Ururka Ardayda Soomaaliyeed Ee Ankara (Turkiga)

23/07/2026

16/07/2026

14/07/2026

14/07/2026

🎓 Xafladda Qalin-jabinta Ardayda Soomaaliyeed ee Ankara 2025–2026 🇸🇴🇹🇷

Ururka Ardayda Soomaaliyeed ee Ankara (ASSA) waxa uu si sharaf iyo habsami leh u qabtay Xafladda Qalin-jabinta Ardayda Soomaaliyeed ee Ankara ee sanad-dugsiyeedka 2025–2026, munaasabad si heer sare ah loo soo agaasimay oo lagu maamuusay ardaydii Soomaaliyeed ee sannadkan ka qalin-jabisay jaamacadaha kala duwan ee magaalada Ankara.

Munaasabadda waxaa ka soo qeyb galay masuuliyiinta sare ee Safaaradda Jamhuuriyadda Federaalka Soomaaliya ee Ankara oo ugu h**eeyo Safiir Ku-xigeeka Amb Ismail Ibrahim Aden, U qeybsanaha Waxbarashada Marwo Asha Mohamed Mohamud, Gudoomiye Ku xigeenka h**e ee Baarlaamanka Xildhibaano Mahad Awad, Gudoomiyaha UMASET Mr. Alasow, Culimada oo ugu h**eeyo Sheikh Mohamed Idris, Waalidiin, aqoonyahanno, marti sharaf kala duwan, iyo qaybaha bulshada Soomaaliyeed ee ku nool Türkiye.

Xafladdu waxay isugu jirtey madal lagu maamuusay dadaalka, adkaysiga iyo guusha ay gaareen ardayda Soomaaliyeed, iyadoo sidoo kale lagu dhiirrigeliyay inay aqoontooda iyo waayo-aragnimadooda uga faa'iideeyaan horumarka iyo dib-u-dhiska Jamhuuriyadda Federaalka Soomaaliya.

Ururka Ardayda Soomaaliyeed ee Ankara (ASSA) wuxuu hambalyo u dirayaa dhammaan qalin-jabiyeyaasha, isagoo u rajeynaya mustaqbal ifaya, guulo waaweyn iyo inay noqdaan hoggaamiyeyaal iyo aqoonyahanno door muuqda ka qaata horumarka dalkooda iyo bulshada Soomaaliyeed.

Ugu dambeyn, ASSA waxay si kal iyo laab ah ugu mahadcelinaysaa dhammaan hay'adihii, marti-sharaftii, mutadawiciintii, guddiyadii qabanqaabada iyo cid kasta oo ka qeyb qaadatay guusha munaasabaddan. Guusha xafladdani waa mid ay wada leeyihiin dhammaan bulshada Soomaaliyeed ee Ankara.

🎓 Hambalyo Qalin-jabiyeyaasha 2025–2026! Waxbarashadu waa iftiinka mustaqbalka, aqoontuna waa aas-aaska horumarka ummadaha.

🇸🇴🎓🇹🇷

23/05/2026

Jaamacadda TED ayaa qabatay Usbuuca Dhaqanka (Cultural Week), kaas oo loogu talagalay in lagu xoojiyo isdhexgalka iyo kala duwanaanshaha dhaqamada ardayda caalamiga ah. Ardayda Soomaaliyeed ee Ankara ayaa si firfircoon uga qayb qaatay bandhigga, iyagoo soo bandhigay hidaha iyo dhaqanka Soomaaliyeed, cuntooyin dhaqameed, ciyaaro dhaqameed, iyo hawlo kala duwan. Waxay ahayd munaasabad qurux badan oo xoojisay isdhexgalka, wadajirka, iyo isbarashada dhaqamada kala duwan.

20/05/2026

Jaamacadda Sağlık Bilimleri Hastanesi ayaa qabatay Usbuuca Dhaqanka (Cultural Week), kaas oo ay si firfircoon uga qayb qaateen ardayda Soomaaliyeed ee Ankara. Ardaydu waxay si qurux badan u soo bandhigeen hidaha iyo dhaqanka Soomaaliyeed, ciyaaro dhaqameed, iyo cuntooyin kala duwan, iyagoo matalay dhaqanka Soomaaliyeed si sharaf iyo hufnaan leh. Munaasabaddan waxay ahayd fursad muhiim ah oo lagu xoojiyay isdhexgalka dhaqamada iyo wadajirka ardayda caalamiga ah.

