客 客 客到人 Hakka Global

16/06/2026

🍳【Sama-Sama共下作客：中壢尋味創作團隊】🎨
​
5/31天時盡好🌞 陳美禎先生 帶來盡多東西分享分大家，有生動个採訪經驗、有深入个地方觀察、有堅定个女性力量，大家人都聽著目珠金金；課程臨尾跈等下晝个日頭，大家擇了 山線百年客家輸出 个〈阿姆个味緒〉底背各自合意客家植物餅乾，試等用畫面來表達自家食著个味緒。有好看、有好聽、有好食，每个人都收穫滿滿，同時對自家愛仰般去紀錄中壢飲食文化，緊來緊有清楚个想法✨
​
⋯ ⋯ ⋯ English Version ⋯ ⋯ ⋯
​
🍳 Sama-Sama Together: Zunglag Food Exploration Creative Team 🎨
​
On May 31, Ms. Chen, Mei-Cheng shared her interviewing experiences, local observations, and reflections on women’s strength, inspiring everyone in attendance.
​
To conclude the session, participants selected their favorite Hakka plant-based cookies from "A-Me's Flavor(阿姆个味緒)" designed by Hakka 100 Years(山線百年客家輸出) and explored ways to express taste through visual creation. Through seeing, listening, and tasting, everyone left with new inspiration and a clearer vision for documenting Zunglag/Zhongli's food culture.

14/06/2026

14/06/2026

＼活動分享：新生一號劇團【新客報到3.0】演出資訊／

▍桃園場（索票倒數中）
6/27（六）14:30
6/28（日）14:30
平鎮區義民市民活動中心
​
▍臺北場（購票優惠中）
7/4（六）19:30
7/5（日）14:30
華山1914文化創意產業園區 拱廳
#私訊官方粉專即可獲得折扣碼

