Media Council of Tanzania

04/06/2026

04/06/2026

03/06/2026

30/05/2026

Waandishi wa habari wakongwe nchini, Dkt. Maurice Samwilu Mwaffisi na Simon Martha Mkina wa gazeti la mtandaoni la Pambazuko, wameandika historia mpya baada ya kutwaa tuzo mbili za juu zaidi katika Tuzo za Umahiri wa Uandishi wa Habari Tanzania (EJAT), mashindano yanayotambuliwa kuwa yenye hadhi kubwa zaidi katika taaluma ya uandishi wa habari nchini.

Dkt. Mwaffisi, ambaye ni mwandishi, mwalimu na kiongozi mwenye uzoefu wa muda mrefu katika tasnia ya habari, alitangazwa mshindi wa Tuzo ya Mafanikio ya Maisha katika Uandishi wa Habari (Lifetime Achievement in Journalism Award - LAJA) 2025. Tuzo hiyo hutolewa kwa wanahabari waliotoa mchango mkubwa na wa kudumu katika maendeleo ya taaluma, ikiwemo kufundisha waandishi, kuandika vitabu vya taaluma ya habari, kulea waandishi wachanga, kuongoza vyumba vya habari, kutetea uhuru wa vyombo vya habari na kuimarisha misingi ya taaluma nchini.

Kwa upande wake, Simon Mkina alitangazwa Mwandishi Bora wa Mwaka 2025, baada ya kuwashinda Sanula Athanas wa gazeti la Nipashe na Abdallah K***a wa ITV, ambao pia walikuwa wamefika hatua ya mwisho ya kinyang’anyiro hicho.

Mkina alijizolea ushindi huo kutokana na ubora wa kazi zake za uandishi zilizokuwa na athari kubwa kwa jamii, kuzingatia viwango vya juu vya taaluma na maadili ya uandishi wa habari, pamoja na kuonyesha ubunifu na mchango wa kipekee katika mwaka 2025.

Washindi hao wawili walikabidhiwa hundi za mfano zenye thamani ya shilingi milioni tatu kila mmoja k**a sehemu ya kutambua mchango wao katika taaluma ya habari.

Kilele cha Tuzo za EJAT 2025 kilifanyika Mei 29, 2026, katika ukumbi wa Hoteli ya Four Points by Sheraton (New Africa), jijini Dar es Salaam. Hafla hiyo ilihudhuriwa na wadau mbalimbali wa sekta ya habari na kurushwa mubashara kupitia Azam TV pamoja na majukwaa mbalimbali ya mitandao ya kijamii.

30/05/2026

MATUKIO YA KILELE CHA EJAT:
Mwandishi wa Habari mkongwe, Edda Sanga (kushoto) akijadiliana jambo na Profesa Issa Shivji (kulia). Anaeonekana katikati ni mwenyekiti wa k**ati ya maadili ya MCT, Jaji Robert Mkaramba. Anaeonekana nyuma ya Edda Sanga ni Jaji Thomas Mihayo, aliewahi kuwa Mwenyekiti wa Bodi na Rais wa MCT

30/05/2026

Mwenyekiti wa jopo la majaji wa EJAT, Jesse Kwayu (kushoto) akiwa na Katibu wa jopo hilo, Mwanzo Millinga wakiteta jambo katika kilele cha tuzo hizo hapo jana.

30/05/2026

Rais wa MCT na Mwenyekiti wa Bodi, Mhe. Jaji Mstaafu Benard Luanda akitoa Tafakuri fupi katika kilele cha Tuzo za EJAT.

30/05/2026

Waandishi wa habari waliotinga hatua ya mwisho katika kinyang’anyiro cha Mwandishi Bora wa Mwaka 2025 wakielezea mbele ya hadhira athari (impact) za kazi zao za uandishi zilizofanikiwa kuingia katika mchuano huo. Tukio hili lilifanyika kabla ya kutangazwa kwa mshindi wa tuzo hiyo. Kutoka kulia ni Sanula Athanas wa Gazeti la Nipashe, katikati ni Abdallah K***a wa ITV, na kushoto ni Simon Mkina wa Pambazuko Online.

30/05/2026

Mgeni Rasmi, Mhe. Jaji Nestory Kayobera, Rais wa Mahak**a ya Afrika Mashariki (EACJ) akitoa neno la ufunguzi na hotuba ya kilele cha Tuzo za EJAT