Tanzania Scouts Association - TSA

04/05/2026

26/04/2026

Leo tunaadhimisha miaka ya Muungano wa 🇹🇿 ulioweka msingi wa umoja, mshik**ano na amani ya taifa letu. K**a Skauti, tunaendelea kujenga kizazi chenye uzalendo, huduma kwa jamii na upendo kwa Taifa letu lililoungana.

“Muungano wetu ni nguvu yetu, na umoja wetu ni urithi wa vizazi vijavyo.”

Heri ya Siku ya Muungano wa Tanganyika na Zanzibar. 🇹🇿⚜️

03/04/2026

Dodoma,.
Chama Cha Skauti Tanzania na Jeshi la Zimamoto na Uokoaji Tanzania wameendelea kuimarisha ushirikiano wao mara baada ya kupitia na kuboresha rasimu ya Mkataba mpya wa ushirikiano kati yao ili kuendana na mahitaji ya sasa

Akizungumza Jijini Dodoma wakati akifungua kikao kazi kilichowakutanisha Viongozi wa Jeshi la Zimamoto Tanzania na Chama Cha Skauti Tanzania Kamishna Jenerali wa Jeshi la Zimamoto na Uokoaji nchini John Masunga amekipongeza Chama Cha Skauti kwa mchango wao mkubwa ambao umekuwa ni wa kuigwa katika masuala ya Usalama wa jamii.

Pia CGF Masunga akiongelea Mkataba mpya unaotarajiwa kukamilika hivi karibuni amesema kuwa utaongeza ufanis WA ushirikiano kwa kuweka mikakati thabiti itakayowezesha utoaji wa elimu kwa umma, kuimarisha kinga dhidi ya majanga, pamoja na kuongeza uwezo wa kukabiliana na matukio ya moto na Uokoaji.

Kwa upande wake Kamishna Mkuu wa Chama Cha Skauti Tanzania LT. Abukari Mtitu amesema ushirikiano wa pande hizo mbili umeweza kuleta matokeo chanya na kuwajengea Vijana ujuzi mbalimbali Katika masuala ya Uokozi katika majanga mbalimbali

Pia Kamishna Mkuu LT. Abubakari Mtitu amesema Vijana wa Skauti wamekuwa wakishirki kikamilifu katika utoaji wa elimu kwa jamii kuhusu kinga na tahadhari dhidi ya moto hali iliyochangia kwa kiasi kikubwa kuongeza uelewa WA wananchi kuhusu namna bora ya kujikinga na majanga na hatua za kuchukua pindi majanga yanapotokea

Ushirikiano wa Chama Cha Skauti Tanzania na Jeshi la Zimamoto na Uokoaji umekuwa nyenzo muhimu katika kuimarisha Usalama katika jamii.

pamoja na kushiriki katika matukio ya Uokozi

11/03/2026

Hongera sana Maleo Stanley Lameck!

Tunayo furaha kubwa kukupongeza kwa kuchaguliwa rasmi kuwa Youth Representative – Africa Scout Region (2025–2028).

Ushindi huu si wa bahati, bali ni matokeo ya juhudi zako za muda mrefu, uvumilivu, na kutokukata tamaa. Umejaribu mara nyingi, ndani na nje ya nchi, bila kuchoka na bila kurudi nyuma. Leo hii, hatimaye umeweza na si tu katika ngazi ya taifa, bali katika ngazi ya Afrika nzima.

Hii ni heshima kubwa kwako binafsi, kwa Tanzania Scouts Association, na kwa vijana wote wa Tanzania. Umeonyesha kuwa kukata tamaa si sehemu ya safari ya mafanikio, na kwamba anayevumilia na kuamini anaweza kufika mbali.

Tunakuombea hekima, nguvu, na mafanikio mema katika kuwatumikia na kuwawakilisha vijana wa Afrika kwa uadilifu na weledi.

Hongera sana kwa ushindi huu mkubwa. Umetuheshimisha! 🌍⚜️🇹🇿

05/03/2026

Waziri wa Nchi Ofisi ya Waziri Mkuu Kazi, Ajira na Mahusiano Mhe. Deus Sangu akivalishwa Skafu na vijana wa Skauti mara baada ya kuwasili katika viwanja vya Don Bosco kwenye Hafla ya Uzinduzi wa Mafunzo ya Uanagenzi Awamu ya Nane kwa Mwaka 2025/2026 leo Machi 3, 2026 Jijini Dodoma.