▍新北場
8/29（六）14:30
8/30（日）14:30
新北市客家文化園區 演藝廳

客語也可以讓全場笑到停不下來嗎⁉️

新生一號劇團打造全台唯一客家即興喜劇品牌「新客報到」💪，將於2026年推出全新升級「3.0版本到」，將於桃園、台北、新北三地展開巡演。

演出結合即興喜劇、客家文化與觀眾互動，由觀眾現場提供靈感、演員即興創作演出，打造每場都獨一無二、無法複製的劇場體驗😍

新生一號劇團​ #客家

14/06/2026

＼好書分享：《一路里來：台大客家社創社35週年紀念專書》／

恭喜好朋友 臺大客家研究社 出書溜🎉
請大家支持三十五年過後毋停動个後生人💪

【唐山新書書訊】
　
書名：一路里來：台大客家社創社35週年紀念專書
作者：台大客家社 編
出版社：唐山出版社
ISBN：978-986-307-277-5
出版日期：2026.06.10
　
◎ 作者簡介
　
作者簡歷
國立台灣大學客家研究社
台大客家研究社，簡稱「台大客家社」。創立在1991年，解嚴之後个還涯母語運動浪潮裡背，係全台最早創辦个大學客家社團之一。社團宗旨係傳承、發揚、創新客家个歷史、語言、文化，希望分社會變啊較多元、和諧同進步。初開始社團創辦，識做過客話教學班、舉辦客話演講比賽、山歌教唱這兜行動；後來漸漸仔轉做較多元个活動，像係討論都市客家認同、舉辦客庄踏查社遊、在校內辦理客家週這兜活動；到了今下，識辦理過紹介異國个客家社群、醫護客話、用客話搞桌遊、粄食體驗這兜主題。三十五年來，煞猛在該維繫校內个客家社群，希望在台北創造一隻細細个客庄。
　
★本書文案使用眾多客語字，礙於讀者電腦可能沒有安裝專用字體，故節錄文章部分客語字特轉為相近用字，方便讀者閱讀，萬請見諒。
　
◎ 內容簡介
　
　　創立在1991年，解嚴之後个還涯母語運動浪潮裡肚，2026年係台大客家社創社35週年，現任社員組成紀念專書个籌備團隊，整理社團歷史，還過邀請曾經參與客家社个學長姐，回望學生時代參加客家社，緬想這段時間對佢等有麼个意義？客家社對佢等个人生有仰般个影響？這本書毋單止紀錄了台大客家社一路里來个歷史，同時乜編入頭擺个社員參與客家社个後生回憶，係台灣客家運動史个靑年見證。
　　在台灣，以前識有過異多个大學客家社團，毋過到了今這下，既經伸著台大同成大了，做麼涯兜還有辦法延續呢？為著恁仔，這本書尋到了當多以前參加過台大客家社个學長姐，想愛試看啊用紀念性質个回憶錄，來去鬥出一段代代相傳个社團歷史，留分後人參照。
　
◎ 內文試閱
　
〈一路里來：序〉／李冠霖
　
　　對1991年創立社團，到今乜差毋多35年了，一路里來，到底係仰般延續到這下个呢？這係涯做社長之後，緊在該愐想个問題。
　　涯想了盡久，包尾涯得著个答案，可能就係緣分。一代過一代，可能係使命感抑係歸屬感、有可能係分人拜託（情緒勒索）、乜有可能係頭那去撞著壁（做社長恁𤸁，發癲了正會想愛做），涯俚尋著了一屆又一屆个社長，分社團个脈流傳承到今下，還過建立起逐屆社員獨一無二个大學經驗。
　　會有機會去聯絡著恁多以前个學姐學長，應該係對沅臻同脩閔該央時開始累積个連結。脩閔2020年該時還在該做台大意識報个專題，主題大概係「台大客家人」，邀請到佩暄、子軒、同該時節个社長沅臻共下受訪，初開始就係透過這擺記錄，分涯有機會透過報導，去了解著以前个歷史，還過有線索去尋著這幾屆个社長。正過來係2022年舉辦个當代客家文藝沙龍，該時其中一場阿蘭妹先生主持个講座，邀請到錦勳同正揚學長來分享佢兜該時在大學客家社个經驗，經過幾下年到2025年二月个時節，涯在國家語言生活節透過某一間獨立書店，拿到了收集成書个系列沙龍，尋到了另外一方面个線索。
　　毋過最特別个連結，應該還係2022年底，客家社邀請正揚學長來分享客家社創社初期个歷史同文史資料，這一擺个分享可能在某一種程度項，餳著了𫣆俚个主編穗風來到客家社，分這隻社團第一擺出現了二代社員，實在係還難得个事情。後來就愛到2024年，廷宇摎社長交分涯過後，康宏哥摎佢整理出來个歷屆社團登記資料拿分涯，還過同涯解說哪一儕係有可能連絡个，毋過該央時涯還正經想毋著去尋該兜學長姐。
　　係一直到2025年初，涯兜在擺社團博覽會个時節，堵著了一儕學長同涯兜講，佩暄學姐轉到台大來教書了，做得尋佢來分享，故所後來幾經聯絡，正辦理了社友轉屋个活動，邀請秀婷、佩暄、沅臻、脩閔。在佩暄學姐該場活動，佢同涯講做得去尋繼泓學長，想毋著蓋堵好，繼泓學長該時在該同主持人朋友穎珍共下主持《新聞懂喜劇》，還過佢兜堵好乜共下參演《新客報到2.0》，故所透過該擺佢等表演，又熟事到繼泓學長。
　　到這下，三十年前、二十年前、還有最近十年个社長，大概都尋著了。幾下十年來，可能係第一擺有恁難得个連結，故所涯同穗風討論過後，決定愛把扼這擺機會，摎各位先輩邀稿仔，來嘗試編一擺社刊。可能係天意，涯等在安排个過程當中算係異順序，需要个人才都堵好尋得著，大部分學長姐乜願意𢯭手寫稿仔，算係記錄下了社團个一段口述歷史。
　　像係錦勳學長寫个社辦歷史，寫著社辦其實係該時佢兜對氣窗爬入去，換忒門鎖之後同學校對抗，正搶到這下活大246个社團辦公室，還有像係中杰學長寫到以前社團裡背在反水庫運動个時節，社團對社運無共樣个方針，係講無這擺機會去寫出來，應該係涯等現下个社員一生人都毋會知得个歷史。
　　在社辦裡背，涯兜最近整理出了蓋多以前个社本，還過在網路頂項个PTT客家版，乜查到了非常多以前个貼文，一直到最近幾年，涯俚開始經營社群媒體，三十零年來个痕跡，都透過各式各樣个媒介，流流傳傳到今這下。希望涯俚之後還做得邀請到還較多个學姐學長，同佢兜个故事寫下來，分涯俚做得了解一路裡來，涯俚係仰般行過。
　
★本書文案使用眾多客語字，礙於讀者電腦可能沒有安裝專用字體，故節錄文章部分客語字特轉為相近用字，方便讀者閱讀，萬請見諒。
　
節錄自〈台大客家莊，他鄉變故鄉〉／張穗風
　
　　台大客家社係涯第二个故鄉。
　　涯係高雄瀰濃人，乜係一个客人。還細个時節在客庄大，在屋下都講客話，到學校之後正開始聽著朋友用河洛話打嘴鼓，故所涯个河洛話講啊毋好。做為一个鄉下大个細人仔，國中畢業之前都留啊瀰濃讀書，高中開始正走到市區讀書，感受著一種從來無感受過个孤寂感。周圍个朋友平常尞升學、尞網路、尞遊戲，根本無人陪涯尞農村个生活，乜無人陪涯用客話打嘴鼓。時常感著無陣，乜頭一擺發現瀰濃係涯个「故鄉」。涯个鄉愁應該係從該時節開始走出來个。
　　在幾啊擺个擺攤活動當中，涯發現著，假使大家行啊在路上看攤位，斯看毋出麼人係客人。毋過當客家社擺攤个人開始用客話撖民眾打嘴鼓，就會發現有兜人其實曉得講客，甚至有堵著過講啊蓋好个人。續下來就會尞著厥屋下麼人係客人，故所佢正曉得講客。涯認為，打造一个自然使用客話个環境，做得發現蓋多「隱形个客家人」，佢等毋係毋曉得講客，淨係尋毋著人、尋毋著機會講客，分享佢等个客家經驗。
　　時間緊行緊遠，台大客家社乜來到創社35週年吔。涯希望為客家社留下歷史紀錄，故所涯邀請了現任社長冠霖擔任副編，映臻、睿芸、筱彤、毓琳擔任文字編輯，還有邀請師大同學意茹擔任美術編輯，再過邀請脩閔學姊擔任顧問，大家共下來編一本創社35週年个紀念專書。在這本書底背，做得看著頭擺客家社个學長姊撖佢等參與客家社个經驗寫成稿仔，乜做得看著涯同冠霖為了客家社整理个客家社歷任社長和導師名單。希望透過這本專書个出版，分過多人看著台大客家社个故事。為客家社編一本書个同時，乜係為了涯个學生生活做一擺回憶个存檔。
　
★本書文案使用眾多客語字，礙於讀者電腦可能沒有安裝專用字體，故節錄文章部分客語字特轉為相近用字，方便讀者閱讀，萬請見諒。
　
◎ 目次
　
一路里來-序／李冠霖
　
【關於台大客家社】
台大客家社簡介／黃脩閔、張穗風
關於歷屆社長與社團導師／張穗風
一個來自關西鄉下客家同學的台大記憶／陳隆昊
見證台大客家社36年成長歷程／陳康宏
　
【緬想當時客家社】
台大客家社創社細故事／吳錦勳
歸鄉對客家社開始／張正揚
客社人生路／吳中杰
相遇．台大客家社／賴佩暄
隱形的客家人，慢慢現身──我的客家社單傳歲月／張繼泓
伏流／邱子軒
有客家社 客人正尋有伴／李沅臻
承蒙台大客家研究社／黃脩閔
隱微的相遇：我在台大客家社那二年／吳廷宇
台大客家庄，他鄉變故鄉／張穗風
　
【附錄】
再論大學裡的客家社：為什麼要研究客家？／洪馨蘭
轉屋對客家社開始—1990年代客家社社史分享／黃脩閔
台大客家社歷任社長與在任時期

