11/12/2025
نقلكم حاجة نجحت ولا الله لا نجحت أنا كأم تونسية أستغيث يا سيدي الوزير بنتي ولات تشد الورقة تبكي و دموعها تشرشر
شنوا معناها شهر امتحانات انتوما ماشي في بالكم بس ترفهو علي التلميذ ؟؟؟؟ تي التلميذ في حد ذاته كرهها القراية و طلعت من خشمو
شهر و احنا عاصرينهم و البرنامج الثقيل سنة أولي إنتاج كتابي ؟ ماو لباس ؟؟؟؟ طفل صغير في العمر هذا يتعلم يتهجأ الحروف و الكلمات ولات تكوين جمل و قالك
اختزل الجملة !!!! و الاخري أثري الجملة !!؟ سألتها قلتلها أمي شمعنتها أثري الجملة قاتلي معنتها يا ماما يثرثر الجملة ثرثارة
توا هذه عيشة و هذه حياة وينهم رامي و سلمي و ميدعة زرقاء و حمراء ماتو !!؟؟؟
اني والله مرضت و كأنكم علي بنتي معادش بش نقراها انجحو انتوما و إتخرجو انتوما
الفايدة تكبر في صحة جيدة و عندها مخ تخمم بيه
أنا الحق ضد البرنامج اللي يخلي التلميذ مضغوط متعوب يبكي كاره القراية والله هي تبكي و أنا نبكي معاها
سيدي الفاضل اعمل طلعة علي كرطابة تلميذ في المدرسة و شوف قداه من مادة يقراها و حس بالولي اللي ولات القراية جهاد نفسي و مالي
ياسر سار ياسر
راني معادش فيا حقا تعبنا