02/03/2026

Rais wa Chama cha Skauti Tanzania, ambaye pia ni Waziri wa Elimu, Sayansi na Teknolojia Prof. Adolf Mkenda, akisaini kitabu cha maombolezo cha Askofu Mkuu mstaafu wa Jimbo Kuu la Dar es Salaam Mwadhama Polycarp Kardinali Pengo katika Kanisa Kuu la Mtakatifu Joseph

02/03/2026

Skauti Mkuu wa Tanzania, ambaye pia ni Katibu Tawala Mkoa wa Tanga LT. Rashid Kassim Mchatta akisaini kitabu cha maombolezo cha Askofu Mkuu mstaafu wa Jimbo Kuu la Dar es Salaam Mwadhama Polycarp Kardinali Pengo katika Kanisa Kuu la Mtakatifu Joseph

02/03/2026

Kamishna Wa Skaut Wilaya ya Kigamboni bi. Neema Kilongozi amemkabidhi rasmi hati miliki ya kiwanja cha sqm 4000 Mdhamini wa Chama Cha Skauti Tanzania Askofu LT Gervas Nyaisonga katika makabidhiano yaliyofanyika katika ofisi za Makao Makuu ya Chama cha Skauti Tanzania.

Akizungumza wakati wa kukabidhiwa rasmi hati miliki ya kiwanja hicho kilichopo Gezaulole, Kigamboni Dar es Salaam, Askofu LT. Gervas Nyaisonga ameupongeza Uongozi wa Skauti Kigamboni kwa ufuatiliaji mzuri wa mali za Chama na hatimaye kupata hati miliki

Kwa upande wake Kamishna Mkuu wa Chama cha Skauti Tanzania LT. Abubakar Mtitu amewataka Makamishna wote wa chama hicho Cha Skauti kuhakikisha wanazihakiki mali zote za Chama ndani ya maeneo yao wanayoyaongoza na kuzitambulisha kwa Makao Makuu ya Chama kwa taratibu zingine

01/03/2026

VIONGOZI WAASWA KUWA WAJIBIKAJI NA KUWEKEZA KATIKA ELIMU BUNIFU KWA MAENDELEO YA VIJANA

Kilimanjaro, Tanzania – 28 Februari 2026

Mjumbe wa K**ati ya Skauti Afrika, Skauta Yassin O. Makaraba, amewasihi viongozi wa serikali, taasisi, na jamii kwa ujumla kuwekeza kwa dhati katika elimu bunifu na stadi za kidigitali ili kuharakisha maendeleo endelevu ya vijana nchini.

Akizungumza katika Maadhimisho ya Siku ya Mwanzilishi wa Skauti yaliyofanyika katika Viwanja vya Hindu Mandul Grounds, Mkoa wa Kilimanjaro, Skauta Makaraba alisisitiza kuwa dunia ya sasa inahitaji vijana wenye ujuzi wa kiteknolojia, ubunifu, na maadili imara yatakayowawezesha kushindana kimataifa.

“Ni wajibu wetu k**a viongozi kuhakikisha vijana wanapatiwa maarifa na stadi zitakazowawezesha kujiajiri, kuajirika na kuwa sehemu ya suluhisho la changamoto za jamii,” alisema.

Aidha, aliwashukuru Serikali ya Jamhuri ya Muungano wa Tanzania pamoja na wadau wa maendeleo kwa kuendelea kuisaidia Skauti Tanzania katika malezi ya vijana, akibainisha kuwa ushirikiano huo umechangia kujenga kizazi chenye uzalendo, nidhamu, na uwajibikaji.

Maadhimisho hayo yaliambatana na kaulimbiu isemayo: “Elimu Bunifu na Stadi za Kidigitali kwa Maendeleo Endelevu ya Vijana.”

Skauti Tanzania imeendelea kuwa mstari wa mbele katika kuwaandaa vijana kupitia programu zinazojenga uongozi, maadili, na uwajibikaji wa kijamii.

Imetolewa na:
Ali Jumbe
PR lab -Kilimanjaro
28 Februari 2026