12/06/2026

🍳【Sama-Sama共下作客：中壢尋味創作團隊】🎨
​
5/17（日）係創作團隊成員第一擺相見，這日大家經過打碌碡（ice breaking)互相熟識，再來製作了自家个絹印帆布袋，最尾還共下到外背種了香料/食材植物。
​
這日蓋有幸邀請到桃園市政府青年局局長 侯佳齡 同大家共下尞，該日下晝在中壢後站，一座庰在印尼餐廳个客語生活基地，就愛發生息把趣妙个事了🌟
​
⋯ ⋯ ⋯ English Version ⋯ ⋯ ⋯
​
🍳Sama-Sama Together: Zunglag Food Exploration Creative Team🎨
​
May 17 (Sun) marked the first gathering of the creative team members. Through the ice-breaking activity, everyone got to know one another, then created their own hand-printed canvas tote bags through a silk-screen workshop. To wrap up the day, the group planted herbs and edible plants together in the outdoor garden.
​
We were also honored to be joined by Director-General of Department of Youth Affairs, Taoyuan, who spent the afternoon with us.
​
At this Hakka language living corner, which located above an Indonesian restaurant near Zhongli Rear Station. There are going to come with some inspiring stories and ideas during these months🌟
​
#中壢後站 #文化交流 #印尼美食

