05/10/2026
ئەسسالامۇ ئەلەيكۇم
ھۆرمەتلىك ئوقۇغۇچى قېرىنداشلار:
ھەممىڭلارغا مەلۇم بولغىنىدەك، جەمئىيىتىمىز مۇھاجىرەتتە ياشاۋاتقان شەرقىي تۈركىستانلىق ئېھتىياجلىق قېرىنداشلىرىمىزغا ئىمكانىيەت دائىرىسىدە ماددىي ياردەم بېرىپ كېلىۋاتىدۇ. بۇنىڭ ئىچىدە تۈركىيەنىڭ ھەرقايسى شەھەر ۋە ۋىلايەتلىرىدە، ھەر خىل ساھەلەردە ئوقۇۋاتقان ئېھتىياجلىق ئوقۇغۇچىلارمۇ بار.
شۇ مۇناسىۋەت بىلەن، جەمئىيىتىمىز ماددىي ياردەمگە ئېھتىياجلىق، ئوقۇغۇچىلارنى تىزىمغا ئېلىشنى پىلانلىماقتا. شۇڭا، ياردەمگە ئېھتىياجى بار ئوقۇغۇچىلارنىڭ تۆۋەندىكى ئۇچۇرلارنى توغرا ۋە تولۇق تەمىنلەپ، تىزىملىتىش جەريانىغا قاتنىشىشىنى سورايمىز.
ئەسكەرتىش !!!
بۇ ياردەمگە تىزىملىتىشنىڭ شەرتى، زاكات دۇرۇس كېلىدىغان بولىشى، بۇ يىل ئىچىدە ئائىلە ئەزالىرىدىن بىرەر شەخسىنىڭ جەمئىيىتىمىزدىن مۇشۇ تۈر ئىقتىسادىي ياردەمنى ئالمىغان ئۇنىۋېرسىتېت ئوقۇغۇچىسى بولىشى لازىم.
تىزىملاش ۋاقتى:
2026 - يىلى 10 - ئاينىڭ 05 - كۈنىدىن 07- كۈنىگىچە. (3 كۈن).
تىزىملىتىش ئۇسۇلى:
[email protected]
ئېلخەتكە ئۇچۇر قىلىش ئارقىلىق تىزىملىتىسىز.
تىزىملىتىش ئۈچۈن تەلەپ قىلنىدىغان ماتېرياللار:
1- جەمئىيىتىمىز تەمىنلىگەن ياردەم ئىلتىماس جەدۋىلىنى تولۇق ۋە توغرا راستچىللىق بىلەن تولدۇرىشى.
2- كىملىكنىڭ كۆپەيتىلگەن نۇسقىسى (ئۆزىنىڭ ۋە يولدىشى / ئايالىنىڭ كىملىك كۆپەيتىلمىسى).
3- چوقۇم ئۆز نامىدا بانكا ھېسابىنىڭ (ئىبان نۇمۇرى) بولىشى.
4- بانكا ھېسابىنىڭ 3 ئايلىق كىرىم-چىقىم ھەرىكىتى ۋە ئىبان نۇمۇرى يېزىلغان ھۆججەت.
5- بىر ئائىلىدىن پەقەت بىر كىشى، يەنى يۇقۇرىقى شەرتلەرگە چۈشىدىغان بىرلا ئادەم تېزىملىنىدۇ.
6- ئوقۇغۇچىلىق ئىسپاتىنىڭ يېقىندا چىقرىلغان ئاكتىپ نۇسخىسى.
كۆك ھىلال ئىنسانىي ياردەم جەمئىيىتى
