimbali, hususan hatua za kuchukua kabla, wakati na baada ya maafa kutokea.

Kupitia ushirikiano na kubadilishana maarifa, tunaimarisha utayari wa kukabiliana na majanga na kujenga jamii salama na himilivu zaidi.

13/10/2026

DC HANANG' AHIMIZA SKAUTI SHULENI KUWAJENGEA UZALENDO VIJANA

Mkuu wa Wilaya ya Hanang', Mhe. Vita Rashid Kawawa, amelipongeza Jukwaa la Vijana la Skauti kwa kuonyesha uzalendo wa dhati kwa Taifa kupitia mafunzo ya utayari wanayoyapata ndani ya jukwaa hilo.

Mhe. Kawawa ametoa pongezi hizo alipotembelewa ofisini kwake na vijana wa skauti kutoka wilaya mbalimbali za Mkoa wa Manyara wakiongozwa na Haji Iddi Ally, Naibu Kamishna wa Skauti Mkoa Manyara pamoja na Emanueli Arajiga, Mwenyekiti wa Jukwaa la Vijana mkoa, huku akihimiza majukwaa k**a hayo kuendelezwa mashuleni kwa mstakabali wa kujenga jamii yenye uzalendo.

Vijana hao walifika ofisini hapo kwa ajili ya kutoa taarifa ya kukamilika kwa safari yao na kupokea maelekezo ya kizalendo, baada ya kuhitimisha ziara ya matembezi ya umbali mrefu yaliyoanzia mjini Babati hadi wilayani Hanang'.

Matembezi hayo ya Skauti yalikuwa na lengo la kuenzi kuzaliwa Baba wa Taifa, Mwl. J.K. Nyerere, kujijandaa kimwili na kiakili kuhusu tahadhari ya mvua za El Niño na namna ya kujikinga, kutoa huduma kwa jamii ya usafi na kuzibua mitaro pamoja na kujifunza uongozi, maisha ya wengine na asili ya makabila ya Mkoa wa Manyara.

13/10/2026

Matukio katika picha,watu mbalimbali wakitembelea banda la skauti lililopo katika uwanja wa shule ya msingi ndua mkoa wa rukwa katika maonesho ya wiki ya vijana kitaifa 2026

13/10/2026

07/10/2026

🌱 TANZANIA SCOUT GREEN INITIATIVE YAFANA SABASABA — MITI 30 YAPANDWA KWA AJILI YA UHIFADHI WA MAZINGIRA
SABASABA, DAR ES SALAAM | 03 OKTOBA 2026
Chama cha Skauti Tanzania kupitia Tanzania Scout Green Initiative leo kimeendesha zoezi la upandaji miti katika Viwanja vya Sabasaba, Dar es Salaam, ikiwa sehemu ya juhudi za Skauti katika kuhamasisha jamii kuhusu utunzaji wa mazingira, kukabiliana na mabadiliko ya tabianchi na kujenga kizazi chenye uelewa wa mazingira. 🌱🌍
Katika zoezi hilo, jumla ya miti 30 imepandwa, huku washiriki wakipata elimu na semina mbalimbali kuhusu uhifadhi na utunzaji wa mazingira, athari za El Niño na mabadiliko ya tabianchi, pamoja na hatua zinazoweza kuchukuliwa na jamii katika kukabiliana na changamoto hizo.
Aidha, washiriki walipatiwa mafunzo ya Project Management (Usimamizi wa Miradi), yaliyolenga kuwaongezea uwezo wa kupanga, kuendesha, kusimamia na kutathmini miradi yenye tija na manufaa kwa jamii.
🎖️ Mgeni Rasmi katika tukio hilo alikuwa Balozi wa Mazingira kutoka Ofisi ya Makamu wa Rais – Muungano na Mazingira, Mhe. Aloyce Kamando, ambaye alishiriki katika kuhamasisha umuhimu wa vijana na jamii kwa ujumla kuwa sehemu ya juhudi za uhifadhi wa mazingira.
Tukio hilo pia lilihudhuriwa na viongozi mbalimbali wa Chama cha Skauti Tanzania, wataalamu wa mazingira na wadau mbalimbali, akiwemo:Kamishna Mkuu wa Chama cha Skauti Tanzania, Lt. Abubakar Mtitu,Kamishna Mtendaji wa Chama cha Skauti Tanzania, Eline Kitaly,Mohamed Kiluke Mratibu wa Mradi wa Tanzania Scout Green Initiative,Viongozi mbalimbali wa Chama cha Skauti Tanzania,Wawakilishi na wadau mbalimbali wa mazingira na uhifadhi,Ushiriki wa viongozi hawa pamoja na wadau wa mazingira umeendelea kuonesha umuhimu wa ushirikiano kati ya taasisi, wataalamu, vijana na jamii katika kulinda mazingira na kuhakikisha jitihada za uhifadhi zinakuwa endelevu.





World Scouting
Scouting in Africa
Moest Moest

02/10/2026

LT Abubakar Mtitu aongoza ukaguzi wa maeneo ya kambi na shughuli za East Africa Zonal Activities Kibaha.

Kamishna Mkuu wa Chama cha Skauti Tanzania, LT Abubakar Mtitu, ameongoza jopo la makamishna wa Skauti kutoka Kenya na Uganda katika zoezi la ukaguzi wa maeneo yatakayotumika katika East Africa Zonal Activities 2026, Kibaha Mkoani Pwani

Ukaguzi huo umefanyika September 29 mwaka huu, katika Shule ya Sekondari Kibaha, Chuo cha Maendeleo ya Vijana pamoja na Ukumbi wa Mwalimu Julius Kambarage Nyerere, maeneo yanayotarajiwa kutumika wakati wa shughuli hizo.

East Africa Zonal Activities 2026 inatarajiwa kufanyika kuanzia Desemba 15 hadi 19, 2026, ikishirikisha nchi za Tanzania, Kenya, Uganda, Rwanda, Burundi, Sudan Kusini na Jamhuri ya Kidemokrasia ya Kongo (DRC).

Shughuli hizo zinatarajiwa kuwakutanisha vijana na viongozi wa Skauti kutoka nchi hizo kwa ajili ya kujifunza, kubadilishana uzoefu na kuimarisha ushirikiano ndani ya harakati za Uskauti Afrika Mashariki.

Samia Suluhu Hassan
Dr Hussein Ali Mwinyi
Rashid K. Mchatta
Moest Moest
World Scouting
Scouting in Africa