The Same Qualities Foundation

06/10/2026

Spika wa Bunge la Uingereza (House of Commons), Sir Lindsay Hoyle, amependekeza Spika wa Bunge la Jamhuri ya Muungano wa Tanzania, M***a Azzan Zungu, kuwa Rais wa Mkutano wa 153 wa Umoja wa Mabunge Duniani (IPU).

Pendekezo hilo limetolewa leo, Oktoba 6, 2026, wakati wa Mkutano wa Baraza la Uongozi la IPU uliofanyika katika Kituo cha Kimataifa cha Mikutano Arusha (AICC), na kuungwa mkono na Spika kutoka Falme za Kiarabu pamoja na Bunge la Uganda.

Akitoa hoja ya kumpendekeza Zungu, Sir Lindsay Hoyle amesema ana heshima kubwa kupendekeza jina la Spika huyo wa Tanzania, akieleza kuwa uhusiano wao wa muda mrefu na wenye mizizi umempa sababu ya kufanya hivyo.

“Ninayo heshima kumpendekeza Spika wa Tanzania kuwa Rais wa Mkutano wa 153 wa Umoja wa Mabunge Duniani (IPU). Naweza kusema urafiki wa muda mrefu, urafiki wenye mizizi, ndiyo maana kwa heshima kubwa nampendekeza Spika wa Tanzania,” amesema Sir Lindsay Hoyle.

Akitoa salamu za shukrani, Zungu amewashukuru wajumbe kwa kumuunga mkono na kueleza kuwa amekubali kushika nafasi hiyo kwa moyo mmoja.

“Mheshimiwa Rais wa IPU na wajumbe wote wa Mkutano huu, kwa moyo wa dhati, nawashukuru wajumbe wote. Tanzania inajivunia kuwakaribisha jijini Arusha na tutaendelea kuwa pamoja katika Mkutano huu wa 153 wa IPU,” amesema Zungu.

Kwa upande wake, Rais wa IPU na Spika mstaafu wa Bunge la Tanzania, amempongeza Zungu kwa kuchaguliwa kuwa Rais wa Mkutano wa 153 wa IPU.

06/10/2026

Chama cha Wahadhiri ambao ni Walimu wa Vyuo Vikuu nchini Kenya wapo kwenye mgomo wa Kitaifa wakigomea malipo duni huku wakitaka mshahara uongezwe ambapo hawajakubaliana na nyongeza ya asilimia 4 na mazungumzo kukwama rasmi.

Katibu Mkuu wa UASU Dr Constantine Wasonga anasema kuwa Ruto na Serikali yake wasiwatishe kwasababu wapo wachache na hawaogopi kufukuzwa kazi huku akimwambia Rais akafundishe Yeye.

06/10/2026

CHINA YAIPA EAC DOLA 180,000 KUIMARISHA UWEZO

China imeendelea kuunga mkono Jumuiya ya Afrika Mashariki, EAC, kwa kutoa dola za Marekani 180,000 kwa ajili ya kuimarisha uwezo na kusaidia utekelezaji wa shughuli za Jumuiya hiyo.
Akizungumza jijini Arusha wakati wa hafla ya makabidhiano ya fedha hizo, Balozi wa China nchini Tanzania, H.E. Amb. Chen Mingjian, amesema China itaendelea kushirikiana na EAC katika kuimarisha ujumuishaji na maendeleo ya nchi wanachama.
Kwa upande wake, Katibu Mkuu wa EAC, Balozi Stephen Mbundi, amesema fedha hizo zitatumika kwa shughuli za Jumuiya kwa kuzingatia uwajibikaji na uwazi, ikiwemo kuwawezesha wafanyabiashara wadogo na wa kati kushiriki maonyesho na kutafuta masoko.

Balozi Mbundi amesema msaada huo ni sehemu ya ushirikiano wa muda mrefu kati ya China na EAC, ukiwemo msaada wa magari na mabasi pamoja na mafunzo kwa watumishi wa Sekretarieti ya Jumuiya.

Aidha, amesema EAC itaendelea kujadiliana na China kuhusu fursa nyingine kupitia mipango ya ushirikiano wa maendeleo, ikiwemo Global Development Initiatives, kwa lengo la kunufaisha nchi wanachama.

