16/11/2023
WAR-16/11/2023-Khamiis-Heybad Media:
Dalxiise British ah oo xaaskiisii ku dilay Hoteel Turkiga ku yaal:
Nin dhallinyaro ah oo Soomaali ah balse heysta dhalashada British ah, ayaa xaaskiisa oo iyaduna dhalinyaro ah, Soomaali ah ku dilay dalka Turkiga, ka dib markii uu 41 jeer Kiyaawo (Screwdriver) gel-geliyey, sidaana qudha uga jaray, hoteel ah ka deganaayeen Turkiga.
Dilka oo ka dhacay hoteelkii ay deganaayeen, ayaa meydka gabadha oo 26 jir ahayd, laga helay qolka ay hoteelka ka deganaayeen.
Shaqaalaha hoteelka Ulubat Castel, ayaa sheegay in ay dhawaaq maqleen, ka hor inta aneey qolka ka dhex helin gabadha oo meyd ah.
Shaqaalaha Caafimaadka oo loo yeeray, ayaa xaqiijiyey in gabadhu geeriyootay.
Jirkeeda ayaa kaga helay 41 dhaawac, oo qaar ay kaga yaaleen dhuunta.
Booliska Turkiga, ayaa qabtay ninkii gabadha qabay misna dilay, isagoo xiran funaanad dhiig ku yaal, iskuna dadaya inuu Taxi ku baxsado.
Baaritaanka kiiskaan ayaa weli socda.
Sources: LBC/Evening Standard/The Mirror.
Courtesy of the photos; METRO.