19/05/2026

Waxaa maanta si farxad iyo isdhexgal leh ardayda Soomaaliyeed ee ku nool Ankara ay u qabteen picnic gaar ah kadib markii ay soo dhammeysteen imtixaannadoodii. Kulankan wuxuu noqday waqti ay ardaydu isku nastaan, iskuna dhiirrigeliyaan kadib dadaal iyo waqti badan oo ay geliyeen waxbarashada. Waxaa halkaas lagu soo bandhigay cuntooyin kala duwan, cabitaanno, macmacaan iyo jawi farxad leh oo ay ku dheehnaayeen sheekooyin, qosol iyo wadajir.

Picnic-kan wuxuu xoojiyay midnimada iyo isdhexgalka bulshada Soomaaliyeed ee Ankara, isagoo noqday xasuus qurux badan oo ka tarjumaysa wadajirka, saaxiibtinimada iyo farxadda ka dambeysa dadaalka iyo guusha waxbarasho. ✨🌿📚

17/05/2026

Jaamacadda Ankara Medipol University ayaa qabatay usbuuc dhaqameed (Cultural Week) oo si gaar ah loogu talagalay ardayda caalamiga ah (international students), si kor loogu qaado is-dhexgalka dhaqamada kala duwan, isbarashada bulshada ardayda, iyo xoojinta wada noolaanshaha. Munaasabaddan ayaa ahayd madal muhiim ah oo ay ardaydu ku soo bandhigeen dhaqamadooda, hidahooda, iyo waxyaabaha lagu garto dalalkooda.

Ardayda Soomaaliyeed ee ku sugan Ankara ayaa sidoo kale si heer sare ah uga qayb qaatay munaasabadda, iyagoo soo bandhigay qaybo kala duwan oo ka tarjumaya hiddaha iyo dhaqanka Soomaaliyeed. Waxaa ka mid ahaa cuntooyin dhaqameed, ciyaaro iyo dhaantooyin dhaqameed, iyo hawlo kala duwan (activities) oo si qurux badan loo soo agaasimay. Ka qaybgalka ardayda Soomaaliyeed wuxuu si weyn u muujiyay hodantinimada dhaqanka Soomaaliyeed, isagoo soo jiitay xiisaha iyo dareenka ka qaybgalayaasha kale.

Munaasabaddan waxay ahayd fursad qiimo leh oo lagu xoojiyay is-dhexgalka dhaqamada kala duwan, laguna muujiyay doorka muhiimka ah ee ardayda Soomaaliyeed ay ku leeyihiin kobcinta kala-duwanaanshaha iyo wadajirka bulshada ardayda caalamiga ah.

13/05/2026

Jaamacadda Ankara Yıldırım Bayazıt Üniversitesi ayaa qabatay Usbuuca Dhaqanka (Cultural Week), kaas oo ay si firfircoon uga qayb qaateen ardayda Soomaaliyeed ee ku nool Ankara. Ardayda Soomaaliyeed ayaa si heer sare ah ugu soo bandhigay hiddaha iyo dhaqanka Soomaaliyeed, iyagoo soo bandhigay cuntooyin dhaqameed, dhar hiddeyeedyo iyo ciyaaraha dhaqanka gaar ahaan dhaantada, taas oo soo jiidatay dareenka ka qaybgalayaasha munaasabadda.

Ka qaybgalka ardayda Soomaaliyeed wuxuu muujiyay midnimo, wadajir iyo sida ay uga go’an tahay ilaalinta iyo horumarinta dhaqankooda iyo asalkooda. Munaasabadda ayaa ahayd mid ay ka muuqatay farxad, isdhexgal bulsho iyo soo dhaweyn wanaagsan, iyadoo dhaqanka Soomaaliyeed loo soo bandhigay si qurux badan oo sharaf leh bulshada caalamiga ah ee jaamacadda.

Sidoo kale, usbuuca dhaqanka wuxuu ahaa fursad muhiim ah oo lagu xoojinayay isbarashada dhaqamada kala duwan iyo kobcinta xiriirka ka dhexeeya ardayda caalamiga ah. Ardayda Soomaaliyeed ayaa door muuqda ka qaatay bandhigyada iyo aktivitiyada kala duwan ee munaasabadda, taas oo muujisay firfircoonidooda, kartidooda iyo kaalinta wanaagsan ee ay kaga jiraan bulshada ardayda ee Turkiga.

Munaasabaddan ayaa ahayd mid si weyn loo bogaadiyay, waxaana ay noqotay xasuus iyo waayo-aragnimo qiimo leh oo ka tarjumaysa hodantinimada dhaqanka Soomaaliyeed iyo muhiimadda ay leedahay in dhaqanka la ilaaliyo lana gaarsiiyo bulshooyinka kale ee caalamka.