MWISHO

05/10/2026

05/10/2026

Bw. Kasambula mkazi wa Kata ya Nyankumbu Manispaa ya Geita Mkoa wa Geita ambaye alitumikia kifungo cha miaka 25 Jela alijitokeza katika mkutano wa Mkuu wa Mkoa wa Geita Shilabela Manispaa ya Geita Alexander Mnyeti kuomba msaada wa kurejeshewa ardhi anayodai kuwa ni mali ya familia yao kwani baada ya kumaliza kifungo na kurejea nyumbani alikuta maeneo hayo yakimilikiwa na watu wengine.

Kasambula amesema amezunguka katika ofisi mbalimbali za Serikali kutafuta msaada wa kupata maeneo yao lakini juhudi hizo hazijafanikiwa nakwamba licha ya kufuatilia suala hilo kwa muda mrefu bado hajapata suluhisho na hali hiyo imemfanya kukosa amani baada ya kurejea nyumbani.

Kutokana na hali hiyo Kasambula amesema amemuomba Waziri wa Mambo ya Ndani ya Nchi amrudishe gerezani kwa kuwa hana amani wala mahali pa kuishi huku akiiomba Serikali kupitia Mkuu wa Mkoa wa Geita kuingilia kati suala hilo kuchunguza madai yake na kumsaidia kupata haki yake.

01/10/2026

Mahakama Kuu ya Tanzania imefuta hati ya kukamatwa na kurejeshwa nchini kwa mwanaharakati wa mtandaoni, Edger Edson Mwakabela, maarufu ‘Sativa255’, na kuitangaza amri hiyo kuwa batili.

Uamuzi huo umetolewa Septemba 29, 2026 na Jaji Dafina Ndumbaro wa Kanda ya Dar es Salaam, baada ya kusikilizwa kwa rufaa ya Sativa aliyoiwasilisha kupinga amri hiyo iliyotolewa na Mahakama ya Hakimu Mkazi Kisutu.

Jaji amesema hati ya kukamatwa kwake na maelekezo ya kutumia njia zote kumrejesha Sativa, anayeishi Kenya (extradition), vimetangazwa kuwa batili, visivyo na nguvu na visivyo na athari yoyote kisheria.

Kwa mujibu wa Jaji Ndumbaro, mwenendo wa shauri katika mahakama ya chini ulifanyika kinyume na kifungu cha 14(1) cha Sheria ya Mwenendo wa Makosa ya Jinai (CPA), bila mamlaka ya kisheria chini ya Sheria ya Urejeshaji wa Watuhumiwa (Extradition Act), na kwa kutumia hati ya kiapo ya kuunga mkono shauri iliyokuwa na kasoro zisizoweza kurekebishika.

Sativa, kupitia wakili wake Jebra Kambole, alifungua rufaa dhidi ya uamuzi, mwenendo wa kesi na amri za Mahakama ya Hakimu Mkazi Kisutu zilizotolewa Novemba 28, 2025, katika maombi ya jinai namba 28115 ya 2025.

01/10/2026

Kilimanjaro Airport:
Abiria katika uwanja wa ndege wa kimataifa wa Kilimanjaro, wameonekana kuwa na hisia tofauti baada ya kushuka kwenye ndege na kuanza kupewa vitakasa mikono na kukaguliwa kwa boarding passes zao huku wakiwa nje ya jengo la abiria utaratibu ambao ni wa kushangaza kidogo. Nauru’s hao walionekana kunung’unika na wengine wakicheka kwa kejeli na kujipiga picha (selfies) wakigeukia umati wa abiria wenzao.
Je, utaratibu huu ni sawa au mamlaka İnabidi kuandaa utaratibu mzuri na wa kirafiki zaidi?

01/10/2026

Amri Kiemba achaguliwa kuwa kocha msaidizi wa Kagera sugar.
Amri Kiemba ambaye aliwahi kuichezea timu hiyo sambamba na Simba na Yanga anajiunga na Kagera sugar huku Frank Dumayo akiwa kocha msaidizi namba 2