01/06/2026

＼🗣️客客客到人文化工作室：後客小聚🍵／

Hakka Global Studio: Hakka Corner

固定開放活動——⚡️
六月June活動日期：6/5（五）、6/19（五）
七月July活動日期：7/3（五）、7/17（五）

閒仔來尞🎠hanˇ eˋ loiˇ liau

#客家 #母語 #中壢 #客家文化 #文化交流

28/04/2026

【Sama-sama 共下作客｜中壢尋味創作團隊募集中！🍳📖】

當 Sama-sama 遇見 共下，認同不再受限於血緣。我們以尋味之旅為橋，在共食與共作間異中求同，採集這座城市的共榮記憶，看見中壢文化的現在進行式。✨

我們不做單向的課程，而是要創造一場以青年為主體的文化行動！在中壢火車站後站的在地印尼餐廳樓上，我們想組成一組「尋味創作團隊」，深入後站巷弄，用筆尖、用設計、用味覺，紀錄那些習以為常卻深具文化厚度的中壢飲食日常。

🎯 我們的挑戰任務：
📖 紀錄多元飲食交疊的 《中壢飲食期刊》
📍 指引後站風味共融的 《車站尋味地圖》

📢 夥伴招募中（不限能力與程度）
無論你是想發掘地方身世的青年夥伴、充滿好奇的高中大學生，或是對跨文化對話有熱情的大齡居民，只要你願意挽起袖子積極參與共創，那就是我們要找的夥伴！

📅 尋味路徑預覽：
5/17 文化認同想像 ⮕ 5/31 訪談採寫技巧 ⮕ 6/21 本土語美學設計 ⮕ 7/12 國際粄食共作——還有實作工作坊跟料理饗宴！

📍 創作基地：客客客到人文化工作室（華珍印尼式餐坊樓上），地址：桃園市中壢區新興路 212 號 5 樓。
📩 報名方式： 填寫「線上報名表單」。
#連結在留言處
⚠️ 小提醒： 優先錄取能配合完整進度的夥伴，錄取後將酌收保證金 1000 元，全勤將全款退還。

#中壢後站 #台印文化 #飲食敘事 #團隊招募 #地方創生 #客客客到人 #青年投入永續發展計畫

12/08/2025

當歡喜收到來自平鎮个 个邀請，拜六 客 客 客到人 Hakka Global 就愛去到 「2025/08/16 (Sat) Life market 小市集+縫染工作坊」同大家見面溜！
​
#活動頁面請看留言處
​
這擺愛帶等客家後生 #徐俊文 #黃上豪 所開發的《 》客家桌遊來同大家相借問，這係一个無論大人細子還係叔公伯姆都做得學會个卡牌遊戲。假使你毋係客家人乜毋曉講客家話——毋怕！只愛你願意帶上開放包容个心態，跈等加入好搞好尞个《大籠床 Tai Lung Cong》遊戲，就做得用生趣活潑个方式來認識客家族群非常重要个「粄食文化」。
​
拜六邀請大家共下來 搞《大籠床 Tai Lung Cong》粄食主題桌遊，有興趣想愛搞桌遊个大朋友細朋友，單淨需要在 低消一杯飲料就做得參加！若係你中意《大籠床 Tai Lung Cong》想愛帶轉屋下搞乜無問題！身為《大籠床 Tai Lung Cong》作者唯一授權販售个 客 客 客到人 Hakka Global 都已經準備好勢，一盒愛你350元就做得買轉屋同屋下人共下搞喔！
​
期待拜六在平鎮看著大家！
​
#桃園 #平鎮 #市集 #桃園市集 #桌遊 #遊戲 #桌遊體驗 #二手市集 #二手商品 #二手物 #二手衣 #客語 #客家話 #客語遊戲 #客語學習

10/08/2025

感謝吉安鄉公所支持客家桌遊《大籠床Tai Lung Cong》～聽講該日細朋友都搞著暢樂樂🥳

25/04/2025

＼客客客到人出任務：2025 Jade Music Fest／

謝謝Jade Music Fest的邀請
歡迎大家這週末來華山找我們一起玩大籠床桌遊喔！